影片
更多
2017-02-08
981 浏览
見到個餐牌寫住有飛天通菜，就令我諗起有十幾年前仲係好細個時候同一班朋友一齊去泰國嘅一段笑話，嗰陣時候自由行就未盛行，所以就跟團去。除咗團餐之外，夜晚就總會介紹一啲大排檔俾你自己出去搵嘢食，嗰陣時佢就介紹咗飛天通菜呢一個小菜。嗰陣時我哋就即刻問乜係飛天通菜？唔知點解嗰陣時候個導遊就解釋話呢個飛天通菜好勁呀，個餐廳嘅廚師會喺餐廳對面嘅馬路炒個通才，跟住一飛，飛到過嚟餐廳嗰度接着架。少女時會深信不疑，但最後係係貽笑大方。。。呢到最出名嘅我深信係呢一度嘅蒜蓉包，佢呢度嘅蒜蓉包設成一條條長方形狀，整出嚟嗰陣時候熱辣辣，外邊金黃色。蒜蓉味唔算太重，但係有淡淡的牛油蒜蓉。咬落去之後可以見到入邊嘅蒜蓉包係外面已經充分吸收入牛油蒜蓉，有淡黃色，入邊就係包嘅味道，又有嚼口。另外仲有個冬陰公湯，呢度係冬陰公湯味道同出邊差唔多，但佢除咗有酸，有辣椒味外，仲有好重嘅香茅味同埋好重嘅蝦香味。用上足料的大隻蝦都係亮點之一。平時通常食嘅就係食青瓜沙律比較多，但係其實柚子沙律大家又有冇試過？拒感覺比青瓜沙律更加清新，而且無甘酸，咬落去柚子到時，拒鮮甜嘅汁又會出嚟，好特別的感覺。出來的時候差不多8點，出面已經排左一大班人
除咗團餐之外，夜晚就總會介紹一啲大排檔俾你自己出去搵嘢食，嗰陣時佢就介紹咗飛天通菜呢一個小菜。
嗰陣時我哋就即刻問乜係飛天通菜？唔知點解嗰陣時候個導遊就解釋話呢個飛天通菜好勁呀，個餐廳嘅廚師會喺餐廳對面嘅馬路炒個通才，跟住一飛，飛到過嚟餐廳嗰度接着架。少女時會深信不疑，但最後係係貽笑大方。。。
呢到最出名嘅我深信係呢一度嘅蒜蓉包，佢呢度嘅蒜蓉包設成一條條長方形狀，整出嚟嗰陣時候熱辣辣，外邊金黃色。蒜蓉味唔算太重，但係有淡淡的牛油蒜蓉。咬落去之後可以見到入邊嘅蒜蓉包係外面已經充分吸收入牛油蒜蓉，有淡黃色，入邊就係包嘅味道，又有嚼口。
另外仲有個冬陰公湯，呢度係冬陰公湯味道同出邊差唔多，但佢除咗有酸，有辣椒味外，仲有好重嘅香茅味同埋好重嘅蝦香味。用上足料的大隻蝦都係亮點之一。
平時通常食嘅就係食青瓜沙律比較多，但係其實柚子沙律大家又有冇試過？拒感覺比青瓜沙律更加清新，而且無甘酸，咬落去柚子到時，拒鮮甜嘅汁又會出嚟，好特別的感覺。
出來的時候差不多8點，出面已經排左一大班人，想必有一定嘅口碑。而且拒位置又近西鐵站，有時間搭過嚟食下嘢，行下街市都幾好嘅。
张贴
