九份飽 (蜆殼街) (已搬遷) 新店位置

去中央睇完書之後想係附近行下天后，行行下見呢間幾受歡迎，幾多人排隊就一於試下喇。餐廳座位不多，播住台灣歌，侍應講台腔普通話，感覺唔錯。叫飯或麵類跟某些飲品有優惠，但呢日我想飲杯奶蓋紅茶，女友就叫杯珍珠奶茶。首推： 起司玉米蛋餅，很有台式風味，而個醬料做得有台灣風味。個蛋餅咬落又q又軟，好正。次推：排骨麵，加分位係煮到林一林既菜，份量也不少。湯都算好飲。排骨粉多很好好味，和麵分別上唔會整到林哂。個麵就普通。值得叫既係炸魷魚，新鮮炸出，脆脆的，有軟有硬。很滋味。魯肉飯（細） 因為冇蛋令我有點失望，令加10蚊要蛋。。不過肉既份量也不少。當補數

懷舊魯肉飯🎯7/10魯肉飯最重要的是五花肉和醬汁，這裡的五花肉層次均勻，入口即溶加上他們醬汁煮得夠濃配上白飯簡直一流。肉鬆起司蛋餅🎯10/10這個蛋餅擁有了我最喜愛的兩種食材，就是芝士和肉鬆，夾埋蛋餅來吃，真是好想日日食呢鹽酥雞🎯7/10這個小食味道雖然比較重和鹹。但是食落質感仍是值得一讚，因為炸完後亦都很乾身和脆口，喜歡這種口感的朋友可以一試呢酥炸魷魚🎯8/10相對於鹽酥雞我比較喜歡食酥炸魷魚，因為一來味道調配剛好，不會太鹹。炸粉又不會塗得太厚，最主要是一點也不油膩，這個推薦呢👍🏻

咁岩約左朋友但未諗食咩，我地行過見到好多人食緊，而且係食台灣野，價錢仲要幾平，就黎左食喇。入到黎見到燈籠同九份既街道照片，都幾有台灣風味。野食價錢一般$30-$40，真係幾平，喺香港貴租環境下能定這個價錢都真係街坊價。我地2個人叫左6樣野，樣樣都想試，價錢咁抵就食多d。台灣香腸 $35每次黎食台灣野都中意食香腸，但次次都唔會食旁邊既生蒜，好臭😂鹽酥雞 $35朋友讚哩個好味，我自己就唔太好鹽酥雞，食左少少，炸得好脆。蚵仔煎 $39 台灣街頭小吃都一定會食，哩間整得都唔錯，落左唔少料，會令人食唔停口。魯肉飯(小) $29望落個碗又真係細左d，不過味道我覺得幾好味，魯肉個汁好送到飯，好快俾我清左成碗飯。玉米起司蛋餅 $30要襯熱食，蛋餅夾有唔少芝士好邪惡，一咬一拉絲好滿足，唔好睇少哩碟，係幾飽肚既一碟。上菜速度快，但希望能提供飲用水俾食客會更好。

放假係炮台山做完gym，周圍行搵緊野食之際，經過蜆殼街就見到呢間新開既台式餐廳，位置雖然有點隱蔽又在轉角位，但全店採用落地大玻璃，所以都不難察覺。炸甜不辣台灣地道小食，在這之前只吃過滷水或關東煮煮法，想不到炸起來會更好吃，外脆內軟，口感有咬勁，還可點上甜酸醬酥炸花枝丸另一台灣必點小吃...大大粒，非常Q彈，還有粒粒花枝，口感一流肉鬆起司蛋餅薄薄的蛋餅，煎得非常脆口，配上芝士和肉鬆，令人食唔停口😝香酥排骨飯排骨體積頗大，啖啖肉，火喉控制得很好👍🏼外脆內juicy台北滷豬腳飯豬腳炆得很淋，一點也不肥，骨膠原充足，而且台式滷水汁不會很咸，不消一會整碗飯已被K.O.芒果紅茶冬瓜檸檬九份芋圓紅豆、珍珠、仙草、豆花、芋圓...用料充足，為這頓台式午餐劃上完美句號

之前喺網上見到炮台山新開左間台灣菜餐廳，趁住假期就專登走黎試下。間鋪距離地鐵站算近，行差唔多5分鐘就到。不過因為喺啲橫街度，如果唔係喺網上睇到，都唔知依度開左間餐廳。兩點鐘黎到，間鋪依然坐滿人，裡面空間實在唔係好大，得around 10張檯，而且啲檯都比較細。間餐廳提供嘅野食唔係話好多，我地3個人黎到，決定除左主食之外再叫啲小食share下。一場黎到緊係要食翻碗魯肉飯，我叫左碗細嘅。好多滷肉而且汁都好充足，可以撈成碗飯，滷肉唔算好肥，味道唔錯。小食方面叫左鹽酥雞，雞肉都幾嫩滑不過就覺得調味料落得唔係好夠，同埋無咩台灣嘅風味，對我黎講只係普通嘅炸雞。反而另一個小食起司蛋餅就唔錯，個餅皮幾煙韌，而且食落嘅每啖都feel到芝士味好重，覺得幾好味，有啲似喺台灣食嗰啲。雖然啲醬油就覺得有啲鹹，但依然係好味，值得一試。最後我地仲叫左個芋圓甜品，裡面有地瓜圓、紫薯圓、芋圓、紅豆、仙草、珍珠同埋豆花。雖然仙草同豆花都唔係好多，但係整體黎講都算多配料。覺得啲芋圓如果再煙韌啲會更好，同埋成碗野都幾甜下。

台灣，相信大部分香港人有去過，台灣的食物，大家都鐘意食。香港有不少打著台灣味道的店鋪，因為最近忙到去台灣都沒時間，所以就找了間台灣食店， 叫了好多食物，希望吃得出台灣味道。平日的7點，已經人山人海，在門外邊揀食物，邊排著隊，等了一會。我們2個大胃王，能容下所有美食。本身打算叫3款，最後越叫越多。先講講2杯飲品，檸檬多多，芋頭牛奶。芋頭牛奶裡面還有少量芋頭蓉，想不到呢。檸檬多多為大吃一頓做好準備。第一樣 魯肉飯，肉要香滑，汁要濃，但不能變成汁撈飯。魯肉得肥瘦比例好均勻，不會變成肥肉撈飯。每粒飯都有肉味肉汁。 第2樣 牛肉麵牛肉麵的麵底，牛肉及湯缺一不可。試了湯底，牛味濃，不是調味料溝出的味道，加上超足料牛肉，每片牛肥瘦比例厚度都很標準 ，提一提蘿蔔，吸了所有精華。第3樣蛋餅，台灣早餐宵夜都會吃到蛋餅，這裡1份有4件，味道不錯，足料固然重要，但最重要係不會整到太乾或太硬，蛋不會乾。那辣醬雖然是小配角，但一點都不簡單，配這個食好好食，可不是一般港式辣醬。第4樣夜市必食。鹽酥雞，還有花枝丸，本身打算只叫其一，但實在太難揀，所以叫了2樣。雞脆而不油，少少鹽已經好好吃，食到台灣夜市味。花枝丸彈牙大

今晚在炮台山附近放工，就過來食下呢間新開不久的台灣美食店 九份飽，位置方便易搵。夜晚時間都頗多人，門口已經開始有人龍排隊，我地等咗幾分鐘就有位。餐廳裝修好有台灣風格，牆上掛有多個九份飽的紅色燈籠。台式珍珠奶茶同黑糖珍珠牛奶，冰凍可口，奶滑香甜，同茶的味道好夾，珍珠彈牙煙韌。懷舊魯肉飯，大，$39, 魯肉肥瘦適中，切成幼粒，入口軟稔香滑，入味可口，飯粒煙韌香甜。香酥排⻣米粉，$40, 排⻣炸得香脆入味，炸粉薄而鋪满，排⻣肉質嫩滑多汁，湯底係濃郁的牛肉湯，熱騰騰，米粉爽滑幼身，吸收晒湯底的精華。培根起士蛋餅，$30,令人食到台灣早餐的味道，起士熱溶香濃，夾在蛋餅中間，餅皮煙韌美味。酥炸花枝丸，$35,即炸熱辣辣，外脆內軟，墨魚味道香濃。冬瓜排⻣蛤蜊湯，$35, 湯的味道清甜而鮮美，蛤蜊新鮮嫩滑，同冬瓜味道好夾。我地仲叫咗個甜品，九份芋圓，凍，$35,有芋圓，涼粉紅豆等，味道層次豐富，芋圓煙韌滑溜。

返工最大樂趣就係同同事覓食，今次黎到炮台山，經過左九份飽好多次，見唔洗排好耐隊就入左黎試下 不過入到去既感覺係：好逼！行到既空間好有限，就算坐低左，都係人貼人，如果隔離枱要走，一定要起身讓佢地走先得而且枱同地下都好污漕，可能因為冇咩空間俾店員做清潔，但衛生情況的確麻麻。 裝飾係懷舊既台灣感覺，幾有心同幾靚。 首先叫左個細既魯肉飯，係台灣既味道魯肉帶有肥膏，好香！又唔會太咸細細碗唔會太飽，可以留肚食其他小食。 同事叫左份香酥排骨米線，排骨唔會好厚炸粉，而且keep到肉汁，做得幾出色米線湯底夠濃，配埋排骨味道好夾！但呢個就會飽肚啲，始終炸排骨比較油膩。 台灣香腸有少少咸，配埋蒜片食幾香，而且口感更豐富，適合重口味人士花枝丸炸得幾香，唔會好乾身，而且彈牙，值得一試！我好喜歡呢個蛋餅！！餡料好足餅皮煙煙韌韌，加上佢既甜醬+辣醬，簡簡單單已經好好食～ 誠意推介上果陣熱辣辣食，真係冇得輸！另外我叫左杯冬瓜茶，唔會太甜，飲落好舒服同解渴 總結呢間台灣餐廳野食質素好，雖然係坐得辛苦啲同嘈啲，都有少少污漕⋯ 但去唔到台灣又想尋找台灣既味道，值得一黎

自從復活節個排快閃左幾日台北之後，就成日好想食台灣野，想係香港搵返個種feel～最近食左幾間都無呢間咁地道，因為佢裝修扮到好古早味，好似去左九份咁！唔怪得叫九份飽😂不過我同fiancé就食到十份（分）飽喇！😂😂😂我地兩個lunch都食得少，放左工極肚餓，又叫到滿枱都係野食，好忙呀🤭都唔知食邊樣好😅我地叫左黑糖珍珠牛奶（$25）、百香果紅茶（原價$20，跟餐$10）、一碗細既魯肉飯（$29）、滷青菜🥬（$15）、酥炸魷魚🦑（$39）、冬瓜排骨蛤蠣湯（$35）、香酥排骨米粉（$40）、紅燒牛肉麵（$45）、肉鬆起司蛋餅（$30）同黑糖花生麻糬（$20）。好欣賞呢度既野飲可以揀唔同甜度，有正常十分、少糖八分、半糖五分、微糖三分同走糖零分。而且飲品選擇都好多🤣有啲選手困難症😂我杯百香果紅茶非常之濃百香果，茶夠濃，三分糖甜度啱啱好！如果係有百香果籽就更正！fiancé 個杯黑糖珍珠牛奶都係揀症三分糖，我覺得個珍珠中間太硬，唔夠Q，味道OK。魯肉飯係暫時食過幾間最好食！當然啦，同台北間金峰比，重爭一截🤭但呢度豬肉肥瘦平均，帶點油香，個汁調較得幾好，鹹甜度適中，同埋相比其他幾間，魯肉份量最多！唔會食

不嬲都好鐘意食台灣野，見天后開左間新既台灣野 仲要咁近我梗係要去試試睇下佢咩料啦😎星期六晚上都幾多人，餐廳唔算好大但係裝修好別緻，幾有台灣風味。入到去聽到有侍應係講普通話既，可能真係台灣人～服務態度好好又好親切，真係有啲似去左台灣咁呀😛講返啲野食先～因為太餓叫左好多野食，蛋餅超好食！！豬手飯同魯肉飯比想像中大碗 ...好入味 食到已經好飽haha仲叫左啲炸既小食，整體都唔錯 好似食緊台灣夜市啲小食咁 不過呢度有得坐🤪我覺得呢間餐廳好唔錯喔～咁近我屋企我一定會安哥！

放工後約左朋友黎試呢間。未夠7點已經要排隊，人氣好高企呀!叫咗個紅燒牛肉麵😕嗰個面嘅湯底係濃郁嘅，可惜啲麵條感覺唔似手工麵，似就咁買返來煮嘅粗扁面，所以食落口感唔會彈牙😗而且略嫌煮得過火，有些淋😟牛展雖然入味，但係比較薄切所以食落唔夠喉😵😦另外仲叫咗個滷肉飯，不過唔記得影相。呢度嘅滷肉飯有大同細選擇，我就揀咗個大嘅，點知嚟到比想像中細碗，大概只有平時客飯嘅一半。好彩係滷肉飯煮得頗為出色，滷肉肥膏入口即溶，都幾好食🤤😋😋🤤😋🤤

台灣是最近數年香港人的旅遊熱點，但畢竟在香港，台灣菜也不算是主流，所以在香港比較少會看見台灣菜的出現。難得最近發現了一間小型的台灣菜，位置在北角(其實我覺得近天后多點)，名字也特別，叫「九份飽」。裡面有數個紅燈籠，遊子和椅子也是用木做的，格調十足，只是環境比較狹窄，也有機會要和其他人「搭枱」。有一個範圍則是模仿台灣夜市的排檔，有小小的招牌，下面則用一個個的木牌寫著排檔不同的菜式。台灣菜的價錢普遍都不昂貴，即使是主餐的價錢都只是四十元，小食反而三十多元，有點貴，但普遍現今的餐廳都是這樣。先點了個招牌滷肉飯，滷肉的數量製多，但肥肉的份量不多，倒是瘦肉的部分較多，所以會有點硬身。滷汁的數量也充足，吃飯便不會感覺很乾，彌補了瘦肉部分多的不足。鹽酥雞向來是我在台灣菜中很喜歡點的食物，這裡的鹽酥雞做得相當不錯，脆炸外皮表而的鹽分不會太多，鹽酥不乏脆身的感覺，雞肉也新鮮非常。之前喝了太多黑糖珍珠鮮奶和奶茶，這次來到了台式食店已經不想再點了，點了杯芒果紅茶，加$5可配椰果，芒果味明顯又濃郁，由於是炎熱的夏天，芒果理應是當糙的，做出來的果汁並不酸。蚵仔煎是十分傳統的台灣食物，相信香港人在台灣也必定嘗試過

今日喺砲台山嗰邊放工， 午飯都冇時間吃， 唔理咁多即刻衝去搵嘢食， 正直四五點尷尬時候又未到晚市， 近蜆殼街正 正街角有間台灣小食店。裝修別緻， 好有台灣小店風味，剔紙仔點菜，饮品。 價錢好划算 一杯普通珍珠奶茶不過$20， 連鎖茶飲店 都冇咁平～！芒果多多$25 （ 八分糖）所有飲品都可以選擇甜度。 這杯芒果多多好濃益力多味 而且帶芒果酸。奶蓋紅茶$20選了半分糖， 果然嘗到紅茶嘅甘澀味， 奶蓋並非時下甜中帶咸的奶泡， 感覺比較輕盈健康👍紅燒牛肉麵$45簡直超出預期， 份量十足！ 用咗牛展取代牛肉或牛腩， 更加實際而且牛展非常軟腍入味。 麵質爽滑 唔會太腍， 湯底濃而不油膩，夠清甜食完都唔覺口渴。酥炸花枝丸$35花枝丸紮實彈牙又足料， 表皮炸得酥香， 灑了少許淮鹽粉 非常香口惹味！炸甜不辣$35熱辣辣炸起， 甜不辣其實係魚糕， 三款造型都炸得香口有彈性， 有魚味，份量不少， 美味抵食！去台灣料理店唔少得要試吓佢嘅鹽酥雞。 都係熱辣辣炸起， 外層酥脆加鹽香令到你一件接一件唔停口食！ 裏面嘅雞肉唔會好乾夠曬味！划算嘅價錢做出超水準嘅小食，麵食， 非常推介！

台灣菜向來都是我的最愛🇹🇼近來經過炮台山嚐試這間新開的台灣菜🤤整體感覺很不錯 簡單一食已經好正☺️。💕懷舊滷肉飯(細) $29滷肉飯是台灣的美食標記😙每一次食都會叫 今次這個滷肉飯也沒有令我失望 滷肉肥瘦平均而且份量頗多 撈飯好滿足😝。💕台北滷豬腳飯 $40聽說是另一名物 第一次試試🔥值得一讚是豬腳滷得好入味 而且滷得好淋👍🏻。💕培根起司蛋餅 $30這個吃完會愛上❤️從來未食過蛋餅 材料簡單 但吃起來口感豐富 重點蛋餅皮十分煙韌 好羨慕台灣人每天講這個做早餐啊🤤。💕鹽酥雞 $35這裏的小食都是即叫即整👍🏻所以上枱就熱辣辣保持食物的新鮮度🔥份量頗多喔 炸粉並不厚 雞肉鮮嫩🥰。💕酥炸魷魚 $39分量同樣多 魷魚都頗大條 味道很讚💓。💕蚵仔煎 $39來到當然要叫埋台灣另一美食-蚵仔煎‼️每一隻蠔都頗大粒 而且幾鮮味 直落唔會成啖粉嘅感覺 。💕九份芋圓 $35數到台灣甜品最喜歡就是鮮草芋圓💜🧡有豆腐花丶仙草丶芋圓丶紅豆 芋圓Q彈 而且勝在甚麼材料都有 食落冰涼 岩曬而家夏天食🥰

近排好多佢既新聞，唔理新聞真定假，試下食物質素最實際。夜晚8點黎到，都坐滿咁濟，等左約1-2分鐘就有位。但係啲座位有啲逼gip，始終地方偏細。食物選擇唔係好多，我地2個人，叫左個大魯肉飯同香酥排骨飯。香酥排骨飯共有四塊排骨，一咬下去，好香脆，真的讓我想起台灣街頭小吃的味道。魯肉飯啲魯肉都好入味，肥瘦適中。碗飯睇落唔係好大碗，但係食落都好飽肚，食到我十分飽！兩個飯味道唔錯，可惜係座位唔係咁好坐，同埋無諗過珍珠奶茶只可散叫，無得跟餐。