二鍋頭 (嘉芙中心)

营业中

休息中

呢排天氣一直都天陰陰 落雨又落左好耐 個人既心情都好麻麻 所以就決定去尖沙咀打邊爐 滾下滾下 就去左任食邊爐😆🐣🐣🐣🐣🐣🐣之前有食過旺角店二鍋頭 今次見到尖沙咀都有 佢有得加錢任食靚d既牛肉 本身唔太肚餓 淨係想淥下野就無加到錢 但睇到隔離枱有嗌 個黑和和牛既花紋係唔錯🤤下次肚仔餓既時候可以一戰😆🐣🐣🐣🐣🐣🐣$198既餐係 有一份雞煲 食完雞煲再嗌個湯底打邊爐👏🏻🐣🐣🐣🐣🐣🐣雞煲一上既時候 會聞到有好香既雞味 同平時食開雞煲聞到好重香料味唔同 不專業吃貨既直覺 可能係因為用新鮮雞都未定🤤🤤而個雞煲醬同坊間都唔同 食得出餐廳有自己較個個味道 唔會太辣 但又好香 Good👍🏻🐣🐣🐣🐣🐣🐣而個鍋底我就揀左藥膳鍋 上菜既時候都見到有藥材係入面 感覺好養生🤣🐣🐣🐣🐣🐣🐣任食 就緊係咩都要試下 結果好似拎得太多咁🤭🤭好快就食到好飽😆唔同之前任砌 可以狂食幾round😂🐣🐣🐣🐣🐣🐣不專業吃貨既我覺得入面個粟米🌽吊桶🐙肥牛🐮蝦🦐都不錯吃👍🏻可以encore🐣🐣🐣🐣🐣🐣醬料區方面 大路既醬基本上都有齊 同埋食到中段都好企理 唔會話搞到東一忽西一忽 抵讚🙈🐣🐣🐣🐣🐣🐣食到最後就拎左杯維記雪糕 我見到佢有

一向係雞煲愛好者，果然雞煲唔會令我失望放工放得早，五點左右去到，未有太多人，地方更覺寬敞，地下更無黏立立感覺一坐低店員就熱情介紹唔同價錢的分別鐘意海鮮的朋友可以加錢，多四款海鮮食，唔食海鮮的牛魔王又可以加錢升級食牛小排，總有一款啱口味除左雞煲，仲可以選擇鴨煲或豬手煲火鍋湯底多達9款今次揀左小小辣雞煲，不過都幾辣下，好彩有大量嘢飲任飲雞煲一上，睇見面頭d芫茜就流口水鍾意茜味真係唔好錯過雞件入味，特別係炆淋左雞腳，入味之餘入口即化，大推嗜酒朋友可以加錢點酒飲，老闆熱推汽泡酒，係酒商食過雞煲後認為同佢味道最夾的酒，不過今次兩個人去食就無試到，下次呼朋喚友去一定叫黎試下食完個雞煲就轉湯底打邊爐，今次揀左沙嗲湯底，呢度係直接換過一煲湯打邊爐，而唔係係雞煲上加湯，避免左雞煲醬因為痴底搞到成煲湯一浸燶味叫左牛肉，硯，墨魚滑，樣樣都有應有水準，再係自助區夾左唔同丸類菜類，每人二百蚊左右兩個都食到捧住個肚走，大滿足

呢間有别於出面嘅雞煲，佢雞煲同火鍋係分開，店員會先上雞煲比我地食晒，然後再揀一個火鍋湯底，唔洗好似出面咁用雞煲嘅汁打邊爐，可以有雙重享受之餘，最緊要冇咁易痴底又冇咁heavy😂🤤一上雞煲果下已經勁香，我地揀左小辣，辣度啱啱好幾惹味，又有啲麻香，勁快就搶清光🤣同埋特別嘅係佢雞煲仲會落鳳爪，煮得勁淋索晒汁好正。火鍋果邊，我同fd見到有花膠雞湯底就忍唔住叫左，估唔到都幾足料，同埋清清地，淥菜同肉都好夾，好帶到食物嘅鮮味，啱晒唔係咁食辣嘅人。邊爐配料分2邊，肉/海鮮就要落紙，菜、丸類、飲品果啲就出凍櫃自己拎。呢到啲菜有好多選擇，居然連通菜、菜心苗都有。野飲都有好多，除左汽水，仲有韓國罐裝飲品同細細樽嘅鴻福堂飲品，可以飲來下下火。至於肉果邊，加88蚊就可以升級美國和牛，有多啲唔同嘅部位揀，如果鐘意食牛就超值，印象中個牛頸脊爽得來好有牛味，同埋牛小排嘅油脂分佈都好均勻，值得推介。個人就比較少食海鮮，淨係食左佢個白鱔片，都幾彈牙同幾鮮。打完邊爐其實都好飽下，點知佢有勁多雪條揀，居然仲有泰國牌子嘅雪條，忍唔住食左2條😂真係捧住個肚走，好滿足

今次我和好友們食咗性價比好高嘅火鍋200元另加一就可以食到2個小時仲要係“麻辣雞煲”再加一款湯底“打邊爐”最適合同一大班朋友享用我期待可以沒有限制令多啲人一齊食就更開心了通常以為打邊爐嘅雞煲係一般但出來嘅效果真不錯拍得住一些主打雞煲嘅餐廳濃厚嘅醬汁再加少少麻辣，雞肉也好滑啖啖肉，食完雞煲我哋今次叫了一個沙爹湯底另外畫紙再改叫一啲海鮮例如海蝦、帆立貝和花枝片，我特別推介食美國肥牛唔會有雪味，而且好厚實，不會是薄切的也有牛味，另外美國黑豚肉，也非常不錯墨魚滑也相當彈牙，外面提供蔬菜和丸類(放雪櫃，確保衞生)佢炸魚皮都係任拎，炸魚皮幾脆口可以隨時自己拎，唔需要等畫紙而且仲有多款口味雀巢雪糕提供調味料飲品種類多，另有啤酒提供真非常適合知己們一起歎啤酒最重要係食火鍋坐得都好舒服環境乾淨，位置寬敞，冷氣又夠

辛勞左一日都未食過野 一早5:15就去左食晚餐🧑🏻‍🍳🧫 咁肚餓 緊係去附近餐廳食任食邊爐😂…樓面都好整潔而且座位寬敞舒適😇 所有野都排列整齊～ 首先揀左個雞煲黎食先😛 🥕雞煲有雞、鴨、豬手煲任食😋 但我鐘情滑滑的雞肉😋 開頭都有啲擔心雞肉份量太多 會食唔到其他野 好彩份量適中！ 雞煲醬料調配得又香又辣😋 最緊要雞肉係新鮮雞😍食完雞雞就換一個鍋打邊爐🍲🥕滋補藥膳鍋 睇得出落左好多藥材煲出黎😋 幾清甜 更易食出食材既鮮甜味😋 配料方面… 有超級多.. 除左紙仔上邊既選擇 仲有幾個雪櫃任你揀。 🥕海鮮方面個人覺得蝦同吊桶仔係可以怒叫🤤 因為超級新鮮同彈牙🥕肉類方面 淨係試左佢既美國肥牛，但都幾驚喜，牛肉有啲厚度 唔係超級薄切！而且睇上去花紋都幾靚😍任食黎講質素好高😚 店員有介紹可以每人加$100 任食靚牛～ 我覺得下次可以試下 🥕丸類腸類方面選擇都係超級多 重點係佢有廚師腸！！ 仲有個芝士波波腸🥕甜品方面除咗雀巢雪糕之外仲有三款唔同口味嘅雪條俾大家揀🤤 但我都係食返雀巢原味

又黎食雞煲，講真餐廳好就腳，尖沙咀旺角好近去到，行完街放左工，想食就去食到！當然，佢嘅雞煲真係令人念念不忘，二鍋頭我又黎啦～雞煲我又食你啦～點解食過都要再黎，因為真心好正，香辣惹味，有人一問起一講起：喂！我想食雞煲喎！🙋🏻‍♂️我就一定答：食雞煲喎，唔去二鍋頭食嘅話，不如唔好食啦！👀睇睇d圖，隻雞煲個賣相一黎到，你就流口水啦，再加熱炒多兩炒，d味係刺激緊你味蕾，食落去個汁真係岩岩好無得彈架，香！辛！濃！惹味！另外，我見隔離枱叫嘅豬手煲同鴨煲同好正，其實我每次都好想試，但真係抵受唔住雞煲嘅誘惑。食完雞就到打邊爐，今次揀左皮蛋芫荽湯底，另外有有唔同嘢食可以俾你點紙叫同出去出邊拎，之前幾次呢都食咗好多好新鮮嘅海鮮，今次都唔例外，今次專登試佢嘅魚類，叫咗脆鯇魚腩同埋脆鯇魚片，食落真係好爽脆，魚味濃郁好鮮甜一啲無魚腥味。今次仲額外叫咗鮮牛肉，同平時食開嘅肥牛都唔同，新鮮啲亂滑啲，牛味十足。好值得推介大家。

太耐沒約過朋友出街食飯，難得出黎梗是要拆餐勁。黎到呢間位於尖沙咀嘅二鍋頭，門面都唔錯。內裹環境好闊落，枱同枱之間都隔得幾開，傾計好輕鬆。火焰鴛鴦鴨煲 ($328)首先叫左呢款火焰鴛鴦鴨煲，雞煲食得多，所以試下鴨煲。一上枱職員就落埋玫瑰露黎炒香啲鴨，色香味俱全﹗而且想講佢啲鴨炆到好稔身，好易入口，唔錯﹗滋補藥膳鍋 (跟餐) ($328)食完鴨煲之後就轉左打邊爐，我地叫左藥膳湯底，入面有好多杞子同其他藥材，好香﹗

今日都唔知係第幾餐生日飯了。今日3位好姊妹請我去了尖沙咀二鍋頭食任飲任食火鍋放題。我地揀咗$298+10%任食牛魔王套餐。除M6和牛之外，其他牛都係任食的。有美國安格斯牛肩脊，美國安格斯牛小排，美國極黑和牛。係食火鍋之前，係有火焰鴛鴦鴨煲，二鍋頭野味雞煲，黑椒豬手煲任食的。如果食得到，可以食晒3款的。但我地要留肚食火鍋，所以只係揀咗火焰鴨煲。鴨煲有枝竹，紫洋蔥，大蒜再加上一碗 玫瑰露酒攪勻。好香嘅玫瑰露酒味道，完全入晒鴨肉，枝竹及所有配料。非常野味。食完鴨煲，職員就換上一煲湯底。我地揀咗蕃茄薯仔湯底M6和牛入口即溶，牛肩脊肉腍，其餘牛都好食。再叫咗其他火鍋食物。芝士波波腸，豬皮，鱔片，鯇魚腩，菜食完所有食物，當然唔少得食雪條啦！我食咗2支黑糯米及1支椰汁芋頭雪條

二鍋頭(尖沙咀)尖沙咀真係有好多好嘢食，今日就去試吓呢間唔係開咗好耐嘅火鍋店，店舖特色係有雞煲，鴨煲，黑椒豬手煲任食，之後就會揀一個湯底打邊爐🍲我哋仲加咗$68任飲生啤🍺我哋嗌左個小辣雞煲先，不太辣，雞肉都好嫩，非常入味，煲耐左嘅洋蔥真係好好食🤗尖沙咀限定牛魔王任食套餐~$298我哋湯底嗌咗香茜皮蛋鍋，任食美國SRF極黑和牛，美國安格斯Prime 牛頸脊，美國安格斯牛小排，完全係牛魔王最愛，係任食架😋😍出邊仲會有好多火鍋配料可以夾，佢哋個韓式餃子同埋豆腐都非常好食，好多配料都非常新鮮，美國SRF極黑和牛非常高質，牛肉未去到入口即溶但都非常冧☺️整體來講，非常值得去食👍🏻二鍋頭(尖沙咀)🏠：尖沙咀漆咸道南53-55號嘉芙中心1樓☎️：35905650

係尖沙咀睇完戲又夠鐘醫肚。肚餓就最啱食任食放題。精明嘅朋友搵到二頭鍋，$198一位呢個價錢係尖嘴絕對抵到爛，就決定去食下。$198包雞煲同火鍋。好貼心嘅係可以半鍋半鍋咁上，可以食到唔同嘅嘢。首先食雞煲，料頭十足，好香噴噴。鳳爪吸收曬日月精華，又夠淋，食雞煲記唔好錯過。雞煲主角雞件嫩滑。食完雞就食平時比較少見嘅黑椒豬手煲。豬手入味，黑椒味濃，令人一啖接一啖食。好彩有飲品解下渴。之後就到火鍋！呢到特別係會轉煲，唔會會返雞/豬手煲底，除咗冇咁油，仲可以一餐內食到唔同口味。湯底選擇多，分分鐘食完重慶風味雞煲，轉過頭食泰式冬陰功火鍋。同朋友貫徹重口味，點咗沙嗲湯底。沙嗲湯底好濃郁，放埋啲鮮牛肉，就完成沙嗲牛。可惜已經好飽，冇落出前一丁。除咗鮮牛，仲有美國肥牛。個人比較鐘意肥牛，厚切有肉質。肥瘦剛好，唔會全部膏。黑豚豬都唔錯。整體而言，食肉獸會滿意嘅。大路嘅海鮮、火鍋配料都有，甚至有雞子。食到最後當然唔少得甜品，黎返枝雪條透水涼。有唔同口味嘅馬來西亞雪條，仲有榴連味，正！

繼上次初訪尖沙咀分店後一直都係唸唸不忘今次終於又搵到時間黎二訪啦🙈聽店員嘅推薦，揀左牛魔皇套餐 $298/位只係加多$100，就有三大亮點：1. 任食2.5hr2. 任食三款高質美國牛3. 每位送澳洲M6和牛一客.【餐牌】.【雞煲/鴨煲/豬手煲】三選一，識食一定係雞煲😂雞件份量充足，舊舊肉厚吾會好多骨佢嘅醬汁係成個雞煲嘅精華，香辣而惹味仲有芹菜，洋蔥，香菜，愈食愈香口😋.【八款火鍋湯底】在揀麻辣湯同冬陰功湯之間掙扎左好耐🤣最後決定試下冬陰功湯底酸酸辣辣嘅味道，令人胃口大開！湯頭濃郁，更帶陣陣鮮香可見落左吾少材料去製成🥳.【牛魔皇任食美國牛】升級款：安格斯牛小排，極黑和牛，Prime牛頸脊第一Round會先一次過上哂咁多款食完可以再Encore!三款牛嘅雪花紋路都好正，肉質嫩滑富肉汁牛味突出，入口即化特別推薦牛小排，香濃入味邊位既許少筋膜，令口感達至脆嫩柔軟😍當然，M6和牛仲高質肉質鮮嫩多汁，細嫩鬆化，味道帶少許香甜添.【其他火鍋配料】其他配料亦不容少覷😈無論係落單紙上嘅款式定係自助區都有超過三十款材料架！小編推薦：鮮蝦，吊桶仔，帆立貝，墨魚滑，鳳城水餃飲品同雪糕嘅選擇性都吾錯如鴻褔堂，

今晚同朋友係尖沙咀行行吓街行到食晚餐時間，兩個人想坐耐d傾吓計，又可以不停咁食，我地選擇咗二鍋頭任飲任食198雞煲火鍋😎😎平靚正又可以坐得耐。一坐低就睇下叫啲咩嘢食先，佢有雞煲我哋就叫個雞煲啦😎食完雞煲之後就可以揀湯底食火鍋㗎啦😁出面有好多配料喎♥️睇下先😍仲有幾個凍櫃喎👍裏面有好多菜、姑、丸任君選擇， 跟住有個調味料嘅 counter上面好多出前一丁公仔麵架😁😁嘩！ 仲有炸魚皮同埋響鈴woo啲魚皮好脆好好味架記住食呀，嘩！仲有好多嘢飲好多啤酒汽水😁而我揀咗清涼爽同埋馬蹄爽因為好耐冇飲過😅爽呀！主角嚟啦雞煲到，個侍應會叫我哋等一陣間跟住佢就會過嚟幫我哋炒過雞煲㗎啦👍👍炒到好香口架，你睇下個雞煲兩個人食幾大煲食完都飽咗半啦😅啲雞好嫩滑好入味喎辣辣地真係唔錯喎 我哋兩個不停咁食都食淨咗少少雞呀😅因為實在太大煲啦好抵食👍跟住到個火鍋啦！我哋叫咗個芫茜皮蛋湯火鍋 😁好特別呀😎原來佢哋唔係將啲芫茜皮蛋湯倒落個雞煲度🤔而係攞走咗個雞煲😍換過個煲畀我哋👍就淨係有芫茜皮蛋湯喺裏面👍👍咁就真係食到原汁原味嘅芫茜皮蛋湯啦♥️啲湯仲好好飲添呀👍👍 除咗啲湯好好味啲芫茜皮蛋仲好多添呀👍👍 皮蛋芫茜湯清熱氣呀嘛除

呢度嘅放題選擇真係好豐富！😍😍除咗有經典嘅美國肥牛，鮮滑牛肉之外。仲有好多少見，但其實你試過之後，會發現佢又好好味嘅配料，好似🐷沙包豬皮，同埋雞公子呢一啲，就真係好少試啦❤而且食魚嘅愛好者，都唔可以錯過：佢哋有滋味脆鯇魚腩~因為🐟平時喺街市買已經好貴，諗唔到佢喺度仲有得任食！🤩除此之外，仲有炸鴨腳，油鴨髀，🥢鮮鵝腸，呢一啲少見嘅選擇😋海鮮方面，佢嘅花枝片，同埋青口，仲有白鱔都好唔錯。

- 𝗢𝘃𝗲𝗿𝗮𝗹𝗹 𝗖𝗼𝗺𝗺𝗲𝗻𝘁 -環境 : 8.2/10服務： 8.2/10味道： 8.9/10影相： 8.5/10性價比 : 9/10回頭率 : 9/10➖➖➖➖➖➖➖➖➖➖➖➖➖➖坊間雞煲邊爐愈開愈多且層出不窮！但要揀最值得回票價既Top 1首選一定係「二鍋頭」🙆‍♀️逢星期一至四黃金時段都只係$198(未加一）雞煲，鴨煲，豬手煲，火鍋都係兩小時任食無論係一煲一鍋，兩煲一鍋定直接火鍋都得😈.©惹味雞煲 雞煲同火鍋，我推薦係必食！雞塊先過油再製成雞煲加入左大量嘅洋蔥，辣椒，芫茜等炒至入味雞塊吸收哂辣汁精華，嫩滑肉厚且冇雪藏味愈食愈過癮，連D洋蔥都入埋味仲好爽脆添.©火鍋雞煲食到差吾多，可以叫定火鍋鍋底有八大款，今次揀左冬陰功湯一上枱就聞到好大陣咁冬陰公味原來底下暗藏左好多料如南薑，香茅，檸檬葉，指天椒酸酸辣辣，堅係開胃👍仲有吾少海蜆增添鮮味架～.©火鍋配料落單紙幾海鮮，肉類為主首推美國肥牛質素都吾錯，仲要係任食系列肉質鮮嫩，牛味濃郁😍另外，海蝦肉厚彈牙，啖啖肉仲有帆立貝，青口，羊肉等自助區主要係蔬菜，餃子，粉麵如韓式年糕，蓮藕，韓式餃子，腸仔等等兩個大雪櫃👍飲品方面有汽水，鴻褔堂

星期日約左朋友去尖沙咀覓食，去左一間叫二鍋頭既樓上餐廳食仼食雞煲火鍋~~首先叫左個少辣雞煲，份量約半隻雞左右，雞肉幾嫩滑，之後再加雞，今次叫左唔辣，相比之下，辣辣地既雞煲比較好食～之後轉左打邊爐，有幾款湯底揀，沙爹番茄藥膳湯底都有，但最後叫左豬骨湯底。餐廳有自助區可以拎飲品同火鍋配料，肉類同海鮮類既配料就需要填紙俾店員拎，種類都幾多～自助區仲有炸魚皮同響鈴拎，質素ok~最後仲有雪糕雪條食。仼飲仼食，性價比唔錯~~