丼吉日式吉列豬排專門店 (世貿中心)

营业中

休息中

晚上6時到，不用等位，叫了二人套餐，有吉列豬柳、豬扒、帶子、蝦，外層炸漿真的很脆，非常美味，個人認為豬扒最好味，帶子一般。椰菜絲加紫菜沙律汁都好正，平時不喜歡食椰菜，但這餐我們添了兩次。套餐跟了一碗咖哩汁，同行友人因而吃了兩碗飯。這兒醬汁有多種選擇，豬肉用的有芝麻汁，海鹽，芥末，海鮮有特制沙律汁，非常細心認真。這次還喝了北海道啤酒，久違了的感覺，正！服務員不錯，非常詳細解釋醬汁用法，自動添加椰菜絲。最後的甜品是荔枝冰淇淋，好味！雖然價錢真的不便宜，但非常值得一試！

近日心情真的很差，所以很想對自己好一點想了很久，終於決定來這裡吃午餐大概12:30來到，不用等位呢~~~點了一個吉烈豬扒拼蠔定食炸蠔實在是我的最愛呢~~~~~~第一啖入口, 真的有久違了的感覺實在是頗好吃的吉烈蠔真的很不錯，入口不會覺得很乾身，蠔的鮮味仍在豬扒反而普普通通呢，好像乾了點，而且肉味不太夠....雖然是吉烈...卻不會有很熱氣的感覺~~~可是一個定食對我來說好像太多了吃到一半多少少已經有點兒飽的感覺, 雖然到最後我也有很努力吃完它的當然任添的菜和最後的西瓜也值得稱讚一下啦服務也很不錯呢，菜加得很快...而且店員也頗細心哈哈雖然有點"肉赤"，不過人偶然實在應該對自己好一點.....

今日生平第一次食吉列餐，專登早ｄ去，避開lunch hour ｏ既人潮， 結果12.15pm去到，兩個人都有卡位 + window set, yeah~吉列豬柳，不算太juicy, 但肉質鬆軟，有豬肉味，可算是上佳之作吉列大蝦，有５大隻，ｄ蝦都幾大隻，脆漿鬆脆到難以形容，如果蝦肉可以再彈牙少少，就prefect 喇（大蝦既麵包糠脆漿較豬柳鬆脆）另外，椰菜絲都好好正呀，平時食生椰菜係苦嫁喎，呢度ｄ椰菜不但唔苦，仲好清爽

論城中整吉列食品最出色嘅食肆，我想「日本吉列專門店 (tonkichi)」無出其右。未讚先彈，就係等候時間實在太耐喇，兼且不設電話預訂服務，少啲耐性都一定會半途而廢，放棄等候。是次飯局由年中講到年尾，就係因為呢種執著，最終可以一嚐滋味。我同阿K連同我地大婚之日嘅女MC叫咗一個三人套餐(有豬柳、豬扒、蠔及蝦)，佐以冷豆腐、沙律、燉蛋等小食。此家特色之一係奉上一個磨俾客人磨芝麻做生菜絲醬汁，不過筆者覺得此乃GIMMICK而已，唔係咁識欣賞。吉列食品要整得好嘅精粹就係油要夠熱，而且要保持恆溫，咁炸出嚟嘅吉列品就會香脆而不油膩。呢度嘅麵包糠衣厚薄適中，出鑊後能長久保持香脆，就算點了醬汁亦如是。個人而言，以吉列炸蠔最好味，吉列豬柳則比較乾身，肉汁稍為欠奉。三人總消費七百二十元，平均每人二百四十蚊。

這次大概是我近兩三個月來第四次光顧此店了。要訂這兒的晚飯不容易，但午餐嘛，原來有位的機會頗大的。今次是早大半小時來電訂座，竟然還可被安排坐卡位呢。這一天來光顧是因為跟一位同事提起時，她說沒吃過很想試，於是我們便由中環坐的士過來捧捧場了。塞車，來到時已經一點了。我們四人點了個三人餐，有三隻蠔、三隻蝦、三件豬柳、一件豬扒，我們另加了一份串標大蒜豬柳。早前試過新開的"豚組"，我認為和此店最大分別就是那邊的吉列物的底部總是被油滲焾了，而此店的出品絕無此問題，每一件都是乾爽香脆的。第一時間夾一塊我喜歡的吉列豬柳，趁熱吃，真的好吃得要命！脆脆的表面，內裡的肉質鬆軟而不失層次感，人間極品！其他幾樣也絕對是高水準的，但無論我再來多少次，豬柳永遠是我的首選。 早前試過吉列帶子，服務員提醒要盡快吃，否則會出水。我們已經馬上把帶子塞進口中，但還是感覺太多水份，不是十分討好。但帶子其實肉很厚，只是未必適合吉列而已。

今日終於食到呢間餐廳真係正過豚組同大戶屋好多喎~我地叫左吉列蝦拼吉列豬扒定食吉列蝦拼吉列豬柳定食個蝦真係好味啊~~外層鬆脆入面仲好有鮮蝦味, 肉質彈牙~goodgood豬扒都幾好, 脆而不膩, 不過無乜驚喜, 比起蝦就無咁突出了豬柳都好好味~~好厚, 外層脆薄, 肉質十分之咁鬆軟!!椰菜絲加佢個芝麻紫菜汁都幾好味, 好fresh呀, 哈哈貴左d..不過一定要再來~~

難得有特別假 星期五出銅鑼灣唔駛咁迫人間餐廳12點開 我地12點3度去到已經有幾臺人我地無book位 卡位已經比人預訂晒=(叫左吉列豬扒蝦定食+炸軟殼蟹+凍豆腐侍應好快就拎左碗芝麻黎 問我地識唔識整我地話第一次黎 佢就細心地教我地同講清楚臺上面既汁係咩同用黎點咩凍豆腐普普通通軟殼蟹唔太脆 不過d蟹應該幾新鮮 OK主角出場 豬扒好脆但略嫌唔夠肉味 個芝麻醬汁個人認為唔係幾好食個蝦完全PERFERT!! 好脆仲食到好鮮既蝦味 菜非常新鮮 好爽甜 蕃茄仲冇d菜咁甜-v-我認為呢餐都算物有所值 但此終對我來說有點貴=P不過唔係成日食 試一次都無妨=]

傳聞炸物好出色...8點等左一個鍾, 算快叫左3人的 Mixed set (差唔多5百蚊):炸豬扒: 有條肥肉定係筋係邊邊, 痴牙, 肉地夠臨&唔油, 但係豬肉係冇味道...唔點醬係型同冇味... 點解可以搞到d豬冇晒味!!!唉!!炸蝦: 又係炸得好出色, 肉地又爽, 估計蝦都好新鮮炸蠔 最出色, 入面仲keep到有汁, 落d檸汁就已經好好味炸豬柳: 好臨, 睇到d豬肉一條條紋理, 但係又係冇乜味, 要點野先有味3 碗面鼓湯 (加$28可轉秘製豬肉湯, 其實個湯都係多左d肉同料, 唔特別, 勝在有幾多料食 - 豬肉, 羅白, 海帶等等...) OK gum la白飯同伴碟棷菜任加實飽到肚, 飯都係幾一般貨仔!!(炸物有芝麻粒-自已磨, 有甜醬, 芥末, 沙律醬, 黃瓜, 海salt)刺身沙律~ 入面已經有wasabi, 幾出色出味 [$68]餐後送西瓜三片/每人環境麻麻, 坐埋則邊黑麻麻, 痴埋張枱光燦燦, 唔溫和 好難過木椅加張薄墊坐, 唔係咁好坐, 張枱太低服務, 叫做有, 但係態度都幾一般水準有叫服務的鍾, 但係咁左三次先有人應, 認真要睇佢地心情先黎? 可能人手不足?總結: 味

週年紀念, 想搵間可靠既餐廳吃dinner, 免得重要曰子因為一餐唔好吃既飯攪wor氣氛. 諗左好耐都係決定去吃炸豬排. 雖然話炸豬排但其實之前己经試過佢既蝦同蠔比豬好. 豬排或豬柳都己经失左準好耐啦星期六,6 点正去到己经冇得吃第一車輪, 焗住去行個圈, 6.45再返到去等, 一直等到7.30才有位(2人檯己经快過3 或4人好多啦!)今晚叫左一個炸蝦同一個炸蠔定食. 蠔比蝦出息.蝦有小小乾同唔夠脆, 蠔就一流, 非常多汁, 肥美. 之後仲叫左緣荼同蕃薯雪糕. 放在 緣荼雪糕下面d紅豆太甜, 唔多合港人口味, 就咁俾舊雪糕我好過. 雖然水準同初開業比, 明顯差左, 但佢依然係信心保證.

雷聲大，雨點少，真係貼切日頭１２點到去到都ＦＵＬＬ哂，等左３，４個字先入到去，叫了一客豬扒，一客蝦＋蠔，由於之前聽得太好佢的好野，所以好有期待！！但人人都話好的豬扒同個汁都係一般般ＪＥＩ，反而用海鹽仲好味！！蝦就不太好食，不過蠔就幾好，仲ＫＥＥＰ到Ｄ汁，算係最好食ＧＡ不過最正係Ｄ菜同紫菜醬，完全搶哂Ｄ主菜，加上雖然係一早切好，但仲好爽同清！！但短時間唔會再去

見近來少咗出街食飯,早兩日就同老公仔行下銅鑼灣,去到世貿之後,老公仔突然話好想試下呢間吉列專門店,佢話d同事個個讚一定要試下,咁就陪佢試下啦,睇吓有幾好行到門口....嘩!!咁多人排隊,唔知以為有錢分添反正我都想試,咁我地就排下隊啦,點知一排就2個幾鐘企到腳仔軟終於有位....真係多謝晒....唔洗等一日.入到去之後,感覺不錯(環境),等咗咁耐都算值得既,老公仔話好肚餓要快d叫野食,咁就諗都唔諗叫咗個吉列豬扒,吉列豬柳,吉列蝦,等咗15mins左右,期待已久既食物出場啦但個女侍應就一輪咀講咗好多野,都唔知佢講緊咩好似背書咁,以為有急口令玩,當時只留意d食物個賣相"正"老公仔等都唔等就一啖食咗一件豬扒,本來想拍照留念,但比佢食咗件,唔得完美就算啦,唔影,當佢一啖咬入口之後...就比咗個我,我都唔知咩事,冇理佢我就開動啦,到我張開期待已久的大咀巴一啖,嘩!!我就咩黎架??我食緊豬肉干定係......吉列豬扒呢??外面金黃色好吸引我的食慾,但入面竟然又干又"鞋"搵一點豬扒味同肉汁都冇,而且個面皮仲有點吉口....失敗!!跟住我去試下件豬柳,而已....正,個感覺好似食緊隻象棋入口"超硬"..

聽日小明就要返英國啦 所以今日小明lunch time果時黎搵我食飯 係佢走之前 大家見下面 既然係咁 今日就食豪d啦 我提議去日本吉列專門店餐廳 小明去等定位 不過最尾都要等成半個鐘先有得食 由於我同小明都唔係好肚餓既關係 所以剩係叫左個 炸蠔豬柳定食同一個帶子salad order完野食之後 waitress就馬上拎左碟芝麻比我地 叫我地自己磨d芝麻 又好耐心咁同我地解釋臺面上每一種sauce係配d咩食物 服務唔錯帶子salad - 好野味 帶子好鮮甜 d菜好新鮮 個汁好wasabi 食落去辣辣地 好開胃炸蠔豬柳定食 - 好好食 全部野都炸到金黃色 炸蠔大大粒 食落口熱辣辣 豬柳鬆軟非常 個炸醬做得好好 而且全部都炸得好脆 又唔油膩 送白飯之餘 加埋d生菜絲一齊食 簡直就無得彈今天一別 不知何時才能再次相聚

此店是人氣店子，早已想找機會光顧。平日的晚上，walk-in也不是等了太久。雖然與卡座無緣，但桌子還是挺寬闊的。點了吉列豬扒和吉列雜錦海鮮。豬扒皮脆而不油，可能要歸功於盛載在網狀器具上。但吃了幾口，肉質偏韌，未知是否師傅控制溫度或時間方面有點失手。即使蘸了豬扒蘸汁和香而無味的磨過芝麻，個人認為豬扒沒有想像中那麼可口。吉列蠔及蝦反而較為欣賞，除了脆而不膩外，蠔的鮮味仍然保持十足，而大蝦的肉質彈牙，絕對沒有欺場。不得不提反而是三個配角，分別是日本米飯，非常香口而且軟硬適中；還有椰菜絲，非常清新，吃吉列時間中吃下菜絲絕對可以中和一下；最後是漬蘿白，非常醒胃，令食力大增。服務方面，絕對是一流的日本餐廳質數。

原本諗住生日來呢間食, 點知八月份book枱book到九月份先食到, 真係誇張啊不過呢間野地方不大, 又咁多人食, 所以都怪既, 事實上呢間野真係幾好味, 基本上佢最出名個d都試晒, 有吉列豬, 吉列蠔, 炸蝦同埋和牛, 食左呢d加埋個飯, 已經好飽了~

在下同意Tonkichi吉列專門店銅鑼灣店在裝修重開後，無論食物原材料、烹飪方式及食味都大幅下降。最明顯的水準下滑，大致如下：1.) 主題食品材質 - 以前的豬扒，有肉香味及些少乳騷味；豬扒的肉質及脂肪圈，必定具備優良口感，每件豬扒或豬柳扒的厚度及份量都能配合其「身價」。此外，脆粉料品質及炸油俱是高質素的。大型急凍炸蝦，一向只講「份量」，口感鞋烚烚，自難與炸蠔的鮮味匹敵。2.) 自廚部炸豬扒的火喉及時間控制 - 以前的成品是金黃色的，現在如何，自不待言。3.) 耶菜絲 - 以前的，肯定是成本較高的日本舶來品，帶清香品質亦好，沒有下價貨那些「鞋晒脷」的味道。現在用的，都是下價菜，砌絲的手工明顯沒有心機做，菜絲上碟前必定要做好的「脫水基本功」，更極盡馬虎之能事。日式Tonkichi，在烹調上其實沒什麼難度可言，合格的店家，最講究的應該是食材的新鮮度，以及能否將presentation全心全意地做好。在下對由日本人所經營的吉列店有更高的期望，我不希望見到一家較好的吉列食店落得如此下場。最近在日本廣島一處以西班牙黑豬肉眼作季節性招睞的吉列連鎖店開過飯，2500日圓一客連赤味噌的set，已有令人