二鍋頭 (嘉芙中心)

营业中

休息中

位於尖沙嘴漆咸道南53-55號一樓嘉芙中心呢間名叫二鍋頭的餐廳！朋友相約今晚去大飽口福！餐廳集雞煲，鴨煲，豬手煲及火鍋一體餐廳地方頗大，落大大玻璃可觀街景！惹味雞煲色香味俱全，為食的我自然吃得津津有味，雞肉嫩滑無比，雞煲的配菜也是恰到好處！香菜和大蔥也令雞肉的味道更濃郁！鴨煲也同樣令人停不下來！燜得淋軟可口的鴨煲在上桌後再倒入適量玫瑰露！酒的香味令人更加垂涎欲滴！骨膠原滿滿的黑椒豬手同樣也香噴噴，食客可以大快朵頤！😋😋😋😋享用美味的雞煲，鴨煲及豬手煲！接著就可以吃火鍋多款新鮮海鮮及肥牛羊肉，又是另一種鮮味吃法！自助區還配有很多款新鮮蔬菜供食客隨自己喜好自由選擇！而自助飲料櫃也配有多款飲料！的確係一間唔錯嘅餐廳👍👍👍👍

尖沙咀行咗成日街 想搵坐得舒服嘅餐廳食飯諗起嘉芙間二鍋頭夠闊落 冷氣足同朋友之前食過都讚好 就決定再嚟啦依然好抵食！ $198起 任食雞煲/鴨煲/豬手煲+火鍋今次再戰雞煲 雞煲上桌時店員即翻炒一下 勁香呀 食落雞肉嫩滑 入晒味 紫洋蔥同芫荽都食埋高質！👍🏻我哋仲再encore多一轉雞煲 再加辣一點 超正😋任食真係好！食到夠皮為止！食完雞煲就另上火鍋揀咗蕃茄薯仔湯底 起初就有啲偏淡 一直烚吓烚吓到最後煲出個濃湯來而火鍋配料除咗肉類、海鮮可以寫紙仔落單 自取區一排雪櫃都齊備蔬菜、丸類、餃類、麵食等等選擇夠唒多 擺放得好整齊企埋我食咗唔少魷魚、牛柏葉、鱔片同蔬菜👍🏻記得去雪櫃揀埋雪條呀今次有榴連雪條 正呀！

好耐以前食過旺角個間分店，見尖沙咀新開咗一間就試下啦。居然有出面比較少見嘅鴨煲🦆一嚟到就聞到陣香味🥳店員會問你要唔要加酒嘅，加咗仲有火焰表演睇，同會再香啲。鴨煲好足料，唔止有鴨肉仲有蠟鴨，薑蔥紅蔥呢啲配料都比足，最正係有腐竹，吸曬啲湯汁。食完鴨煲就可以轉打邊邊，我哋揀咗麻辣湯。呢度係直接轉個湯。配料方面推薦羊肉，唔會韌。白膳片，肉質嬾滑。肥牛就正常，但睇有枱加錢嘅真係靚好多，如果係鐘意食牛嘅，加錢會抵啲。飲品正常，最正係有啤酒飲。

上次食完旺角店感覺唔錯，都算多食物選擇，今次就特意黎到尖沙咀店食。先點咗雞煲，小辣都好惹味，雞肉尚算滑，無雪味，而最正係雞煲係任食，唔夠可以再添加。店員幫忙抄一抄，微辣的香氣即噗鼻。食完雞煲後，點了番茄湯底，茄湯用茄醬製成，味道不算濃，適合打邊爐，不會油膩。食物係任拎任食，另有一張單可加食物。出面有個大雪櫃，有丸類、蔬菜、炸魚皮、響鈴，多款打邊爐食物都齊全。生根都幾適合用黎打邊爐，浸落湯底可索晒D味。丸類都有好多款選擇，我就最鐘意牛丸了，非常多汁。脆肉鯇好新鮮，值得一點。我地另點幾款牛肉，包括安格斯牛小排同極黑和牛，全部都來自美國。牛肉新鮮，油脂分佈平均，其中極黑和牛，肉質彈牙美味，非常值得食。

以前去過旺角食，估唔到尖沙咀嘅風格都幾唔同。旺角好似係一個武俠片嘅客棧食飯咁，尖沙咀就摩登啲，多啲位，同埋闊落啲。呢度叫酒仲有得平，呢度嘅鴨煲。最後會幫你讚酒嘅，添加香味，所以我哋就冇叫啦。店員一面炒，啲香味撲鼻，正呀。 調味唔錯，每樣料都好入味，仲有支竹吸汁，好好食。鴨煲應該有煲過，好淋，好易略骨。唔想略骨仲可以揀走鴨掌。咁就啖啖肉。唔知係咪個汁太好味，另一檯直接加清湯做火鍋湯底，下次都可以試下先。我哋叫海鮮配料為主，花支片，白鱔片好食。飲品選擇都有兩個大雪櫃，雪糕就係啊波羅嘅，有榴連味同椰汁紫米，芋頭，都幾好食😋

今日約咗朋友去尖沙咀食飯因為諗唔到食乜自己之前試過旺角二鍋頭唔錯見到喺尖沙咀有分店 所以就揀咗二鍋頭二鍋頭係火鍋仼食 $198/位 火鍋前有雞煲鴨煲羊腩煲同豬手煲揀今次揀咗招牌雞煲 中辣辣味好香濃 雞件都煮得非常入味食完雞煲揀咗香濃蕃茄薯仔湯 湯底令我好滿意平時食得太辣 火煱揀返個清清地易入口嘅湯底都可以直接當湯飲食材種類多達80種之多而且好多都好新鮮 特別係海鮮類👍🏻洗得乾淨之餘 又大隻 真係食到好飽 以呢個價錢 真心非常抵食👍🏻

有朋友要移民，想同佢食番餐,又要坐得舒服，又要有惹味嘢食，決定尖沙咀嘉芙中心二鍋頭，最合適不過，之前嚟過佢哋雞煲，真係惹味好食，即刻馬上訂枱，同店員講要坐窗邊可以望街景，店員回應沒問題，到了當天我們下午五點半到齊人,各人不用客氣自己去雪櫃攞飲品，我就一定要飲啤酒,即時向店長落單先來個雞煲，等了一陣子,雞煲來了見到滿滿的芫茜放在面上，店員開咗電磁爐，等爐滾起，幫我們炒兩炒香氣四溢，雞肉嫩滑，醬汁好惹味，還有配菜有洋蔥，京蔥好快就攪掂第一煲，再來一個雞煲鴨煲店員放咗玫瑰露酒然後點火，藍色的火焰🔥在鴨煲上面燒了一陣，所以鴨肉有玫瑰露酒的香味，跟住食火鍋，白鱔片.脆肉鯇魚腩，好有魚油香,牛肉估佢唔到好有肉香味,還有雲吞真材實料，呢餐食得好開心😃所以值得推薦朋友嚟二鍋头。

最近和朋友很想食雞煲，而經過友人的推介，我們便來到了位於尖沙咀嘉芙中心的餐廳。該餐廳名為二鍋頭。然而一入座，我便發現原來這間餐廳不僅只有雞煲的，還有鴨煲和豬手煲。這個難得的機會我當然不能錯過吧！因而我們把三款煲都吃過了一次。先來談及雞煲吧，這間餐廳的雞煲做得相當出色，雞煲的配料相當吸引，使用了乾蔥，芫荽，辣椒還有一些店舖特製的醬汁，配搭嫩滑的雞件，真的是個完美的鍋物。然後到鴨煲了😍，鴨煲在烹煮前店員會先倒下玫瑰露酒在鴨煲中，然而點火。整個效果相當吸引眼球，而鴨煲的份量也相當足料！最後到豬手煲了，我很喜歡店舖的豬手煲也可以選擇調辣度，我認為辣豬手煲也相當吸引！吃了鍋物後，還可以繼續享用豐盛火鍋，有頂級靚牛肉和新鮮海鮮，絕對是一餐豐富的任食套餐呀！

近排天氣開始冇咁熱就想食雞煲同埋打邊爐了🤣今次喺佐敦見到一間做雞煲/鴨煲/豬手煲/火鍋放題任食。叫咗個鴨煲小辣，店員上菜之後就會落少少玫瑰露跟住就會點火🤣鴨煲裏面有油鴨同新鮮鴨，油鴨夠惹味，新鮮鴨肉質好嫩滑，食落好有鑊氣而且辣到啱啱好少少辣食得好滋味。食完鴨煲就打邊爐啦，呢度有八款湯底選擇我就揀咗個滋補藥膳鍋，火鍋都有好多唔同嘅配料，有美國肥牛、鮮滑牛肉、美國黑豚、鮮雞、新鴨等等，仲有好多唔同嘅海鮮，選擇都好多款，新鮮吊桶仔、帆立貝、墨魚仔等等，當中白鱔片覺得幾好食😋。另外仲有飲品同雪糕、雪條任食添。

自從試過先雞煲後火鍋，以後一話打邊爐就不能沒有雞煲！今次就約埋朋友一齊試下二鍋頭有幾咁惹味先～一坐低店員就會好細心咁介紹唔同嘅套餐組合，如果鍾意食牛仲可以加錢upgrade一個牛魔王套餐，可以任食美國極黑和牛！不過我哋今次就冇加錢都依然有美國牛肉食～好食下次再「升呢」！講返雞煲先！一上枱就已經香噴噴咁，啖啖肉雞件嫩滑又多汁，店員再炒多兩炒，超香超惹味！食完雞煲就打邊邊！湯底都有好多選擇我哋揀左泰國冬陰功湯底，貪佢夠哂特別!果然一上枱就有好香嘅冬蔭功味，然後我哋將配料淥落去，估唔到上嚟都有陣陣嘅冬蔭功味，微辣入口，鍾意飲冬陰功真係要試吓啦😋💓配料都好多選擇除咗落order之外，仲可以去配料櫃任取，我order的配料份量以人頭計算，唔會每次都俾太多，咁樣就食晒先再order，就唔會浪費啦！好抵讚🤙🏻配料都有海鮮揀，有蝦、魷魚、章魚仔、帆立貝等，好新鮮，好好味～打邊爐其實好熱氣，所以飲品都有好多涼茶揀，我覺得店家好貼心！最後甜品仲有雪糕杯揀夠晒滿足嘅一餐！

今日同朋友去咗尖沙咀，朋友特登帶我食呢間火鍋，因為知道佢哋又平，質素又高， CP值超級高，平靚正‼️‼️去到我哋揀咗個最平嘅任食套餐， $198 ，不過原來包好多食物，竟然晚市可以咁平，都可以爆高質素牛肉和海鮮，好震撼‼️‼️‼️而且汽水啤酒都係無限任飲，另外佢哋仲有個走酒list推薦，有紅酒🍷、白酒、威士忌等，佢地支$148氣泡酒最吸引❤️😋🍾🐓雞煲質素唔錯，有辣有唔辣，又可以揀豬手煲，任君選擇🍲打邊爐我哋食咗好多嘢，最推薦係魚皮餃同鳳城水餃，真係好高質，另外牛肉都係超級好食，牛味濃郁，比起好多火鍋店高水準‼️‼️我哋叫咗藥膳味火鍋湯底，見到佢哋都有用到北芪黨參呢啲貴價藥材，相信比較補身，另外我哋都聞到隔離枱嘅冬陰功湯超級香，推薦大家都可以試吓。

𝟸𝟶𝟸𝟷 𝚂𝚎𝚙火鍋/ 雞煲 ?媽媽有選擇困難症所以約朋友食飯都係自助餐或者放題多雞煲同打邊爐兩樣都吸引有時真係好難取捨我今日去呢間好正除左係任飲任食、仲要火鍋+雞煲都食到 😍以前嘅雞煲打邊爐, 食完雞煲直接加湯但係呢度唔同, 先吃雞煲,少辣最正⋯ 份量好足, 記得留肚仲要打邊爐架而火鍋款式也自由揀選肉類、海鮮以寫紙仔形式、拿了他每次只可以揀10款菜類、菇類、丸類、飲品、雪糕 同調味料就出去自助區 、 超多選擇。雪糕都咁多選擇⋯ 咁多野食都只係$198 😅😅勁抵呀 二鍋頭📍尖沙咀漆咸道南53-55號嘉芙中心1樓#打邊爐 #任食火鍋 #火鍋放題 #雞煲 #火鍋雞煲兩食

今日，朋友又話想食雞煲，咁我當然就介紹佢嚟呢一間好抵食嘅雞煲試一試～😍 呢間雞煲個賣點就係除咗食雞煲、仲可以一次過試埋鴨煲、豬手煲😍 一次過滿左曬大家嘅慾望！其實我之前都有嚟過，由於太高質，真係忍唔住手要再介紹多一次俾大家！任飲任食仲要只係$198 炸，個價錢真係平得誇張，星期一至四食晚市就可以享受到呢一個價錢啦～～ 呢個價錢係包晒任食三個煲之餘、仲有80幾種食材同埋甜品，真係好抵😛🤣 聽老闆講，佢哋最近仲推出左一個新嘅套餐，就係牛魔王和牛任食套餐，價錢都係$300埋到單😍，佢哋仲好用心咁揀咗一支配合雞煲同埋和牛嘅氣泡酒😍 不過，由於我個朋友佢唔係好鍾意食牛，所以我哋今次就冇試到啦🤣講返啲嘢食先，雞煲一如既往嘅好味，佢有唔同嘅辣度選擇，就算唔係好食辣嘅朋友，都唔使擔心。👍🏻🤍 雞煲嘅雞，食得出佢都非常新鮮，肉質鮮嫩😍，同埋佢嘅份量都比得好足，唔會比剩係得骨嘅部位。我哋仲試咗佢嘅鴨煲，鴨煲嘅味道非常特別，問返老細先知道原來佢哋用咗玫瑰露酒增香😛👍🏻 甜甜地，食落唔會好油膩，值得一讚。配料方面，佢哋嘅選擇都算好多，而且用料都非常新鮮。我都特登影咗餐牌俾大家睇一睇有咩選擇；另外佢係有一個自助

來到二鍋頭，揀咗個窗口位，望住馬路及尖東建築，環境好開揚，又見到好耐冇見的朋友，心情大好。再食個198蚊雞煲，鴨煲，豬手煲，火鍋兼有的自助餐，已好完滿。講真，食完豬手煲和鴨煲已大半飽，鴨煲加埋D玫瑰露，聞到陣味已好有食欲。其實現場仲D付費的酒飲嘅，例如澳州的汽泡酒都做緊特價。啤酒當然少不了喇，實有。跟住嗌咗D肉類 、家禽類例如美國黑豚肉，牛肉片，黃沙豬潤，鮮鵝腸。海鮮就有生猛海蝦，脆鲩魚片，帆立貝，白鱔片。再加鳳城水餃和魚皮餃就食到肚皮漲，仲爭啲咩呢？就係雪條，有芋頭味，榴槤味仲有一款冇食到，唔知咩味？唔係中文，唔係英文，只能够睇圖識『雪條』。

又到咗放工同同事食飯嘅環節，我就提議去尖沙咀食鷄煲，有一間我之前都試過，食物同價錢都幾吸引，今次再食過對呢間餐廳嘅出品都信心十足。呢度整體裝修都無咩點變，都好似之前咁，環境響同類食鷄煲或者打邊爐嘅餐廳黎講算係好好，起碼乾净衛生，冷氣都開得夠曬足，唔會食到身水身汗。呢到本身就係鷄煲、鴨煲同豬手煲任叫，跟住可以轉打邊爐，限時2個鐘，每位$198，超級抵食，但原來今次嘅餐牌有新搞作，加咗款牛魔皇套餐，每位只需加多$100，就可以任食美國極黑和牛，仲每位贈送澳洲M6和牛一客，就咁睇介紹就留曬口水。但係非常可惜，今日我地有位同事咁岩身體有D不適，戒口唔食得牛肉，作為好朋友就陪佢一齊唔食啦，相信其他野食已經夠好味。咁我地都點左一煲鷄煲同一煲鴨煲先，一如既往，甚至仲好食咗，而且兩款都唔同味，各有特色，鷄煲就味道以咸辣為主，勁香，而且收汁收得好好，基本上所有嘅醬汁都入曬鷄肉入面，好夠味又唔會令到肉質過柴，依然非常嫩滑；而鴨煲就好玩D，臨搞掂個陣淋上玫瑰露，再點火，立即香氣四射，起到畫龍點睛嘅效果，味道則偏甜，肉質可能比起鷄肉會實小小，但都超級好味。總之兩個煲都好有水準，非常惹味，不得不提入面索曬所有精