二鍋頭 (嘉芙中心)

营业中

休息中

今日朋友又帶我去食好野，估唔到尖沙咀都可以食到呢個價錢，而且係任飲任食的火鍋店!呢間餐廳特色之處就係連雞煲都有得任食，仲要唔只雞煲，仲有鴨煲同豬手煲都可以任食，非常適合一大班人來試試。因為出面好少會見豬手煲，所以我地食完雞煲佢地好惹味的雞煲，再食豬手煲試試。醬汁帶有黑椒味，味道帶有少少辣，醬汁味道濃，所以味道很惹味。豬手整得都幾腍，而且份量都幾多，而且食落好有骨膠原感。食完豬手煲就開始打邊爐啦，我地揀了沙嗲湯，好耐冇食過港式邊爐，呢個湯底令人想念從前在酒樓打邊爐的日子。沙嗲湯底味道都幾濃，微辣，好香花生味。肥牛、羊肉、雞子、海鮮類等都可以係點餐紙點，而且肉類、海鮮等都幾新鮮!蔬菜、丸類、飲品都可以係自助的雪櫃拿取。食到最後仲有雪糕可以食，好滿足呀。

同朋友去開尖沙咀行街，想打邊爐就走左上黎二鍋頭，因為都算比較平每人200任食兩個鐘仲要包雞煲，除非食高級和牛/海鮮plan/部分小食先要加錢。一開始我地叫左個小小辣雞煲，唔食得辣既朋友都接受到幾好味，之後轉左雙拼湯底打邊爐，一個藥膳一個麻辣煲，湯底都好香。野食肉黎講算正常，而重點係菜同菇真係超新鮮好好食，好似我依個食菜獸真係勁滿足飲品都係任飲，有啤酒汽水同埋支裝涼茶清涼爽等等下次再有機會食既話，想試埋黑椒豬手煲，好似都幾正

朋友知道我鐘意食牛，就帶左我黎食二鍋頭，咁係朋友介紹，就梗係等佢發板啦店員一放低個煲，我就同我朋友講，咪玩啦，呢個擺明係雞煲，又話咩帶我食牛佢就話好戲在後頭，好，咁我就食住雞煲等食牛原來呢間店係先食一個雞煲或鴨煲，之後再打邊爐，難怪個名叫二鍋頭，因為真係食足兩個鍋雞煲雖然唔係我今晚嘅就主角，不過幾入味，雞腳更加係唔錯食完雞煲，就到主角牛肉啦牛小排、牛頸脊、和牛肉任食，不得了個人特別喜歡牛頸脊，重肉味之餘肉地又滑，一食就知係極品，仲要係任食，朋友真係無介紹錯如果大家唔係咁好牛，店都有好多唔同打邊爐配料，飲品甜品任食，係三五知己相聚吹水好地方

二訪這間位於樓上舖的火鍋店，個人覺得今次食物質素比第一次黎既時候好，這裡平日晚上$200左右就可以任食雞煲、鴨煲和豬手煲，食完仲可以打邊爐，2小時任飲任食，真係物超所值！座低後先揀任食雞、鴨或者豬手煲先，我們今次選了食雞煲！雞煲，小辣的辣度剛剛好，醬汁惹味，雞件份量都幾多，不會好多骨!而且還有洋蔥、芹菜等香菜，非常惹味!小辣很適合不能吃太辣的朋友，可以食少少辣頂下癮!食完一轉不夠喉，所以叫多一轉來吃!食完煲就可以打邊爐啦！這裡是另外再有一個煲作打邊爐，而不是加湯到煲中！沙嗲湯底味道都幾香濃，湯的顏色一看就知濃郁，煮菜、烏冬食也很好吃!肉類和海鮮自行在點餐紙點餐，美國肥牛和美國黑豚肉的質素都不錯，牛肉肉質鬆軟，豬肉口感嫩滑！另有蜆、蝦、青口、魚等海鮮可以點，性價比超高！

尋日放假約左朋友去任食邊爐，任飲任食兩小時可以慢慢歎，價錢又相宜，會再ENCORE!講緊既係二鍋頭係尖沙咀新開分店，除左有雞煲仲有鴨煲同黑椒豬手煲任食，真係諗起都流口水。雞煲好濃味，雞件嫩滑唔柴口，少麻少辣岩岩好，夠哂惹味。鴨煲濃香多汁，臘鴨件啖啖肉無膻味。之後就8選1揀湯底，蕃茄薯仔濃湯鍋酸甜又健康。自助區有大量火鍋配料、汽水等等，另一邊仲有炸魚皮同各款醬料。推介美國肥牛，肥瘦勻稱好柔嫩；黃沙豬潤好清鮮，食落夠爽脆；花枝片Q彈有咬口；墨魚滑爽口彈牙。最後仲可以食埋雪糕杯，勁滿足。

見到好似好多好評咪去試下，雞味道係ok, 但肉質係有點鞋口，但其他人講到肉質嫩滑咁好食，基本上佢表面沾左醬就有味，內面d肉就無咩而個肥牛真係好硬口同鞋，真心mama蝦都唔係好新鮮，蜆就黎到打開曬，又細粒，其他野都係普普通通，餃都係。選擇唔算多，都係d大路野，但連烏冬都無。所以其實唔明點解咁多好評，我加多小小錢去食台灣任食放題，有哈根帶雪糕，牛又好食d ，所以可一不可再。不過值得讚係服務都算幾好，職員算勤快。但我真係唔會有意慾再回頭

二鍋頭 (嘉芙中心)尖沙咀漆咸道南53-55號嘉芙中心1樓之前一路都有幫襯開旺角分店，知道早前尖沙咀都開左分店所以今日專登同朋友出黎試下。。尖沙咀分店位置係漆咸道同金馬倫道交界，非常方便約埋三五知己黎聚會吹水就岩晒啦，一上到黎呢到感覺幾闊落好舒服，唔會覺得好迫夾，而且職員既服務態度都好好，即刻上前同我我地介紹meun,  推介店入面唔同既火鍋plan最基本既雞煲/鴨煲/黑椒豬手煲+任飲任食火鍋只係$198非常抵食，如果大家鐘意食牛既仲可以upgrade 轉做牛魔皇套餐，只係加多$100就可以任食埋美國安格斯牛同埋極黑和牛，真係幾抵食架，不過今次因為有個朋友唔食牛既，所以我地無試，下次一定要再黎試下一開始當然係食咗雞煲先啦，雖然我地係揀左唔辣，但係都一樣咁香咁惹味，而且職員好好會幫手炒，到咁上下就會提我地可以食用，朋友第一次黎幫襯都話正呀。。食完雞煲就緊係轉打邊爐啦，餐廳會轉用另一個煲可以避免左食返雞煲底嘅油膩，呢到有8款湯底可以選擇，我地就揀既香濃既沙嗲湯底呢到既火鍋食材真係可以用包羅萬有黎形容，基本上大部份大路既火鍋配料呢到都有，其中有一部份仲係可以係凍櫃到自取架，即囉即淥好方便唔使

之前因為疫情既關係好少出街食飯，而家疫情稍為放緩所以就同屋企人出黎食飯，本身係唸住打邊爐既，但係有朋友推薦呢間餐廳話除左打邊爐之外，仲可以試埋雞煲都係同一個價錢，我地當然唔質輸要黎試下啦黎到餐廳坐低左先知道除左雞煲之外，原來仲可以揀鴨煲同埋黑椒豬手煲，不過屋企人都係食開雞煲所以都係無試新嘢啦，但係見到隔離檯揀左鴨煲都好香好吸引，下次一定會再約朋友黎試下跟住就入正題打邊爐啦，順帶一提出面好多餐廳係食完雞煲就直接用返同一個煲加上清湯黎打邊爐，咁樣就會比較油膩同埋無咁健康，而呢到好好會換一個新煲新湯底，呢一點值得一讚火鍋配埋方面，大部份感覺都好新鮮，自己最鐘意既就係餃類，雲吞，水餃，魚皮餃都好正，最估唔到仲有青口同帆立貝，真係幾吸引。。除此之外，仲有部份既食物係外面自己囉既，主要係蔬菜類，腸仔，餐肉，粟米，菇類， 炸魚皮響鈴卷等等，選擇好多而且非常衛生企理。。。

第一次嚟二鍋頭。朋友介紹話呢間野啲食物唔錯所以就約咗幾位朋友試吓呢度嘅食物。老闆阿Sam係一個好有heart嘅老闆。只要你係訂位嘅時候同佢講需要食乜嘢佢都會盡量滿足你。我哋兩個禮拜前已經訂咗位，仲同老闆講話想食象拔蚌。老闆二話不說喺當日就買咗最新鮮嘅象拔蚌。$450 一條，即切即食味道好新鮮。太肚餓嘅關係我哋先叫咗兩個小食食下先炸雲吞$38+麻辣皮蛋$28麻辣皮蛋辣汁很嘢未！炸雲吞，即炸，超脆口，可以一試我哋先你個豬手鍋，豬手呀肉質很但牙，好味，必叫😍😍😍😍我哋叫老闆預備左美國安格斯牛小排M五澳洲和牛。鍾意食肉嘅朋友千萬不要錯過總體來講用二百幾蚊就可以食到咁美味嘅食物，確實不錯

今日約咗朋友出嚟尖沙咀行街，行到咁上下大家都肚餓當然就食埋晚飯先走啦，朋友就提議食雞煲，我即時上openrice 睇睇啦，見到呢間<二鍋頭>有好多好評，而且地點好方便係正尖沙咀中心地帶所以一於上黎試下坐低左當然就落單啦，呢到除左雞煲之外，仲可以揀鴨煲或者黑椒豬手煲，但我地當然係忠於雞煲啦，一上檯已經聞到香氣撲鼻，味道好濃郁，而且份量都唔少架食完雞煲之後，當然係打邊爐啦，出面有幾個凍櫃放左火鍋既食材供客人自取既非常方便，而且選擇都好多呀，淨係疏菜都有成8款，仲有好多丸類，除左自取既食材之外，仲有部份肉類，海鮮同埋餃類係落單點既另外，餐廳都提供左幾拾款飲品比客人選擇，其中仲包括有啤酒同埋鴻福堂既清熱飲品，打住邊爐飲就岩晒啦。。。最後當然要食埋甜品先走啦，我就食左2杯雪糕啦，真係非常滿足

好耐無食任食邊爐啦！今晚去左二鍋頭係尖沙咀新開既分店，地方寬敞，乾淨企理，坐得好舒服～任飲任食兩小時，有雞煲、鴨煲、黑椒豬手煲任揀，仲包埋火鍋任食，真係好抵啊～先試火焰鴛鴦鴨煲，有鮮鴨件同油鴨，食落嫩滑仲帶點鹹香味。再試埋二鍋頭惹味雞煲，集辛香麻辣於一身，香辣得嚟好滋味，啖啖肉既雞件夠哂鮮嫩。食完雞煲就揀湯底轉打邊爐，有齊八款選擇，最後揀左蕃茄薯仔濃湯鍋。設自助區，有大量火鍋配料、蔬菜、汽水、茶飲等。另外亦有點餐紙可以揀選超過30款火鍋配料。特別一讚火鍋醬料區好企理，仲有爽脆炸魚皮。特別推介鮮滑牛肉細嫩又爽滑、美國黑豚肉鮮甜充滿脂白、魚皮餃爽滑煙韌、墨魚仔鮮味好爽口。最後食埋雪糕、雪條做甜品，勁滿足啊～

最鍾意食各式各類火鍋放題，款式多選擇之餘，又可以任飲任食兩個半鐘。😋😋😋而呢間二鍋頭除咗可以食火鍋之外，仲可以食到滋味雞煲丶香濃火燄鴨煲及惹味黑椒豬手煲; 每個煲都好用心去做好好食，各有特式，最鍾意就係有無限添加。食完各款式的煲類，可以轉埋個湯底食火鍋。今次點咗牛魔王套餐，包括一盤A6和牛，牛肩肉丶安格斯牛及牛小排，肉質鮮嫩。 另外有少量海鮮類及蔬菜類選擇。最後仲有我最鍾意嘅榴槤雪條，簡直滿足的一餐

🍴火鍋雞煲仼飲仼食2小時 $198 (thur-sun)🥘雞煲雞夠嫩滑，麻辣度岩岩好，唔會得死辣，仲有得食鴨煲，可惜朋友一般鴨，下次試。🥘火鍋有好多種過底可以選擇，想食清啲但係又唔想淡茂茂，所以就揀咗芫荽皮蛋湯，見到啲芫荽鋪晒面，都知道烚多兩烚一定出晒味，正！🥘肉、海鮮牛肉個方面，加多$100可以升級到美國和牛同埋牛頸脊，不過因為唔係太餓嘅關係，所以就冇特別升級，即使係一般嘅牛，質素都非常唔錯，牛味油香充足。另外海鮮選擇多元化，有蝦、蜆、花枝片等等，全部都新鮮，另外都好貼心，蜆已經烚過，開咗口，唔怕有沙或者死左。🥘蔬菜配料配料紙上面選擇亦都有好多，例如墨魚滑、鵝腸等等，都幾好食，而自己任拎嘅，有唔同嘅丸同埋蔬菜，選擇非常多元化。

#尖沙咀美食 #小蓮星呑食尖沙咀🔻 二鍋頭 尖沙咀漆咸道南53-55號嘉芙中心1樓///🥘火鍋雞煲2小時放題 $198/🧃雞煲揀左小辣，雞件嘅份量岩岩好夠2個人食👍🏽唔會食得太飽搞到無quota打邊爐！/🧃香茜皮蛋鍋邊爐係另上，唔係喺雞煲加水，因為想食清啲就揀呢個湯底，見到啲嚴茜就知足料！/🧃配料尖沙咀店限定$298可仼食美國極黑和牛，仲有牛頸脊同埋牛小排，不過我哋今次想小事牛刀線，所以就冇加錢。唔加錢嘅牛質素都唔錯，用清湯烚更加有牛味，亦都有足夠油香。另外配料紙嘅配料亦值得讚，好多都真心想食，真係精選嚟。海鮮好多，有蜆、蝦、帶子、白鱔等，都夠鮮味！仲有花枝片，超驚喜。至於出面拎嘅配料，超開心有小妹最鍾意食嘅西洋菜，超幸福。/////#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

二鍋頭任你食飽飽只需要$198最近同老公食多左雞煲諗返起一間性價比好唔錯的樓上店，原來佢講我知而家尖沙咀區開左分店，而且咁岩係我學YOGA附近，所以學完YOGA補充係唔錯選擇。要喺尖沙咀搵間經濟又唔駛心大心細揀款嘅火鍋唔係容易，難得二鍋頭新分店同旺角一樣都係$198任食2小時， 包哂雞煲火鍋凍飲甜品，真係一個餓底狂食的好選擇。店長服務非常好，介紹落單細節同埋推介尖沙咀限定款式，最後選擇左用$298升級一個牛魔皇餐，可以任食美國極黑和牛、安格斯Prime牛頸脊同埋安格斯牛小排，而且呢個餐另送一客澳洲M6和牛! 高質牛肉享受~由於我地兩個人食又想食多款，先叫左半份二鍋頭惹味再叫半份火焰鴛鴦鴨煲，  雞煲揀左小小辣，鴨煲揀左小辣，雞煲唔可以睇少小小辣的程度，惹味刺激!鴨煲加左玫瑰露點火焰燒香，將酒氣散發到每件鴨特別入味。火鍋配料自助區有唔同蔬菜丸類，落單紙可點肉類海鮮等廚房新鮮準備款式，升級的四款高質肥牛油花好吸引，食左頭一轉已經好豐富同飽，貴精不貴多準備食其他配菜，海鮮款式都有唔少，卜卜蜆、海蝦、青口帆立貝等優質新鮮，難得有我地鐘意食的韓式餃子、烏冬芋絲吸哂沙爹湯精華，配料款式就係包保食得