二鍋頭 (嘉芙中心)

营业中

休息中

慶祝朋友返新工約食晚餐記得之前嚟過尖沙咀尼間二鍋頭勁抵食今次一於一齊嚟食雞煲 上桌勁香呀 雞煲個調味好好味 雞件好多又夠肉地朋友都話個雞煲夠高質呀然之後就另上火鍋湯底我哋揀咗藥膳湯底 真係有唔少人蔘杞子 感覺足料火鍋配料超過80款除咗肉類海鮮可以寫紙仔落單之外 亦可去大雪櫃自取蔬菜、丸類、豆品類、餃類等等材料夠哂新鮮豐富今次我食咗唔少鱔片同滑牛肉 正！總括而然非常抵食 有質素保證今餐$198 有得任食雞煲/鴨煲/豬手煲 仲有豐富火鍋真心推介！

喺尖東返工嘅我，有一次放工望到嘉芙中心嘅一樓玻璃窗，寫住二鍋頭，好奇之下上OpenRice睇吓係食咩嘅先，見到價錢唔貴，就即刻約個朋友嚟試吓！佢哋套餐有三個價錢，任飲任食2.5小時$188 - $218 : 先食雞煲/鴨煲，之後轉一個新煲揀湯底打邊爐，湯底有八款選擇！$268 龍蝦海鮮盤火鍋放題，有四款海鮮選擇$298 牛魔王 - 任食美國極黑和牛，美國安格斯湯牛頸脊，美國安格斯牛小排，仲每位贈送澳洲M6和牛一客。同朋友揀咗$198嘅套餐，揀咗二鍋頭惹味雞煲，仲可以揀辣度，要咗少辣。一上枱嘅雞煲已經好香，分量仲要似唔似半隻雞，好多芫茜，仲有鳳爪，啲雞好嫩滑，雞煲嘅汁仲好惹味，一件接一件，佢哋用嘅煲亦都非常之好唔黐底！食完之後，揀咗滋補藥膳湯底，佢哋仲會換一個新煲打邊爐。藥膳湯底好足料，一上枱已經聞到好濃郁嘅藥膳味，係佢滾緊嘅同時，就出去拎嘢飲，醬料同嘢食，同一時間朋友就寫紙仔剔嘢食。飲品有成10幾款選擇，仲有指定啤酒任飲，醬料亦都好多選擇。出面佢哋用咗2個大雪櫃裝住啲嘢食，好乾淨，丸類，菜類，菇類，餃類都可以喺出面坽，而且佢哋仲竟然有燒賣俾你打邊爐，所以我哋咩都拎少少返去試吓先。見到仲

約左朋友食飯唔知食咩好，上網見到有間新開既任食雞煲仲可以打邊爐，價錢又幾吸引，就去試一試啦。一入到去環境好寬敞，又大又坐得舒服，啲店員都好有禮貌，同我地介紹有雞煲鴨煲豬手煲三樣選擇，我地就簡左雞煲。雞煲份量好多，味道濃郁好好味，所以我地都叫多左幾轉，超正。食完雞煲之後就開始打邊爐啦，湯底方面我地簡左沙嗲湯底，火鍋配料種類都有好多選擇，丸料同蔬菜料都係自己出去夾，而肉類海鮮類就要寫紙入單啦。美國肥牛，豚肉片都唔錯，海鮮都好新鮮，有蝦，蜆，脆鯇魚片，青口，帆立貝，另外大推白鱔片，真係超好食。最後食埋個雀巢雪糕做甜品，好滿足既一餐。

呢度喺打邊爐前可以先食左佢哋嘅二鍋頭惹味雞煲，火焰鴛鴦鴨煲同黑椒豬手煲。我哋兩個人為左之後仲可以打邊爐所以只叫左二鍋頭惹味雞煲同火焰鴛鴦鴨煲。二鍋頭惹味雞煲嘅醬汁極之惹味，我哋只叫嘅係小辣都好夠辣，麻香辣勁，而佢哋雞肉肉質嫩滑多汁，亦煮得好入味，令人一食上癮。火焰鴛鴦鴨煲：喺上檯嘅時候，侍應會喺煲內淋上玫瑰露酒，再將其點燃做成火焰，令酒精蒸發，玫瑰露嘅香味隨之混入埋鴨煲內，而鴨煲中嘅鴛鴦鴨意思係指用左鮮鴨肉同埋臘鴨兩種，前者肉質嫩滑，後者雖然肉質較乾較硬，但係食落有股咸香味喺肉中滲透出嚟，係個令人驚艷嘅鴨煲。食完兩個煲之後叫左個芫茜皮蛋湯湯底開始打邊爐，佢哋配料選擇好多，同埋上菜速度都好快，數量亦都好足，而出面自助區仲有蔬菜，丸類，飲品同埋醬料等等任君選擇。而最欣賞係佢哋嘅鱔片，肉質彈牙爽脆，夠哂新鮮。

知道二鍋頭喺尖沙咀開咗新店，位於漆咸道所有後生仔都識嘅嘉芙中心一樓，面積感覺上比旺角店大，又有落地大玻璃，光線好充足，坐喺窗邊歎個火鍋感覺舒服又自在而家疫情嚴峻嘅時候，食物衛生非常重要，由於地方寬敞枱與枱之間嘅空間都非常足夠，自助區嘅食物亦都非常企理乾淨，令人食得安心呢度都係提供放題 任飲任食，除咗雞煲同鴛鴦鴨煲之外，呢間分店仲有特別嘅黑椒豬手煲。咁梗係要試吓啦，黑椒夠晒香濃惹味，豬手件大細適中唔會食得好論盡，兩個人輕輕鬆鬆食晒一煲咁梗係唔夠喉啦，仲整多煲招牌雞煲先夠皮。之後就轉湯底打邊爐，食完辣野，簡單啲整返個蕃茄薯仔湯底，配料有幾十款任選咁似我哋食咗個高級版，尖沙咀分店獨有嘅牛魔皇餐，包括每人一客澳洲M6和牛，SRF美國極黑和牛，安格斯Prime牛頸脊同牛小排，仲有牛柳條添，真係淨係食牛都飽呀M6和牛香得來唔會太油，極黑和牛重牛味，有咬口。但自己最鍾意Prime牛頸脊，肉質諗身，入口鬆軟。其他配料例如脆鯇腩、臘鴨同炸魚皮都係我嘅心水選擇，當然大量蔬菜，菇類同丸等等都係必食嘅。食食吓唔覺意有爆肚嘅感覺，食完真係要行返過零鐘後先好搭車。

呢輪冇嘢做，比較空閒，但真心日日煮飯好攰㗎！星期六日我哋多數都會唞唞，搵間餐廳出街食，今日就揀咗尖沙咀嘅二鍋頭打吓邊爐。二鍋頭喺嘉芙中心，空間都幾多喎，面積夠大，同埋應該係新開張，所以各樣嘢都好新淨企理！坐近窗邊嗰啲位都幾舒服，因為窗夠大，望到出面好開揚，視覺上會舒服啲，好relax呢度嘅套餐分三款，基本「美國肥牛任食」，另外有一款係「牛魔皇美國極黑和牛任食」，最後一款係包咗每位四款時令海鮮嘅套餐。價錢方面分別係$198 (星期日至四5pm-1am) 任食2.5小時/$298 (尖沙咀限定；極黑和牛)/ $258 (海鮮)坐低之後，店員都會同客人介紹同解釋，明碼實價。喺兩個半鐘入面，客人可以首先任食雞煲/鴛鴦鴨煲或者黑椒豬手煲，無限refill，又可以轉款，好彈性，食到夠先停手，一定滿足然後仲好好可以換番一般湯底先打邊爐，唔洗用番雞煲嗰種比較油/重口味嘅湯底，好細心。自然湯底有：香茜皮蛋/蕃茄薯仔/沙爹/冬蔭公/豆腐清湯/豬骨或藥膳。火鍋配料方面，呢度都有好多款式，一般港式火鍋料都有齊，一部分係畫紙仔，一方面係自己出去拎嘅。自取：第一次見到火鍋店有豬手煲，有幾過癮喎，好有新鮮感！呢個黑

琴日同朋友食二鍋頭新分店，之前bookmark左好耐。🤣雞煲雞件細細件，但份量超多，肉質較結實。花椒麻辣味醬汁更為突出，加埋配菜洋蔥、芫荽，非常惹味。黑椒豬手上面有超多芫荽，幾吸引。 （可以走芫荽）半份已有勁多骨膠原。芫荽皮蛋鍋食完豬手啲芫荽唔夠喉，仲可以叫到全個鍋都係芫荽。海鮮種類唔少，有海蝦、墨魚滑、蜆、青口和帆立貝等配料，特別推介墨魚滑。肉類肥牛係我摯愛，而鴨件比較少見，可以試下。 外面自助吧枱有好多蔬菜同丸類，仲有飲品任飲，種類都多，清熱定係有氣嘅都有。 雀巢雪糕嘅選擇有四種口味。

好耐冇食雞煲🐥喇, 心思思好想去食~~上網search到之前係旺角食過既二鍋頭係尖沙咀開左分店丫, 去下新店食下個新環保啦....星期日6點到, 都有位喔, 如果擔心去到冇位就最好BK定位喇!!新店都幾大呀, 環境舒適寬敞~仲有窗口位可以睇下街景任飲任食2.5小時~~ 時間非常充足任食包括雞煲, 鴨煲, 豬手煲到火鍋一黎就梗係食煲先啦~~雞煲🐥, 鴨煲🦆, 豬手🐷煲任揀, 食完一款可以再encore或食其他煲....食完煲就可以揀鍋底打邊爐喇~~火鍋配料有好多選擇呢~~除左tick紙, 仲有自助區既配料揀....飲品都幾多款喎大大煲雞煲黎喇~~好吸睛丫!!!店員幫忙炒雞呢道既雞煲好特別架, 係有埋鳳爪食架, 超正!!!雞件好嫩滑!! 又夠惹味~~~叫左少辣都唔算好辣, 唔食得辣既我都食到食完雞煲就點配料打邊爐喔~~好多海鮮丫有蝦, 魷魚, 魚, 鱔, 青口, 帆立貝, 吊桶仔, 蜆等等....全部都好新鮮!!超豐富丫, 海鮮控表示好高興, 食得好開心最後食埋雪糕就非常滿足喇!!!

今次呢間二鍋頭係新開嘅任食雞煲火鍋店，以前食過旺角嗰間既食物質素唔錯而且價錢都好合理，於是就試埋間新店啦～一開始試左個豬手煲先，好在只係叫左半份，因為份量都比想像中大，要留肚試多幾款～豬手非常入味同煮到骨肉分離，而且每舊既大細都岩岩好～下一樣就係鴛鴦鴨煲，上臺後仲會淋上酒精再點火，估唔到食放題店都可以睇到呢樣野～ 話到明鴛鴦，煲入邊就有新鮮鴨件同臘鴨，各有千系，味道上更多變化～最後就有雞煲，呢到既雞煲可以簡埋雞腳，岩曬我地～最值得一提既係個醬汁非常惹味，微甜中帶有麻辣香，雞都好嫩滑～火鍋方邊就試左皮蛋芫荽同埋冬陰功湯底，我地仲叫左幾款肉，質素正常；同埋試左佢地幾款海鮮，有帆立貝、青口同生魚片，特別要讚一下d食材非常新鮮，比預期中更高質～

今次入嚟呢間，最主要係睇中咗佢可以任食3款唔同既煲再加打邊爐，新開期間佢仲可以無時限任坐，岩哂我呢啲食野食得慢，吹又水得多既人嚟食~首先我就點咗個雞煲，呢次個雞煲我建議大家可以叫小辣，因為佢嘅煲本身嘅味呢其實係偏甜嘅，所以如果嗌辣啲反而可以更加令到個煲惹味啲之後我就順次序嗌埋個豬手煲同埋個鴨煲，值得一讚嘅係佢個豬手煲嘅豬手分開咗幾舊，咁其實比起市面上嘅豬手呢係方便入口咗好多。至於佢個鴨煲其實分別有臘鴨同新鮮鴨係入面，於是乎個煲嘅味道就更加多元化同有層次喇。食完三個煲之後，就梗係試埋佢個邊爐，咁我同fd就揀咗芫荽皮蛋湯同埋泰式喇沙湯，落料都幾足，豬牛羊，再加埋一啲基本嘅海鮮，佢都係任嗌任叫，以依個價錢來講性價比真係好高！！！

而加以$298 嘅價錢就可以食到M6和牛🤩見佢講到咁正今次仲唔嚟試吓一嚟首先食雞煲，雞煲可以揀辣度，今次我地揀咗小辣。但其實小辣都唔算太辣，平時我食開譚仔10小都食到🙈而且雞份量都唔算少打邊爐湯底揀咗蕃茄薯仔湯，煲湯清清地，啱啱好可以解番頭先濃味嘅雞煲😬M6和牛只係供應一次，但另有三款牛就任食。唔好話M6和牛，就連任食嗰三款都超級高質，淥幾耐都唔會韌🥰而且好重牛味，一啲都唔肥，好食好食😋紙仔亦都有其他肉類可以揀，例如羊肉，豬肉同埋豬頸肉。除咗紙仔上面嘅食材，出面仲有啲丸類同埋菜任君選擇。另外仲有嘢飲，醬料可以自取。店舖環境夠大夠光猛，而且唔會好重油煙，一班朋友出嚟食飯都可以坐得舒服🥰

疫情放緩，每逢假期餐廳都是人山人海，一些受歡迎的餐廳更是一早爆滿，要提早幾天預定，尤其一些適合gathering的餐飲如火鍋，放題等，更是一座難求。所以假期即興想和久未見面的朋友一聚，就只能花點時間做功課尋找美食，結果給我找到這家在尖沙咀新開的雞煲+火鍋放題，餐廳叫二鍋頭，盡管試試。餐廳十分開揚，空間很足夠，檯與檯之間的距離遠遠超越防疫要求。火鍋店的通風必須做好是基本的，這家也不例外，幾個鍋一起開都不會煙霧彌漫。我們選了2.5小時任食放題，首先上的就是雞煲，這個雞煲味道十分到位，辣味和香味都滲入雞肉，而且肉質嫩滑，是記憶中吃過最好吃的雞煲了。吃完雞煲，就開始火鍋，點了一個清湯豆腐蔬菜湯底，清清的甜甜的，不怕上火。火鍋料是放題任食，基本上應有盡有。另外有多款飲品包括啤酒，茶，汽水，果汁都是任拿任喝，最後還有任吃的多種口味雪糕，確實不錯。

今晚約了朋友聚會，餐廳座位不少，全部是沙發座，坐得舒舒服服。醬油自助，有蔥、辣椒、炸蒜、蒜粒等選擇，還可以加入炸魚皮、炸響鈴和雞蛋。丸類和蔬菜全部放入凍櫃，非常乾淨衛生，選擇很多有年糕、粉絲、各式菜、南瓜、金針菇等。瓶裝飲品自取，還有不同口味的雀巢雪糕任食，當然還有啤酒。雞煲可以選擇黑椒豬手煲、火焰鴛鴦鴨煲、二鍋頭惹味雞煲。火鍋有不同的特色湯底，例如清湯豆腐鍋、泰皇冬陰功鍋、正宗豬骨鍋等，主要吃配料，清清淡淡。

放寬晚市後，今次係第一次出街打邊爐。朋友介紹下就膽粗粗試一試二鍋頭火煱店。果度地方大同新，我地等左一陣就有位。果度係先食雞煲再選湯底打邊爐。選好湯底後，仲可以加$298(一位）食牛魔王套餐。由於我地係肥牛控，所以揀左牛麼王套餐試一試。湯底方面，有六種口味比你揀，今次我地就揀左麻辣底鍋。牛魔王係任食美國極黑和牛，牛頸脊同埋牛小排，另外再送左一客M6和牛。美國極黑和牛，牛頸脊同埋牛小排牛味香濃，入口唔油膩。而M6和牛牛味重入口即溶，係幾好食！其他打邊爐配料都一啲唔馬虎，花甲同蝦都係任點，鮮甜可口，一啲都唔係劣質貨。韭菜餃足料之餘仲皮薄餡靚。果度既丸都好新鮮同彈牙。雪糕、飲品全飲任食。總括嚟講，二鍋頭用料新鮮物超所值，而且價錢仲一啲都唔貴，下次會再黎！

食物種類多，夠新鮮，服務非常好，環境乾淨企理，連個厠所都清潔得幾好，每樣食物既份量都恰到好處，可以再坐耐啲就正啦，推介海鮮及出去自取各火鍋配料，雞煲既味道真係好食，食完唔頸渴，鴨煲多炸竹入晒味，鴨肉就一般，整體嚟講咁既價錢，好食抵食，完全係要返兜再去食