二鍋頭 (嘉芙中心)

营业中

休息中

終於等到恢復晚市堂食可以到十點鐘，而且最緊要係放寬返可以4人一枱，所以朋友嘅約會終於可以成行啦。今次試左呢間朋友介紹新開嘅"二鍋頭", 佢唔似出面啲餐廳，通常都係只係得雞煲同任食火鍋咁基本，喺呢度仲可以試埋個"火焰鴛鴦鴨煲"同"黑椒豬手煲"添。。。未計火鍋都已經有三款唔同嘅特色煲畀我哋任食，如何人多可以試哂三個煲之後，仲可以係8款唔同火鍋湯底中揀返個打埋邊爐添。我哋一嚟到就梗係試下個招牌二鍋頭惹味雞煲先啦，雞煲嘅辣度今次我哋就揀咗個中辣，佢嘅辣度同麻味，都覺得好適中又唔會過咸，而且雞肉肉質鮮嫩個醬汁亦都非常入味。第二鍋我哋就試"火焰鴛鴦鴨煲"，職員落單時都特別再詢問我哋是否都係三人份量，還是需減至二人份，咁又可以試多幾款亦都唔怕浪費，非常甜心！所謂嘅鴛鴦鴨煲就係用新鮮鴨再加臘鴨去炆製而成，入而仲配埋鴨掌添，呢煲係個人認為中最出色最有驚喜嘅一個煲！試完呢兩個煲我哋就飽飽地，冇試埋嗰個黑椒豬手煲，唯有下次再試，我哋就直接跳到去食火鍋啦，火鍋湯底我哋就揀咗蕃茄薯仔，番茄味都好濃，而且仲有新鮮番茄同埋薯仔係埋入面，由於已經開始飽嘅關係我哋就隨便點咗幾款再向出面雪櫃度攞咗少少蔬菜，整體都真係好新

同男朋友兩個人去任食雞煲。平時啲雞煲係任食配料打邊爐，今次終於可以無限添食雞，夠晒惹味！雞煲嘅味道濃郁，質素OK。如果雞肉可以走油就應該會更加香口啦。黑椒豬手煲都好重黑椒味，而且豬手夠晒淋亦都好煙韌！我覺得好歡喜嘅係佢勁多打邊爐嘅配料。蔬菜粉面丸類，仲有海鮮添。我哋叫咗一個沙嗲湯，佢呢隻沙嗲湯係似馬來西亞嗰款，食得出有蝦米味。我哋揀左$29x升級左食和牛放題，和牛啲雪花好靚，牛肉味都好重！好可惜前面食得太多雞煲同豬手，所以叫唔到太多和牛。最後覺得驚喜嘅係佢真係好多甜品同埋嘢飲。我好鍾意馬蹄爽，估唔到喺呢度都見到佢。佢啲韓式嘢飲都好好飲。餐廳仲送咗一人一支消毒酒精添。

終於都可以出街食晚餐，而家可以出街食個飯都雖然感恩，所以今日即刻同老婆出去報復式行街，行到攰就去左呢間二鍋頭報復式食番個打邊爐放題先。餐廳環境非常乾淨企理，雪櫃位擺放食物都好整齊，可能係新開既關係，樣樣野都好新淨，感覺非常好。經餐廳侍應介紹之下，叫左牛魔皇套餐，真係無介紹錯。首先未打邊爐之前就已經可以任食雞煲，鴨煲同豬手煲，我地首先叫左雞煲食，有幾樣野值得一讚，首先份量啱啱好，唔會太多啱哂我地兩個食完再試其他野，另外d雞全部都啖啖肉，唔會好似其他任食既雞煲咁d雞又瘦又少，最後就係味道少少辣夠哂入味又惹味之後個牛魔皇拼盤，上枱果陣對眼真係發光，竟然任食都有咁高質素既牛供應，三款任食既牛全部都入口即溶，牛味非常豐富，實在係食唔停口，今晚我都數唔到叫左幾多碟，完全抵番哂。其實其他火鍋配料質素都唔錯，叫左幾款海鮮例如蜆，海蝦，脆肉鯇魚，墨魚仔都好新鮮，菜同冬菇味道都唔錯，今晚真係好滿足，下次要試下龍蝦海鮮盤套餐先得。

好耐都冇食過雞煲，行過尖沙咀見到哩間新開嘅二鍋頭未試過，一於同朋友一齊試吓。一坐低店員同我哋講可以三款煲任食，分別係雞煲、鴨煲、豬手煲，第一次見放題店有咁多選擇，好難揀咁一開始我哋就叫咗個雞煲，小辣加鳳爪，雞件啖啖肉，好惹味，肉質嫩滑，少少麻少少辣好正。兩個人去食二人份量雞件啱啱好，因為要留肚食下其他煲食完雞煲我哋又叫咗個火焰鴨煲試吓，店員落咗啲酒落去再點火，啲鴨件有淡淡的酒香，無咩鴨羶味，入邊仲有鴨掌同支竹，入晒味，好想即時叫碗白飯食完鴨煲之後，決定轉下口味開始打邊爐，食咗濃味嘅煲，咁我哋就揀個清淡嘅湯底-蕃茄薯仔濃湯。佢嘅煲物已經咁正，估唔到火鍋都唔錯，起碼有30款以上嘅火鍋配料可以選擇，出邊亦有唔同嘅飲品、蔬菜、丸類可以自己拎。咁多款火鍋配料我最鍾意食蜆同埋水餃，估唔到係火鍋放題都有咁嘅水準，隻隻都脹卜卜好鮮甜，水餃亦都好真材實料，每粒都有蝦肉食完火鍋梗係要食甜品啦，估唔到雪糕都有咁多選擇食物種類太多，樣樣都好味，已經約埋朋友下次要再試埋個豬手煲。總括呢間二鍋頭係一間性價比超高嘅雞煲火鍋放題，值得下次再食多次補MENU

尖沙咀有間新開張既火鍋店，非常抵食亦非常高質，尋晚任飲任食系列，但質數卻令我驚訝！因為性價比相當高，平日夜晚黎未加一前200蚊搞掂！食過堅係好食。食火鍋前還可先住任食雞煲，鴨煲，豬手煲等！當晚我先食雞煲後食豬手煲，2者都勁得！汁醬做得好入味又相當惹味，雞件肉質keep到嫩滑感，而豬手個黑椒味非常突出，豬手既骨膠原好似食 jelly咁，味道超好！之後就再無限order配料食火鍋，選擇非常多，海鮮類質數都好正，什至海蝦都有，蝦肉勁爽彈，好有質感！非常鮮味。蜆肉亦都無沙好乾淨，肉質飽滿。美國肥牛都係好食之一，再配上蛋汁，青葱！好有 feel呢！！飲品選擇亦都夠多元化，啤酒汽水少見既品種都有好多款！真心抵食好食。店員招待都夠細心，必會再食！

今日Happy Friday 跟三五知己打邊爐食雞煲，我食過旺角店都唔錯，我係何文田一架小巴直落就到，勁方便。見到雞煲鴨煲仲有豬手煲任食，已經好想開動了。當然不能錯過麻辣雞煲，辣度我哋揀bb 辣，見到配料有紫洋蔥，指天椒，爆香後已經聞到濃濃的香辣味，雞塊都算多，而且醃得好入味，肉質都好滑，仲有鳳爪，皮很入味。仲有黑椒豬手煲，加入不少黑椒，很惹味，豬手去毛很乾淨，皮夠軟綿，膠原豐富，岩曬女仔食，仲有份量都算多。另外食完雞煲，豬手煲就要打邊爐啦，叫了藥膳湯底，湯料有紅棗黨參，很滋補。紙上點配料又得，外面凍櫃的配料都一樣可以拎，肥牛，丸，蔬菜等都唔錯。記得留返個肚食下雪糕，都有不少口味，飲品同樣選擇多多。星期五既關係食2小時，所以都好抵食，又雞煲又邊爐，我們都飽曬。

呢幾日都係尖沙咀做嘢，到咗今日終於搞掂，可以早D收工，約埋一齊去食火鍋，我諗起尖沙咀都有二鍋頭，一於去，上到去都係17:30每人都去攞啤酒，飲番幾談傾吓偈，先來個雞煲，雞煲好快已經食晒啦，唔係個個肚餓，而係好好味呀再嚟多個雞煲，輪到個鴨煲，店長用玫瑰露酒淋落去，然後點火D香氣和火焰好特別，跟住豬手煲，霖之中都有啲咬口，再整多個豬手煲，食完豬手煲之後打邊爐，我哋用咗紙仔佢點咗白鱔片，牛肉牛肉係M6和牛，超正海蝦、花枝片、青口、海蜆好新鮮好鮮甜帆立貝、吊桶仔、墨魚仔、豬頸肉撩得好入味水土魷、羊肉片、再去自助區自選炸魚皮、炸響玲、菜，尖沙咀二鍋頭係新張無耐，環境好好舒服，地方好乾淨，店長同店員工作態度一流值得嘉許。

相信很多食客都喜歡雞煲！惹味的味道令人大快朵頭。聽朋友推介尖沙嘴這間集雞煲，鴨煲，豬手煲及火鍋一身的餐廳。（二鍋頭）今天就慕名前來一飽口福。餐廳位置舒適，明亮的大玻璃窗將外面風景盡收眼底！相信在此環境下用餐味口都會好些自助區有任飲之飲品！還有各款用來火鍋的配菜！任君選擇！打頭陣的是我喜歡的雞煲，服務員上餐時會溫馨提示！色香味四溢的雞煲令人垂涎欲滴！BB辣的程度剛好滿足我的味蕾！超正！鴨煲也入味，上餐後再澆上玫瑰露酒！頗有創意！黑椒豬手煲也受小妹的喜愛！悶得香噴噴的豬手！吃起來滿滿骨膠原。好像同時感到皮膚又美又滑了呢？享受雞煲，鴨煲，豬手煲之後！火鍋的節奏立即開始了！M6 和牛成了我的火鍋菜餚！此款和牛令人齒頰留香。各款新鮮海鮮也任吃任點！朋友的推介的確令我大飽口福！飽餐之余，最後吃上杯雪糕慰勞我的第二個胃！滿心滿足

之前食過旺角店，覺得好抵又好食，今次見開左分店就即刻來尖咀店試下。我地先選雞煲，仲有鴨煲，不過我都係鍾情食雞煲，之後可以再重選湯底，再打邊爐，唔係用雞煲既湯！雞煲好入味！份量夠多！洋蔥勁甜，俾我食晒！之後，我地重新選了川辣湯底，叫左小辣。我地加左少少錢，食牛魔皇套餐，牛肉質地都幾好，仲有和牛，正！海鮮都好新鮮，魚都有幾種選擇，蝦和蜆都好新鮮彈牙！而有些菜、丸是自助形式去拎，飲品、雪糕都多選擇，下次一定會再黎！

今晚晚飯girls talk， 我哋一於決定打邊爐，邊食邊吹水。朋友介紹二鍋頭，佢食過旺角嗰間好正。由於就大家收工地點，於是乎我哋就book 咗尖沙咀嘉芙中心店去食😋大字標題:火鍋。雞煲。鴨煲任飲任食(超過80款食物，包汽水🥤同指定啤酒🍻任飲任食)上到去發現重有雪糕任食，真係口水流了！而且服務員態度非常友善，感覺好舒服。我哋首先叫咗二鍋頭惹味雞煲(小辣)真係好惹味，麻麻辣辣，我哋忍唔住要encore😉跟住我哋叫咗個火焰🔥鴛鴦鴨煲，係油鴨同鴨件而煮成。上枱後服務員用玫瑰露點火造成火焰效果，真係睇得又食得。最後我哋叫咗滋補藥膳鍋，叫咗好多款唔同嘅食物，真係超級大滿足。結帳時重送咗消毒用品給我哋，依份祝福真係好窩心呀！

我同男朋友都好鐘意打邊爐 有埋雞煲就仲好啦😋呢間餐廳係試業當中 旺角果間店就耐啲 依家尖沙咀係分店～坐低就整返個惹味雞煲 小辣🌶加左我最愛既芫茜 非常香 好吸引！仲有洋蔥一齊炒香 洋葱🧅煮耐少少吸埋啲汁一齊食好正👍🏻雞煲既重點當然係雞肉 佢既雞件好入味 雞肉嫩滑唔嚡口 份量不多不少 剛剛好咁就唔會食到飽左打唔到邊爐🤣.到火鍋了🍲！我地揀左皮蛋芫茜湯火鍋料係任食的！牛肉係牛板楗🥰好抵！喜歡食肉的人有福了～牛肉食落帶點爽口 有咬口肉味香濃 點埋自調醬汁就更正呢度既大蜆都好正的 無沙 仲食到有海水味 新鮮之選👍🏻 推介既仲有豬潤 海蝦 等等.食飽飽記得唔好唔記得食埋甜品啊～韓國既奇異果🥝雪條好特別 即刻要一人一枝有少少脆皮既感覺 甜甜酸酸咁❤️

最近天氣忽冷忽熱，又令我諗起打邊爐啦，但朋友又話想食雞煲，最後揀咗尖沙咀二鍋頭，因為一次過滿足曬幾個願望。今次嚟到二鍋頭呢度係，除咗任食雞煲火鍋配料之外，原來仲有火焰鴨煲同豬手煲都係任食，真係大滿足。首先梗係呢個雞煲先啦可以自選辣度我哋揀咗中辣，雞件分量好多，一上菜就香氣撲鼻，雞肉夠哂嫩滑， 仲可以揀要唔要雞腳， 啲配菜洋蔥芫茜吸曬啲味真係好正， 超級惹味呀。雖然好想再encore多個雞煲， 但最後我哋揀咗火焰鴨煲，可以試下其他嘢呀嘛。 鴨煲上枱之後職員會先淋酒，之後再點火， 再快炒一下， 鴨肉味道香濃，原來入面仲有臘鴨， 味道非常好。本身都想試埋豬手煲，但胃口有限所以都係打邊爐啦， 有八款湯底可以任揀我哋揀咗蕃茄薯仔煲， 茄未夠鮮薯仔夠淋。魚火鍋配料嘅選擇都多， 牛肉鮮嫩， 鮮蝦夠生猛，彈牙， 仲有水魷、牛柏葉、白鱔片同鵝腸添。 外面仲有食物自助區，分別係飲品區、醬料區同甜品區， 選擇都非常之多，飲品有茶類、啤酒、汽水、 仲有一系列鴻福堂飲品。最後梗係食番個甜品啦，揀咗兩樣雪糕， 雀巢嘅芋頭味雪糕，另外仲有一隻係韓國嘅爆炸糖雪條都幾得意㗎，大家可以試下。

因為不能街外打邊爐已經一段時間了，對於已達谷底的香港人來說還有甚麼可怕？因此我刻意找了一家頗新的餐廳，沒有華麗的裝潢，卻樸素實用，首日放寬限聚令，人不多，枱間空間大，放心多了！ ➡️ 一個任食邊爐，蝦、凡立貝、蜆、魷魚等海鮮可以任吃，汽水、果汁、牛奶公司雪糕杯、韓國雪條，當然唔少得一般的邊爐材料都是任吃，連加一都只是 $218一位🤡 ➡️ 讓雞煲慢煮久一點，味道更豐富 ➡️ 吃完雞煲後，會更換另一湯底繼續打邊爐，我們點選了豬骨湯底，味道也不錯 ➡️ 我集中吃海鮮及雪糕甜品，看着挺划算

今日突然心血來潮好想食雞煲，跟同事傾兩傾就決定今晚搞個即興二人飯局食雞煲，聽同事介紹尖沙咀有間食雞煲幾好食，仲話有鴨煲同埋豬手煲選擇畀人任食，雞煲就成日食，鴨煲同豬手煲就未試過啦，所以就決定過嚟試一下呢度環境寬敞光鮮，侍應好殷勤咁招呼我哋坐低後，就向我哋介紹呢度嘅套餐有咩選擇同食法第一輪可以任食雞煲鴨煲同豬手煲，咁當然梗係食咗我最想食嘅雞煲先啦，揀咗小辣，呢度嘅雞煲非常惹味，味道好有層次，小辣啱啱好食完之後就揀咗個鴨煲食，侍應幫我哋炒咗一陣然後就加咗啲酒再點火，即刻變成火焰鴨煲，開始食嘅時候有一陣陣酒味好香，鴨肉炒得啱啱好，非常嫩滑惹味望到隔離枱食緊豬手煲，啲香味係咁飄過嚟，但因為仲有第二輪任食打邊爐，要留返啲quota，所以食唔到豬手煲，要留返下次試食曬啲煲物之後就開始任食打邊爐，我哋揀咗個蕃茄薯仔湯，蕃茄湯一放低，蕃茄味開始上升，味道好香好濃呢度任食火鍋嘅食物種類好多，出面仲有幾個雪櫃，裏面有好多款蔬菜同埋丸物，水餃仲有炸魚皮同埋響鈴，水餃雲吞都好掂。呢度啤酒同埋汽水任飲，種類都好多，最驚喜嘅就係仲有雪糕任食食物質素都非常唔錯，絕不馬虎，大家可以睇下總括嚟講呢度嘅任食火鍋種類好多選

🌕Hello我係Moon🌕今次嚟到尖沙咀呢一個高消費區係高消費區但係耐心啲搵吓嘅話就絕對會搵到可以令人瘋狂嘅餐廳，😆特別係可以任食任飲嘅餐廳🥰講緊嘅就係喺尖沙咀嘅二鍋頭，😊最近呢度限定有牛魔王任食美國極黑和牛嘅火鍋放題，😇淨係聽個名都已經知道牛魔王嘅愛好者絕對唔可以錯過，🤣但價錢會唔會好貴㗎？🥰始終和牛嘅價格都幾矜貴。😚但原來都只係$300都唔使㗎咋仲要食到和牛同埋牛頸脊呢一啲又爽又滑嘅位。😗打邊爐除咗啲料要夠靚之外湯底都同埋唔同肉類嘅最原始味道所以清清地要清湯豆腐鍋就已經足夠， 🤣反正食肉或者食海鮮最緊要都係自己調一個啱自己口味嘅醬😁咁係打邊爐之前就要介紹有幾個報適合做打邊爐嘅前奏，😜例如惹味雞煲，🤪除咗醬料夠晒濃郁之外亦都加咗洋蔥同埋芫荽提高鮮味咁就唔會太單一得雞同埋醬嘅味道🤩另外仲有黑椒豬手煲，🥳每一啖都係骨膠原嘅豬手簡直就係人間美食,😝再加上調味料唔會太鹹咁先至可以平衡返口味😛😛最後當然唔少得各類嘅海鮮例如帶子、😎蜆同埋墨魚仔仲有一系列唔同嘅海鮮，🤩全部都食得出係鮮甜同埋新鮮😍就並非單單只係雪藏或者急凍咁就滿足到腌尖嘅食客啦😤肉類，😗都要介紹個主角就係美國極黑和牛，😌除咗都有雪