九份•十分 (T Town ) (已結業)

簡直係天水圍人的福音我細個係天水圍讀書，果陣覺得天水圍係無野食的，今日返去母校探老師，竟然發現開左呢間餐廳，食台式野的，現在學生哥們真有福同中學老師去食個lunch 發現原來都好多好多人排隊下，終於入到去，先叫左個溏心蛋，仲有少少酒味，好開胃，不錯的小食接著揀了一個鹽酥雞麵，如圖所示 塊雞真係幾大下，而個麵都幾健康，有不少蔬菜，值得一讚！再叫左一個細既滷水拼盤（細)同老師share 話就話係細盤，但其實份量好多，有雞翼呀酸菜呀豆腐內臟等等，真係食唔哂最後叫左杯菠蘿味既沙冰，菠蘿包就無菠蘿，但菠蘿沙冰真係有菠蘿！仲要大大杯有果肉，呢間餐廳都幾足料，學生哥們一定吃得飽！

今晚收咗工就黎呢度食餐台式野，由於朋友聽到我話掛住台式食物，所以就介紹我來呢度食返餐回憶一下。一坐低即刻叫咗一杯Oreo珍珠奶茶， 杯珍珠奶茶賣相吸引，飲落更加醒神，茶味夠又唔會太甜， Oreo趣卜卜，加埋珍珠本身咁滑溜，令口感層次豐富。食台式野又點可以少得鹽酥雞，呢味鹽酥雞炸得好趣，塊皮夠趣不在話下，裏面嘅雞肉更加係好滑，鹽酥味道突出，加埋可以自製口味，例如可以加咖喱粉辣椒粉等等，令味道都可以個人化，我就最鍾意個咖喱味，食落去好特別，喺台灣都食唔到。最後叫埋個阿春麵線，麵線非常幼滑，所以食落好滑，係滑到食咗都唔覺嗰隻，至於豬腸就切到好幼細，個味道仲好濃烈嘅台式風味，覺得非常有台式嘅味道實屬唔錯。

個人推介指數分7.5(10分為滿分)- 除了日本菜外, 台灣菜也是香港人喜歡的, 這所店子坐落天水位區的屋苑商場, 但人龍之多超出筆者預料, 可見其食物既大眾化又好一定水準, 才會吸納那麼多食客奉場. 食物方面, 味道和菜式也較外間些出名連鎖店子為特別和地道, 價錢又確貼地合理.是日約了父母親大人吃晚飯, 他們竟初次提議吃台灣菜, 作為囝囝當然要做次孝順仔, 嚴選一間又平又近又好吃的店子給倆老好好品嚐. 坐西鐡和輕鐵, 很快就和父母由屯門到達這所台灣食店. 可幸我們預先用APPS 訂了位置, 否則看見那人龍, 也不知要等候多久吧. 沒有說假, 今天已不是週五六日, 已有大批食客等待, 我心想真的要試試是否那麼值得讓人等待先.店來雖然有點擠擁, 但也在謹餘的空間佈置得很有老台灣的味道, 特別在卡坐附近, 充滿那些年的味道. 癈話少說, 一坐下來, 父母馬上要求我點菜, 因為他倆已很肚餓了. 我便先點了以下前菜, 給他們打打底. 醉溏心蛋- 這個蛋酒香很濃, 但酒味是清淡的, 倆老也各淺嘗了半隻, 筆者把半隻放在湯匙上, 伴以少量酒再放入口中, 溏心的蛋漿淺出, 混和淡淡的酒味道極了, 可

有幸來到呢間充滿人情味既台式餐廳！😍晚上和老公阿女來食晚餐，等位時阿女已經扭眼瞓😭，職員叔叔🤵🏻都前來氹阿女。到埋位食野，阿女扭到大喊，職員👩🏻‍⚖️都前來安撫，完全唔介意。到最後，阿女瞓左，職員姐姐👩🏻‍💼更前來幫我拉闊坐位空間！超有愛既餐廳！阿女瞓左😴，我和老公可以慢慢用餐啦！✌🏻先來前菜：涼伴四季豆—好香蒜蓉味，又爽脆！阿春麵線-麵線夠滑！蚵仔泡飯-用料十足，仲配上炸米，好香！鹽酥雞-份量大，仲有六種調味！必定要試下紫菜味！薑母茶-好夠薑，冬天飲一流！綜合水果茶-我的最愛附上小杯，內有冰檸檬，好有心思！ 白肉珍珠雙色冰淇淋鬆餅-上菜時，嘩左一聲，50幾蚊超大份量！抵過「茶X/xxxwood」！

其實啲嘢食都ok，不過俾錢時先知佢只收現金，其他乜都唔得，我只係講咗句:吓，只收現金？同一時間其實我都已經攞咗錢俾佢架喇，佢就答我:係呀，我哋寫得好清楚，只收現金，乜你唔知咩？我就話:我又夠寫咗林鄭落台啦，佢又唔落

早排新開成日見到要排隊, 今日星期一八點幾去到唔使等即入,正!帶位哥哥仔到落單執野嘅妹妹都好friendly 勁nice,我一定會再返去幫襯都係因為佢地.!哈!我見佢有好多醉乜醉乜食, 今次同媽媽黎, 佢又like 鮑魚所以今次試呢個"酒醉一口吉品鮑" 細細粒好有淡淡酒香咪,易入口.質地就好似平時D 罐頭鮑魚咁。雲耳好爽口。"台式鹽酥雞"-雞肉脆口最特別係有6種調味粉比我地自己落,最鍾意佢嘅辣味同咖哩味,最突出!"鹵水拼盤"- 好入味, 有雞翼+半隻蛋+鴨舌+腸+腎, 全部都完全吸曬味,另外呢個豬腸 好味到不得了,一定要試!皮蛋豆腐-正常!原本叫士多啤梨味 點知黎錯左芒果味。 丫~ 又好好味喎, 個芒果醬酸中帶甜豬手麵- 豬手有咬口 冇話過冧. 湯底就較淡,麵質好好軟硬適中剛剛好。紅燒牛肉湯麵-同樣湯底同偏淡, 勁多件牛根,入味, 夠淋。凍朱古力幼, 唔知點解係比一支好熱嘅朱古力奶跟兩舊整成冰嘅牛奶溝埋一齊。當然最後變左室溫朱奶, 好勁! 比一般朱古力濃味而且滑好多。胚芽珍珠-超多胚芽, 冇少甜 但甜度適中

平時都好鐘意食台灣野，今日去開天水圍出duty，醒起之前朋友推介九份十分，咁近梗係要去試下！酒醉一口吉品鮑，細細隻好易入口，煙煙韌韌，伴菜有木耳好爽口，加埋少少酒味好清新。老皮嫩肉，其實係炸豆腐，豆腐炸完之後再加醬汁煮，好嫩滑有咬口，口感彈牙。蒜香焗茄子肉燥飯，茄子即叫即焗，加埋蒜味好香好入味，肉燥份糧亦好多，冇乜肥肉，好正！忌廉芝士磨菇雞翼肉燥飯，芝士磨菇塞滿雞翼，漲卜卜，咬落去完全無骨，忌廉芝士嘅配搭令到雞翼更加野味！蜂蜜珍珠奶茶，好香茶味，奶茶口感好滑，珍珠彈牙，加埋蜂蜜好滋潤！

晚上朋友天水圍的九份.十份食晚餐, 佢見餐牌後期待食到好味的台灣食物, 又見門外多人排隊。叫小醉小三,有酒醉鴨舌,飽魚,中蝦....一來口邊有酒香的中蝦, 蝦肉好多彈牙,大隻的飽魚跟朋友同分享, 食得到鮮嫩飽魚,鴨舌像不用咬碎骨好正. 基隆紫菜蝦麵泡飯, 中蝦同蝦的配料令成個湯飯有濃蝦香味, 泡飯比人健康食品的印象, 全食哂因有豐富材料。雜果明蝦凱撒沙津，鮮蝦像剛燒製好夠鮮味，藍莓、芒果、奇異果..... 咬落好清爽，加上醬汁真令人開胃。青青草原 用頂級宇治綠茶沙冰，好香的清新綠茶。海綿寶寶是鮮芒果沙冰，有好多芒果粒粒。

平時好少會黎呢邊但朋友話最近開左間台灣野而且十分近輕鐵站所以就一齊黎食Menu有好多選擇好難揀食咩所以叫決定叫d小食呢個係忌廉芝士蘑菇雞翼上枱時仲熱辣辣平時好少見會到呢種雞翼食落好有驚喜好香既芝士味仲有一片片既蘑菇釀左係入面估唔到台灣店都有芝士溶岩雞食即刻叫番個分量好大炸雞至少有十件而且係新鮮炸起好貼心有埋手套比你拎住食但方便你捲芝士係重點拉絲效果一流芝士夠濃味而且唔單止有芝士農夫飽下面仲有白汁食完雞再用剩番既芝士同白汁食埋個飽 十分正紅燒牛肉麵分量十足而且價錢合理牛肉好淋而且麵質彈牙湯底濃郁滷水拼盤（細）雖然叫左細 但分量一d都唔少有好多種配料豆腐 鴨舌 鴨腎 雞腿 豬腸 蛋滷水夠入味最後緊係要食番個甜品鮮雜果鬆餅新鮮整起分量好多 有成4塊鬆餅而且仲有成5種生果岩哂生果控🍓🍌🥝飲品就叫左胚芽珍珠奶茶同冬瓜茶有唔同甜度同冰量選擇十分貼心食到捧住個肚走價錢唔貴而且好好食服務態度又好十分推介

話說今日好早就可以收工, 甘我就住天水圍入面既, 聽人講九份十份有開新餐廳, 作為一個又食過另一間九份十份既吃貨絕對要試埋新餐廳二話不說, 好快約左女友同啊媽齊齊去開飯~去到果然好多人, 因為佢既質素`真係唔差, 又整得有台灣味道等左足足10分鐘左右先可以入到去, 餐牌有部份食物唔同左皮蛋豆腐  黎到必食!!!!推介皮蛋完完冇大家想像中既難聞味道, 甜甜地幾好食豆腐滑溜溜~加上肉鬆既微甜口感, 好GOOD FIT~滷水拼盤都係必食之一雞翼夠哂入味, 皮滑肉香半隻滷蛋都好入味大腸亦滷到剛剛好, 咸淡適中, 真係腸氣迴盪~墾丁星空個真係好鬼浪漫, 估唔到黎到杯野真係甘浪漫下次你地都可以帶埋自己女友黎, 然後叫呢種特飲顏色漸變好靚, 加埋托底燈~正蝶戀花青檸沙冰, 並唔係人工色素可以放心飲~酸酸地好開胃溶岩芝士雞我媽當時問我, 你叫甘多野食食唔食得哂, 因為呢份野黎到真係夠3個人食炸雞嫩口, "點JACK"甘將雞點落芝士, 哇...果種滿足感同邪惡感同時飛出黎芝士味濃, 又滑口, 我建議食埋個包佢, 因為點完雞仲有好多剩哇, 個飯終於到啦~台南咖哩骰仔牛飯話明骰仔, 牛肉燈當然係正方形啦台灣

那年中學畢業第一個Grad trip就是去台北，還記得在十分放了個天燈，好懷念車站的裝飾，有九份十分特色。台灣特色麵飯和小菜，選擇好多呀，好多東西都想吃我好喜歡的台灣麵線芶芡湯底不太稀也不太糊，剛好呢，麵線入口也很滑，還有大腸滷得入味，又不會太鹹很有酒香整隻鮑魚都很入味。飯後甜品，除了鬆餅、磚塊外，還有吐司可選超級大大份！好抵食呀！磚塊烤得脆脆的，加上滑滑的Cream和草莓雪糕，甜蜜蜜的滿足的一餐台式菜

試新台灣菜，裝修以懷舊台風為主，坐得算舒適！第一次幫襯係試業期間，有lunch set，$50幾蚊有埋湯及珍珠奶茶飲，好抵食！而且味道不錯，份量又充足魚丸湯跟餐送，淡而無味咖哩炸魚飯超大份，魚柳香脆，肉質白嫩又香口！忌廉芝士蘑菇雞翼肉燥飯超多肉躁舖面，去骨雞翼內塞滿配料，非常惹味珍珠奶茶偏奶偏甜，一般般。第二次同樣係午餐，卻無左抵食lunch set，唯有散叫囉。牛肉麵湯底濃郁，牛肉夾雜牛根一d唔韌，不錯！炸雞既肉質不是很嫩，不過不失。但明明menu上係有多種味粉選擇，但炸雞上檯時卻一種味粉都無，仲要再三向職員追加才有，職員毫無禮貌亦不夠專業整體食物味道尚可，但服務有待改善。

工作去到天水圍，呢排天水圍啲商場翻新，又開了啲新食店，去到門口光鮮，店內裝修型格，以火車站做主題，店內三尖八角，桌椅幾迫！我哋坐靠牆四人位，台式食物選擇多！鹽酥雞扒肉燥飯（$52）份量大，喜歡啲食物一碟各有位置，唔會撈汁！雞扒大塊，外面香脆，內有肉汁唔會乾，如果多少許淮鹽會更好！飯好鬆軟乾身，好好味，肉燥多汁濕潤，不過味道偏甜！醃椰菜好爽好味！鹵水蛋太實！又無乜味！整體好味台南魚丸湯：湯夠熱，肉丸彈牙，生菜爽口！湯底清甜！熱柑桔檸檬🍋：熱飲好大杯，叫了少甜！非常熱！柑桔加檸檬酸酸地開胃唔假！好味同事食：椰子奶酥吐司（$58）阿春麵線：珍珠奶茶：胚芽奶茶：為了夠數攞泊車優惠，另外叫了個小食：皮蛋豆腐（$28）賣相幾好！豆腐滑，皮蛋特別嘅味道，加上肉鬆同青瓜，幾種唔同嘅質感食物夾埋一齊，味道又夾到！好味！店員有禮斯文，我哋分幾次落單都仲保持笑容！比錢最尾仲幫忙解決泊車問題！好窩心！

朋友話天水圍開左間台灣野，所以就去試下。 大約7點去到，門口巳經好多人緊位，佢門口都幾靚，咁就避開左人群去影左張相。成功等到位入到去，佢既裝修都幾有台灣既味道，可能係因為佢播住台灣既歌一打開個menu，已經有我好中意既嘢: 珍珠奶茶😻 仲要有得揀冰同糖既比例👍🏼 好少餐廳會有得揀咁多嘢！最後揀左一杯oreo 珍珠奶茶(半糖小冰) 同一杯叫星空奇遇鐵達尼既嘢飲 咁其實佢就係一杯蝶戀花奇異果沙冰飲落好fresh 岩哂用黎夾奶茶同中和反之後食既重味既嘢食如果唔中意奇異果，仲有其他靚靚沙冰可以揀之後上既就係人氣高既 台灣鹽酥雞 ！特別係地方在於 佢有6種唔同味既粉可以加，每人都可以因應自己口味揀反👍🏼 碟雞既分量都幾多， d雞肉好嫩口🤤而我最中意既味係原味同紫菜味之後上既係古早醉鴿米醉雞我就食得多 但醉鴿好似就無 所以就試下 酒味好濃郁 配埋佢個胡椒湯米好正 個米仲要係好正既新竹米粉❤仲有芭樂鳯梨鹽水雞干拌麵鹽水雞係每次去台灣都必食 係香港食就真係第一次 酸酸辣辣都幾開胃 但雞肉就無鹽酥雞咁嫩 個干拌麵好有咬口 好好味最後緊係要食反個甜品- 白肉珍珠雙色冰淇淋鬆餅第一眼見到既係好多好多既珍珠😹

早排黃金週，身為服務業的一份子，連續返足 9 日工，想有假放都難。終於捱到有假放，但同時已經打敗仗，不過既然咁難得終於放假... 我好需要食好嘢獎勵自己的付出。聽天水圍的朋友講，頌富商場開了一間台式餐廳，於是咁難得趁放假，就來到呢間九份．十分食台式下午茶了。估唔到下午茶時間，店舖都好多人喎，其實天水圍已經唔再係悲情城巿啦，反而呢度的居民大多能夠安居樂業，生活快樂豐足。我剛好坐在收銀台對面，牆壁貼滿台灣的地名及街道名牌，真的令我懷念很多年前隻身去台北流浪的浪漫。來到台式餐廳，本來我好想叫鹽酥雞架... 可惜感冒中不能吃雞，那不如叫一碗台式紅燒牛肉麵吧，尤其當時是下午茶時段，還附送一杯台式飲品，我覺得比較抵食。呢碗紅燒牛肉麵 (配粗麵)，湯底味道都好香濃，有香濃的五香粉味道，非常入味。每件牛肉牛根既大塊又軟腍腍，雖然價錢稍為貴少少，但誠意搭夠，偶爾俾自己食餐好又何妨。可揀粗麵或幼麵，我揀了粗麵，口感都算爽口彈牙。我成個幾星期都無食過好西，所以忍唔住叫多碟小菜。呢碟好似炸豆腐的樣子，原來叫老皮嫩肉。外表，外皮口感好似港式炸魚肉。但裡面肉質相當軟腍 Q 彈，係豆腐和魚肉之間的口感。跟餐附送的熱