九份•十分 (T Town ) (已結業)

冇去過台灣，更加未去過台灣嘅九份十份，但係黎到依間餐廳，就能夠感受到當地嘅風土人情。牆上面畫滿台式嘅畫作，亦都播住著名嘅台灣歌，一入到黎身人已經得到放鬆。首先黎咗紅燒牛肉麵($62)，啖湯濃郁得黎又好清甜，幼麵軟硬適中，重點係牛肉，大大舊又好淋，燜得好入味，估唔到除咗牛肉仲有牛筋，配埋酸菜白蘿蔔同紅蘿蔔，令到成碗麵睇得又開胃。然後有開胃小菜醉三小($148)，分別係鮑魚、蝦、鴨舌。先試一試個酒味，好清甜，唔算濃。鮑魚有4粒，粒粒都咁飽滿，咬落去就食得出好新鮮，酒味更加突出到鮑魚嘅鮮味。蝦有3隻，亦都好鮮甜。第一次食鴨吞，好有咬感，有啲酒味咁好惹味。雜果明蝦凱撒沙拉($68)，估唔到盤沙律咁大，除咗有菜同蝦之餘仲有芒果草莓藍莓等等嘅水果，係唔錯嘅開胃菜，沙律醬比例適中，好健康。黎到台式餐廳一定要叫台灣鹽酥雞($42)，鹽酥雞炸得好脆，肉同粉唔會散散開開咁，值得一讚嘅係有6款粉俾客人自己調味，唔洗淨係食原味咁dry。溶岩芝士雞($118)，用一個農夫包裝住芝士，炸雞有雞胸同雞脾，炸雞本身冇咩味道，而芝士味道夠重，兩者可以中和下，麵包吸哂啲芝士，趁佢未淋嘅時候食就最適合。台式綜合滷味拼盤(細

除左去下白泥 今次係我人生第二次入天水圍呀🙈🙈🙈因為好友住天水圍 就由佢搵有乜好餐廳食好西❤️今次揀左台灣嘢, 成日去台灣既我睇下佢正唔正宗😋😋😋擔仔麵睇相見佢係細細碗 上到枱 咦 又ok wor雖然一定唔係大碗 但超足料👍🏻肉燥好多wor ❤️蝦都爽口唔係太大食一定夠結果連湯都飲埋朋友點既皮蛋豆腐都好食 豆腐佢應該係用百福豆腐上面再加肉鬆同醬油 同皮蛋既香好夾叫水果茶既時候侍應問我地要幾隻杯 我地有問返佢係咪好大壺 佢話唔係 點知上到枱😂其實大wor 我覺得兩個人share飲就差唔多👀但朋友又叫左嘢飲 我只好自己飲😂但飲極都仲有😂 佢既水果茶好細心 冰既份量剛好 而且酸甜味調得好好 我本身想要半糖 但侍應話唔好 飲佢地調好既味❤️果然唔錯！而且杯入面有一塊已預先冰左既檸檬, 令飲既每一口都凍同好夠味朋友飲既紅心皇后佢就話麻麻 賣相係不錯 用草莓🍓點綴加分 分量頗大 錯就錯在鮮草莓乳酪沙冰既無乜士多啤梨味又無乜乳酪味☹️☹️☹️有啲淡 而且上到枱無耐就開始溶😱😱😱要飲得好快😩😩😩下次再去食都係同friend share 水果茶算, 2個人飲好抵!

此天水圍店是沙田以外的另一後起分店，好多食客呢！座滿席之餘亦需要等位，座位安排妥善有效率！忌廉芝士磨茹雞翅非常香口鬆脆，内裡滑溜的忌廉芝士，幼嫩的肉質，爽口的磨茹，配合得恰到好處，很美味！台南咖哩蝦飯台式咖哩不太辣，串燒蝦燒得不錯，蝦尾香脆可口！黑武士之劍(牛奶冰棒比利時朱古力)熱朱古力味道香濃，喜歡牛奶朱古力的，牛奶冰棒實在是賣點，將它放進熱朱古力內，一邊攪拌，一邊看著冰棒溶化，就是這細心的設計，已增添不少好評！白玉珍珠雙色冰淇淋鬆餅很有份量的一道甜品，waffle好香脆，配上鮮忌廉及雪糕一定冇得輸，加上鮮菓開胃無比，讚呀！

T Town是我們不煮飯時經常會到訪的商場, 這裡的食店都頗有特色, 又有別於大型商場吃到悶的連瑣食店. 其中台灣食店也有兩間, 一間在樓下, 早就吃過, 質素不差; 後來才知原來還有另一間在較隱閉的角落, 一場來到, 就即管一試.​這間名為九份. 十分的台式食店, 店子小小的, 但卻人流不絕, 還Keep住不停有人等位, 看來一定有過人之處.​店內座位都排得幾密集, 牆上有着一些台式裝飾, 彩繪, 木牌等, 的確很有台灣九份和十份等著名景點的感覺.​​​​入座時沒有卡座, 但因為有小孩在場, 店員很體貼, 到後來有梳化卡位時, 立即替我們轉位, 值得加分.餐牌上的食物選擇甚多, 單是特飲和吐司, 甜品等已佔上好幾頁, 還有台式小食, 沙律, 麵和飯類, 揭下去有點像茶木的感覺, 價錢卻更親民.先來一個頭盤小食 - 醉溏心蛋 ($12/隻) 溏心蛋吃得多, 醉蛋卻是第一次吃, 都幾特別. 溏心蛋切了兩半, 蛋黃半凝固, 有微微酒味, 不苦澀, 蛋白清彈香滑剛好熟透, 蛋黃Creamy甘香, 整體不錯.​醉鮑魚 ($68/隻) 鮑魚是吉品鮮飽, 清楚可見裙邊紋理, 並非平價貨色. 酒味不

想念台灣美食就來了吃下午茶一定要點麵線，係我最鍾意既台灣美食之一阿春麵線$28 落埋蒜蓉同沙茶醬都有6成似台灣地道架！醉鴨舌 $45最愛鴨舌 但好怕太重的酒味哩度既醉鴨舌酒店剛剛好👍🏻👍🏻👍🏻鮮雜果明蝦凱薩沙律 $68一大盤好抵食！大蝦好爽口沙律菜都非常新鮮👍🏻👍🏻老媽煎餃子$32/5隻多肉汁 餡料好味！值得一提 老闆非常friendly會同街坊傾計，介紹食物又有禮貌👍🏻👍🏻👍🏻

那晚帶同妻子及外父母四人一起前往位於天水圍頌富商場的台灣式料理食肆，店名叫九份十分，顧名思義它當然是同台式地道特色餐款及食品有好大關係。而當晚我們叫了幾款食品飲品，包括鮮芒果沙冰(海綿寶寶)、牛奶冰棒比利時朱古力飲品(黑武士之劍)、慢煮杜洛克豬意式沙律、進擊巨人綜合三明治、草莓蜜糖磚塊餅雪糕球甜品、台灣鹽酥雞、酒醉一口吉品飽、皮蛋豆腐及老皮嫩肉等，總之香味美味又爽口均盡在食品中，一面食一面覺得像在食哂台灣食物，再加上餐廳周圍台式圖畫設計佈置，真有如身在台灣九份十分那麼樣，令人嚮往。

在沙田食過九份。十分，行行吓見到原來天水圍都新開左間分店，二話不說就入去幫襯！先來一個小食：皮蛋豆腐凍凍地的豆腐好滑，亦很有豆味！拌著甜醬及肉鬆食一流，間中食下皮蛋覺得好好食，皂水味唔重！鹽酥雞排肉燥飯雞排味道唔錯，外層薄身的鹽酥鬆脆香口，雞肉嫩囗肉燥味道香濃，餸飯好正！綜合水果茶賣相吸引，大大杯，可以二人share。結冰的檸檬是另外放在一個小杯裡，倒在小杯中品嚐，別有一番風味！ 内裡生菓新鮮，有蘋果、橙、青檸、火龍果、梅。。。值得推介

今攻去了濕地公園參觀，拖著幾個小朋友，那就決定到天水圍區吃晚飯，小朋友都很喜歡吃台式美食。那就OpenRice搜尋發現這間餐廳，連名字都好有台灣味道。幸好我們比較早到餐廳，再過多一會差不多滿座了。 首先服務員送上餐前小食，涼拌四季豆，蒜蓉味道很濃郁。麻辣鹵味大腸，不是很辣，但很開胃。鹵水雞翼肉澡飯，雞翼很入味，鹵水味亦很濃。台灣鹽酥雞，炸粉適量，炸得很鬆脆。另外特色的是有四種味粉給大家選擇，分別有: 原味、梅子、芝士和咖哩。惡魔三文治，見到這個名字我已經不禁選了它，厚多士夾了厚蛋和芝士，真是夠"惡魔"暗黑系甜心滿足下，飲完都已很飽了。

做左人地丫媽.想去旅行.真係難過登天..台灣呢個地方係我以前一年去幾次..依家..一年都去唔到一次..屋企附近開左間台灣野..今日終於帶埋寶寶黎試下...好岩我味道丫..唔會話好咸...又大份..我同寶寶兩個食..啲飯都可以食唔曬....飲品.用外帶杯裝..飲唔曬仲可以拎走..午餐咁既價錢..大型連鎖店都做唔到..加上呢度服務我好鐘意..好歡迎小朋友既食店..我最Buy...呢度仲有某間大型食店既招牌吐司塔.下次試試先同埋唔會因為你有個小朋友而厭你麻煩.厭你擺住張檯...

好奈冇去呢邊，見新開左間台灣野，睇門口menu既相好似唔錯咁就入去試試。坐就坐係邊邊既位，個餐具籃周邊勁多蟲仔飛飛下D野食又好難食，叫個蠔仔肉碎湯飯，成兜野水汪汪咁，蠔仔唔夠就放成堆急凍蜆肉入去，兜野根本係冇味既而且服務都好差，本身來叫個甜品既，條友話叫我地自己食完飯前預20分鐘先叫佢落單喎，真係第一次有餐廳係咁。去埋單收銀條友又一路收錢一路同d女仔邊吹水邊傾排更，收個錢收成世，好心收工先溝女啦即係都好少去食飯體係咁差，898以後都唔會再幫襯

今日去天水圍做完義工，朋友知我鐘意食台灣野就帶我去左頌富食九份•十分，夜晚7點幾已經滿座，不過等位都好快。基隆紫菜蝦蝦泡飯，份糧都幾大份而且足料多蝦，湯嘅味道好鮮甜，好有台灣風味。進擊巨人綜合三明治，係公司三明治嘅爆seed版，係非常之大份！雞排有成厘米厚，中間啲碎蛋亦好出色，食落多重口感同享受，好正！店員仲好貼心咁比左一次性手套我地，方便我地用手食，唔洗就住就住。台灣鹽酥雞，鹽酥雞炸到好香好脆，雞肉好嫩滑，仲可以自己落鐘意嘅調味粉，有6隻口味揀，最鐘意梅子粉同芝士粉。忌廉芝士磨菇雞翼，雞翼拆左骨再將忌廉磨菇塞入去，芝士味道濃郁，令人一試難忘！酒醉一口吉品鮑，總共有8隻，聞落有微微酒香，入口帶有酒味而且口感煙煙韌韌，值得一試！綜合水果茶有幾種生果，有橙、蘋果、檸檬、青檸、梅，酸酸甜甜，好開胃消濟！珍珠奶茶，奶同茶埋比例啱啱好，好香茶味，入口幼滑，珍珠好有咬口，拍得住台式飲品店。

逢星期2 晚都會去到天水圍工作，昨晚早d入去揾下野食，見到有台灣風味既九份十分餐廳，睇落裝修格局都唔錯，重點係我見到有2個老人家都喺度食，相信食物都幾吸引！對於經常去台灣旅行既我，我係非常喜歡食台灣既食品！ 九份十分餐廳亦提供左勁多選擇，由飲品到小食，小食到綜合飯，綜合飯到甜品都一應俱全！真係搞到我唔知點揀好！最後，我好辛苦先揀到幾樣食物，都係以小食為主！ 食物好快送到嚟，驚喜就開始嚟，每樣食物都做得好出色同好食！1) 首先嚟到有鹽酥雞，餐廳提供左6款口味既味粉，天呀！一次過滿足晒我既要求，要食辣又得，要食芝士味又得，仲有超清新口味既梅子粉！ 我好快就已經清晒成碟雞！ 2) 醉鴿！ 估唔到呢間餐廳會提供d咁刁鑽既菜式！鴿嫩滑，酒味入晒d肉度！超好食！3)鹵水拼盤(細) , 唔好睇佢細細細碟咁，入面既食物種類真係多，有腎，雞翼，鹵水蛋，鴨舌，大腸，酸菜，樣樣都獨當一面，鹵水汁好入味，腎又煮得淋，特別係大腸，咬落d 鹵水汁會充滿口入面！4) 鳳梨鹽水雞，鹽水雞喺台灣食得多，加入菠蘿真係第一次，除左鳳梨之外，仲有芭樂喺入面，平時d鹽水雞都係得個咸字，呢個仲帶d果味！咁啱我又鍾意食菠蘿，啱晒

好耐無來天水圍，原來頌富商場改左名叫T Town, 唔來過唔知，呢度有好多食肆，見呢間九份•十分，即刻諗起台灣美食，樓面的店員很風趣，話即刻安排座位給我們不用我們等，咁好招呼，一於入去食返餐。我們兩位，先來一杯焦糖珍珠奶茶$24 和一杯鮮柑桔蜂蜜$24。第一次幫襯，唔知原來可以自選甜度，我落單時無講甜度，就會俾全甜我，覺得太甜了，掩蓋了奶茶味，要叫少甜才對，而珍珠都不過不失，幾煙韌。另一杯鮮柑桔蜂蜜，非常好飲！大力推介！好香柑桔味，有啲似檸檬茶，但係多咗蜂蜜嘅香甜， 同埋金桔嘅清新，味道好清甜，冬天飲啱曬。老媽煎餃子，五隻$32。諗起去台灣夜市，成日都有煎餃，呢度既煎餃子調較到符合港式口味，餡料係豬肉同椰菜，味道清淡啲，煎得好香脆，而且皮好薄，是一口煎餃的size，做小食就唔怕食飽左食唔落其他嘢，有醋另上，點左醋味道好d。小菜，芭樂鳳梨鹽水雞$58, 好掛住台灣嘅芭樂汁，呢個創意冷盤幾過癮。雞絲用鹽水浸過，味道不會太鹹，墊底的全部都係蔬果，有番石榴、蘋果、青瓜。蔬果全部好清甜爽口，同鹹味嘅雞絲一齊食，鹹和甜味撞埋一齊，感覺又幾得意喎！鍾意食蔬果的可以試下。鹽酥雞排麵$58, 幼麵，雞

間鋪頭好似有幾間分店行經天水圍就試一試墾丁星空青檸味道10分濃厚 但是我認為略為太過酸青青草原牛奶綠茶沙冰綠茶味不會偏苦 有點似綠茶雪糕的味道 而且亦有奶香 台灣鹽酥雞炸粉不會太厚 唔加粉有啲似媽咪麵的味道 有六隻不同味道的粉可以添加10分有創意 其中就以梅子粉和紫菜最突出 梅子粉淡淡酸味 食到最後又再滲出甜味草莓冰淇淋鬆餅鬆餅脆口新鮮 並沒有變淋 忌廉不會膩了 而且有淡淡奶味 士多啤梨唔會過酸配上草莓醬更加可以中和到個甜嘅感覺

今晚同朋友去食九份.十分，之前未食過，所以一於今晚試下，餐廳環境唔錯，乾淨企理，而且食物價錢都好合理。我嘅正餐係紅燒牛肉面，份量好多，絕對夠飽，除左大份量嘅面，牛肉份量絕對唔輕，成個面都鋪滿哂，超大舊，而且口感勁柔軟，唔痴牙，味道岩岩好。面質都唔錯，下次黎都會再食老虎醬鸭舌，老虎醬辣辣地，刺激味覺感觀同五臟六腑，一個字: 爽！ 又辣又好味，鸭舌肉質鮮嫩，加埋舌骨，好有咬感！九份.十分嘅珍珠奶茶十分十分唔錯，奶味濃郁，茶味香濃，口感幼滑，珍珠滿滿，飲落口口都有珍珠，正!芒果蜜糖磚塊係我正餐後叫嘅甜品，份量好多，脆脆嘅面包磚塊點埋甜甜蜜蜜嘅芒果醬同大大塊新鮮芒果一齊食，超好味，頂端中有一球芒果雪糕球。五顏六色嘅細細棉花糖加埋朱古力，甜味無穷！