丸和食堂 (已結業)

上水區來來去去都係茶餐廳多，食到勁悶！馬會道早排開左間新餐廳：丸和食堂！2大1細，叫左2碗拉麵，好大碗，麵又夠彈牙！叉燒拉麵，豬頸肉拉麵！叉燒夠軟唔肥，豬頸肉薄身易入口！食咗炸雞，脆得黎又juicy ！仲食左鰻魚飯，鰻魚夠滑，如果份量再大d就好了！（唔記得影鰻魚飯tim）P.S只收現金💰

上次食飯經過，留意到開了新既日本餐廳，今日就來食個晚餐，餐廳格局不算太日式風格，而且有卡位，有好多坐位，都可以三五知己來食晚飯餐牌比其他餐廳選擇更多，有冷盤、厚切刺身、壽司、卷物、丸和拼盤、燒物、揚物、精選丼、便當、豚骨湯拉麵、湯及飯類，價錢亦合理由於樣樣都想食，選擇了便當，奈良便當有刺身、有炸物、有冷盤，刺身有甜蝦、三文魚、帶子刺身、好新鮮，而炸天婦羅蝦、金黃香脆，炸得剛剛好，而最有驚喜就係三文魚腩，首先個汁好好味，三文魚一點都唔腥，而且個皮煎到好香，肉質幼滑細嫩，飯既份量亦好多，咖喱汁偏甜帶點小辣，便當份量夠飽肚紫心香芋丸-紫心香芋丸炸得夠脆，香芋味濃郁，甜度剛剛好巨峰梳打-夠大杯

北區既日式餐廳比較小。以前有青森.但最近一個月馬會道新開了一間日式菜。我朋友介紹要去食。因為他老婆係極之喜歡食日本菜。他同老婆上星期食完就不斷介紹身邊朋友。今晚收夜老婆叫我食自已。好自然地聽朋友推薦。入到餐廳內環境好舒服。每一個位置都有足夠空間。一個人點了一個「和歌山便當」和歌山便當🍱7吋珍寶蝦燒得好甜。不太乾身。入口甜美多汁。帶子。甜蝦刺身亦新鮮可口。帶子入口甜味遲遲不散。汁燒金菇肥牛：肉嫩多汁。咖哩飯既咖哩汁適量平衡。

有一段時間冇黎上水以頭搵食，今日經過多左好多唔同餐廳，竟然有我至愛既日本料理，當然二話不說，直接入去坐底食啦。餐牌多元化，因為係上水我食開既日本料理，只係刺身、壽司、烏冬、拉麵、炸物，但以到有便當，海鮮丼、海鮮燒物、連炸物都有好多款。櫻花蝦海鮮泡飯$88日式泡飯第一次食，有一碗湯自己倒落去，味道有點似麵豉湯，入面有大量薄片三文魚，蜆肉，湯頭好鮮甜，海鮮亦有海蝦、大大隻帆立貝、鱈場蟹棒、另外還有3款配料，有蔥、櫻花蝦、碎海苔，跟據個人喜好加落，整碗味道有驚喜。芝麻八爪魚（配紫菜飯團）$38冷盤但配紫菜飯團，又幾特別，而且八爪魚大大隻

住咗上水好多年冇啲咩餐廳係特別好食終於終於開咗一間叫做幾出色嘅鋪頭值得一試雖然佢同火車站有啲距離係近體育館嗰邊餐廳環境都幾乾淨又闊落叫咗幾款山形壽司試吓山形北海道有頭甜蝦壽司山形北海道帶子壽司山形北寄貝壽司山形腐皮壽司山形鱈場蟹棒壽司仲叫咗流心芝士魚餅入邊有香濃嘅芝士味超好食呀餐廳本身都有茶俾我哋飲不過我好想飲佢哋嘅飲品因為價錢唔太貴叫咗一杯巨峰梳打同埋一杯Orea香濃忌廉朱古力全部飲品都唔會係淡茂茂無味嗰種值得一叫我哋仲叫咗個鹿兒島便當一齊食入邊有香濃嘅咖喱飯三文魚帶子同埋甜蝦嘅刺身同埋一舊大大嘅豬軟骨另外仲有炸雞勁抵食

今日突然想食日本菜，同唔食魚生既男友黎左丸和食堂，兩個人基本上都係食熟食。丸和食堂個門口非常和風，幾別緻，我坐既卡位透住個窗望到出面樹景，幾寫意。第一碟菜係忌廉芝士蒲燒鰻魚飯卷，一開頭見到勁大舊忌廉芝士有嚇親，驚咬落有油膩感。但一食有驚喜，入面既青瓜中和左油膩既感覺，留低既反而係creamy既味道，鰻魚細細舊但都入味，好喜歡呢個飯卷。舊忌廉芝士真係神來之筆。第二碟係黑椒燒五花腩，簡單地用鹽同黑椒燒成既腩肉，唔錯。第三碟係蜜糖烤雞翼，蜜糖味唔係好出，反而有陣苦瓜味，幾神奇。第四碟個人都幾喜歡既橫濱芝士竹輪魚卷，芝士竹輪真係無可能唔好食，嗚，流心芝士。仲要外皮燒/炸到脆一脆，好香口。好啦到主菜，兩個都非常好食。個三文魚腩飯，三文魚腩皮燒得脆，又入味，魚腩油脂剛剛好，好軟身，唔柴，入口三文魚香就散開，好好食。而個豬軟骨拉面，拉面湯底有海帶味，幾清爽，面有彈性，咬落唔係軟林林咁斷開，非常好食。豬軟骨比既量都好多，我地食極都仲有既感覺，豬軟骨醃得較甜，好岩男友胃口。總括黎講，呢間性價比真係幾好，我個人最鐘意個忌廉芝士飯卷，一定會再幫襯！

屋企附近開咗間日本餐廳，一直都想試試，今晚終於有機會。餐廳裝修簡約舒適，睇睇menu，都幾多選擇。介紹下野食先！鱈場蟹棒蟹籽粟米沙律🥗沙律係簡單經典配搭，清新好味道。厚切鹿兒島油甘魚刺身刺身有厚厚四塊，食落口肥美鮮嫩，新鮮甘甜，無得輸香炸軟殼蟹手卷軟殼蟹外炸漿炸得有點硬，但勝在味道夠惹味。奈良便當🍱乜都有嘅便當，一次過滿足我幾個願望最吸引我嘅就係蒲燒三文魚腩，油脂好香，燒汁夠惹味吉烈蝦炸得夠脆身，配咖哩飯一流，仲有三款鮮甜刺身，食完覺得好飽好滿足！Oreo 香濃忌廉朱古力幾濃幾香奶味，飲落有點似玻璃樽裝嘅朱古力奶。

周末到了北區遊玩，夜晚去了一間位於上水的日式餐廳食晚餐。 餐廳位於馬會道，似乎是附近一帶少有的日式餐廳，以原木主題作為門面設計，和附近的茶餐廳、雞煲等餐廳相比十分突出。我們實在十分肚餓啦，所以都叫咗唔少嘢食。三色花之戀 ($68 3pcs)有海膽、帶子和芒果口味，花之戀口感豐富，芒果有鮮味；帶子有咬口；海膽則不太新鮮了，三文魚口感嫩滑，自己不算太愛三文魚，不過味道倒是不錯。七吋三文魚 兩件 ($28)  特長賣相本身已經幾吸引，壽司大大份，沒有冰冷雪藏的感覺，三文魚口感嫩滑，長度十足。另外值得一提，餐碟的紋理十分密集和三文魚的紋理放在一起，個人感覺累贅，不太美觀，餐廳可以考慮用淨色的碟送上三文魚壽司。奈良便當 ($108)整個便當送上，外觀良好，份量算多，有燒三文魚腩、吉列大蝦、三款刺身、咖哩飯、螺肉。三文魚腩燒得幾香， 味道香濃，帶子也嫩滑爽口。鱈場蟹棒湯拉麵 ($52)價格偏貴。拉麵口味頗為懷舊，有傳統本地日式餐廳出品的感覺，拉麵麵質不錯口感彈牙，和蟹棒也可能配合。不算正宗的口味，味道是不錯，就是舊式日本餐廳會食到的拉麵口味。香煎脆脆雞軟骨餃子 ($42)未食過這道菜式，不過煎得挺

成日都會去上水行街、食嘢 ，之前呢一個舖位係一間甜品店， 而家新開咗一間日本餐廳！ 裝修都幾靚 menu都幾吸引，所以就決定幫襯吓喇！日本唐揚池魚仔～ 池魚仔一口一條嘅size ，外面脆卜卜，裏面夠魚味，可以連骨食，夠哂方便！ 做得非常出色，仲要一啲都唔腥，配埋側邊嘅醬汁， 簡直一絕！奈良便當～ 呢個便當有生食同熟食， 絕對滿足到貪心嘅人， 除咗吉列蝦之外，配上香煎三文魚腩， 口感非常之rich, 勁有滿足感！黃金香芒挪威三文魚加州卷～ 最怕食到酸嘅芒果，好彩呢個芒果非常非常非常甜！ 加埋上面嘅蟹籽、 三文魚同埋加州卷， 每一層都有佢獨特的口感，非常特別！ 日本紫薯甘栗餅～ 本身紫薯同埋甘栗都係一啲飽肚嘅嘢 ，呢個小食嘅飽肚感不容小看， 裏面又香又甜嘅餡料絕對吸引！ 食類型嘅炸物我多數都會點醬， 但呢個小食本身已經夠曬味，唔需要再加任何調味。喺上水有多一個新食點，絕對會回頭！❤️

這晚來到上水找朋友，見到這間丸和食堂裝修企理，於是入去試下。先點了胡蔴車厘茄蟹籽冷豆腐，豆腐在濃郁的蔴醬及鮮甜的車厘茄點綴下，特別香特別清新。加上天氣熱，食返啖冷豆腐，即刻舒服曬🤗朋友鍾情海產，一口氣點了北寄貝、甜蝦、雪場蟹棒壽司，用料新鮮充足，一件小小的壽司分別有三大隻甜蝦、三條蟹棒，正😋另外的腐皮壽司豆味濃。加州卷蟹子脆卜卜，味道清新。蒜蓉燒蠔，幾新鮮、蒜蓉香。照燒原隻魷魚筒，燒汁惹味濃郁，魷魚有咬口得來又易咀嚼。全晚亮點是，嘩，點解食日本嘢有迷你西多士？一咬之下，不得了，原來內裏係芝士、還是流心的。原來這件疑似西多士，是丸和食堂的名物薩摩流心芝士魚餅！可惜太飽，否則一定encore!朋友說很喜歡這一餐，話以後不用逼車出去食飯了，來丸和就得！

新開日本野，見招牌幾特別，價錢中等，就諗住試下，又趕時間，於是買外賣回家，叫左兩個拉麵 + 一個飯 + 一份小食，等了超過三十分鐘，太耐了吧！問侍應點解咁耐，侍應話嫌耐就叫下次先打電話落單。回家一看，所有肉都太燶，叉燒拉麵的叉燒好燶，豬頸肉拉麵的豬頸肉同樣很燶，洋蔥豬肉飯好多鑊屎，湯同麵都一般，六十蚊一個拉麵/飯卻這個質數，no good! 另外叫了一個甜點炸芋頭丸，回到家吃還和暖，不過太過甜，食完成口油！失望😞 無下次！

喺上水發現到呢間新開日本嘢，本住人馬座嘅冒險精神，當然要一試究竟。晚餐時間入到去竟然坐無虛席，然後職員就帶左我地上樓上雅座。男朋友話佢今日好飽，可能嬲我琴日掉低佢自己去食好晒，所以飽到今日掛。所以我都唔敢啦得太多，飯都只係嗌一個兩份share。嗌左個最簡單嘅三文魚蟹子飯，佢啲蟹子真係好多，撈混啲飯啖啖都脆卜卜。而啲三文魚都係厚切同大大塊，夠新鮮👍🏼另外仲叫左個芝士軟彀蟹卷，佢做到細細粒，一啖一粒，岩晒斯文嘅女孩子有儀態地食。佢個軟彀蟹炸完脆到好似食薯片咁，合晒鐘意食香口嘢嘅男朋友河車。講起香口嘢仲嗌左個炸魷魚鬚，佢啲魷魚都好大條嘅，炸到脆卜卜，男朋友好鐘意食，不過如果可以唔好炸到咁深色就好啦！最後仲有個蔬果三盛，係燒茄子同脆肉瓜，加埋個炸紫芋波波，我好鐘意食呢個炸波波，外脆內軟，甜甜地，我當甜品食🤣而佢個燒茄子同脆瓜加左燒汁都清清地甜甜地，唔錯。

上水屬旺區但價錢相宜。得悉上水又有新店就約朋友過去了！環境以淺木色襯托日本系～ 有多張座位適合一家人。香煎脆脆雞軟骨餃子（5件）HKD 42 餃子簡單對疊而兩旁材料緊緊扣著！ 煎餃子很脆口，再加上雞軟骨後更甚，仲漲卜卜多料炙燒芝士大蝦反卷（8件）HKD 62炙燒的芝士做到小許溶狀態， 慢慢滲入飯中，共有8件有厚肉、彈牙蝦身。 田園三盛 HKD 58 共有照燒翠玉瓜 4件 、木魚燒茄子 4件 及紫心香芋丸 4件。 翠玉瓜本身爽口度已足夠，加上燒汁更可提味。茄子有多種煮法也是一個好食材，這裡燒茄子沒冇弄得乾如柴的樣子，拿捏得好。 香芋丸更是又甜又煙煙韌韌SUKI 粒粒紅豆冰 HKD 22多紅豆而且不會過棯，好解渴，岩哂這個熱辣辣夏天

鹿兒島便當如果你唔想叫好多碟野食，咁佢就係必然之選，雖然有好幾個便當都好吸引，但佢又有刺身又有炸雞，豬軟骨，仲有咖啡飯，係抵食之選中華沙律 + 紫菜飯正常味道，只是女友想食中華沙律係我最愛的火炙左口魚 加 三文魚，好味道，可能我特別鍾意食火炙，所以一個字好味道😆7寸長壽司玉子同三文魚，味道正常水準，只是可以食少d飯有多d三文魚同玉子食都唔錯唔太記得全名，叫燒物盛串燒都燒得唔錯，但我女友覺得比較重口味，我就覺得可以接受，但我個人最愛食鰻魚，如果可以再多再串就戈好啦凍豆腐我個人就好鍾意食凍豆腐，口感一流，但我對車厘茄就一般般，但個醬配埋豆腐係唔錯的蟹加蠔（名字唔係好記得）女友指定要試下，有好多蟹膏加蟹肉，而且兩秊里煮法的蠔食，如果你鍾意食海產可以一試。整體而言，味道同賣相都中上，最重要係上水好味加抵食的壽司店已經唔多，得閒要再食多幾次

難得上水新開左間日式裝修、環境清靜優美嘅日式餐廳，我住喺附近當然要試一試啦！入面嘅格局真係幾骨子，睇得出係有花心思去裝修，同埋呢間餐廳睇落係地舖，原來竟然都有兩層，係令人意想不到可以容納好多食客。1) 七味燒豬頸肉拉麵 HKD58碗拉麵有成6-7片豬頸肉咁多，每件肥瘦適中，湯底係黑蒜豬骨湯底，麵條爽滑唔膩但唔掛湯，一定要用勺連湯食先可以同時品嚐拉麵同湯共融既味道。2) 山形壽司每件都勁巨型！成座山咁高！擘到最大個口都好難好難一啖咬得哂！-北海甜蝦壽司 HKD25/件-腐皮壽司 HKD12/件-北寄貝壽司 HKD15/件3) 香炸一口小甜薯 HKD28/6件紫薯好甘甜，炸得好香，外皮脆脆地，神奇在一d油膩感都冇！細細粒擺落口，感覺好似食緊零食咁，令人不知不覺一啖接一啖食哂！可能因為呢間餐廳係新開張，仲係試業階段，所以未能夠應付突如其來咁多嘅食客，所以上菜有少少慢，但係服務態度好好，睇得出侍應嘅用心，所以都值得嚟試食一下。