二鍋頭 (嘉芙中心)

营业中

休息中

疫情之情極推薦旺角的一間雞煲火鍋放題，原來尖沙咀區都進駐左新分店啦!!呢間性價比奇高的任食任添二鍋頭以驚喜價位，(星期日至四) $198任食2個半小時!! 由調味、煲、鍋、飲品、全包到雪糕!隨意點隨意食法則，根本就係豪嘆雞煲火鍋的王道。新分店空間感與座位舒適度感覺是旺角店的升級，三款雞鴨豬手煲任食! 無錯係任食! 自選五級辣度， 8基本湯底+1款升級花膠雞鍋湯底自由選擇，30款肉食火鍋款式自由揀選，另有兩個特大雪櫃裝盛數十款配菜，計埋可以追加的小食總共超過七八十款嘅款式!+$100升級牛魔皇任食美國極黑和牛，美國安格斯Prime牛頸脊及牛小排。滿$298 送一客澳洲M6和牛(高質油花美😋)等主角上場之前攞定醬料配料就岩哂，樣樣齊全，寫定紙落單，食完雞煲再來鴨煲清乾淨就到雪櫃夾菜款攞魚皮響鈴火速開餐，店長非常親切解釋介紹菜單及推介，令人開始已安心其服務質素認同感。=̶二鍋頭惹味雞煲=̶ 半份 推介:⭐️⭐️⭐️⭐️⭐️為左食埋雞煲而叫兩款半份，好鬼貪心😂滑雞件拌勻哂醬汁精華，麻辣惹味，建議第二煲選擇小辣，將味蕾感受的層次逐步提升。另有黑椒豬手煲就留返下次再試!=̶火焰鴛鴦鴨煲=̶ 半份 推介:⭐️⭐️⭐️⭐️⭐️選

想食鴨BOWL又想打邊爐,食自助餐就最岩!二鍋頭係呢區開左間分店,呢度有個大既落大玻璃窗,好景!先叫左個火焰鴨BOWL,加左玫瑰露酒,有視覺既享受,亦有味覺既雙重享受。有好多鴨掌!食完後就叫左個完西皮蛋湯底,有好多完西,好正呀!食物我叫左少少海蝦同埋肥牛,其他食物就去左自助餐櫃自取。果度仲有好多野飲,同埋任飲任食既雪糕。好正呀!汽水種類都多元化。呢度既服務好,佢地仲不時問食物OK唔OK添!呢餐都幾滿意呀!

點解咁鍾意食雞煲原因好簡單嘅，會越食越好味一定會返尋味，平時出街去食火鍋一定會食得到佢，係必食推介首選，一個月仲有幾次去食番一餐滿足一下食慾，是日晚餐又去咗尖沙咀呢間火鍋店開餐一坐低已即時點番個招牌二鍋頭惹味雞煲大家享用，辣味要中辣咁食落先至刺激，味道香濃美味雞煲滾一滾已食得雞肉沾上麻辣汁，食落肉質香嫩滋味十足，連同香料提升味道夠晒惹味有時食一煲真係未必滿足到，呢度就可以冇限添食雞煲服務周到，品嚐美味雞煲一輪繼續有火鍋時間，有多款火鍋配料任食，點了湯底同配料，開始品嚐第二輪美食美國肥牛入口飽滿啖啖肉汁再來有鮮甜爽彈生猛海蝦，食埋其他各款丸類係任飲任食兩小時火鍋已經相當滿足最後係自助區攞埋甜品一邊食一邊享用其餘美食。

鍾意打邊爐又鍾意食雞煲,最近去咗二鍋頭滿足晒兩個願望🤩二百蚊到就可以任飲任食2小時😋佢有二鍋頭惹味雞煲、火焰鴛鴦鴨煲同黑椒豬手煲揀,三款煲都可以任食架👍🏻胃口大的話可以試晒三個架🤣雞煲好入味,份量都好大,雞肉好多食完雞煲就係打邊爐喇😛湯底方便有好多選擇,好似川椒麻辣鍋、香茜皮蛋鍋、冬陰功鍋、豬骨鍋、沙爹鍋….今次我試咗蕃茄薯仔濃湯鍋🍅🥔佢係會換一個新嘅鍋比你打邊爐,唔會好似出面咁響個雞煲上面加湯上去,無咁油膩, 蕃茄薯仔濃湯鍋同個名一樣咁濃味,入面亦有好多蕃茄同薯仔至於配料方面,佢有勁多選擇,除咗一般肉類同海鮮可以劃紙仔叫之外,出面有個好似自助餐既位置,比大家拎野食,例如蔬菜類、菇類、響鈴、魚皮、公仔麵等等都可以出面拎到😆食飽飽之後,出面重有雪糕櫃供應大量雪糕雪條比大家做甜品添🥳

之前已去過旺角店幾次，今次約了兩位朋友到尖沙咀店再吃雞煲火鍋，尖沙咀店比旺角店闊落，我們被安排坐窗口位，感覺開揚些。餐廳現在供應的有任食雞煲、鴛鴦鴨煲及新出的豬手煲 (冬天會有羊腩煲)，而尖沙咀店有限定的牛魔王火鍋放題 ($298/位)及龍蝦海鮮盤火鍋放題 ($268/位)，餐廳亦有啤酒任飲 ($60/位)，啤酒任飲包括三款啤酒，分別有Blue Girl、Hoegaarden及二窩頭自家啤酒“二窩頭”，我和朋友都是牛魔王，所以就決定試一試牛魔王放題及選了任飲啤酒，食火鍋配啤酒是絕配，這裡是任飲任食 2.5小時。首先來一個雞煲，我們點了小辣，雞煲的份量很多，連出面餐廳沒有的雞腳這裡都有， 配料有乾蔥、洋蔥、大蔥等， 加上他們的獨家醬料，上桌時香噴噴，味道很濃很惹味, 百吃不厭。食完雞煲後，上桌是黑椒豬手煲， 黑椒味勁香，入口有香辛味，味道去到喉嚨時，會有些熱燙燙的感覺，黑椒配上其他醃料醃得豬手很入味，而且豬手亦炆得很淋，這個豬手煲雖然其貌不揚但味道和口感卻十分好吃，因為要留肚吃極黑和牛，所以我們今次沒有點鴛鴦鴨煲。這裡有八款自選湯底，湯底是另外一鍋上的，不是在已吃完的雞煲/豬手煲加上湯底

晚上路經尖沙咀突然下起雷雨，避雨嘅時候見到二鍋頭，諗起美味嘅雞煲，又過咗繁忙時間，即管試吓Walk in，又好好彩有位。任飲任食兩小時 $198雞煲、火鍋確實底，其實仲有鴨煲同埋黑椒豬手煲，有成超過80款食物，開開心心食個愉快的雞煲。店員服務細心，會先介紹一下 upgrade 牛魔王內容，然後雞煲上枱嘅時候，會為我們炒幾下，熱辣辣香噴噴的雞煲就可以慢慢享用。原隻雞件，肉質鮮嫩又多汁，麻辣的香味濃郁，入口啖啖肉，更可以慢慢細味惹味的雞煲配料。自助區有很多火鍋配料，汽水飲品，仲有我最愛的魚皮，酥脆可口。蕃茄薯仔濃湯鍋雞煲之後打邊爐，店員會幫我哋換上已選擇好的鍋底，今晚點了清新健康的蕃茄薯仔。美國肥牛、鮮滑牛肉，味道同肉質都唔差。雲吞、水餃、丸丸更加係多不勝數，爽脆彈牙的口感。海鮮方面當然一定要食生猛海蝦啦！鮮甜彈牙。鱔片 嫩滑甜美，帆立貝 細細粒好易食，海蜆 美味冇沙。最後甜品仲有雪糕杯添！甜甜蜜蜜又一餐，下次經過再嚟試吓牛魔王先得。

近排食開雞煲好似上引了咁，行過k11附近見到這裡，絕對啱晒口味，地方大，座位舒適，最緊要係個質素一啲都唔差，唔會因為價錢有差異！這裡還有牛魔皇m6和牛放題任食，但今晚主力係雞煲上，所以只選了普通價錢，有雞、有鴨同豬手選擇，但個人對雞煲嘅情意結大，所以主打雞煲，上枱大大鍋，雞件都啖啖肉，味道超級入味，加埋個醬汁由店員炒勻，真係夠晒惹味，而食到中間時出去取了自助火鍋配料，午餐肉、火腿、蟹柳腸仔等食物放在鍋內煎熟，未道濃郁之餘又係另一種口味！食完兩轉雞煲就進入火鍋環節，湯底可以8款口味選1款，重新出一個鍋，絕對欣賞嘅做法，要了蕃茄薯仔湯底，上枱見到湯底真材實料，大大件蕃茄同薯仔，當然點了必吃嘅肥牛、同滑牛，肥牛薄片軟熟肥美！滑牛嫩滑軟熟牛肉味濃郁！而另一樣出色嘅必選食物就係鮮蝦雲吞同鳳城水餃，這兩個滾熟後皮薄之餘，餡料足料，鮮蝦雲吞內大大隻彈牙蝦肉，入口爽彈有口感；鳳城水餃同樣有彈牙蝦肉外還有爽口煙韌嘅木耳絲，好有在麵檔食雲吞水餃麵嘅口感！而其他配料都十分新鮮，入紙落單轉頭就快速上枱，還有自助火鍋配料有不同丸丸菜菜等自選，但個胃係最公平，取一兩轉後已經十分滿足！最後加埋甜品榴槤雪條，完全滿足

今日約埋朋友一齊打邊爐食雞煲🥰尖沙咀有雞煲同打邊爐嘅餐廳都有幾多選擇，呢間新開嘅二鍋頭除咗有任食雞煲、仲有豬手煲同鴨煲添！滿足晒咁多個朋友嘅口味啊😂我同另一位朋友特別鍾意食豬手，先叫個豬手煲先豬手夠晒大隻 多肉🐷用黑椒醃過非常入味而且有豐富嘅骨膠原，豬手都好高質啊👍🏻食完豬手煲，仲想食雞煲，侍應會換過全新嘅雞煲！食完雞煲之後就打邊爐啦我哋揀咗蕃茄薯仔湯底🍅蕃茄湯底味道都幾濃郁，食得出有蕃茄味啊！打邊爐配料我種類都幾多有新鮮蔬菜🥬、菇類🍄、丸類、響鈴、出前一丁呢啲就係出去自己拎另外寫紙仔落單 有牛肉、雞肉、豬肉 、羊肉同埋各類海鮮仲有我最鍾意食嘅墨魚滑添！各款肉類同海鮮嘅質素屬於中上！打完邊路之後唔少得梗係食甜品呢度嘅芋頭味雪糕真係好好食😚呢間餐廳性價比真係好高呀👍🏻

幾個朋友食飯唔知食咩好，打邊爐就最啱餐廳呢度既座位幾舒服，可以傾吓偈同慢慢食醬料可以出去攞，醬料都好齊全飲品既選擇都好多除左肉類同海鮮之類既配料之外，大部份既配料都係自助區度自取自助區有 蔬菜、丸類、麵食等等， 款式都幾多攞咗嘢食之後就上雞煲啦， 平時喺出面食雞煲，都係冇得Refill，但係呢度係可以任食雞煲，除咗雞煲之外仲有鴨煲同埋豬手煲雞煲個份量都幾多，醬汁都幾惹味牛肉嘅質素都幾高海鮮有大蜆， 海蝦、食物都好新鮮仲有我鍾意嘅墨魚滑最後又點少得甜品，佢哋有好多款唔同嘅雪糕雪條供應，整體來講都係一個食雞煲嘅好地方

- 𝗢𝘃𝗲𝗿𝗮𝗹𝗹 𝗖𝗼𝗺𝗺𝗲𝗻𝘁 -環境 : 9/10服務： 9.5/10味道： 9.5/10影相： 9.4/10性價比 : 9.6/10回頭率 : 9.5/10➖➖➖➖➖➖➖➖➖➖➖➖➖➖$198可以食咩？吾再只係可以打邊爐依家連雞煲，鴨煲，豬手煲連埋打邊爐都仲得🤣想知邊到有大嘅著so?就係「二鍋頭」啦🥳.©Step 1 食雞煲市面上通常一係先雞煲後邊爐，一係就直接邊爐呢間竟然仲有鴨煲同豬手煲可以選擇真係不得了🙈不過，小編最愛始終都係雞煲🙆‍♀️出色嘅雞煲取決於雞同醬汁雞味濃之餘，肉要夠嫩夠彈，更加要吸取到醬汁精華醬汁濃稠度要恰到好處，味道香濃惹味更帶辛辣，同時不能死鹹死辣而呢個雞煲確實令我滿意👍.©Step 2 邊爐食完雞煲，當然輪到打邊爐有9款湯底可以任君選擇小編揀左紅當當嘅川辣麻辣鍋鍋面滿鋪辣椒，紅油同大惹既麻又辣，夠哂過癮😋.©火鍋配菜打邊爐嘅配菜講求款多同時料要靚！除左點餐紙上嘅豬，牛，雞，羊海鮮同餃子自助區嘅款式都吾少兩個大雪櫃裝滿蔬菜，丸類如芝士腸，韓式餃子，粟米，菇類，芋頭，蟹柳等等肥牛，色澤紅潤，雪花均稱，入口濃郁之餘細嫩富肉汁，好高質呀！值得Encore多次🤣鮮蝦

天氣咁熱既時候，火鍋仍然係一個好選擇，皆因開大冷氣，大家仍然可以食得爽，食得妙，一邊飲，一邊食，一邊吹水就至好不過。 先揀雞煲，鴨煲定，豬手煲最後都係揀雞煲，香口惹味，加上一上個陣熱辣辣咁炒香，係一個極肚餓既時侯，就即刻有得食，當然係正。 然後揀湯，今日就揀了蕃茄薯仔湯，皆因佢鮮甜，而且比較冇咁重口味。火鍋配料，超級多啦, 由肥牛，豚肉到海鮮選擇都有。有一部分要填紙字，有部分自己出去揀就得，飲品都係自己拎，選擇仲好多添。 1)肥牛，食火鍋肥牛最緊要。當然要點。2)墨魚滑，彈牙爽口，而且個個味道好香，最後叫左2條先夠。3) 牛柏葉，又爽，又正，又快熟。4) 海鮮方面，蜆都好鬼正架。 見到隔離食緊龍蝦，其實真係心思思，下次真係要叫隻試下先得。而且好似唔少人食緊牛魔王餐，牛方面既選擇會多左唔少，下次可以試下。

任食火鍋，最緊要料多，飲既多，大胃王就岩曬啦，今日食緊既係$198任食，見到佢火鍋配料成50種，今日朋友目標係樣樣都要試下，一定要成到飽飽先得。 雞煲，食曬有得再加，我見隔離枱fill 左幾次添呀，食完又食，不過呢今日想食火鍋多D，所以我地只叫了一次。雞件都幾大件。 火鍋方面，選好湯底後，又係時侯叫配料黑豚肉，肥牛，丸，墨魚滑，鳳城水餃，仲有既係蜆，魚片頭，魚片，響鈴，鮮牛、魚皮餃等等等等。 *帆立貝- 最後一共成左叫左成8粒，店員上菜極快*牛柏葉- 出面雪櫃自己拎，食得曬先好拎，因為我地好鐘意食牛柏葉，所以呢都食左幾多下*黑豚肉-好大片，都幾滑及重肉味*水餃- 每次火鍋都好鐘意食水餃 佢外面個自取區其實都幾足料，菜，菇，魚皮，響鈴，全部都有丸都有好多類，仲有一款韓式泡菜餃，覺得好正。

香港人好鍾意打邊爐，近年興放題邊爐，仲要之前加雞煲～～ 等你食個痛快🤣呢間好特別，佢除咗有雞煲之外🤩佢仲有鴨煲同豬手煲㗎～～ 俾客人有更多選擇任食任飲2.5 小時（$198）/人）火焰鴛鴦鴨煲特色鴨煲，唔止鴨咁簡單，原來仲有🔥。店員會將酒灑喺鴨煲上再點火，除咗極有視覺效果之外，亦令鴨煲多咗酒香。鴨肉煮得好入味，仲有淡淡酒香。 滋補藥膳湯底清清地又養生嘅湯底啱哂注重健康嘅人肉類：美國🇺🇸肥牛、鮮滑牛肉、美國🇺🇸黑豚肉美國肥牛夠嫩滑，但以鮮滑牛肉更出色，滑得嚟有嚼勁。黑豚肉細嫩，味道鮮美。 醬料區仲有生雞蛋🥚，可伴肉一齊食，食落更滑溜海鮮：白鱔片、青口、帆立貝白鱔片鮮嫩香甜，青口及帆立貝都幾鮮味自助區仲有好多蔬菜、丸類（流心芝士丸、蟹籽包心丸、墨魚丸等）、餃子🥟、炸魚皮、炸響鈴等，林林種種～～ 啤酒🍻汽水🥤飲品選擇亦好多，仲有雪糕，呢個價錢真係好抵食

「二鍋頭」原來係尖沙咀開左分店！為食嘅小編緊係要黎撐下場順便再撐埋個肚皮啦😎.最抵消費，每人$198(星期日至四）就可以任食2小時超過80款嘅款式，真心超抵👍【惹味雞煲。豬手煲。川椒麻辣鍋 】頭盤係雞煲，鴨煲同豬手煲之中三揀一我地揀左惹味雞煲😘雞件同醬汁嘅份量恰到好處雞肉吸收哂醬汁嘅精華啖啖嫩滑厚肉帶上惹味辛辣～食完原本想轉打邊爐點知店員提醒原來可以食埋豬手煲，真係好surprise🙈一陣過後，黑椒豬手煲就上枱啦😍濃郁嘅黑椒汁包圍住隻隻豬手滿口嘅骨膠原加上軟腍嘅肉質瞬間成為小編嘅至愛🤣最後，終於到川椒麻辣鍋😂鍋面鋪滿紅椒同辣油，真係辣得夠過癮！值得一提嘅係無論食雞煲，豬手煲定麻辣鍋都係另上新鍋，吾係直接加落去呢點比較少見，值得大讚👍.【火鍋配料】配料分別係自助區同落單紙自助區以蔬菜，丸類為主而落單紙以肉類，海鮮為主小編推薦以下數款：肥牛，牛肉控必點，油脂分佈平均肉質軟腍，牛肉味重，值得encore!吊桶仔，雪白色好新鮮，食落鮮嫩彈牙😋韓式餃子，有粉絲餡，泡菜餡同韭菜餡其中泡菜餡就最正，勁多泡菜帶點酸辣😍.【飲品。雪糕】飲品櫃有三個大致上有汽水，鴻褔堂，啤酒亦有齊🙈而雀巢雪糕都有幾款味雲

好耐之前就喺旺角食過呢一間，見佢尖沙咀開咗分店，地方又幾就腳，就約咗朋友上去食喇😋我地係星期三去食，所以$198就可以任食2.5 個鐘，呢間嘅特色係佢有黑椒豬手煲，可以任食3款煲之後再打邊爐，咁梗係首先試新野啦✌🏻等咗10分鐘左右，個豬手煲就上黎啦～ 香噴噴熱辣辣，觀察過豬手都冇毛，食落都入味同肥美，不過我朋友就略嫌有少少辣，（佢都真係好唔食得辣），成煲我食晒咁濟😂到打邊爐時段 佢地嘅炸魚皮十分推薦，揀嘅番茄薯仔濃湯底都好新鮮最鐘意係佢嘅泰國雪條‼️一開始以為唔好味，點知佢個芋頭雪條係香滑濃郁，出面白色部分係椰子🥥，入面就係香芋，佢仲有榴槤同紫米味，推介推介❤️