二鍋頭 (嘉芙中心)

营业中

休息中

雖然天氣好熱，無阻我想打邊爐既意欲，同朋友去二鍋頭打邊爐，比佢$298任食和牛，牛頸脊吸引到，入到間餐廳環境都好舒服，好大，都幾岩兩個人或者一大班人。見到醬料區都好多調味料，飲品方面選擇都好多，配菜都算多選擇，仲有一個啤酒區，岩哂喜歡飲酒既朋友仔，餐廳，有雞煲，鴨煲、豬手煲，再食火鍋，我選擇左鴨煲，味道都不錯，火鍋湯底叫左清湯豆腐湯，清清淡淡不錯，和牛同牛頸脊食落去都不錯，配料都新鮮，仲有海鮮都可以!

幾個月前已和朋友到訪過「二鍋頭」旺角店，當時已感覺相當抵食。今次再收好友邀約到尖沙咀店，二話不說就答應了！尖沙咀店位於嘉芙中心的2樓全層。與旺角店相比，尖沙咀店的座位更寬敞、擺位亦更顯企理。友好聚會的話，是不錯選擇。分別有雞煲、鴨煲和豬手煲供選擇，大胃王人士還可以挑戰一下逐個試勻。筆者自問食量不大，所以只試了一個雞煲。雞煲未食已經聞到好香好惹味，以薑葱、蒜頭等來爆香雞件，雞肉嫩滑。最有驚喜是配角鳳爪，十分入味，搶過雞件的風頭。可惜一煲只有2隻，未夠喉。這裡其中一個特色是雞煲、火鍋各分2鍋，也許這就是餐廳名稱的由來吧。這次試了香茜皮蛋湯底，湯上舖滿芫茜，青綠一片。淺嚐一口，味道頗為清甜。火鍋配料選擇都頗多，其中帆立貝、白鱔片都是平時少見的款式。白鱔片肉質鮮美，值得推薦。此外，爽口的鮮鵝腸、彈牙的墨魚滑都十分美味。除了點餐紙，還有自助區。丸類、蔬菜等就可以自行去拿取，基本款式都有齊。至於飲品和雪糕同樣是任飲任食。雪糕款式只有雀巢雪糕和泰國牌子雪條可選。相對於旺角店的韓國雪條，明顯遜色一點。

尖沙咀新裝修 地方企理 坐落都算舒服嘢食方面相當有特色！有雞煲 豬手煲同鴨煲可以揀；而湯底亦都都多選擇今次試咗冬蔭冬湯底，味道相對平時食過嘅偏淡，要煲到少水啲先會夠濃味，如果平時鍾意超濃湯底嘅可能未必鍾意但以邊爐嚟講覺得可以接受呢度雞煲試過好好味 雞肉好嫩滑而豬手煲嘅黑椒味好濃郁！望落好大煲但因為啲骨都多 食落唔算超級飽打邊爐配料冇乜特別 都係普通邊爐料肥牛同青口都ok 其他食落唔算太特別飲品嚟講呢度都算好齊茶同可樂等都有齊總結嚟講打邊爐都令人滿意特別推薦可以試下雞煲同黑椒豬手煲！

之前都食過幾次呢到嘅雞煲，但每次都掛住食雞煲，一路都未試佢同樣係任食嘅豬手煲同鴨煲，所以今次就特登過黎想試埋個黑椒豬手煲啦。一黎到都係抵受唔住雞煲嘅誘惑，都係叫返個大辣嘅二鍋頭惹味雞煲食下先。呢個雞煲真係好香好惹味。屬於香辣，唔會太麻，食一煲係會好開胃嘅。之後就叫左同樣係大辣嘅黑椒豬手煲食下。因為覺得豬手會好膩，所以就淨係要半煲。味道同雞煲差唔多，不過就再多啲黑椒香。豬手滿滿嘅骨膠原，雖然邪惡但為食嘅我都係忍唔住食晒，差啲想叫多煲添。之後就打邊爐啦。其實呢到有個貴少少嘅餐係食高級啲嘅牛肉，仲有和牛送嘅。不過我今日主要係想食雞煲同豬手煲，食完啲煲都飽飽地，所以淨係要普通嘅任食就算。揀左個清少少嘅豬骨湯底，其實味道都幾香濃。叫左一碟肥牛同埋一份墨魚滑，再夾左啲菜同埋丸，就已經食到好飽。最後同朋友再share左一個出前一丁，飽到上心口。

火鍋店環境望舒服，可能周圍都係我中意既藍色海洋風顏色，好fresh既感覺，而且非常闊落乾淨！呢間唔係剩係得雞煲，比較大眾多樣化，有埋鴨煲同豬手煲，而且出面食個價錢係一款雞煲或烤魚，呢到就係任encore，性價比高。(包百幾款火鍋配料)雞煲x鴨煲我地試左雞煲同鴨煲各半份，點左少辣黎調味過癮，味道香濃惹味。不得不提係鴨煲內有鴨掌煮到入哂味又充滿骨膠原，非常滋補。泰皇冬陰功 x 香茜皮蛋湯底今次火鍋湯底點左個泰皇冬陰功同香茜皮蛋湯底。呢個冬陰功湯底非常推介，好有特色，別具風味！見到用左好多材料同大量海蜆去熬出鮮味。過百款新鮮食材雖然任食，但所有食材都好新鮮，尤其海鮮同肉類，美國肥牛同黑豚肉較出色，大大塊飽肚，高質量。海鮮我地亦都有試到青口，墨魚仔，吊桶仔同海蝦，彈牙有口感，高水準呢！就連原本擔心既炸響鈴，都係食落爽脆。特別想介紹韓式粉C餃子同韓國泡菜餃，賣相飽滿，餡料豐富，味道亦都夠哂特別。食埋甜品，滿足💕我地一開始怕試埋豬手煲會食唔落火鍋料，所以都會留返下次同朋友屋企人再黎試下！大家記住如果多人要預約先，發現我地離開個時，見到陸續有人上黎食，愈夜愈多人。

二鍋頭 (尖沙咀)地址：尖沙咀漆咸道南53-55號嘉芙中心1樓放題任食邊爐及自助餐的常客，不是因為食量大，而是可隨心隨意叫自己喜歡吃的東西。一開始先要選鍋底啦，️雞煲,鴨煲,豬手煲都有呀，未點邊爐配料分分鐘食飽左一大半了。過百款火鍋配料都是任食，$218 二個鐘時間，汽水啤酒都是任飲！肉類從剔剔紙點，我就加了豬肉片，當中有也海鮮及要額外付費的食物蔬菜從櫃中自己夾，新鮮多款。另外有醬料區，來混醬吧！完美的邊爐就是要食甜的凍食，雪糕雪條櫃尖沙咀區任食邊爐唔多，仲要只係二百幾

二鍋頭 (尖沙咀)地址：尖沙咀漆咸道南53-55號嘉芙中心1樓今日同幾個朋友出來聚舊，好多人趕著離開香港尋找新發展同生活，今朝一別都不知何時再相見，幾個人去了打邊爐食飯任食自由度高，比較獨有是有鴨同豬手煲，也有海鮮鍋，邊爐配料就任食幾個櫃排開，去夾丸類、餃子、腸同蔬菜等等，仲有下張下單點肉同海鮮架紙。好快就上左雞煲，濃郁滋味，個醬香噴噴勁惹味，聞到流口水，食落當然好食啦啤酒都係任飲架，裙唔洗另外背錢仲有汽水雪糕都係放係櫃中隨便拎隨便食。

呢排落雨成日天陰陰☔️搞到食咩都冇心情😔不過一見到任食火鍋我就知係你啦😏即刻上去攞位。咁啱有位入到去，聽完店員介紹係食完雞煲/鴨煲再換煲打邊爐🍲咁就唔會令之後食得太油真係幾好，雞煲上咗之後店員會幫你處理好，睇上去色澤唔錯，雞件份量同大小都適中🐔煮得啱啱好唔會太老，之後就到打邊爐，今次有加呢度尖沙咀分店先有嘅牛魔王任食和牛，仲送一碟澳洲M6和牛🐂食上去肉質鮮嫩帶有濃濃牛味，淥幾下就即刻食真係好正😋邊爐料除左寫紙仲可以自己出去雪櫃度拎，最後食得太飽就靜係食咗杯雪糕就埋單啦～

呢排小左出街食飯咁岩朋友約食飯，見到間評價唔錯就去try try入到店入面，都算叫企理同埋乾淨，餐廳都唔細，坐落都唔會話好逼之後就緊係睇下有咩食火鍋放題黎講，野食都叫多款式，多選擇我地就叫左個鴨煲，食左第一轉先，佢落左有d 玫瑰酒落去，令到d 鴨食落去果陣有一浸酒香，不過本身調味就咸左小小食完個鴨之後就轉左湯去打邊爐，d 配料食落都唔會話太差牛肉就真係叫做唔錯服務都唔係好差總括而言，呢度如果同一大班大食王黎食既話都係一個唔錯既選擇

今次黎到位於尖沙咀嘉芙中心嘅一間樓上火鍋店，環境都唔錯，又有電視睇，有醬汁區，飲品，雪糕雪條任拎。開頭我地揀左雞煲黎食，個雞煲係勁香，每舊雞都入哂味，份量好多，應該有半隻雞。食完之後我地仲升級挑戰牛魔皇，任食和牛真係抵玩。湯底我地揀左豬骨湯，想清清地食到牛嘅真正鮮味，而唔受其他調味料影響。啲和牛真係靚到不得了，油脂分明，雪花分佈均勻，水滾後用筷子游走4，5下就已經食得，食靚和牛medium咁食係最好，全熟嘅話反而食唔出佢嘅texture同埋味道。另外值得介紹嘅係魚皮餃同鳳城水餃，完全唔係頹嘅邊爐任食質素，呢下係好值得讚，通常其他鋪任食任叫嘅食材都係好壞參半，但呢間係做到保持水準，唔會令你失望，真心有下次呀呢間。

嚟咗呢間啦喺尖沙咀嘉芙中心一樓嘅「二鍋頭」食雞煲&打邊爐放題！呢間舖比起一般放題細間啲，但麻雀雖小五藏俱全！又有雞煲食又有邊爐打，一個價錢兩個享受～首先食咗個「二鍋頭惹味雞煲」先～我哋叫咗少少辣，雞幾滑嘅，雞煲醬亦都好惹味～落咗大量芫茜，唔鍾意食茜嘅可以剔走芫茜！淨係食完個雞煲已經有四五成飽啦～食完雞煲之後，就打邊爐啦！本身仲以為就咁到啲湯落去，原來係另外俾一煲打邊爐嘅湯底，我哋清清地揀咗個豬骨湯！另外呢間尖沙咀店有限定優惠「牛魔皇」放題！音色美國極黑和牛、美國angus prime 牛小排同牛頸脊！另外仲送每人送一客澳洲M6和牛！有雞煲有任食牛，$298咋，抵到爛！無論係送嘅澳洲和牛， 定係任食嘅牛小排牛頸脊都好高質，雪花紋靚，食落牛味又重，我哋都encore咗4-5 round ！因為實在太飽，所以反而其他任食嘅材料就淺嘗下就算～最後梗係唔少得要食埋甜品先走啦～食埋呢個椰汁🥥芋頭味嘅雪條就好滿足咁抱住個肚返屋企喇～

今日同女朋友尖沙咀行街街，跟住叫肚餓，女人叫肚餓非同小可，即刻帶咗佢上最近嘅樓上火鍋任食醫治。時間尚早人少少夠晒空間，而且坐喺窗邊啱啱好望到條街嘅景色都唔錯👍🏻傳統香港火鍋任食邊爐的確有佢嘅吸引之處，首先醬料方面大把俾你揀，有我最鍾意嘅濕蒜，有芫荽，這些都是香港人最愛😍叫咗個正宗豬骨湯底，本身諗住流流哋，但係點知佢拎嚟嘅時候係真做，大大舊豬骨放咗喺湯度，睇到都覺得補，而且個湯底味道濃郁仲可以飲嘅添。二鍋頭惹味雞煲叫咗小辣，少少辣多多趣，佢本身自帶很多香料，所以絕對物超所值，是一個很香口的雞煲。不得不提的事當你完成雞煲後，湯底是另外一個煲俾你而不是refill的，所以絕對真做。啲材料亦都唔差，叫咗肥牛墨魚，呢啲都係基本野，不過就係呢啲基本野決定到成餐邊爐嘅質素，$200一個人泥講依個質素絕對對得起，而且食物種類繁多，點心紙唔夠嘅，可以出去拎。👍🏻不過係咁多嘢食入面令我最深刻嘅都係佢啲雞件，肉質嫩滑，令人一叫再叫。最後仲有雪糕甜品俾你任拎，任食就是要這樣爽的感覺🥺

二鍋頭之前係旺角分店食過都不錯，見到佢係尖沙咀開左分店，今次係尖沙咀分店試下，入到餐廳侍應好熱情，每樣都介紹比我們聽，我哋食牛人士簡左$298 任食和牛，牛頸脊套餐，有雞煲，鴨煲，豬手煲比旺角多兩種選擇，當然要試下鴨煲，辣度選擇由你簡，我選擇左小辣，辣到好岩我食，食完鴨煲就食火鍋，食完辣食返清清地清湯豆腐湯底，配菜好多選擇，有水餃雲吞丸等等，肉類有30種，飲品有罐裝，支裝，食完熱辣辣火鍋去食雪糕，透心涼。尖沙咀 二鍋頭

今日同朋友去咗尖沙咀行街，朋友話好肚餓，想食多啲嘢，知道有間雞煲火鍋任食，於是就同朋友去咗呢間餐廳食飯，以價錢來講，呢間餐廳真係值回票價，雞煲鴨煲豬手煲火鍋全部都係任食任添。二鍋頭惹味雞煲先來一個雞煲，因為朋友唔鍾意食芫荽嘅關係，我哋嗌左酒芫荽同走鳳爪，雞煲我嗌左大立，辣醬嘅調味非常之好味，濃郁嘅辣醬完全比雞肉吸收晒，呢度最好嘅地方係你添加雞煲嘅時候可以選擇淨係咖半煲，可以留返個肚之後食火鍋。黑椒豬手煲唔多地方可以食到豬手煲，所以叫咗個豬手煲嚟試吓，個人覺得豬手煲都唔錯，鍾意食豬手嘅朋友可以試吓，豬手煲用嘅辣醬同雞煲會係一樣。火鍋任食今日嗌咗個豬骨湯，清清地，食完一個濃味嘅雞煲同豬手煲，食返個清清地嘅火鍋都唔錯。火鍋任食嘅配料有好多，其中我覺得幾唔錯嘅配料有肥牛，肥牛嘅質素幾高，唔會太過肥，肉質幾靚，食落口感飽滿。餃子類同魚類都可以選擇，我每樣都叫咗啲，選擇嘅種類繁多，我同朋友都叫咗好多嘢食嚟試。飲品任飲汽水、啤酒、盒裝飲品、同埋水都可以自己出去喺雪櫃嗰度拎，一路打邊爐一路飲嘢真係好正。

出尖沙咀行咗成日街都無食過野，所以嚟食雞煲+任食邊爐😆今次叫咗個基本雞煲加邊爐只係$198，都幾抵食。加$100可以升級做高級食材，$298可以任食美國黑極和牛。🤩 見到隔離枱嘅試咗和牛plan，牛肉嘅質素真心唔錯，下次嚟會試牛魔皇放題！首先試咗雞煲先，雞煲總共有5個辣度揀。因為朋友唔食得辣，所以叫咗BB辣。雖然只係小小辣，但係個雞煲都已經好香好夠味，除咗辣椒之外，雞煲入邊有好多其他香料，例如有好多花椒八角，朋友仲好鍾意食芫荽😆。食完雞煲梗係即刻揀番個湯底打邊爐，邊爐嘅湯底有好多款。今次我哋試咗麻辣湯底同埋藥膳湯。而邊爐嘅火鍋料選擇都有好多。要讚下呢度嘅邊爐海鮮方面嘅選擇都有唔少，有墨魚同埋大大隻嘅蝦，真係好好滿足。另外，喺嘢飲方面亦有好多唔同嘅選擇。想清熱嘅可以有涼茶，想食得爽啲嘅仲有啤酒任飲。同平時其他打邊爐嘅餐廳唔同，呢度嘅啤酒係免費任拎，唔使就住就住！