九份•十分 (T Town ) (已結業)

今日去左濕地公園參觀，順便係天水圍區晚飯，因好想吃台式食物，經OpenRice搜尋發現這間餐館，連名字都好有台灣味道。我地好早便到餐館，但都已經差不多滿座，之後仲大排長龍。餐館每款食物的名字都很有特色。我們先吃前菜涼拌四季豆，很濃郁的蒜蓉味道。麻辣鹵味大腸，鹵水很入味，加上底部的酸菜和麻辣汁，很開胃。鹵水雞翼肉澡飯，份量很多。台灣鹽酥雞，炸得很香脆，再按自己喜好配以旁邊的味粉吃，非常有趣，味粉更有原味、梅子、芝士和咖哩四種味道。惡魔三文治，聽個名已經覺得有趣，上枱後我地已經急不及待試，厚多士夾了厚蛋和芝士。再來一杯暗黑系甜心滿足下。

今天剛好爸媽要拍拖，只好食自己,住天水圍大型商場不多，但食既就好多，有天朋友說這店食物不錯，但她在沙田那邊的，剛好這邊也有一家，所以帶我家中寶寶和弟弟一齊食~一坐底看了幾下餐牌已經決定好~紅燒牛肉麵，湯濃不油，入口帶清甜，牛肉煮得夠哂淋~台灣鹽酥雞~外面通常只有一種味，但這可給你不同味粉自己加，雞粒皮薄香脆可口，寶寶食不停口這個鮮雜果明蝦凱撒沙拉，多種新鮮生果，有芒果， 奇異果，士多啤梨， 藍莓，配彈牙既蝦，超值又好食古早醉鴿，弟弟點的，聞到好強烈既酒味，入口不會太濃的，乳鴿肉好嫩滑~酒醉蝦，蝦新鮮爽口彈牙，酒味夠濃~酒醉一口吉品鮑，真的一啖一口酒味鮑~飲品點左暗黑系甜心給寶寶自己要青青草原，這個抹茶味濃的牛奶沙冰，抹茶愛好者一定要試白玉珍珠雙色冰淇淋鬆餅~我和寶寶指定要點的，寶寶主要食雪糕和鬆餅，將珍珠加上鬆餅上，再加雪糕，每一啖口感也好滿足~這裏環境不錯，坐得舒服，結帳時仲發現排長龍~食物價格不高，種類多，我又多左一個好地方了~

下午茶時段 落街試下新野間舖頭下午茶menu得甜品類，所以要食午餐，以做街坊生意此價屬貴，頌富商場還有好多選擇但雞排有很多食唔曬，肉燥很香，魚丸湯普通；另外餐具幾特別

好一家台灣美食店，店內地方不算大，座位比較密集，服務生質素尚可（有進步空間），食物質素是區內台灣美食店中之最值得推介一間 吃過牛肉麵，湯底不會太濃膩，一直喝都不怕口喝，幼麵麵質很軟，主角牛肉不騷且冧和大件。 鹽酥排骨幼麵，驚嚇的是鹽酥排骨份量比想像中多，炸得不油不膩，肉質超軟冧，幾乎入口即溶的感覺，而滷水細併盆，份量合理，味道不太鹹，好好味，總括食物品質，地方環境，服務生態度算是蠻不錯且值得再去光顧嘅店家。

今日同朋友食台灣野，見到呢間鋪頭個名幾特別就入咗去試。Menu有齊一般嘅台灣野食，感覺個feel好似茶木。但睇真啲發現佢啲嘢食多元化過茶木。例如有醉酒系列，好似鴨舌同雞，甚至連鮑魚都有。佢一口鮑魚幾好食，啲鮑魚唔會太難咬，撈埋啲酒味依種食法幾新鮮，冇諗過兩者會咁夾。而佢既主菜例如麵線口感都好好，啲麵線好幼嫩又煙刃，唔會入口就散曬，仲加左啲台灣醋，帶出左另一種酸味，易入口好開胃。佢嘅甜品個人認為做得比茶木好，雪糕唔會太溜，夾餅都好鬆脆。最後綠茶沙冰唔會太甜仲要回甘，好少沙冰做得咁出色。推介！

其實一直以黎都好想去e間野試下啦，今日約到一行三人過去試下，去到時候大約等左15分鐘就有位啦。晚飯時間，爆晒，入到去之後望下裝修先，個裝修好靚，燈光有d暗，總結環境係舒服。望完果個好靚餐牌後，我地都點左好多野。佢地起菜都好快。皮旦豆腐，一個好經典台灣小食，佢就加左d肉鬆，食落去皮旦都好香。鹵水大腸，大腸鹵到好入味，而佢d鹵水汁入唔咸，另外有d咸菜係底部，咸菜唔會好咸，好香。雞腎，同一隻鹵水汁，鹵到好林，好入味，推介。我朋友點左綜合水果茶，好香，全部用新鮮生果，唔太甜，佢最後將所有生果食晒。到我最愛牛肉麵出場啦，個湯好濃，夠熱，有藥材味，我選擇左粗麵，個麵質超級彈牙，超級好食，到牛肉啦，牛肉同牛根都炆到好林，但係牛肉一夾落去就散左，差少少，配菜都剛剛好，十個推介。我朋友點左呀春麵線同呀嬌擔仔米，佢地話超好食，兩分鐘秒左碗野。總結，好有台灣味道，上菜快，環境好，一定一定會再去。

今日嚟到天水圍頌富商場嘅呢間九份十分食午餐，一嚟到已經見到好多人喺現場喇！聽講佢嘅食物係類似茶木嘅食物，我入到去見到環境認真唔錯，所有嘅位置望落都好舒適，我揀咗一個靠牆邊嘅位置。除咗環境優雅舒適，服務員嘅服務態度更加係一流，佢哋一直都顧及住客人嘅需要並且超有禮貌咁樣招待我哋。喺客人仲未點嘢食嘅時，佢哋會耐心等候，唔會催促，而且仲會為我哋介紹一啲佢哋店嘅特色食物，好鍾意呢間餐廳呀！因為午餐時段，我同朋友呢就一齊揀咗一個萬巒豬手飯配一個台南魚丸湯，一上枱就發現呢個萬巒豬手飯嘅份量真係好多喎！真係可以同朋友share都冇問題！呢間店嘅豬手真心唔錯！ 本身以為豬手咁大舊應該會好難咬，點知原來唔係，佢嘅肉煲得好林，好容易咬開，而且味道好適中，又唔喊又唔淡，中有少少份量嘅菜，菜嘅味道好好味，酸酸地㗎，所以當食得太多份量嘅豬手嘅時候，酸酸地嘅菜可以 解下腻。呢個就係台南魚丸湯係配埋一個餐嘅。其實佢有四粒魚丸嘅但係小編食咗兩粒先醒起要影相 所以得返兩粒喇 呢個湯呢味道清甜，而且 仲有蔥花嘅配搭！我幾中意飲我仲叫咗呢個台灣嘅鹽酥雞！呢個雞呢其實幾特別嘅份量好多，佢嘅特別之處 就係有六種唔同味道嘅調味粉

第一次去吃个阵系开张不久星期六，所以好多人啊，野食都好新鲜，味道很不错，牛肉面，建议要幼面。我觉得粗面真的太粗了仲有距D牛肉真系好大旧，好好味，汤底又浓郁你，好有在台湾永康牛肉面的味道。不过今日吃噶熔岩芝士鸡，鸡炸得窿过头，面包好脆，芝士酱汁好好味。吃几次个肉燥饭都觉得好好味，不过今次块鸡扒真的很一般，层皮都咬唔烂噶，可能唔新鲜。珍珠奶茶，话热的，份量仲好小添。不过午时套餐系甘上下啦，上次单点的珍珠奶茶就好好饮噶。总体来讲，下次都系会继续帮衬…

天水圍新開台灣食店，想去試下，可以有多個選擇見到好多人等位，而且地方都好似有D窄，所以便決定外賣返去慢慢品嚐⋯用紙袋裝住食物，又可以循環再用⋯紅燒牛肉麵- 佢地好自然幫我分湯，湯都算濃郁，粗麵有d硬🍜下次試幼麵可能會好味些。蚵仔肉碎泡飯- 一d都唔腥，連胡椒粉都唔駛落👍🏻肉燥芝士磨菇雞亦肉飯 - 雞亦好重芝士味，可能我比較喜歡芝士，所以覺得好好味魚丸湯- 幾清淡，你食左芝士雞亦再飲尼個湯，就變得冇咁膩⋯

中秋放半日，去邊好呢，又未夠鐘晚飯～同事推介，天水圍新開嘅台灣餐廳《九份·十分》，淨聽個名，已好回味台灣嘅人同事～首先上枱係醉溏沁蛋，濃濃酒味～跟著再嚟醉小三，一次過食齊蝦，鮑魚，鴨舌... 醉咗～鮑魚大大隻，又淋又入味～😋綜合水果茶，滿滿新鮮水果～😍再加埋呢舊，雪到結冰嘅檸檬超夾～🍹呢杯蝶戀花青檸沙冰，酸酸甜甜～食完鹹、食甜，嚟個鮮雜果芒果雪糕Waffle... 好豐富生果，加埋芒果雪糕香味～Waffle外脆內軟，啲Cream食得出係自家鮮製淡口忌廉，綿綿滑滑～

開業梗係要試下啦。之前樓下開左意式餐又有上海餐廳。但都係一陣虛火。後勁不繼。附近快餐廳幾難食都會有人繼續惠顧,因為價錢平?現在也不平,只是咁多口味實有一款岩某客人口味。對像較多,點都會吸引某啲想方便快捷唔使點等位既人去惠顧。呢間新屎坑台灣風味餐廳都也是,有人喜歡吃台灣菜,但相信屋村中客路一定唔多,所以真心希望呢間台灣餐廳可以保持水準。咁實會有客略來繼續吃。今次點左一份飲品,一份甜點,一份麵類,兩份小吃。整體上也不錯,可只來吃甜點,可一家人食飯點菜,可獨個兒單點一份麵吃。

醉雞最難食！個色差都算，雞肉又鞋，好似瘦肉，啲味錯晒，除左有啲好似溝左水o既酒外就係得小小咸，個涼拌三碟，個麻辣牛筋除左啲啲啲啲啲啲麻辣味外乜都無，另外個兩樣食頭幾啖都無野，越食越咸同渴，個28蚊的大腸麵線，唔好食。。。唯一可以食係個牛肉麵。。。。。。。不過佢係天水圍頌富開，有個牛肉麵都夠頂架喇。。。。。。。。。。。。。。。。。。。。其實迫我打夠200字又有咩用呢。。200字以上就代表《真。食評咩》

我取左張B001飛等位，明明有位，佢唔叫飛，我明白工作忙，等左5分鐘有另一台客直接入去，其中一位取左B002飛，職員比位佢，我問點解唔係001先，佢話唔好意思，等一陣第一張就比你就打發我走。我等多半個鐘都無入得。

今日終於肯出去天水圍,探下我閨蜜既3隻寶貝貓,你知啦,天水圍喎大佬,好日都唔會出去架啦,又遠,又無野行,又無野好食咁但閨蜜話最近T TOWN大裝修多左好多餐廳,而又知我本身其實係一個台灣人,所以就帶左我去九份.十分喇平日晚市都超多人,裝修好台灣風,仲有架十分小火車係度,好得意本MENU厚到唔係人睇架,淨睇佢個幾頁甜品我都已經睇到頭暈蒜香焗茄子肉燥飯用既係炸蒜,非常香口,茄子多汁軟綿,唯一唔太滿意既就係個肉燥,唔係台北個隻甜既味,而且太瘦,無肥豬肉個種香同口感,不過調味都OK既老皮嫩肉有驚喜既一道菜,食落完全唔似食緊豆腐,好彈牙,醬汁甜甜的,係我食過最好味既豆腐!台灣鹽酥雞最特別之處係有唔同既調味粉俾你自己揀,鹽酥雞炸得香脆,夠JUICY暗黑系甜心OREO沙冰一向我最愛,但呢杯係我飲過最好OREO碎既,甜度適中明明話左留肚食甜品,但我地兩個食完已經飽到上心口,唯有下次啦......(我再入天水圍先算XD)

朋友搬咗入天水圍新屋咁耐都未去睇過佢，見今日有時間，一於就走入去搵佢食個夜晚食飯先。對天水圍零概念嘅我，真係唔知附近有啲咩食，好彩朋友搬咗入嚟已經一段時間，佢話呢度附近有間台灣野食係唔錯嘅，一於就食台灣野啦。超好生意排晒隊喎，但好彩我哋得兩個人，唔算排得好耐餐牌選擇10分多鹽酥雞外脆內軟，一咬落去10分juicy,爆汁咁劑，同台灣食到嘅不遑多讓，好味！最驚喜嘅係呢度有好多隻唔同味嘅粉你可以自己加落鹽酥雞度，見見都可以唔同味。維多利亞的秘密其實係優格野苺沙冰，飲落第一啖覺得好酸，但係之後再慢慢㗳真啲嘅時候就會有甜味湧返出嚟，而且欣賞佢呢度堅持用新鮮嘅莓去整呢杯野飲，飲落冇咩人工香精味。朋友叫嘅嘢飲紅燒牛肉麵 呢個超好食！牛肉勁冧之餘而且牛肉味夠。湯頭落足時間去煲，飲落夠味之餘又冇咩味精，好好飲。 而且煮麵時間啱啱好，面爽口彈牙。涼拌三小碟四季豆爽口，麻辣牛筋夠味，海蜇彈牙。呢個涼拌菜夏天食邊有得輸😂😂估唔到天水圍呢間鋪嘅台灣才可以做到咁出色，下次太掛住台灣嘅時候都可以來呢度食個飯， 解一解相思同無假之苦😂