九份•十分 (T Town ) (已結業)

朋友樓下商場新開台灣菜，有日過去比D野佢之後同佢一齊去左食，不過超多人，排左一陣隊先入得Menu五花八門，實在太多款都唔知點揀，就揀左幾款最basic最經典的台灣菜試下啦，台灣餐廳緊係食台灣菜啦阿春麵線即係平時食既台灣麵線，芫茜同滷豬腸撒係面，豬腸滷得超入味，麵線細而湯底澀，這才是最經典的台灣麵線味道，一碗份量可能不夠當正餐，但足夠兩人Share蚵仔肉碎泡飯，滿滿大碗泡飯，裡面有芫茜、蔥、蜆肉、蠔，好足料，而且湯底好香，鹹得黎惹味，泡飯食到最後只有微微泡發了，但全程食得幾滿意，唔會食到唔想食，適合幾條友一齊Share忌廉芝士蘑菇雞翅，釀雞全翼真係好好食，忌廉加上芝士少少Creamy，仲有蘑菇係入面增加口感，加上雞翼本身微微炸過，好香口，雞肉味濃，食上癮台式綜合滷味細拼盤，呢間九份十分既滷味真係滷得好入味，無論豬腸、雞翼、雞腎全部都好重好香滷水味，我地都食得津津有味，仲有D酸菜，成碟好快就清哂柳丁蒟蒻，原來係橙汁加小蒟蒻啫喱，蒟蒻啫喱有咬口，橙汁不是鮮榨，不過夠甜朋友杯墾丁星空，有燈光杯墊，十分吸晴，加上飲品用蝶豆花，又紫又黃變色，加上燈光好美，不過飲起來酸度十足，只因呢杯係青檸沙冰，夠

今日同朋友一齊入天水圍濕地公園親子活動，一去完濕地公園，大家都好肚餓，所以去咗附近商場食飯。有一間台式餐廳好多人排隊，我哋都決定一齊去湊熱鬧。等咗大概半個鐘，終於等到位，入到去感覺好舒服，背景音樂好適合，而且服務生態度好有禮貌紅燒牛肉麵可以揀粗麵或者幼麵，我哋揀咗粗麵。碗麵好大碗，牛肉亦都好多，牛肉炆得好林，好有肉味，而且好入味，粗麵好有口感，可以掛起湯汁，而且非常彈牙，配料亦都好足，成個麵我會比90分，仲非常之大碗，好抵食！香辣海蜇．蒜蓉豆角．麻辣牛筋呢三度前菜有好大驚喜，香辣海蜇非常彈牙，海蜇非常入味。蒜蓉豆角蒜味非常重，豆角好有口感，又香又爽。不過最大嘅驚喜都係麻辣牛筋，麻辣味非常之香，牛筋好林而且好入味，忍唔住食好多，越食越好味，而且好少餐廳有呢一道菜，所以一定要點呢道菜! 水果茶去台灣餐廳食飯，一定要點一杯水果茶，水果味又甜又香茶味濃郁，生果同茶嘅比例啱啱好，非常正一大班人都非常滿意的一間台灣餐廳，食物質素高，服務員質素亦都好高，所以下次有機會一定會再嚟！

同朋友仔行到肚餓，見舖頭名甘得意，就入左去試下。入到去，店員好有禮貌，而牆上幅畫都好有台灣味道。打開餐牌，飲品食品都好多選擇，真係唔知點選，所以決定每種叫D。首先呢個豬手麵，豬手炆得好入味，又夠稔，D皮同骨一咬就鬆開，麵條粗身有咬口，好味!跟住黎左辣辣既鴨舌，鴨舌多肉同入味，佢既辣醬味好特別，我估係自家調既的吧!呢個醉雞無得彈，酒味完全入晒係雞肉裡面，雞肉鮮嫩夠滑。通常酒樓先有鮑魚食，呢度有得食，點到要試下，好特別既，感覺似中藥味鮑魚。烤腸既味道就係台灣夜市既味道，令我想起台灣了。香芋珍珠比起出面既好飲。雪糕鬆餅個份量大之餘，仲打扮得好靚，個鬆餅真係要讚，外脆內軟，仲可以保持暖暖既溫度，完全無受雪糕低溫影響而變到稔晒，證明師父有花心機擺位。

之前商場一口氣開左幾間餐廳，九份，十份次次去都好多人下，今次二點去食，已經無乜人，唔洗等位。我就叫左個炸雞粒湯幼麵。份量都好大下。個炸雞🍗非常唔錯，香脆juicy，炸到岩岩好，無任何炸到老身既感覺，呢個真係幾難得。而且食落唔會話太油。所以呢個都幾推薦大家去試試。麵我就揀左幼麵。但我個人就唔係咁鍾意個湯底，無咩湯味，所以口味非常淡。我同行既朋友就揀左豬手湯麵。我都試左小小。豬手都幾入味下，但有啲太軟，失去左個口感。呢個幾失望下。😩最後我有叫到杯珍珠奶茶☕️佢係用可以帶走既包裝～ 珍珠又大又彈，係我鍾意既type 😻😻 我叫左小甜，甜度岩岩好， 飲唔哂仲可以拎走 夠貼心👍🏻👍🏻👍🏻👍🏻

今日一肚氣 我下午去攞飛 3大2bb 攞了5人枱 眼見一張就係到自己的 同一位侍應姐姐講 其實我地得三個大人一個細路一個BB 比四人枱我都可以 那位好心侍應 就同店長講 店長就沖出嚟 同我講 都唔會咁快比到枱你 你係12:17 攞飛 唔會咁快到你 你攞飛先啦 你企喺度等啦⋯⋯九唔搭八！！我回應返佢 我咪攞咗飛囉！我咪企喺度等緊囉！我係想同你講比張四人枱我都可以！我有個BB姐！因為個店長喺度執吉緊張四人枱 所以好緊張 以為我想要 🙄🙄🙄🙄跟住眼見張四人枱 叫飛叫左兩個入去 另外兩個位冇人座吉左🙄🙄🙄🙄跟住仲叫咗兩張枱都係兩人嘅 但係就坐另外二枱 等左三個字 我就頂唔順 問佢仲有幾耐 跟住有個好唔禮貌嘅四眼男人店員 你哋係要等架 唔會有咁快的 我已經唔想再同佢理論 跟手揸炒張飛掉落地下走人 講完 《《咁即係明明有四人枱都唔會俾你 你係要等佢認為啱佢心意嘅時間先會俾你入去 》》

萬眾期待!屋企樓下新開咗一間台式餐館-九份十分!即刻同埋屋企人落去試下先!鹽酥雞42蚊鹽酥雞新鮮炸起，熱辣辣外脆內軟，唔厚粉!仲有5種不同調味粉任你自己添加，味道包括紫菜味，原味，梅子味，咖哩味同芝士味。紅燒牛肉麵62蚊牛肉燒得入味，筋同肉都煮得很腍!麵質彈牙幼細，好食!雜果明蝦凱撒沙拉68元好大份!除咗有蝦之外,入面仲有好多新鮮蔬果，包括車厘茄，士多啤梨，藍莓，奇異果，芒果等等，材料豐富!古早醉乳鴿 78蚊醉乳鴿我都係第一次食。古早醉乳鴿有淡淡的花雕酒香，不太濃不嗆喉，反而酒味香醇甘甜很好入口!而且鴿肉很嫩滑。鹵水雞翼肉燥飯 58蚊又係好大碟的肉燥飯，肉燥份量多，雞翼有四隻，不過鹵水味有少許鹹。但肉燥欲是淡淡鹹香，肥肉唔多。酸菜味道唔太酸唔太鹹，略帶清甜很好送飯!飲品方面呢，我好欣賞: 綜合水果茶48蚊呢個水果茶很有誠意!除咗一勺水果茶外，杯子裏仲有冰了的檸檬片! 不過水果茶味道較甜，我要自行溝入清水降甜。所以呢個茶飲左一晚都未飲完。呢度的珍珠奶茶可以自行要求冰量和甜度!茉香珍珠奶茶微糖少冰24蚊都好抵飲，比起台式奶茶外賣店更抵!白玉珍珠雙色冰淇淋鬆餅58蚊鬆餅香脆微暖，配合冰凍香甜

四個女人一個墟又再次聚會，今次揀左比較近大家屋企嘅餐廳—天水圍T Town!因為有次放假見到佢新店開張，同時又可以用app拎定飛，唔使特登去到舖頭先拎到籌！係上野飲前先來個滷味拼盤，因為係臺灣試過佢地啲滷味覺得不錯，所以返到黎都要尋找當地味道！呢度佢醃製得好到位，鴨舌入口脆脆地，仲好香花椒八角味🙊臺式野點少得係臺灣出曬名—鹽酥雞！呢度都幾特別👀因爲有唔同味嘅調味粉俾你揀！實行你「想點。就點」其中我比較喜歡佢個梅子粉～因爲入口酸酸地，減少了油膩☝🏼☝🏼野飲終於上了～呢度個oreo珍珠奶茶都算特別！是關出面通常都係整沙冰！豬手麵—麵入口煙韌，湯底都算甜，而豬手口感嫩滑！簡直係補充膠原嘅好選擇👅食完正餐，仲點少得甜品呢？我呢個鬆餅killer就緊係必點佢呢個鬆餅試下啦～入口算鬆軟，但雪糕有點遜色，因為太多細少冰粒了😬

有一位朋友對我說 , 在 天水圍 - T Town 有一家很不俗的 台灣 菜館 ~當天 , 我和太座就專程來到這家 " 九份。十分 " , 一嚐究竟 ~ Menu ~ 坐下來 , 第一件事 , 當然是點杯飲品喝 , 這杯 鮮柑桔檸檬 ( 凍 ) $ 24 , 既冰涼又潤喉 , 真不錯 ~ 阿春麵線 $ 28 : 麵線有肥腸及丸丸粒作配料 , 湯底濃稠且略有木魚的甜香及一些獨特的香味 , 味道算是在中規中矩之上 , 很有 台灣 風味 ~萬巒豬手 $ 38 : 一份約有六件豬手仔 , 豬手滷得十分入味 , 很軟腍而且吃落起膠 , 雖則未入化境 , 但也算是很好吃 ~紅燒牛肉麵 $ 62 : 大大碗的牛肉麵 , 湯頭味道濃郁鮮甜 , 味道有微微辛辣而且有陣陣清幽之味 ~牛肉是半筋、半肉 , 份量夠多 , 肉質烹調得軟綿腍滑又滿有肉香 , 好吃 ~湯頭好 , 牛肉質軟綿 , 已經是一碗優質牛肉麵的必要元素 ..... 再加上口感Q彈的寬麵條 , 就是美味 ~ 本篇完 ~

近近地收工即興同朋友一齊去食飯談心 之前見到頌富新開左一間餐廳 晚市時間長期聚集好多人 我諗食物質素應該唔錯地方唔算太大 位同位之間比較窄香辣瘋狂炸雞沙律 雞件炸得很鬆脆可口 每件雞件都有醬汁 唔會太dry 蔬菜都很新鮮 古早醉鴿 值得推介 雖然鴿比雞冇咁多肉 但非常之嫩滑 而且好入味 淡淡酒香味 冇得頂啊基隆紫菜蝦蝦泡飯泡飯嘅湯底好濃郁 米飯粒粒好飽滿 再加上蝦皮同紫菜嘅鮮味 真係一流綠茶酥吐司綠茶迷嘅我食過返尋味 綠茶味濃郁 吾會太甜 表面烘得好香脆 必點之選

久久不見的舊同事聚會，選了在T Town裏食台灣菜。人氣十分高，八點多來到還是滿滿的人龍，好好彩一次有幾張枱埋單，等左一陣已有位了。一口氣點了數款小食同主食，再加台式飲品，仲有最緊要留肚食甜品珍珠奶茶（$22）＆Oreo曲奇珍珠奶茶（$24）只有原味的珍珠奶茶能夠選甜度，本來想試試特別口味的就作罷了，不竟我覺得台式飲品太甜了。自己杯珍珠奶茶不錯，茶很香，珍珠彈牙微甜，剛剛好。同事杯Oreo都ok，有口感。綜合水果茶（$48）紅茶味香濃，水果下得很多，香甜清新，杯中還放了一塊冰檸檬，好有誠意。台灣鹽酥雞（$42）這款係呢度嘅名物黎，可自己加調味粉調味的，平時有六種口味，是晚辣粉售罄沒法了。不加調味粉的雞件已經香酥好味，加了味粉更添香氣，貪心地每種味粉都試了一點，個人挺喜歡咖哩味。台式烤香腸（$36）甜甜的台灣香腸又係必點之物，幾乎食親台灣菜都會叫一份嚐嚐，煎得香口油甘，正。麻辣滷味大腸（$38）滷水大腸非常入味，煙煙韌韌肥滋滋的，醬汁中加了辣油很惹味，開頭仲怕會太辣，食落唔覺呀，剛剛好的辣度。台南咖哩骰仔牛飯（$78）一大個飯配上一大碗咖哩汁，牛柳粒也不少，還配上薯角，份量剛好夠我地幾個

新舖，新口味試吓先！兩口子八點幾入座，唔洗等，大慨都八九成滿！一共叫咗3款嘢食！鹽酥雞幼麵，阿春麵缐，滷水拼盤！麵線湯太鹹、鹽酥雞幼麵上湯唔錯，鹽酥雞唔太鹹幾香口！滷水拼盤都唔錯，內有豆腐大腸鴨腎雞翼滷水蛋！

今日和媽媽再次到頌富商場，發現有間新開的台式料理，款式多之餘價錢亦很大眾化。餐廳裝修富有台灣風格，置身其中，猶如人在九份。紅燒牛肉麵媽媽盛讚牛肉鬆化，大件又好味。古早醉雞麵碎雞厚身，多肉又入味，麵可選擇米粉，粗麵或幼麵，我較為喜歡幼麵，沾上一點清湯吃下去非常滋味。老媽煎餃子餃子煎得香脆，豬肉餡味道突出。酒醉鮮鮑魚鮑魚保留了其鮮味，一點也不韌，與醉雞味道結合提升了味覺的層次。芒果蜜糖磚塊超巨型的甜品，很有氣勢，有三大塊蜜糖吐司，烤得香脆。最頂還有芒果雪糕，營造的感覺非常繽紛夢幻。由於是即席制作，要耐心等候一點時間。珍珠奶茶奶香味濃，珍珠也很彈牙。紫薯珍珠除了有奶茶味，也嚐到一點紫薯味道，很有特式的飲品。離開時已是2100，等位的人潮仍未散去，可見這店的人氣。

餐廳嘅裝潢好有心思，設計比人一種好溫暖嘅感覺。成本餐牌提供多種唔同嘅台式野食，真係會花多眼亂，心大心細唔知食咩好。溶岩芝士雞$118份糧好多，炸雞即叫即整，熱辣辣金黃香脆，再用面包裝住啲芝士溶岩，將炸雞沾落去忌廉醬再加埋啲拉絲芝士食落簡直perfect!!餐廳亦會好貼心咁提供一次性手套，可以用手食又唔怕整污糟，勁方便！台南咖喱骰仔牛飯$78牛肉一啲都唔韌，切到一粒粒好易入口，咖喱汁同牛肉分開上，可以自己控制汁嘅份糧，配埋少少炸薯角做伴菜好滿足。基隆紫菜蝦蝦泡飯$68泡飯好鮮甜，成碗有成7、8隻蝦，仲有啲蝦乾仔同肉碎，勁足料！維多利亞的秘密$52粉紅色睇見都開心，飲落酸酸甜甜，好醒胃，仲有唔少梅仔。暗黑系甜心$48成杯Orea 沙冰，除左有成塊Oreo，仲會將啲Oreo搞碎溝落沙冰到，有口感之餘又可以當甜品食。

頌富商埸裝修翻新左一段時間都好耐冇過去行下 今日同老公去行吓見到有間新開嘅餐廳門口好多人喎 於是我地就食埋晚飯原來入面係一間台灣餐廳 類似茶木咁 食物種類選擇都比較多鮮雜果明蝦凱撒沙拉雜果種類多唔係罐頭雜果 係新鮮生果 沙律菜好新鮮 鮮蝦好彈牙皮蛋豆腐豆腐好滑 加上醬汁同埋肉鬆 好好味 皮蛋同埋青瓜一齊食 好清新呀紅燒牛肉麵去台灣必食嘅當地嘅紅燒牛肉麵 麵條可以選擇粗麵或者幼麵 我哋揀咗粗麵 牛肉好林好入味 湯底非常之濃郁 鮮甜 同台灣嘅味道一模一樣 食完覺得自己好幸福啊

👫頌富商場翻新左，仲改左個名做T town，👱🏽👱🏻‍♀就諗住行下，順便覓食😋 行行下發現係沙田嘅九份·十分係呢到開左分店，就嚟左呢到食啦😛#紅燒牛肉麵 <$62>Braised Beef Noddles 睇落唔算好大碗，但都幾多舊牛腩，鋪滿曬個面咁濟～牛肉炆到勁淋，好易咬，啖啖肉，都幾香牛肉味，係典型台灣牛肉麵果隻味！麵方面，有得揀粗麵或者幼麵，👱🏽就揀左粗面，好有咬口，但麵嘅份量就相對牛嚟講少啲，啱曬啲細食嘅人～#台灣鹽酥雞（自選口味） <$42>Taiwan Deep Fried Chicken有5種調味粉：紫菜、芝士、梅子、原味同埋咖哩，可以因應個人喜好嚟落粉㗎🤓 👱🏽就最鍾意原味，因為👱🏽覺得其他嘅味唔太出，無乜特別～而👱🏻‍♀️就覺得梅子味好特別，甜中帶鹹咁；想食濃味啲嘅朋友可以落咖哩味👍🏻#維多利亞的秘密 <$52>Wildberry Yogurt Smoothie 勁大杯！啲冰沙仲要高過個杯勁多🤤沙冰之間有啲野莓係到，都幾酸下，好開胃，但唔食得酸嘅都係唔好嗌啦😹#香芋珍珠 <$22>Taro Flavour