二鍋頭 (嘉芙中心)

营业中

休息中

兩個禮拜內出咗去兩次食雞煲打邊爐 好似有啲過份但今日唔爭氣咁打埋第三次嘅雞煲邊爐😂 今日尖沙咀朋友邀請約咗嚟到尖沙咀呢間二鍋頭 除咗任食火鍋雞煲之外 仲有鴨煲同豬手煲個黑椒豬手煲表現出色 好軟滑 吸引咗黑椒汁嘅精華 啖啖濃郁 好想叫個白飯送豬手呀另外我哋仲有叫到雞煲 雞肉結實 味道都okay 啲茜吸哂個雞煲嘅味道 更惹味打邊爐料都幾多選擇 有幾十款丸類 蔬菜 龍蝦丸 魚皮丸 蟹籽丸墨魚丸 芝士丸 牛柏葉 墨魚滑咁 仲有打邊爐唔小得嘅響铃同魚皮 另外肉類海鮮方面就係tick紙俾單order上 蜆 各椒嚟到都幾新鮮 牛肉睇嚟肉紋幾靚 薄片碌一碌入口都幾甘甜 而且無漏單情況出現過 店員中途又有主動幫忙清理碟 服務都唔錯

疫情期間想搵個寬敞d既地方打邊爐，朋友推介左呢間😊黎到環境的確好大，同埋我地晚飯食得早，唔係好多人，感覺都放心好多！😊😊我地太早到見到店員仲食緊飯，但佢都叫我地入黎坐住先，睇下有咩岩食。👍🏿👍🏿坐低之後，店員好nice，仲為我地介紹左唔同既套餐，最後我地揀左雞煲，雞既份量都好多，食完雞煲之後都6/7成飽，我地叫左豬骨湯底，之後每樣配菜都叫左d，好彩份量唔算好大份，味道都ok~自取bar款式都多，同埋望落都整齊同乾淨👍🏿👍🏿我特別推介自取既豆腐、響鈴，同埋菜同飲品選擇都多，實有一款岩心水😛😛店員加既湯都濃郁豬骨味，唔會越食越無味！打邊爐黎講呢間感覺都算乾淨同舒服！下次會再黎試下個海鮮套餐😍😍期待！！

之前試過旺角分店覺得唔錯，咁岩出開尖咀再次幫襯🤩🤩間店應該新開 都幾新淨 環境好寬敞我同fd兩個人都有張六人枱🤗🤗我地揀左雞煲，小小辣，平時唔食辣既我都食到，下次可以考慮再辣一度👍🏿👍🏿食完隻雞都飽飽地，揀左豬骨湯底，都幾濃郁，忍唔住飲左一碗，野食都算多，味道都唔錯～菜款都多，出面好少西洋菜食，我食左好多西洋菜😛😛仲有d丸係自助拎～飲品方面都多選擇🤓甜品味道少d 得雀巢雪糕 味道有幾款

同老朋友聚一聚，揀左呢間新開嘅任食火鍋餐廳。入到去已經覺得環境好舒服。地方好寬敞，檯面好大(可以放好多食物)！一睇個套餐真係不得了。雞煲，鴨煲，豬手煲，羊腩煲都係任飲任食。大食嘅話要食曬所有煲都得🤣食完所有煲之後就可以開始打邊爐。最基本嘅package weekday只要$198。如果特別中意靚牛嘅話可以upgrade到$298一位嘅牛魔皇套餐。我同朋友就要左一個最基本嘅套餐。然後配料任點。特別中意佢自助嘅火鍋配料櫃。睇落好乾淨好衛生，特別啱依家呢d日子。雞煲做得好出色，d雞好入味。而火鍋配料方面，特別推介點呢度嘅海鮮，真係食得出的鮮味。一點腥味都食唔出，證明食物真係超新鮮👍🏻

屋企人話想食放題，又想食雞煲，點搞呢聽朋友講呢間新開，環境闊落，而且多選擇，任食得黎唔馬虎！任食雞煲好大份量，無限加的雞食完可以專心打邊爐，一定要留肚打邊爐！湯底試沙嗲，仲有好多選擇，可能下次食啦如果飲酒🍻可以加錢任飲，但我唔飲酒所以就算啦～美國肥牛都係任食，無牛打邊爐點會過癮！夠新鮮牛味十足的肥牛，另外仲有帆立貝可以食，海鮮選擇夠多大大個活海蜆，有沙的只有一個，可能唔好彩掛，其他肉鮮甜又飽滿蔬菜🥬可以自己出去夾，生菜、娃娃菜、西洋菜等食完可以食埋雪糕，雪糕味道多款選擇，我最鍾意香芋味都有✌🏻

襯依幾日又涼番少少，即刻約埋朋友仔一齊食雞煲暖暖佢😋今次揀左二鍋頭尖沙咀分店， 店面新裝修都好整潔👍🏻店內有超過80款美食，再加上所有飲品任飲🤤今次揀咗$298兩個半鐘任飲任食🐷一坐低店員就過嚟好耐心咁介紹唔同既任食package🤗而我同朋友仔今次就揀左食二鍋頭惹味雞煲小辣🌶落左單冇耐雞煲就出來了，而且雞煲一上枱就已經香味撲鼻，小辣既雞煲愈食愈過癮。食完雞煲轉自選火鍋再嚟round 22️⃣火鍋方面我地就揀左牛魔皇🐮任食美國極黑和牛火鍋放題。套餐包括任食SRF/極美國極黑和牛、美國安格斯prime牛頸脊、美國安格斯牛小排。而且仲送左一格澳洲M6和牛🤤湯底方面我地就揀左蕃茄薯仔濃湯鍋🍅🥔講到牛方面真係冇得輸👍🏻牛味好香濃，一啲都唔鞋口，而且好厚肉，食落啖啖肉，絕對大滿足😋而其實火鍋配料都林林總總，絕對滿足到唔同客人既口味。重點係！店內仲有出前一丁俾客人享用！總而言次就係滿意！滿意！滿意！👍🏻講到食放題，又點少得甜品🍦店內亦有多款口味既雪糕。食完雞煲打完邊爐都仲可以滿足埋個小小甜品胃，確是幸福哦！☺️

好耐冇打邊爐啦見到呢間尖沙咀新開既火鍋店，就同朋友卜左 5 點黎食5 點岩岩開門就入左黎，店員都即卡好好招呼，環境好大好企理。首先揀左雞煲，揀左少辣，雞煲好大份量好多，d 雞都好入味，肉質夠鮮嫩，調味又唔會太咸太濃，少辣對於我唔係太食辣既人黎講岩岩好同朋友揀左呢個牛魔皇套餐，每位 $298 但可就任食和牛，安格斯牛頸脊同牛小排，再送埋 M6 和牛一客。邊爐湯底都有好多選擇，我地揀左蕃茄薯仔濃湯，之後就可以揀野食同埋去自助區自己夾野食。野食選擇都好多，d 牛都真係高質，好入味好香牛味，肉質夠嫩，所以我地都不斷 encore d 牛。另外番茄湯都好香好甜。食牛食到超飽都冇試哂佢其他野食，另外試過佢既羊肉，牛栢葉，鮮吊桶仔，鮮鵝腸，都值得推薦。想食下菜冇咁油膩既話，自助區都有超多唔同菜款整體食物水準都幾唔錯，選擇亦都十分之多，環境夠大同朋友都坐得好舒服，值得 encore , 計埋加一之後平均每個人都係 321 蚊，咁既價錢食到雞煲任食和牛再打埋邊爐，真係又飽又抵食

好耐無食過雞煲邊爐，以前讀書嘅時候就最中意一大班人一齊食。今次朋友搵到間有雞煲，鴨煲，仲有豬手煲嘅火鍋餐廳。聽到都已經覺得好抵食！餐廳係尖沙咀同尖東之間，位置好方便。飲品同部分食物都係自助形式，仲有雪糕拎因為我地得兩個人，朋友又唔食鴨嘅關係，我地就只係試咗雞煲。呢到個雞煲一啲都唔hea，上枱後店員仲會幫你再炒香一啲，勁多芫茜岩哂我呢啲重口味嘅人。雞煲啲肉全部都啖啖肉，仲有雞腳，真係第一次見。我地要咗小辣，好入味同惹味。食完雞煲就可以揀湯底打邊爐！我地要咗清啲嘅藥膳湯，有淡淡嘅藥材香，清甜唔會過濃，感覺好養生。任食嘅食物有得寫紙仔叫同自助拎，選擇都好豐富，有唔少嘅肉類同海鮮。肥牛肉味濃，羊肉都唔錯。海鮮推介蜆，幾大隻同鮮甜。最後都食得好飽，食唔落雪糕已經。餐廳幾就腳，尖沙咀打邊爐又多個好選擇。

要同屋企人聚會，媽媽突然想打邊爐好耐無陪佢出街食飯，今次去行街見到呢間都抵食，選擇多，同埋有媽媽最愛的鴨煲，非常惹味的感覺！有酒香的鴨，真係幾時炒，唔夠都可以繼續食，鮮鴨件份量十足，不過唔好太耐會鞋口啊食完就可以打邊爐啦，雪糕同埋野飲都有好多選擇，甜品就一定打完邊爐食啦沙嗲、麻辣、冬蔭公、豬骨湯底等，其實都選擇好多，我地要沙嗲試下！自助區有好多素菜、丸、主食等等，都可以任食，同埋會refill!唔驚俾人食完海鮮推薦食墨魚滑同埋白膳，真係新鮮同埋鮮甜，好有魚的味道！肥牛質素可以，少少偏肥，不過唔食脂肪就可以了！座位舒服，夠乾淨明亮，完全唔會太逼或者熱！

經過尖沙咀發現呢間新開嘅火鍋餐廳，又唔貴，就同朋友一齊去試下👅去到嘉芙中心記得千奇唔好搭lift！！！！！餐廳係一樓，要係lift旁邊行樓梯上，lift係上唔到一樓🤦🏻‍♀️因為係星期日，我地就同朋友揀左$198個任食，又有得食雞煲又有得打邊爐😆套餐除左雞煲仲有鴨煲同豬手煲，你可以三款食曬都得，但我地食完雞煲就等唔切直接開始打邊邊啦🤣雞煲雞隻份量唔少，唔會話全部都係骨位，都有好多嘢，夠曬惹味🤤我地揀左BB辣（有得揀唔辣/更辣），但我地兩個譚仔5-10小辣嘅都覺得辣，但都可以接受食到😛火鍋湯底我地就揀左員工推薦嘅豬骨湯，真係好足料，湯底有幾夠骨，居然仲俾朋友發現有雞爪🤣火鍋調味、飲品、菜、丸等等配菜都可以係出面櫃自取。最平198套餐牛只有滑牛同美國肥牛可以選擇，肥牛雖然唔係話特別肥，但肉味都夠膿唔係柴，當然可能因為我煮得好🤣但如果食呢個餐，牛魔王可以重點食滑牛🤭滑牛真係好滑好好食🤤海蜆真係超新鮮！估唔到咁鮮甜，令人眼前一亮😍要特別稱讚呢到個配料櫃有「趟」門，食物安全上令我放心不少。如果打邊爐鍾意配啤酒嘅可以加個生啤任飲🤣打邊爐配啤酒都好正🍻可惜飲酒要人多先熱鬧🥺

好耐無同朋友去放題食啦! 2個半鐘任食煲同邊爐兩個女仔真係試唔得咁多🤦🏻‍♀️所以食左個雞煲直入邊爐🤣個雞煲都唔錯雞肉好嬾重點係食佢d香料 好鐘意陣花椒八角味 夠曬麻不過有少少搶左雞既味道 但雞煲既肉唔係鞋sapsap已經值得加分！邊爐叫左個小辣 一黎到嚇一嚇! 成煲血紅色好多辣椒🤣我同朋友都係好辣之人即刻好期待🥳可惜個湯冇望落咁辣較為油d但食物種類都好多，大部都幾新鮮！可惜可能真係太耐無食過呢啲放題式既飯 個肚唔爭氣😩想食鴨/豬手煲都食唔到連最鐘意既甜品都淨係食得少少(明明仲有超多都食唔到，太飽了)!!不過員工服務都唔錯坐位都闊落 慢慢食慢慢傾計🤤

每次都要為晚餐而煩惱，兜兜轉傳都係打邊爐食雞煲先最好，款式多到數唔到，最緊要食完夠飽肚，打邊爐之餘再加雞煲，滋味至少會Double。雞煲呢就而家通街都係，但茫茫大海之中又點樣可以搵到一間己有水準又夠難忘嘅雞煲店呢？尋尋覓覓總算喺二窩頭呢一度食到一次滿足嘅雞煲。每一個雞煲內含嘅除咗有新鮮雞件之外更重要就係有配料功臣，當中包括提升香味嘅芫荽，另外仲有新鮮嘅京蔥，而職員亦都非常貼心為大家準備吵到㷫烚烚嘅雞煲，喺熱辣辣嘅溫度下食到嘅更係濃縮香甜嘅醬汁配以厚身嫩滑嘅雞肉，若果嫌太龍嘅話唔好忽視洋蔥嘅威力，既可以清新口腔亦可以帶嚟好似蔬菜一樣嘅化解作用。另外呢一度亦都有油鴨煲，既有新意又夠原始，好味嘅油鴨除咗色澤要夠嫩紅之外，更重要就係有食檔嘅鹹味，但同事亦都唔可以過鹹如果唔係就會變咗鹹鴨肉。呢一度嘅油鴨煲新鮮到爆分之外另外一個神來之筆就係用咗玫瑰露辟除鴨嘅羶味，若果想食到成個煲嘅精華應該就係支竹嘅表演時間，所有濃縮左嘅精華都會比 支竹吸收晒，令人一試難忘。臨完之前亦都要食返幾杯雪糕，芒果味朱古力味雲呢拿味紅豆味芋頭味任君選擇，每款各有特色，百花齊放之下，依然做到淋漓盡致，確係一間優秀嘅餐廳。

今日黎到尖沙咀，見呢間可以食完雞煲之後打邊爐延誤到個價錢都好抵，所以就試吓佢！首先我哋叫咗個中辣雞煲，雞煲啲雞好入味！啲芫茜同京蔥完完全全吸哂啲味隻鳳爪超入味！個份量都好多！ 同埋，雞煲一黎到，係店員幫我地去撈個雞煲，好貼心。而且個鋪既抽油煙機做得幾好，啲油煙扯哂上去！ 我地係依個時候就睇住電視先之後我地叫左芫茜皮蛋湯底做火鍋底，好濃芫茜味，岩哂我叫嘅肉類同埋海鮮都好新鮮，最鍾意食佢嘅蜆，超鮮味！飲品同埋雪糕都有好多款式，我揀咗食奇異果雪條，幾特別！

想食雞煲連打邊爐！朋友一諗就介紹我黎食二鍋頭，佢話又平又抵食！至緊要係好食呀！見佢介紹得咁吸引！梗係要黎食下啦！呢度位置都幾方便渦！總店係旺中對面！而尖沙咀呢間係尖東嘉芙中心！超方便呀！先可以揀豬手煲，鴨煲或者雞煲，跟住食夠之後可以揀湯底打邊爐！包你一定食得飽呀！不過如果揀左打邊爐，就唔可以掉返轉揀食雞鴨豬手煲嚕！所以一定要食盡佢呀！呢度好貼心，想試多幾款煲，可以揀半份/一份！唔洗浪費，又可以試曬咁多款口味！我自己就最鍾意食雞煲！啖啖肉！好好食！又唔會乾！好多醬汁！啲度啲職員服務好好！好有禮貌！簡介食物又詳細！仲推介左唔少好野食俾我地！好好人！下次要黎食佢地個和牛餐先得！一定唔會令人失望呀！！

想係tsim sha tsui 食dinner hotpot,哩度嘅放題種類，真係非常之繁多，牛魔王放題，可以任食美國極黑和牛之外，仲可以有龍蝦海鮮火鍋放題，包4款時令靚海鮮。今次我哋就試咗佢嘅牛魔王放題。因為同friends都鍾意食牛。佢哋嘅美國安格斯極黑和牛，prime牛頸脊，美國安格斯牛小扒都係任食，真係勁滿足。而且我都好鍾意佢哋嘅新鮮蔬菜，最開心係佢哋呢度都仲有西洋菜，打住邊爐之餘都可以好好清熱。我試咗佢嘅牛小扒同埋牛頸脊，都覺得非常之鮮嫩，好有肉味，而且牛肉新鮮，食落甘香，所以我覺得味道方面可以俾4分。而且因為佢係放題任食，佢嘅選擇都幾豐富。