二鍋頭 (嘉芙中心)

营业中

休息中

星期六日晚黑，同朋友一起聚會，趁住天氣仲係有少少涼涼地，梗係要把握機會再打多啲邊爐啦！今次嚟咗呢間位於tsim sha tsui嘅放題店，佢哋嘅晚市任飲任食款式好多樣。今次dinner試咗佢哋嘅二鍋頭惹味雞煲。冇惗到醬汁真係非常香滑，雞肉爽嫩，令我同朋友都回味無窮。出面嘅放題包位，同樣款式好多樣化，同friends食完雞煲，都可以繼續出去搵材料，開心打邊爐。超過80款食物，仲包括所有汽水，同指定啤酒，真係好盡興。

哩度嘅任食雞煲，鴨煲，豬手煲真係好鬼正。今次sunday dinner我哋試咗哩度嘅特色，火焰鴛鴦鴨煲。放題雞煲比較常見，而鴨煲就比較少，上到嚟好大份，好足料，芫茜好香。肉質都夠實，friends都讚夠新鮮。放題仲有好多嘅選擇，我哋最鍾意嘅，一定會係美國肥牛，同埋鮮滑牛肉，佢hotpot buffet放題都可以任食，仲有特色嘅脆鯇魚片都好特別，食完鴨煲，加咗水之後，又可以打邊爐，dinner更加豐富。

見尖沙咀呢間新開邊爐店，就同朋友黎試試佢～見到舖頭Banner寫住$218 兩個半鐘任食火鍋都幾抵！邊爐湯底有8款，我地揀左蕃茄薯仔濃湯，湯底超多蕃茄，真材實料！另外仲有超過30款火鍋料可以落單！等緊既時候，睇睇出面自助區有咩食先出面自助區都好多選擇，有丸類、蔬菜、菇類、烏冬等等，乾淨企利！另一位置有醬料區，仲有炸魚皮、出前一丁任食飲品都有3大個雪櫃，啤酒都係任飲！等左一陣，落左單既火鍋料都到啦，上菜速度都算快！美國肥牛幾正海鮮選擇都幾多，幾新鮮👍🏻最後當然要留肚食雪糕，有細個成日食既巢雀雪糕杯，好懷念啊整體黎講，店員都好有禮貌，會主動加湯同收碟，食物質素正正常常，都算抵食👍🏻

突然之間好想去食打邊爐，見到尖東呢頭開咗間新嘅火鍋店，見過價錢都好吸引，就入咗去試一試。啲店員都好有禮貌，安排我哋入咗之後同我哋介紹可以任食雞煲鴨煲豬手煲，但係我哋兩個女仔邊可能食到咁多嘢，就揀咗個最穩陣嘅雞煲試一試。雞煲我哋揀咗食小辣因為我哋驚太過辣頂唔順，上菜之後雞煲浸味真係香氣撲鼻，幾鍾意食佢哋雞煲入邊嘅鳳爪，同平時嗰啲酒樓嘅鳳爪都係一樣。食完雞煲之後我哋就叫咗麻辣湯底火鍋，一上菜嘅時候比佢個辣椒真係嚇親左，因為冇得比我哋揀辣度，但係好彩啲辣椒都唔係太過辣。火鍋配料方面擺放都幾衛生，refill都幾快。除咗自助嘅火鍋配料之外，仲可以喺餐單上面去選擇，個人最鍾意係佢個墨魚滑。

朋友話二鍋頭嘅雞煲好好食，所以我今晚收工就即管去試吓，見到點菜紙可以揀任食雞煲，鴨煲同豬手煲都覺得好吸引，但最後我哋都係淨係試咗雞煲，始終係朋友介紹呀嘛！雞煲分量超多，而且醬汁好好味，所以我哋都叫咗幾轉，始終男仔都大食啲。湯底方面我哋揀咗藥膳湯底，估唔到火鍋用呢個湯底都幾夾啲配料喎！火鍋配料種類好多，而且用料新鮮，尤其是係肉類，肥瘦均勻，好新鮮無雪味。食到咁上下朋友已經急不及待出去自助雪櫃嗰度拎唔同種類嘅丸同蔬菜返黎食，飲品選擇仲唔少，仲有啤酒添， happy Friday梗係要同朋友啤啤啦！總括嚟講二鍋頭性價比高，真係要來試吓！而且地點就腳，大廈外面街上仲有個投影餐廳嘅招牌，非常之易搵！

因為疫情，好耐冇打過邊爐喇！今次要滿足幾個願意！要打邊爐加雞煲食盡佢！今次正呀！唔止雞煲可以揀，仲有鴨煲同豬手煲！雞煲我就食得多！鴨煲比較少見，而豬手煲更加第一次出街食！仲要係2.5小時任食！不得了！黎到呢度環境都唔錯！又大又坐得舒服！非酒精飲品又任飲！唔錯！選擇都唔少嫁！而蔬菜類就自助嘅！可以任你夾鍾意食嘅菜同丸類！總有一樣岩你口味！等左咁耐終於有野食喇！先試試口味叫左半份豬手煲！好juicy!細細粒又好好𡁻！唔會好un又夠味！唔錯唔錯！夠曬骨膠原！另外再叫左一份雞煲！仲叫左多芫茜，走鳳爪！全部啖啖肉，雞都好多汁，份量仲好多添呀！仲要任食，真係一啲都唔孤寒呀！一定食得飽呀！我建議大家可以食幾轉雞煲鴨煲豬手煲，又轉打邊爐！因為真係好食！

堂食及限聚令終於放寬，已有幾個月沒有外出晚餐了。是夜，即相約好友們到尖沙咀一間火鍋店打邊爐。這間餐廳位處嘉芙大廈，尖東對面，完全不難找。內裡空間亦算寬敞，提供足夠空間自由取食物。作為牛魔王的小妹，點了這間店限定的任食美國極黑和牛火鍋放題/$298位，再配了個藥膳湯底，一刷牛滋味。任食套餐可任點幾款不同的牛牛部位，包括安格斯Prime牛頸脊，極黑和牛，安格斯牛小排等，全部來自美國。不同的部份的口感也不同，小妹就較喜歡牛小排，肉質肥美啖啖肉。而極黑和牛亦不俗，口感實淨，油分充足。而每位亦贈送澳洲M6和牛一客，這塊不得不讚，和牛紋理清晰細緻。基本上在湯底拖一拖，幾下即變了少量粉紅色即可食。口感不俗，油脂均勻，值得一吃，可惜每人只有2塊，不甘回味。除了牛牛之外，其他食物是任拎，蔬菜丸類通通都齊全，其中丸類亦多達近十款。另一邊亦有響鈴，炸魚皮等任夾，魚皮亦尚脆口。另外，亦有海鮮選擇，種類十分多，包括海蝦，蜆等，十分新鮮。最後不得不提，就是有甜品櫃任食，最值得吃的是韓國雪條。打過邊爐，又有任食甜品，放肆一夜，絕對是大滿足。

朋友介紹到尖沙咀二鍋頭食雞煲，真係超級超級抵食因為呢度唔只有任食雞煲、仲有任食鴨煲和豬手煲又可以揀唔同嘅辣度，再有不同嘅火鍋湯底選擇打邊爐。唔計打邊爐，只係任食雞煲、鴨煲、豬手煲已抵返哂，所有煲都分量十足，惹味又豐富。食完就到打邊爐時間，揀咗滋補藥膳湯底，再配雪花肥牛、鯇魚腩、牛柳粒、大海蝦、扇貝、鵝腸、白鱔片、羊肉片、響鈴、炸魚皮、豆腐、腐皮、出前一丁、各式各樣蔬菜同埋各種丸類。每一樣食材都好新鮮而且種類又多，非常適合同朋友相聚打邊爐。

我好喜歡火鍋🍲今日去左新餐廳😂任食2.5小時，就食得冇咁趕!額外收費就係比較高質嘅食材，如:海鮮、美國牛不用另收費嘅，自己幾喜歡羊肉，好有so味！美國肥牛都不錯，肥瘦平均，好大塊，手掌咁大！白鱔片魚油脂香，口感軟嫩！加入活海蜆！整成卜卜蜆煲！仲有生猛海鮮(蝦)、脆鯇魚片、青口、帆立貝等，令湯底更有海鮮味😇寫紙吾夠更可以自行去櫃到夾！有大量蔬菜款式，仲有稻庭烏冬、炸魚皮、餃子、燒賣等等！超多野食！飲品方面仲有啤酒仼飲添呀！

難得終於可以4人同枱食飯，仲要夾到時間，當然要打個邊邊賀賀佢。因為朋友返工比較難約，揀左佢公司附近食，呢間二鍋頭雞煲火鍋之前都食過，尖沙咀都算係新分店。平時雞煲火鍋都係差不多果類野，呢啲特別啲，除左雞煲，仲有鴨煲，豬手煲，羊腩煲，4款咁多。今次只係食左雞煲同鴨煲，鴨煲係用鮮鴨同油鴨兩種一齊煮，師傅仲會響你面前贊酒再煮一煮，香味更出。雞煲鴨煲鮮鴨油鴨食完雞煲鴨煲就到打邊爐，湯底多達9款，食物紙嘅食物種類都有50多款，另外自取櫃都有30多款食品，飲品都有20多款，真係多到有選擇困難症。😂我地揀左藥膳鍋，藥材味唔算濃，唔會遮左食物原有味道。海蝦，蜆，鱔片，魚腩都好新鮮，我同朋友都encore左好多輪。😋呢度公仔麵，嚮鈴同炸魚皮都係自取，較少見。最後仲有甜品雪糕櫃，因為較埋邊，多得侍應提我地先留意到。

好耐無同朋友外出打邊爐，今次又去食『二鍋頭』任飲任食，選擇去尖沙咀分店， 環境乾淨整齊，地方都算闊落，價錢又抵吃， 服務態度亦好好。我們星期六選擇$218/2.5小時，可以任食雞煲鴨煲豬手煲，再另選湯底火鍋放題。今次我地先食鴨煲，揀左小辣，店員放少少酒點火炒，香氣十足，入邊有油鴨及鮮鴨，油鴨惹味，鮮鴨肉質較滑， 醬汁比較入味，味道相對濃郁。然後我們再品嚐雞煲，雞煲味道比鴨煲更惹味，肉質算幼嫩。之後我哋點了滋補藥膳鍋，湯底比較健康，點菜單食物種類都算多，蔬菜及丸類在自助區內任取， 由於已經食咗鴨及雞煲， 我哋點咗少量肉類，另外多次 encore 脆鯇魚腩、脆鯇魚片、海蝦、海蜆及白鱔，新鮮又美味。另外自助醬料及自助飲品區，仲有雪糕雪條任取， 方便除了汽水及茶類等，亦有一款啤酒任飲，或自費選擇其他牌子啤酒。

已經一段時間沒有「打邊爐」，終於按耐不住找朋友去吃任食火鍋。今次去一間位於旺角新開「二鍋頭」，餐廳座位很寬闊，而且有電視觀看。這裏任飲任食有2.5小時，比一般餐廳的2小時蛋。除了雞煲外，還有鴨煲、豬手煲、羊腩煲任食，然後在自選火鍋湯底，共有8款確實選擇頗多。還有其他海鮮、肉類放題選擇。飲品、醬料、部分食物是自取，選擇也眾多。先來二鍋頭惹味雞煲，香噴噴，賣相極吸引。雞肉好嫩滑，醬汁濃厚惹味！！份量都差不多一隻雞，魚皮、響鈴點汁都很美味。火鍋湯底是芫荽皮蛋點了豚肉、牛肉、海鮮等，色澤鮮紅，見瘦分明，食材都好新鮮。是新鮮海蝦，質地爽口彈牙。牛肉很有濃厚肉味，厚薄適中。黑豚肉鬆化有嚼勁，美味！還有吃了西洋菜、南瓜片、芋頭片、鮮冬菇、粟米、蟹柳、餃子等，種類太多，每樣試一件都好飽。最後不少得甜品，有雀巢杯裝雪糕、奇異果冰條，好滿足。

新分店開業，決定試試佢。睇下新分店水準會唔會唔同。餐牌好多野簡。首先可以有得任食雞煲、鴨煲、豬手煲，岩季節仲有得簡羊腩煲。咁岩而家開始熱就無羊食，下次我實再黎食埋佢。我地叫左雞煲，少少辣。好正好嘢味。賣相一百分。上菜之後職員仲幫我哋炒炒佢。辣汁香味芫荽香味大蔥香味直線飆升！雞肉多又入味，特別係鳳爪，一定要試試佢。食完佢個雞煲之後，就開始打邊爐湯底都有好多選擇。我哋叫咗普通嘅皮蛋芫荽湯。超多芫荽超多皮蛋對於我呢個芫荽愛好者黎講100分。之後呢就有啲紙揀自己想要嘅嘢食，仲可以出去出邊攞菜丸等等嘅嘢食。除此之外啦，仲可以加錢食靚啲嘅牛肉同埋海鮮。不過我已經好飽了所以就冇加到。超級滿足。食完之後仲有雪糕同雪條食。

幾個女仔約埋傾計，最好就係打下邊爐，可以慢慢食，慢慢傾。我哋今次選咗係尖沙咀嘅「二鍋頭」，環境乾淨清新，坐得舒適而且一啲都唔迫，冷氣夠，食完唔會成身味。火焰鴛鴦鴨煲用鮮鴨及油鴨烹煮，選了小辣，調味料比較濃味，但好香好惹味。第一次食鴨煲，好有新鮮感，油鴨是風乾過的鴨，肉比較硬，對比鮮鴨，我都係鍾意食鮮鴨多啲。滋補藥膳鍋個湯底用藥材感覺好健康而且好啱女仔，好似好補身咁，不過湯底味道不太濃烈。火鍋材料：肥牛、黑豚肉、羊肉片、鮮鵝腸、蝦、鯇魚片、花枝片、白鱔片、海蜆、雲吞、魚皮餃、墨魚滑等等。每樣材料都很新鮮，今次特別抵讚既係鯇魚、白鱔、蜆、蝦，呢四樣係不斷encore再點的，大家都很喜歡，鯇魚很脆，白鱔很爽，蜆多肉鮮甜，蝦爽口，也許也帶點個人喜好，食魚多啲，皮膚靚啲☺️整體來說食物很新鮮，服務態度很好，抵食😋

疫情初期嘅邊爐家族，攪到大家對打邊爐都怕怕今日終於零確診，要瘋狂打打打～～尖沙咀新開呢間超級無敵抵食～瘋狂任食2.5小時～可以任食雞煲、鴨煲、豬手煲，之後再轉湯底打邊爐🍲雞煲好惹味，雖然叫小小辣但都越食越辣，食完可以再叫鴨煲或者豬手煲，不過我食唔晒就唔浪費喇～叫個清清地荽茜皮蛋湯打邊爐～除咗點菜紙上面既食物外，出面亦有不少款式、飲品可以自取食物質素唔錯，任食既牛肉同豚肉都好正食埋雪糕杯同奇異果雪條🥝⋯⋯大滿足