影片
更多
2019-05-16
75 浏览
自從復活節個排快閃左幾日台北之後，就成日好想食台灣野，想係香港搵返個種feel～最近食左幾間都無呢間咁地道，因為佢裝修扮到好古早味，好似去左九份咁！唔怪得叫九份飽😂不過我同fiancé就食到十份（分）飽喇！😂😂😂我地兩個lunch都食得少，放左工極肚餓，又叫到滿枱都係野食，好忙呀🤭都唔知食邊樣好😅我地叫左黑糖珍珠牛奶（$25）、百香果紅茶（原價$20，跟餐$10）、一碗細既魯肉飯（$29）、滷青菜🥬（$15）、酥炸魷魚🦑（$39）、冬瓜排骨蛤蠣湯（$35）、香酥排骨米粉（$40）、紅燒牛肉麵（$45）、肉鬆起司蛋餅（$30）同黑糖花生麻糬（$20）。好欣賞呢度既野飲可以揀唔同甜度，有正常十分、少糖八分、半糖五分、微糖三分同走糖零分。而且飲品選擇都好多🤣有啲選手困難症😂我杯百香果紅茶非常之濃百香果，茶夠濃，三分糖甜度啱啱好！如果係有百香果籽就更正！fiancé 個杯黑糖珍珠牛奶都係揀症三分糖，我覺得個珍珠中間太硬，唔夠Q，味道OK。魯肉飯係暫時食過幾間最好食！當然啦，同台北間金峰比，重爭一截🤭但呢度豬肉肥瘦平均，帶點油香，個汁調較得幾好，鹹甜度適中，同埋相比其他幾間，魯肉份量最多！唔會食
好欣賞呢度既野飲可以揀唔同甜度，有正常十分、少糖八分、半糖五分、微糖三分同走糖零分。而且飲品選擇都好多🤣有啲選手困難症😂我杯百香果紅茶非常之濃百香果，茶夠濃，三分糖甜度啱啱好！如果係有百香果籽就更正！fiancé 個杯黑糖珍珠牛奶都係揀症三分糖，我覺得個珍珠中間太硬，唔夠Q，味道OK。
魯肉飯係暫時食過幾間最好食！當然啦，同台北間金峰比，重爭一截🤭但呢度豬肉肥瘦平均，帶點油香，個汁調較得幾好，鹹甜度適中，同埋相比其他幾間，魯肉份量最多！唔會食晒啲魯肉重淨好多飯，非常之好拌飯！
滷青菜望落以為佢係生菜加普通豉油，其實係滷水汁！幾好食啊！
酥炸魷魚🦑係我兒時最愛係酒樓飲茶時點既野食！呢度食返個種味道！台灣就未食過，唔知味道會唔會都一樣呢！？🤣即叫即炸好新鮮熱辣辣！魷魚有嚼勁得黎唔會韌，炸粉厚度適中，非常香脆！
冬瓜排骨蛤蠣湯有三隻蜆，係好大隻！無沙👍🏻👍🏻湯好清，除左有蜆、排骨同冬瓜既味之外，重飲到有酒味。
香酥排骨米粉既香酥排骨份量好多，切開有成四大舊！肉質無用鬆肉粉醃過，保持返原有既質感👍🏻偏瘦唔會太多脂脂。炸粉適中，放涼左重好脆。
米粉有啲似粉線，透透地明，但食落淋身啲。滷蛋出乎意外地好食！好入味🤤🤤如果可以單點，真係想食多隻。$40食到咁足抖好抵！$40食到咁足抖好抵！
紅燒牛肉麵湯底同香酥排骨米粉一樣，唔會太鹹，無辣味既。牛肉用左我鍾意既牛腱，有6-7塊薄片，如果厚切口感會正啲🤣麵扁身得黎又似刀削面咁曲曲地，但就無煙韌感，係滑同淋。
肉鬆起司蛋餅係古早味個種！❤️餅皮Q，入面包住肉鬆同芝士蛋，再加埋醬汁好好味！重有啲辣醬吱係隔離，我覺得唔點會好食點，點左會搶左主角既鏡！
黑糖花生麻糬食法似糖不甩，外面黑糖麻糬唔算好軟糯，但黑糖味香濃，入面有啲花生碎加花生醬，好香濃。
整體質素幾好，下次黎會encore魯肉飯同酥炸魷魚同試埋其他野！
张贴
