丼吉日式吉列豬排專門店 (世貿中心)

营业中

休息中

last night, i had a dinner with my friends at this restaurant. And i really had a great time there, the 吉列pork there was really cruncy outside and soft inside and i think that it was great to have the veggeys serving non-stop and i enjoy the sauce too, it was a remarkable dinner.

星期一約埋啲朋友去食，咁諗住訂位就無死啦，點知由前一個星期五一直打電話去訂位打到星期一都打唔到，全部飛哂去留言信箱，但個留言信箱係常滿，如果唔係就電話錄音。星期一總於死死地氣要六點去攞位，順便就問下個到啲姐姐究竟有無得訂位，點知啲姐姐話十月先有。激死！無得訂就應該係個電話錄音到錄埋兼cut左個留言信箱啦！等我係到白打。 因為我啲朋友未放工，要八點先人齊，所以我足足係個到罰企左兩個鐘，仲慘過讀書個陣。其實攞飛個陣已經同佢講左我要八點先人齊，我亦都好贊成人齊先入座，但佢話無得寫定幾點，一定要等到人齊；但如果你行開左，過左你個飛3次的話，就要重新攞飛，你話係唔係好慘呢？到左八點，我地人齊，但又因為有個朋友入左去洗手間又要繼續等，唉... 好似乞丐咁。成個門口都係「望友石」，一支支柱係到，冷氣又唔夠，真係想死。 入到去個啲侍應服務都唔錯，起菜速度都幾好，椰菜沙律係我嘅至愛，柚子汁及紫菜汁都好好味，侍應亦樂意幫我地加菜！至於佢地嘅名菜吉列豬扒就唔係太合我地一班女仔嘅心意，因為太肥，我地都係比較鍾意吉列豬柳，而個味僧湯就實在太咸，我地全部試左一口都無再

星期五晚7點到達, 足足等候了三個小時間鋪十點半關門, 等到十點果陣, 因為仲有好多張飛先到我地, 於是問下門口著黑色套裝, 長頭髮果個接待員會唔會入唔到去食，佢竟然話唔知道天啊~我等左成2個幾鐘, 佢竟然答我唔知道, 咁我仲應唔應該等落去?你咁大間餐廳, 派飛比人果陣就應該預計到客人會唔會入到座, 如果真係入唔到, 你咪話我知囉。你答唔知道, 咁我仲等唔等好?枉佢答得出咁既答案仲可以做接待...起三個鐘既等候期間, 比我地發現左佢已經加左價, 原先$168蚊既套餐加到$186, 唔細心睇都唔知佢加左價, 而且個加幅都幾大再計埋加一的話, 我地兩個人食無400蚊都落唔到樓。原先大蝦拼豬柳套餐$168, 以家$186原先全炸蠔套餐$168, 以家$186其他食物通通照加!咁貴真係要食少幾餐喇

久聞這間餐廳出名食吉列豬扒和蝦，於是星期六一行4人去試下先！我們6:20pm開始排隊，真係非常多人等位呀！為左一嘗此店食品，點都要等落去！8點20分，終於到我地，我們叫左兩個套餐，一個吉列豬和一個吉列蝦餐，再加兩個小食；一個薯仔沙律、一個炸軟殼蟹。小食既份量唔算多，但就好開胃，來既套餐速度也很快，我試了吉列豬扒同吉列蝦，我發覺佢地炸出來既味道真係同出面食既餐廳好唔同。佢地炸出來既麵包糠一d都唔厚，又唔會好硬或“界”口，餐廳可以做到炸出來食物的香味同埋麵包糠既香味，很難得，而個個人最愛既係吉列蝦，真係冇後悔等左咁耐呀！基於我地並唔係叫左好多野食(價錢都唔算平)，當有個女侍應走埋黎同我講(充滿笑容)，需唔需要加菜既時候，我好快就話唔洗啦，之後我朋友話係加椰菜絲既菜的時候，我就當然話好啦，因為佢話呢d菜係由日本運來，好甜的。我試左之後都真係覺得好甜，可以不斷添菜，我食左好多呢！最後，呢餐飯我地食左四十五分鐘。我下次要再早d來先得呀！

又係睇完蔡生節目,決定同老婆去試,,七點三到取飛,慘都預左要等喇,終於到九點四十分有位喇ORDER左個二人餐,,有豬扒,蠔,蝦,豬柳,椰菜,飯,飲品,可能太肚餓,好快就食哂,豬扒都OK,,蠔就老婆話好食,蝦都幾爽,豬柳就普通,,反而我覺得椰菜最好食,添加左兩次,,至於侍應service都好好,, 總括黎講可以一試,,但就真係訂左位先好去試,,等兩粒鐘真係好辛苦,,~~~~~

個晚睇完蔡瀾 next day走左去試......六點十分上到去都要排成個幾鐘先有檯。叫左一份三人套餐(係包3隻蠔、炸豬柳同炸豬排、湯及飯)，另外再加炸帶子、凍波菜、泡菜豆腐、再由原本個set跟既面豉湯轉做佢地既什菜湯。首先d帶子真係好大粒同好Juicy但得一讚。炸蠔都ok，keep返份水準。炸豬柳無咩特別。最失望就係個炸豬排!肉"鞋"口又唔夠多汁......仲有個湯先攪笑，要加$28轉，係大碗D，不過原來只係加多幾塊肉同幾條雜菜既面豉湯.......(或者係因為我唔知佢個什菜湯完來係面鼓湯底卦)呢度食Lunch 都可以，不過晚飯就唔會再有下次噜~因為唔值得我排隊等咁耐呢~

期待已久，加上蔡瀾先生0既介紹，終於去0左試喇~~~由於冇訂位，足足等0左兩個鐘.......仲聽到服務員同其他客人講booking已經排到9月中.......門口有介紹話係"蔡瀾常去食肆150間"之一，名聲效應，唔怪得咁多人......我倆叫0左吉列大蝦豬扒定食 ($186)同吉列生蠔豬扒定食($186)。本來想叫豬柳，但入座前聽到人話豬扒好味過豬柳，唔知係咪呢~因為食過日本0既和幸豬扒，自不然會比較比較...炸漿做得比和幸脆同鬆化，唔錯~豬扒好"林"唔"un"，不過冇和幸咁有肉味，如果厚0的會好味0的~炸蝦幾大隻，新鮮彈牙，唔錯~炸蠔幾juicy，可惜得兩小隻...另外更欣賞碗日本米飯，好黏好好味~椰菜好清新，撈埋紫菜汁就good~麵豉湯普遍，和幸的蛤仔麵豉湯好味好多，人0地仲有得refill.總括0黎講，水準不錯，不過都係覺得和幸抵0的同好味0的要食記住早0的book位喇

見呢間o野咁出名, 所以就去試o下, 好彩一早book 定都唔駛等位。我其實覺得呢間o野唔係真係咁好食, 好食到會有咁多好評, 我諗我自己o係citysuper買o的黑豚返去咋, 可能仲好味!講真, 豬扒冇肉味, 又乾, 冇咩肉汁, 點解會有咁多人話好食???我已經試過兩間, 兩間o既水準都係咁....仲有咩好講?我只可以話炸蠔係比較好食o的, 食有汁o既, 有o的o的蠔味, 只可以話係o係豬扒水準太差而令炸蠔變得較突出。我兩次埋單, 一個人都要300蚊, 我覺得呢個quality唔值。

大約一個月一次的大學同學gathering又到啦, 係又一次無人有提議, 無人肯諗提議既情況下, 去咗呢間好似好好味既吉列店.等咗兩個鐘, 個晚大家EQ特別高, 平時真係唔會睬佢. 傾吓計, 笑吓, 發吓吽竇, 終於叫到533啦! 十幾個號碼都要等成兩個鐘...慘過板前.終於有得食! 三個人叫咗蠔+豬扒, 一個叫咗豬扒+唔知咩sauce (結果個sauce同甜醬差唔多...). 磨芝麻先, 等咗一陣就有得食. d飯好好食, 黏力夠, 淨食飯同椰菜已經好開心...吉列豬扒好鬆化, 但乾了點, 沒有鮮嫩多汁的感覺. 吉列生蠔好大隻, 嫩滑, 但少了點鮮甜.而且兩樣食物有同一問題, 唔夠熱...吉列野唔夠熱便把整體水準拉下了. 特別係吉列生蠔, 那怕熱但又很想把吉列生蠔放入口的掙扎係不可缺少的...但呢度無...咁既價錢...有d失望...環境很好, 好鍾意d卡位, 私隱度高. 光暗也剛好.四眼妹妹仔態度超好, 可惜兩個senior唔得. 我地入場時間9:30...10:30 叫我地買單, 10:45叫我地走. 其實完全無問題, 時間上可以接受, 我知你地要收工, 但可唔可以俾d笑容呢? 完

小弟牛一那天太太同我到此食dinner慶祝.五點九已很多人在門口等六點開閘.太太要吉列蠔,我則要了吉列豬扒.兩個吉列也很正,相對之下吉列蠔正D.外皮脆,內多汁!另一推介是生菜絲配紫菜汁,又是正到不得了之美食.除了食物,服務也好.價錢雖略貴,但也算物有所值!

今次我地叫o左兩個定食 吉列豬柳拼吉列蠔 $168 吉列蝦拼吉列蟹肉薯餅 $158吉列蠔超級好味,又多汁又肥美吉列豬柳都好好食,好鬆軟吉列蝦都ok吉列蟹肉薯餅就唔係好得啦,這個下次唔會再叫D服務員態度又好又有禮貌佢地會你D芝麻同醬汁點用但係在這裡等位真係超耐可以因為今天係星期六我地8點半到足足等了90分鐘先有位不過可以食到咁好味o既吉列蠔都值得

今日一行七人第一次來食~知道都好多人去~所以早左少少去排隊~等左唔使一個鐘我地就有位啦~去到叫左軟殼蟹、蠔、蝦、豬柳、豬扒、帶子湯亦都轉左雜菜湯~侍應們好好~會教我地邊樣食物應該點邊種醬~軟殼蟹好好食~都幾大隻~夠曬鬆脆~豬扒同豬柳呢~~係幾腍~我個人鍾意點少少海鹽食~蠔呢~夠大隻夠多汁~真係無得頂~帶子都係好大隻~~唔錯~個人最鍾意係蝦~真係好好味~好鮮~又爽口~無得彈~雜菜湯都好足料ar....我飲完真係飽到行唔到........飯同椰菜可以添加~食左兩碗飯~投降了......侍應真係好好~有禮貌之餘亦都幾細心~我一定會再來~~~好滿足既一餐飯......

之前第一次食唔識先食d菜打底，呢次再食就醒啦叫了一個$438二人餐個人鍾意蝦同豬柳非常之咁好味另外就係豬扒有筋既邊邊位都好好味個自磨芝麻醬就無得頂，香到不得了!!個咖哩汁反而中規中矩唔太特別甜品: 士多啤梨布甸(定係奶酪唔記得左)十級好味

本來上星期五可以食到,但係等位極耐...於是諗住打去BOOK下星期(即係今個星期)再食...結果BOOKING去到8月11...忍唔住,今日就WALK IN去啦~~~差唔多7點去到,都唔係太多人,7點9左右就有位...坐落之後既野唔講啦= =(好似廢話講得太多...)叫左個吉列豬扒餐,一個吉列大蝦豬柳餐...都係個句...搞呢搞路既野都唔再講...樓下好多篇都有講LU~吉列豬扒面頭陣皮炸得超鬆脆,連我呢個唔鍾意食炸野既人都覺得好食~~豬扒,好鬆化...完全唔似其他鋪頭個D...要起勢扯先扯得開吉列豬柳同樣都係鬆脆,不過我厭D肉冇豬扒咁鬆軟...當然啦...豬扒用鎚仔拍過架嘛...呢個就係所謂既"唔打唔鬆化"總括黎講,呢個餐都好味既...不過價錢就貴左D...

見食評如此多人讚賞， 所以來試試。吉列豬扒: 的確係唔錯，肉質好淋，炸得好靚，又唔油。吉列蠔 : 大隻肥美，掂。服務好好, 很耐心地教你食每一款醬料，好有禮貌。值得加許。