丼吉日式吉列豬排專門店 (世貿中心)

营业中

休息中

去過呢間好幾次，水準之高無須重覆，已經知佢旺，所以一向都係午飯時間尾段佢地臨落場先去。不過早幾個禮拜，為左同人慶生，局住星期五晚去，就靚野。間店得10-20檯，仲要因為地方太靚又收得唔平，同拉麵唔同，客人食完都好少即刻走，結果等足三個幾鐘，六點半等到九點半！咁等呢樣野，你情我願，要食好野，無得講，客人流轉率低間野自己都好睇唔好賺。點知等不特只，食品水平跌到得人驚。食開塊吉列豬扒大大塊，厚切，呢到既朋友上載既相片好清楚，可以覆蓋個不銹鋼架，小弟食果日，哈，大小只有一半多丁多，厚度亦係，大縮水！！！如果一客，我會出聲，兩客都係咁，講多無謂，加上果幾位侍應都做到謝晒，何況有人生日唔通澀氣咩！我重傻到比多次機會佢地，唔叫定食，散叫多客吉列豬扒，點知都係一樣，唉！不過，大塊細塊厚定薄，都要好食得架，唔好食，大塊都無用啦！咁味道點？災難！係，塊豬扒係唔韌，不過係鬆到麵粉堆咁，而且極乾，完全無任何肉味。據聞話佢地選料上剩，一向食開都覺得與別不同，不過果刻既真心直覺係佢地唔夠貨求其用第d頂上，蹋到佢鬆就算。肉差之外，上炸粉亦差，一向係好平均既麵包糠吉列，好靚，果日呢，同大家樂大快活無兩樣，好似臨尾用晒

26-8-08 (二)真是人氣食店，要早一星期訂座才有位。店員客氣地解說，其實留座佔比例不多，可在十二時開鋪時排隊也可以。叫了店員推介的三人餐，很快就送來了。特意比較豬柳和豬扒，個人較喜愛豬柳。大蝦和蠔都不過不失。不知是否期望過高，或是因拍照關係延誤了進食良機。沒有熱辣辣，入口鬆化的感覺，兼且炸漿略厚，個人喜愛稍薄的炸漿。三人餐太飽了，試不到想試的炸軟殼蟹。飯後送上清甜的凍西瓜和換上一杯熱茶，很好。

知道此店一向客多要等位, 同朋友都未來過但又想試試, 故相約星期六6:00pm早的吃晚飯, 心想應該不用等位了.我因紅隧塞車略遲, 朋友已準時到達, 卻要先排隊十分鐘攞籌, 四人枱要輪三十個籌, 問hostess話要等一個鍾才可能輪到有位, 唯有去附近happy hour一陣.一小時後回來仍有4 個號碼先到, 幸好只需十五分鐘就有位, 被安排在卡座幾有私隱, 座位枱面相當闊落, 坐得頗為舒適.menu製作精緻, food shot幾靚幾吸引, 好, 開始落單, 不消十分鍾一起上桌:- 吉列大蝦豬柳定食 - 豬柳軟硬適中, 麵包糠上得均勻炸得脆口, 正宗日本米煮的飯煙韌口感一流吉列豬扒咖喱 - 普通日式辛口咖喱, 豬扒肉質鬆軟滑蛋吉列豬扒飯 - 飯汁略為偏淡但非無味, 豬扒依然有水準配菜為椰菜刨絲, 自行加入柚子醬或另一款芝麻醬都相當配合, 細節見水平, 最後還有西瓜呢.結賬4人$550, 炸物唔可以經常食因太熱氣, 唔係咁咁多人排隊尚可以再來, 另外要彈是hostess禮貌不週, 雖然工作忙碌應接不暇, 但無客人查詢又何來人客光顧呢?

炸野最鐘意食呢道個炸豬叭真係唔錯,唔'un',又唔'鞋'又大塊點埋果過自己撈嘅醬,好食到呢....炸蝦都正呀如果大隻多少少就好啦

閒日下午兩點鐘去到, 都要等二十五分鐘.本身不是太好炸物, 放午飯慕名一試, 要了吉列豬扒炸蠔定食, 炸蠔確實不錯, 炸漿頗薄, 蠔肉頗厚又多汁, 溫度適中不太燙口; 豬扒鬆軟非常, 可惜我嫌它不夠肥, 油香不夠. 服務很好, 常常問我要不要添飯添菜. 但太熱氣, 吃完後牙肉都腫了, 不能多吃.飯後奉上幾片生果一壺茶, 斟茶後水面泛起一片油漬, 煞是恐怖, 有待改善.一個定食加一個可樂大約二百三十元.

其實未裝修前我地都經常去食,之後因為忙所以就去小左,但最近蔡瀾就介紹左貴店,咁上星期一我家姐一行4人(當時都有細路)去貴店食飯,佢話D野食同之前一樣好味,服務又好,咁我就決定昨晚去食,本身覺得貴店價錢貴左D,但服務好都唔緊要,我覺得收得咁上下價錢,服務都要有反咁上下但昨晚估唔到食得好唔開心羅,事緣 我7.15分入座一行5人(當中有一個細路), 之後我地叫左一個3人套餐加左一個炸蠔再加一個帶子沙律,當時果侍應問我地話5個人要加多一個飯,我地話唔洗,之後我地要佢添飯,佢就話因為你地5個人,只要加多$15先可以添吃,咁我地話上星期一黎食都無要加錢,點解今日要,佢就好唔高興咁話轉左好耐,(原來一個星期都叫耐),咁我就話唔要,我唔係比唔起$15係佢D態度問題,之後到我地食完野,就連杯茶都無見過,要問佢先比5杯茶我地,(因為上星期一姐姐佢地一坐低就有人比茶,食完反之後又有第二種茶)收枱面D野重好老溤咁要我地幫佢,唔該都唔講句,到最後我見到其他枱都有一壺茶,咪同個女經理投訴一下,點知佢同果個侍應D態度一樣咁差,又話好好服務,不過我姐姐話上星期一唔係D班侍應同經理,之不過一個星期就有唔同服務,真搞笑

「物有所值」實在很難下定論，就當我是吝嗇的人吧！一行五人連小童一位，點了～雜錦吉列定食（三人份）　＄４７８吉列雞扒定食　＄１３２吉列大蝦拼生蠔定食　＄１９２咖哩汁　＄３０轉豬骨湯　＄２８送來的時候一大盤，很是豐富繽紛！愛吃炸物的我真的十分歡喜！就按好吃度排一排吧！蠔～　A 最好的一項炸物！肉質鮮嫩，咬開後有肉汁流出！十分好吃！豬扒～　B++ 很不錯！嫩滑，有肉味，有肉汁！豬柳～　B+ 較細件，有咬口，比豬扒少了嫩滑口感。蝦～　B 夠大隻，肉質較差，欠缺大蝦應有的爽口感覺。雞～　C+ 最差！肉質不見得嫩滑，無雞味！同行厭尖友人形容「KFC更好吃」！結賬　＄946太貴了！收這個價格，我會對他的所有食物都有要求！怎可能只有蠔和豬好吃呢？一個定食也收　$130　以上的價格，以這個質素來說，實在不太值！要見識的朋友，請再三思是否值得！

在銅鑼灣走了一會，已六時多，於是就出發去我們的最终站 --日本吉列專門店(因為在日本吃過超美味吉列，故特意前來希望重溫該味道)。早知他們六時半派籌，及會非常多人等，所以六時半前便去到，希望可以取到第一輪籌早點吃，可惜事與願違，第一輪已入了去，於是便在店外等等等，最後等到約七時四十五分才入座。在門外已想了吃什麼，於是一坐下就點了一份炸豬扒併炸蠔定食和一份炸豬柳併炸蝦定食。侍應先奉上兩碗芝麻給我們磨碎，拌醬汁用來吃豬扒。另外，他又解釋一次桌上的醬料怎用，非常仔細。芝麻碎碎時非常香，我的食慾隨著芝麻的香味而出來。不消一會，吉列定食已送上，拌著白飯、椰菜絲和前菜小食一同送來。先吃一片酸蘿蔔令先己更開胃，接著急不及待先吃一件炸豬柳加一點芝麻汁，好鬆脆，而豬柳乾了一點但仍有肉汁，不過芝麻好香好醒胃；一不離二，吃炸蠔，炸粉已不用再說--鬆脆，蠔很肥美，炸得一點也不乾，好味；再吃炸豬扒，今次加芥辣，豬扒很juicy，比豬柳juicy及淋，配芥辣吃更好味；接著，試最後一樣炸物，炸蝦，蝦大、肉爽，一個字「正」！試完炸物後，就吃他們的椰菜(亦是這餐的主角)，拌柚子醋和紫菜醋吃，椰菜新鮮，加醋吃，酸酸的非常醒

其實我麻麻地願意排好耐好耐隊食嘢咋呢日mummum kay: D好想好想去尖沙咀唔要一定要銅鑼灣とん吉 我最得閒　交比我！６：３０﹣７：３０真係要咁耐的wow很喜歡私人空間的卡座！侍應非常非常非常的有禮..!!服務非常非常的.....哈落柯打先一個二人餐吉列蝦吉列豬柳（not排）吉列蠔皮薄又脆吉列蠔很多汁！但豬柳有比較下失色了薯仔沙律(好似$4X)一球...吓...炸軟殼蟹好味但人不多　多吃膩了侍應很耐心介紹每種醬的用法wow配上新鮮椰菜和珍珠飯美味！１小時很值得呀３人捧住肚子走wow

冇訂檯七點幾拎籌，198號 (當時叫緊170)，點知不停叫大檯，我地唔死心唔肯走，結果等o左差唔多兩個鐘先入到去 叫左一個吉列豬扒拼蝦 同 吉列豬柳拼蠔，冇得加錢換甜品 (唔知點解呢?! 侍應冇解釋)講返食物先 : 吉列豬柳 : 炸得幾鬆化，有肉味同肉汁 吉列豬扒 : 都鬆化但乾o左少少 炸蝦 : 幾大隻，有蝦味好彈牙，點他他醬食好味 炸蠔 : 有兩隻，我食o個隻中間唔夠熱，蠔味淡o左些少，感覺麻麻地 椰菜絲 : 好新鮮好大份，我地都添o左兩次 味噌湯 : 冇乜特別 西瓜 : 尚算鮮甜但唔夠凍其實食物味道唔差o既，但驚喜唔算大，加上我地排隊排到冇晒心機，自然影響胃口，好味都變麻麻地啦 !!! 一人都要成200蚊落樓，一試無妨o既，或者下次 book 定檯再食過啦!

went today, AMAZING SERVICE, had dinner set for 3, very simple yet very well made!their meat may not be enough for meat lovers, but their unlimited rice and cabbage makes up for it!Total price was around $480 + 10%Would go again!

去到巳經下午兩時＋五分, 距離落塲時間只餘下四＋五鐘, 怎料職員說兩點半要叫 last order, 當時還有五至六張枱要等, 若等不到位便不能食, 好彩兩點半終於入到去, 眼看我們之後很多人都不能入, 不禁感慨我們算lucky!因為巳經沒有時間, 所以沒看清Menu 便随便叫了一個滑蛋吉列雞扒反& 咖哩吉列豬扒反, 平時的 Salad 可以Refill, 但可能由為差不多Close, 已經沒有人幫我們Refill. 因為我喜歡"滑蛋 & 雞扒", 但咁貴的一碗反, 滑蛋巳把吉列雞扒整"林", so 千祈唔好試, 男友食的咖哩吉列豬扒反不錯, 日式咖喱好味, 豬扒亦好脆而不太油, 但後來再看餐牌發現有ニ人餐$400-500 (有豬,蝦,生蚝), 又抵D 又多Ｄ款!下次有朋友想去應該會再去, 但自巳＆男友就未必! ^_^

噚日同女友第一次去試，五點四個字去到，排頭十名，到五點九個字已經望唔到條龍尾；六點入席點左豬扒搭蠔同埋豬扒搭蝦，六點兩個字未夠就已經有得食，咬第一啖可以感覺到 d 麵包糠、雞蛋到豬扒味味道係一層層，豬扒真係無得彈，鬆軟多汁夠肉味，蠔就夠肥夠厚身，不過味道就一般，蝦就真係唔錯，大隻有咬口同夠鮮味；d 飯我就嫌佢太軟啦，不過都o趙左佢兩碗；椰菜絲加左柚子醋夠晒爽口開胃，又食左佢兩大碟 ……不過最厲害隔離檯個哥哥仔，一個人叫兩 set，又加咖哩汁又叫多壺唔知乜春，侍應姊姊仔一放低 d 炸物食都未食就叫佢加菜絲 …… XDDDD

朋友升職, 要賀一賀. 我們倆人於十二時二十分到達, 但係也要等大概一小時才可進入. 朋友說這間炸豬排店是正宗日式的, 有許多日本人也過來品嚐. 等候時也遇見好幾對日本情侶. 心想, 炸豬排有什麼特別? 為什麼整個商場最多人流集中在這店? 但係當份餐(豬排加生蠔)在自己面前時, 真係急不及待要品嚐一吓. 味道是出乎以料之外咁好味, 尤其是加了已磨成粉末的芝麻燒汁及芥未醬, 味道簡直好食到難以形容, 充滿驚喜! 豬排充滿了肉汁, 很鬆化, 再加上日本椰菜一起食用,椰菜另備柚子汁及紫菜汁點上,任君選擇, 絕對唔熱氣. 而白飯及椰菜可以任添, 真係無得頂! 再加上飯後水果-西瓜. 茶是一整壺給你. 傳菜員笑容可掬. 非常好! Yeah!!!!!餐廳的老闆一定下了不少功夫在器皿上, 在盛有炸豬排及生蠔的地方下面有一個不锈鋼的"哨幾" 以分隔油份及椰菜的醬油. 令係食豬排的過程中不會沾到汁醬而变焾. 好細心, 而且一叫了餐的時候, 放了一碗芝麻給客人磨碎以消磨等候的時間係一個十分好的安排. 坐位也很寬敞, 就算XXXXL 坐下也沒有問題. 但係好希望食店Receptionist 的態度可以好一點

苦等了一年多, 終於有幾位同事响應蔡san 的推介, 到呢度一試. 咁難先嚟一次, 梗係試多幾款. 一行四人, 點了四個唔同的餐. 先來一人一碗芝麻, 和日本個d一樣, 俾你自己磨好, 再加個汁, 好好玩呀, 又勁香喎. 在等的過程中又無咁悶.吉列豬扒 : 呢個有d失望, 點解乾乾地架, 無乜肉汁喎, 點搞呀?! 吉列蝦 : 應該係新鮮蝦, 鮮甜.吉列生蠔 : 好多汁, 又大隻, 正!吉列帶子 : 嘩, 唔係卦, 帶子係柱狀架, 除了係北海道的知床食過厚身, 成3-4cm的帶子, 我叫佢係柱狀帶子外. 無試過係其他地方食過. 呢度係最接近的了, 都有2.xcm...仲好多汁, 估唔到咁得喎!其實個椰菜絲沙律真係好掂, 好幼細, 又可去下油膩, 加d 紫菜汁, 真係好醒胃. 但可憐的我們太想試多d 野, 就加咗$28換了個菜+豬肉湯, 真係在原本的味噌湯肉加入菜和豬肉...oh...真係一d都唔掂....俾人扼咗添! 其實味道都可以, 只係淨食吉列又真係有點太過了, 最慘係等得太久, 見其他食友說要等二, 三小時, 真係令人咋舌.