二鍋頭 (嘉芙中心)

营业中

休息中

如果想食雞煲,鴨煲,豬手煲或者火鍋,二鍋頭可以一次過滿足曬你嘅要求.只需要$218就試勻晒佢地嘅特色煲,性價比好高.二鍋頭惹味雞煲:首先我地試左佢地嘅雞煲. 個份量都幾多,兩個人食嘅話其實一個雞煲都已經會開始覺得有少少飽,所以如果你地去嘅話最好叫店員俾少啲分量你地,咁打邊爐嘅時候就可以食多啲啦! 雞煲到左之後,職員幫我地炒個雞煲嘅時候已經聞到濃烈嘅香味.雞肉都有幾多部位,例如鳳爪,雞胸.雞肉雞嫩口加埋啲醬汁真係好惹味火焰鴛鴦鴨煲:第二個煲就係鴨煲啦!我個人比較鍾意鴨煲嘅.佢地炒鴨煲嘅時候會加埋玫瑰露,所以添加左多一份酒香味.咬第一啖嘅鴨肉已經feel到,真係好正!佢地嘅鴨肉幾大嚿,份量都多,真係可以約埋啲朋友一齊黎食黑椒豬手煲:火鍋:終於到重頭戲啦!佢地提供8個湯底俾我地揀,最後我地係揀左正宗豬骨湯嘅.湯底清甜,食完咁多重口味嘅嘢,係時候試番啲清少少嘅湯.佢地有幾多嘅火鍋料揀.有啲驚訝嘅係佢地都有幾多海鮮揀.我地主要都係嗌左美國肥牛,美國黑豚肉,脆鯇魚片.個人覺得質數幾高,咁嘅價錢都有番咁嘅level真係好難得大家想打邊爐或者食雞煲嘅話都可以試下二鍋頭.真心覺得幾抵同埋價錢都好合理.

👍🏼尖沙咀性價比超高嘅一間雞煲+火鍋任飲任食放題，我諗都真係好難係尖沙咀再揾到呢個價錢啦，星期日至四，任飲任食兩個鐘都只係$198 , 最岩一班朋友聚一聚，特別係雞煲發燒友真的不能錯過呀。除左食開嘅雞煲外，仲有另外2款煲都好特色，係出面餐廳好少食到的，一款係黑椒豬手煲另一款係火焰鴛鴦鴨煲。😃講真食雞煲就食得多，但呢個雞煲都係我最喜愛嘅頭三名，首先控制火候真係岩岩好，仲有5個辣度自己揀，又唔洗上枱慢慢自己炒先有得食，只要開火翻熱就即食得，真係慳唔少時間！第二款煲我就鐘意❤️"黑椒豬手煲" , 睇到出佢d豬手係有用心炆過的，因為一咬好淋而且仲好入味，出面有陣黑椒香，所以補充到骨膠原外又唔會覺得好膩。第三款就係"火焰鴛鴦鴨煲 " , 呢個一定要拍片打卡，佢會係上一個淋些玫瑰露， 淋完酒之後再點起火，咁就會有火焰再等酒精揮發完就可以食，鴛鴦鴨即係新鮮鴨同埋臘鴨，所以口感都幾豐富，唔錯！！試哂3個煲之後，我地已好飽啦🤤，所以再上火鍋都係點左菜黎食咋。 其實火鍋配料有成差唔多100款， order紙上有海鮮肉類，蔬菜丸類就喺自助區， 唔少得飲品同甜品啦，選擇都好多😃靜係$198 食到3個煲都回哂本❤️

肚餓就可以食好多野嘅我，經常都會物色一啲任食嘅餐廳，今次嚟到二鍋頭，佢哋嘅任食餐除咗邊爐之外，仲要包埋二鍋頭惹味雞煲，火焰鴛鴦鴨煲，黑椒豬手煲，你哋冇睇錯，除咗任食邊爐之外，仲可以任叫食物打邊爐，同埋所有汽水和指定啤酒。包晒所有嘢都只係198(2小時)極度愛上呢度個雞煲🤩 有我最鍾意嘅芫荽係入面，加埋有少少辣，個醬汁滲哂入雞入面，超級好味！打邊爐我哋叫咗正宗豬骨湯底，勁大嚿豬骨喺入面，用來熬湯超好味。佢哋有勁多配料選擇，其中有脆鯇魚腩同白鱔片，Encore咗好多碟，仲有好多其他火鍋配料選擇，一定食到你飽飽 ！

同朋友撐枱腳想食得滿足啲，黎到任飲任食，又乜都有，唔洗捻真係太方便了。餐廳座位都幾多，而且都好闊落，所以坐得都好舒服。🔷任食雞煲、鴨煲、豬手煲 💰198餐廳有半自助形式，醬料飲品同部份嘅火鍋配料都有得自己出去拎，但係都有部份嘅肉類，同海鮮類係有紙細填，總會有一款岩食。先食雞煲暖一暖個胃，雞件大細切到啱啱好，兩個人食個份量大概有半隻雞，食到咁上下再order下一煲嘅時候，有得揀少量啲，咁樣就可以試到埋豬手煲或者鴨煲。所以之後都叫咗個少量豬手煲，大概每人都會食到三至四舊，豬手骨膠原豐富，咬落會咬到，又未至於淋到軟哂咁，而且黑椒味明顯，食出另一種辣。

為左追趕夏天嘅尾巴就黎到打邊爐食雞煲，黎個暖粒粒嘅煲煲夜。🔷任飲任食雞煲火鍋 💰198呢到飲品選擇好多而且係任飲，鍾意啤酒嘅朋友亦都有任飲啤酒揀。另外，紅酒白酒都有供應，聽店員講有款汽泡酒做系搵專家特選，個口味同呢到嘅雞煲會好夾咁。雞煲小辣已經夠哂辣，雞肉好滑同雞煲醬做到好平均，，食到咁上下。換煲要左個豬手煲，個辣係另一種，偏黑椒果種，咬豬手咬得好過癮。食到咁上下已經好飽，但仲有個火鍋未食，就拿拿林點左個沙嗲湯打邊爐，想食多啲海鮮嘅可以加配點佢地嘅貝殼類等高級啲嘅海鮮。唔加錢都有好多選擇，如帆立貝、白鱔片等等都好夠喉。

之前響旺角分店食過1次覺得唔錯，所以見尖沙咀再開咗間新店，就試下尖沙咀嘅二鍋頭。 我覺得同旺角一樣都係超抵食之選， 首先環境俾旺角分店闊落新淨很多，而且都係任飲任食，除咗成日都食嘅雞煲之外，仲有豬手煲同鴨煲都好好食。最平由$198起，任飲任食兩個鐘， 除咗火鍋任食外，佢嘅雞煲，鴨煲，豬手煲都係任叫任食架，淨係食呢三個煲我覺得都抵返曬啦，而且仲有包汽水果汁啤酒任飲， 如果唔鍾意飲啤酒仲可以自費飲紅酒，白酒，氣泡酒，或者威士忌等等，食飽仲有雪糕都係任食添。不得不讚下佢哋嘅三款煲都整得好好食，首先雞煲 味道香濃惹味帶有少麻辣 佢係用原隻嘅雞件，所以肉質鮮嫩多汁，火候岩岩好，唔會煮過龍老哂。。鴨煲都係好值得推价，燜得好淋好入味再加啲玫瑰露，點臺火即刻有火焰嘅效果， 腐竹吸曬啲汁勁正。本身諗住唔叫豬手煲㗎啦因為怕油膩，但見隔離枱個個都點，好似好吸引，所以都忍唔住點返個些下， 估唔到有驚喜，食到滿滿嘅骨膠原感覺，又有黑椒香味，完全唔覺肥膩，唔錯~~試哂三個煲之後其實都好飽，所以我哋只係點咗個清湯火鍋底，食返少少青菜食同埋點咗少少其他嘢食，雖然佢火鍋配料有好多，但因為已經好飽，所以留埋飽食埋雪糕就大

二鍋頭除了供應雞煲任吃 更有少見的火焰鴛鴦鴨煲/ 黑椒豬手🔥㕵角 尖沙咀均有分店星期日至四 每位只需$198就可以任食兩小時自選湯底 配料超過80款 飲品任飲 雪糕任食另外+$100可任食美國極黑和牛 牛頸脊 牛小排每位仲送澳洲M6和牛一客（尖沙咀店限定）.二鍋頭惹味雞煲🐔雖然鴨煲 豬手煲真係好少見 但雞煲真係好吸引因為呢度嘅雞煲係加了酒 所以份外的香和惹味除左自選辣度 店主仲貼心提供走鳳爪/芫荽選項叫雞煲可以優惠價$148享用澳洲里奇蘭氣泡酒Perfect match🍾一啖酒 一啖白肉 非凡體驗.懷舊沙嗲鍋🥘食完雞煲會用新鍋上湯底 唔怕味道混合在一起配料選擇非常多 兩小時都食唔晒 個人推介：回本必食🥩美國肥牛 美國黑豚肉任食海鮮🦐海蝦 帆立貝 青口 蜆 吊桶 墨魚 花枝新鮮內藏🪱鵝腸 雞子 黃沙豬膶 豬大腸 豬肚片自家製造🥟鮮蝦雲吞 鳳城水餃 墨魚滑 魚皮餃除了點餐紙上嘅配料 食物自助區仲有丸類蔬菜記得留返時間食雪糕雪條 飲品選擇都有好多而且店內仲會播電影添 120分鐘過得好充實

今日同朋友喺尖沙咀行街，夜晚就順便喺度食埋飯，我哋二人都想食任食嘅邊爐，咁啱搵到呢間價錢唔貴選擇有幾豐富嘅火鍋店就嚟試吓。首先入到去環境都幾大，乾淨而且企理，仲有好多部大電視，可以邊食邊睇電影。自助區有多款打邊爐嘅配料，同埋飲品。店員介紹，最近餐廳有推廣，雞煲同埋意大利酒，有白酒紅酒同埋威士忌，平時食雞煲多數都係飲啤酒，呢個推廣幾特別同埋唔貴，鍾意飲酒嘅朋友可以試試。另外打邊爐方面我哋揀咗$198嘅套餐，店員話加多$100就可以任食高級和牛，真係好抵原本都想茄蛋見咁多嘢食我哋兩個又唔係食得多野所以就打算下次。首先除咗任食雞煲之外，仲有鴨煲同埋豬手煲，好有驚喜因為一般嘅火鍋店都係得雞煲任食。一開始當然係試吓佢哋雞煲先，好惹味，辣度啱啱好，雞都好滑！食完雞煲之後就試佢嘅豬手煲，原本都冇抱太大期望，點知真係好高質，啲豬手蚊到好林，仲要淡淡骨膠原，好正！食完煲仔之後就換湯打邊爐，我哋揀咗沙嗲湯底，都幾濃味，邊爐配料方面唔算話超多，但係都有好多我想食嘅海鮮同埋肉類，夠晒飽。 總括嚟講，$198可以食到咁多嘢真係抵到爛，仲要係質素唔錯，尖沙咀任食火鍋呢個價位真係值得去試。

今日行經尖沙咀去到近尖東付近的時候..竟然係以前飲酒集中地的嘉芙中心看到，有一間任食雞煲火鍋放題。心中的雞煲引立即湧上心頭，進入店面後看到店內場地十分寬躺舒適。坐低後店員立即跟我們介紹餐牌.店員跟我們介紹了一個198的火鍋套餐.但如果喜歡食牛肉的朋友店員再介紹+ 100 蚊 298就可以任食和牛及數款高級牛肉.雖然當日我冇選牛肉套餐但本人覺得性價比十分高。而我選的198套餐有雞煲.鴨煲.豬手煲都可以任食都是性價比很高.因為我的女朋友不太喜歡吃鴨肉所以我們選了一個雞煲跟一個豬手煲。雞煲放落枱後10分香店員.幫我哋炒了數分鐘後就可以開始食雞肉肉質非常鮮嫩不會太過熟.我們選了小辣不會太辣剛剛好.當食完雞煲後就叫店員換了另一個黑椒豬手煲。豬手煲來了之後份量都很多炒了後聞到燶燶的黑椒汁味非常香.豬手都炆得非常林.皮連肉都充滿了滿滿的骨膠原10分滿足。食完兩個煲之後就開始請打邊爐我們選了沙嗲湯底.親湯底未嚟的時候我出去了自選吧.拿飲品跟醬汁配料。飲品款式非常多有我最喜愛的忌廉溝鮮奶.以愛喝酒的人士亦有啤酒選擇。而店員亦介紹了他的餐廳推廣酒牌他說每一種酒都跟他鋪的雞煲豬手煲或者鴨煲很配搭。出邊自選吧

呢間食咗唔止一次，佢哋係任食雞煲、任食鴨煲、任食豬手煲。今次試咗個之前未試過嘅湯底，蕃茄湯底。一樣都係先食咗雞煲然之後再轉番茄湯底打邊爐。配料方面揀咗蝦、蜆、帶子、花枝片、墨魚仔。另外當然仲會有其他任食嘅食材可以自由選擇，我就一樣鍾意清清地所以都係拎咗粟米、蔬菜、豆腐、響鈴、蘿蔔、南瓜等等。。。。。。同埋甜品另外拎咗紅豆雪糕🍦真係好鍾意打邊爐啊，無論同唔同嘅朋友都係會大多數選擇打邊爐，主要可以樣樣都食啲，然後又熱辣辣。

當日和2位朋友叫咗最基本的任食餐，食二小時包咗任食雞煲，鴨煲和豬手煲，有一張任叫的餐紙，大路的肥牛，魚片，雞，豬等。菜類，菇，肉丸，餃子，汽水自己出去拎。先食咗過雞煲，要咗小小辣，覺得麻多過辣，我唔鐘意麻，所以麻麻，雞肉都多，如果䓤頭可以更多仲正。可以選擇走鳯爪，不過餐廳太忙了，忘記咗同我哋走…。之後叫咗過豬手煲，唔啱口味，甜甜的，豬手太韌太難咬⋯⋯。呢到有様嘢非常好，就係煲係任食和食完煲後之後可以選一個火鍋底打邊爐。食咗兩個濃味嘅煲，就叫個香茜皮蛋鍋，唔錯，有好多皮蛋，好夠味。出面任拎的餃子好大舊，幾特別可能餐廳自己包，值得一試。其他邊爐配料基本上到水準，冇伏嘅料。當日用餐係平日晚上，好滿客，人手不足，不過職員都有禮，冇乜留單，CP值真係幾高。

雞煲有陣輕微變酸嘅味道，同個疑似老闆嘅人反應完（佢主動過嚟問個雞煲好唔好味嘅），佢話會同廚房了解下，跟住無哂下文。轉過個湯底打邊爐，6個人得一個鍋，叫咗鴛鴦鍋，皮蛋芫茜啲皮蛋溶溶爛爛，番茄湯啲番茄係無味嘅，更何況個湯底，蔬菜柜啲菜好似喺室溫由朝擺到晚咁又乾又黃，仲有舊南瓜疑似發霉，蓮藕片好似煲完鱆魚湯咁啡，秀珍菇好似浸完水之後再擺咗好耐咁，叫咗蝦同大蜆完全無出現過⋯⋯到主角肥牛出場，一隻碟放咗幾款牛肉，當中嘅美國安格斯牛小排係成舊冰磚咁，用筷子大力都拆唔開，要成舊放入湯底，等啲冰溶咗先可以整到一片片出嚟，但咁搞法，啲牛已經過熟。職員（疑似老闆娘）見到有人無戴口罩出去攞嘢食完全無出聲，甚至嗰個男人無戴口罩對住啲菜咳咗幾下，職員都無反應，當然啲污染咗嘅瓜菜仍然繼續放喺雪櫃啦⋯⋯之後有其他人無戴口罩攞嘢食，啲職員都係（當）睇唔到嘅。食到咁上下，疑似老闆娘過嚟問啲嘢食得唔得，同佢講完唔得之後佢就行咗去，完全無了解過邊方面唔得。整體嚟講，完全唔值連埋加一$328/位。

🌕Hello我係Moon🌕雖然未到冬天，但已經好懷念各式各樣嘅煲喺眼前，🤪例如羊腩煲或者雞煲再或者係鴨煲，😳嗰種滋味同埋溫暖真係歷歷在目。😎經過二鍋頭，😍唔係飲酒嘅地方嚟㗎，反而真係食鍋（煲）， 當中就有招牌嘅香味雞煲同埋火焰鴛鴦鴨煲，冇錯啦就係自己一直耿耿於懷嘅味道。😗未食之前都一定要讚下員工服務態度好好，隨時隨地都會關心食客嘅用餐體驗，😎更重要嘅係而且上菜速度超級快唔會要等好耐，只係坐低冇幾耐就已經呈上左雞煲。😌在經過店員嘅翻炒，😙一鍋熱辣辣又經典嘅雞煲就整好。每一舊雞都已經最大程度吸收晒汁底嘅濃縮精華，😋又香噴噴又啖啖肉，可能只差一碗飯咁就係好滋味嘅配搭🤣 不過識得兩種煲嘅放題當然要盡量減少吸收澱粉質啦。 😋😋輪到火焰鴛鴦鴨煲，呢一個煲夠晒特別，😍呈現上枱之後先倒入少量嘅伏特加然之後再點火，視覺效果已經一流，🥳再不斷嘅翻炒在翻炒，熱辣辣嘅鴨煲都搞掂左，鴨肉好腍 肉質好好 而且入晒味，😏側邊啲知足直頭係唯一可以喧賓奪主嘅食材，吸收晒所有味道，無論係知足又好又或者鴨都好都絕對要趁熱食，一兩咗之後就缺少咗份火熱感。 😳食完呢兩個煲之後除咗可以再encore之外亦都可以選擇去到打邊爐環節

現在麻辣雞煲成了其中一個主流菜式，如果去尖沙咀，”二鍋頭”是一個不錯的選擇，今次再度光臨，佢哋啲水準依然保持，麻辣好平均，我鍾意佢夠晒多芫荽，啱我口味。用了十足兩個人都有一隻雞。最緊要佢哋係放題，食完一煲唔夠可以再叫😃。今次餐廳仲推介一隻葡萄汽酒配麻辣雞煲，別有一番風味。跟住第二部份就是任食火鍋，今天叫了一個蕃茄薯仔湯底，湯底OK啦，火鍋配料選擇都算多，今天叫了少量海鮮，比較喜歡花枝片，再夾好多蔬菜，放題一定食到飽。

諗住去尖沙咀食嘢, 又可以吹水 諗住坐得耐, 咁應該打邊爐啦....上網搵openrice... 睇咗呢間有咁多好評.... 朋友都選咗呢間星期六的日子, 都無full house....咁本身有幾款選 $218 是基本plan , $268 多咗海鮮 (一人份有大蝦, 鮑魚, 蠔, 螺 但無得refill), 仲有個$298 plan (但貴就無多睇)本身我哋唔多人愛食海鮮, 所以就兩人基本, 兩人海鮮....飲品同菜... 都係自助..... 咁都係類似大部分連鎖式任食款..... 都還可以.... 首先食雞煲(BB 辣), 超夠味... 但我啲朋友覺得偏喊....亦因為太夠味, 之後再打邊爐叫咗個藥膳湯底.... 完全比下去, 本身... 湯底真係無乜藥膳味, 似就咁普通一啲上湯... 加啲杞子... 就完啦....咁啲海鮮.... 基本plan 就真係普通... 因為啲蜆 有沙.... 我食幾隻都有沙... 基本plan 個蝦... 好似怪怪地... 個頭甩甩地...   但另外加錢個啲海鮮... 相對... 好似好少少.... 急凍肥牛, 同其他餸.... 只可以說OK...