二鍋頭 (嘉芙中心)

营业中

休息中

間唔時就會想食雞煲，咁啱搵到尖沙咀有間雞煲火鍋放題平平地二百蚊就食到，於是同朋友去試下放題嘅雞煲，鴨煲同豬手煲都係任食，而火鍋就係食完再轉，我同朋友叫左半隻雞煲同半份豬手煲每樣試下雞煲（半份）我地叫左小小辣，雞嘅肉質嫩滑，而且啖啖肉，每件都沾滿醬汁辣辣地好惹味黑椒豬手煲食完雞煲就換左個豬手煲，平時好少食豬手煲，今次就叫黎試下，豬手大大件，充滿骨膠原食完兩個煲，就叫左個沙爹鍋開始打邊爐，值得一提呢間餐廳會直接換一個煲比你打邊爐火鍋配料選擇都幾豐富而野飲，菜，丸，醬汁同其他配料就喺出面自己攞美國肥牛打邊爐一定會叫肥牛，佢肥瘦適中又有牛味，另外黑豚肉豬頸肉，帆立貝，蜆，鮮蝦雲吞豬頸肉雖然切得幾厚身但食落又好滑，海鮮類都好新鮮，而最鍾意就係鮮蝦雲吞，入面啲蝦好大粒，又彈牙，即刻再叫多份墨魚滑墨魚滑打到好彈牙，而且有墨魚嘅鮮甜黑豚肉黑豚肉切得薄身，豬肉味濃厚，就算滾得耐左食落都唔會好鞋之後仲食左更加多嘅配料例如響鈴，墨魚仔，青口，食到好滿足，最後幾飽都梗係要食個雪糕收尾。呢間雞煲火鍋放題性價比相當高，用二百蚊嘅價錢可以試到好多唔同嘅食物，下次想食雞煲一定會再黎