丼吉日式吉列豬排專門店 (世貿中心)

营业中

休息中

耐性的極限又一次被挑戰, 等咗一小時十五分鐘。味道不錯! 但是除了炸,就只有炸。磨菇仔仲話飽到行唔到!

一向十分喜愛吃炸物,由於這是一家專吃吉列的餐廳加上好評如潮,所以特地來試一下。因為一早知道人多,所以已經預早六點半到達,但結果也要八點才可坐下,足足等了個半鐘。我點了炸豬柳生蠔定食,有兩件生蠔,一塊豬扒及任吃白飯和椰菜絲,盛惠$168。生蠔很好吃,熱辣辣的又有蠔味豬柳很鬆軟,加上醬汁更好味除了食物,此店的服務態度亦一流,服務員很耐心解釋如何使用各種醬汁,主動加椰菜,即使外面排很多人等候亦不會催促客人離開,讓你舒服地享用,不像一些較多人的食肆,只要多人等候便用盡方法趕走吃完的食客。總結此店是值得推介的,有這麼高的評價亦是名不虛傳。

16/7/2008 訂位時間正午12:30今天和外甥女專程到這好評如潮的餐廳午餐，因為想試不同的炸物，所以orde了2 人套餐， 雖然價錢不便宜，但份量之大(好飽)、好味程度 、服務恩勤是物有所值。

已經係第2次幫襯，hehe 因為太好食了，我去到必點佢既炸蠔，妹妹就點佢既炸蝦，媽媽就點其他野食，哈哈 基本上上到枱就係咁食，佢d椰菜加果隻汁真係好好食，次次都玩佢果個磨芝麻鬥快，一家人幾開心，又唔會吹人走，都算係咁。

6點半左右到, 要等20張細枱(仲未計大枱)... 等等等等等... 等到8點終於入得席... 我地揀咗"吉列豬扒豬柳定食"(二人餐), 包麵豉湯、白飯(免費添吃)、椰菜(免費添吃)、漬物、生菓! D芝麻係比你自己磨架，一磨D香味就湧出o黎，再加入豬扒醬汁，好好味呀! 仲有海鹽同芥末醬可以用，可以試下一口豬柳3種味道，奇High! 豬柳入口比豬扒鬆化，好味!椰菜有2隻沙律醬可以配--柚子沙律醬(酸酸地好醒胃)同埋紫菜沙律醬(個味都幾特別)，我地足足Refill咗3次咁多呀... 飽飽!入面d裝修都好正, 如果可以坐卡位就更正!!! 相片 : http://hk.myblog.yahoo.com/ken-merry/article?mid=2038

星期６冇得BOOK 位，尋日唯有係出面等左１個鐘頭啦。不過等黎都值得，因為真係好好味。吉列海鮮雜錦定食：有蝦、生蠔、帶子、蟹肉薯餅，樣樣野都好鮮甜。吉列豬柳定食：好有肉汁，好有豬肉味，而且一D都唔鞋。全部吉列食物樣樣都好熱辣辣同脆口，食落又唔會好油膩。定食有麵豉湯同黃瓜附送，椰菜同白飯仲係任添。職員又會教醬汁既運用，服務都幾好。百幾蚊一個定食絕對值得呀！

一直以來我都很愛食香口的食物, 特別是炸物~ 但要做得好食就不是每處都可以~在這個網裡面一直都留意到這間吉列餐廳~~發現好評如潮~~所以今晚終於決定拉好朋友去試一次~昨晚已經book唔到今日的位, 終於就walk in去等位~其實看過這裡的comments, 早就有了心理準備會等好耐~但無諗過真係好耐好耐...我地由7點40分左右...等到9點先入到座....真係好誇張~~~等0既人都真係好多好多~~到我地入座時真係餓到成隻牛都食得落~~menu 主要都係吉列食物~~不過我覺得飲品少了一點, 如果增加一下飲品的種類會更好~ 每類食物都是以定食為主, 大概 $135 - $ 188左右~~好快我地就有了決定order食物喇~但好surprise...serve我地0既waitress好好人, 佢同我地講有一個二人餐有齊我地想叫0既食物,仲會平少少...感覺好誠實~~而且仲好有耐性俾足夠時間我地去諗..態度好親切好nice~~呢點真係好值得一讚!!!!!!首先, 會送上一人一碗芝麻, 耐心教導我們如何自製芝麻醬的程序~~真係好香好香....好似就咁食都已經好好味咁~磨得好開心~而呢點亦好值

好幾年前開始我就已經愛上這間店. 以前只有世貿中心店, 後來開多一間位於尖沙咀廣東道, 再搬都係同地區. 每次排隊都排到你傻....不過, 好嘢先會係咁, 所以, 忍耐~~~~可以講, 佢哋嘅吉列係做得非常好, 直情連到日本, 我暫時都未食到一間俾佢好!! 我至愛就係吉列豬柳餐 首先講佢哋D椰菜, 好新鮮, 切得好"幼", 加些少沙拉油就已經好好味, 而且, 任添都係不收費. 豬柳肉質非常非常之鬆軟, 真係好似入口即溶嘅感覺, 又有肉味. 外面吉列皮又好鬆化 , 最重要係唔油膩, 加上醬汁後更好味, 配上佢哋果碗熱騰騰, 香噴噴, 白雪雪又軟綿綿嘅白飯, 真係無法停口. 吉列皮同豬柳肉係一齊, 冇分開過! 此外, 我也有試過炸牡蠣同炸蝦, 炸牡蠣好新鮮, 係香港, 我唔係好敢食牡蠣, 因為, 睇見都唔想食. 但係, 佢就唔同, 因為D牡蠣新鮮唔止食到, 仲可以睇到. D牡蠣唔係好大隻, 但一隻隻熱騰騰, 金黃色, 漲卜卜.......真係好好味. 而炸蝦呢, 都係好新鮮好好味, 不過, 唔知點解, 我食一隻炸蝦就特別快飽, 所以, 我點叫過一次就冇再點, 原因只

黎過幾次，最鍾意佢的吉列海鮮。炸粉適量，又鬆化，一d都唔油。1: 吉列海鮮蠔 --小心熱到個咀。個蠔雖然係炸過，但仍然keep到入面的蠔的鮮，係真係鮮架!未試過食咁好味的蠔。帶子 -- 一個字 「甜」。同個蠔一樣，能夠keep 到鮮甜，大大隻。救命呀!蝦 -- 無以上咁特出，因蠔同帶子實在太正。但其實比其他餐廳，佢都係最好。蝦好味。2: 都食過吉列豬扒，但我地唔係咁鍾意，可能唔鍾意豬肉味掛，都係吉列海鮮正d!佢有椰菜絲，加埋d汁好好。椰菜絲配炸物的配答好好，回一回氣。好奇怪，我同男友都唔鐘意個芝麻醬。就咁食d炸物仲好，食到佢原汁原味。最貼心係個西瓜，好甜，有可以中和返頭先d炸野，減退飽的感覺。Service 幾好。

星期六晚約了兩個朋友係銅鑼灣食飯，事先上網睇 OpenRice 發覺呢間餐廳好多好評，所以就拿拿淋打電話去訂位，點知原來星期六係無得訂位的，所以便只好約晚上七點係餐廳門 口等... 結果呢... 等到晚上八點八先有位。我地三個人好自然就揀了三人套餐，個套餐有吉列蠔、豬扒、豬柳同牡丹蝦。食吉列最重要當然係醬料，餐廳侍應就好細心咁同我地介紹各種醬料。比較特別的一種係先將一碗芝麻磨碎，然後再加入帶有梅子味道的醬汁，然後撈渾。把吉列豬和這種醬油一齊吃，芝麻的香味、吉列豬的鬆化和略帶梅子味的醬汁在口內融為一體，真係一個字，正！

同大少係呢邊等朋友吃飯，朋友突然甩底放我地飛機，於是就來吃餐好的，哈哈心情本已經不好，不過有得吃，當然吃得開懷啦，但只得兩個人始終不能吃太多刺身，絕對新鮮，上台亦覺大碟，水準當然比不上壽司廣或見城，但比起什麼板長板前已經有餘了，始終，這兒不算是刺身專門店，要求總不能太高再追加多個2人吉列套餐，是這裡的王牌，白飯椰菜絲任添，豬扒炸得鬆化，而且炸漿不厚，真的是慾罷不能，而且豬扒好大塊，而且我胃口少，同大少share就最抵埋單雖然唔平，但有呢個質素，抵架都

(13Feb08)我老公係Burger King，最鍾意食Burger!!我係佢個BB，最鍾意跟住佢四圍食!!!自從BB係日本住左一個月之後，就愛上左天婦羅，一直都想係香港可以食到好好味ge天婦羅。係openrice見到呢間超人氣ge吉列專門店，而且咁多好評，點可以唔試下呢。去到見到好多人排隊，好彩我地book左先jie。2個人叫左2個餐，分別係吉列大蝦豬柳定食同吉列豬扒定食。等食期間正如其他人所講，有得玩磨芝麻，d芝麻真係好香！之後再配上唔同ge醬汁去用黎做調味。個餐仲句味噌湯、椰菜絲、白飯同生果。椰菜絲同白飯係無限量添加，最arm大食老公!椰菜絲亦都有唔同ge醬汁俾您調味ge~因為都隔左一段日子，所以俾個overall ge食物評價啦!BB: 真係好好味！尤其係吉列大蝦，真係我食多多都唔怕肥！果然係一分錢一分貨！老公: 份量好大! 差D食唔哂! 炸物都炸得好脆好香~D汁都配得唔錯!老公想再食多一次的指數： 3.5/5 BB想再食多一次的指數：4/5(不過真係貴呢對於我呢d學生仔來說)

話說某一天... 約了兩個小學同學一起去吃個夠~~~ 相信很多人都知道這間日本料理餐廳，即使沒吃過，也聽聞過。不訂座就要等上一個小時才能進去。可見，人氣有多旺。吃後感... 吉列確實是做得很好，不油不膩，炸粉形成薄薄的一層酥酥脆脆的皮，裡面的肉汁得遺鎖住。怪不得獲稱為全港九最好的吉列專門店。但對我這才剛開始打工的窮書生而言，食物是太貴了... ... 不是說不會再去吃，而是，等待將來有機會才再來吧。 雜錦刺身 $280：不用多說，就是新鮮~~~ 炸軟殼蟹 $55：很很很很好吃~~~ 很酥脆，但不會太硬，也不覺油膩；不會太乾，沒有熱氣之感。算是吃過最好的~ 2人吉列套餐 $438：椰菜可以任添的，清新味道，中和一下，也成了營養平衡又健康的一餐~ 自磨芝麻，磨呀磨呀磨呀~~~ 磨呀磨呀磨呀~~~ 就磨成粉了，再加上醬油，就成了吉列食物的最佳伴侶~ 喜歡的，可以加上檸檬汁。餐廳提供一個專用夾給食客來夾檸檬，不怕弄髒手，也不怕不衛生~lovely~~~ 蝦是上等貨色，好吃又大隻，新鮮又美味~~~還有人吃人愛的吉列豬排~~~ 吉列皮難得的不厚，薄薄的一層，咬下依然酥脆，肉汁仍在蠔也是一流，熱呼

可能喜歡食炸嘢, 所以都常到這間食店, 最仲意食佢哋嘅吉列朱扒同炸生豪, 一流, 吉列朱扒D肉剛剛好唔會硬, 係第二間食唔到, 喜歡仲可以來個併盤, 每人大約HK$170左右, D椰菜絲好新鮮, 每次都會添食好多, 最仲意D芝麻自己磨,加入醬汁, 正!! 一流, 好味到暈!!

已經是第三次光顧, 經常心思思想著那熱辣辣的炸蝦與生蠔。當然, 還有可以不停添加的椰菜絲。為了不想等位, 晚上6時半到達後已經可以入座, 可惜沒有卡位。在門口的那位女接待員態度麻麻, 一點笑容也沒有, 跟她說話我實在有點害怕。一副不愁沒生意的態度令人很討厭!!!只好說, 來這間店只是為了食物, 這些小人物不要放在心上。這回點了兩個定食炸蝦拼炸生蠔定食 $188(3件蝦2件蠔)炸蝦大大隻, 分幾口吃用來送飯的確不錯, 就算放涼了也吃得出它的鮮味看到有食評人說可以連蝦尾的殼一拼吃下, 於是我也一試, 可惜太硬, 差D咬破牙齒我還是乖乖吃蝦肉算了。炸蠔也是心水之選, 外表炸得香脆不在話下, 內裡的蠔汁也很多很鮮味, 毫不乾身。男友點了全炸蠔定食$168 (5件炸蠔)男友對開頭三隻炸蠔讚口不絕, 可惜到第四隻時已經膩得很蠔這種食物, 只宜淺嚐, 何況是油炸吃到尾段出現一個怪現象, 原本新鮮炸起的蠔鮮甜多汁, 放涼一會後就會有陣腥味起初以為只是我吃的那隻有腥味, 後來男友的那隻也有陣陣腥味....可能熱的炸蠔太美味, 和這隻放涼的腥蠔造成這大的對比第一口真的難吃得要吐出來試過沾上檸檬汁也避不開陣