丸和食堂 (已結業)

同朋友約咗喺上水食晚餐，經過見到入邊都有幾多人幫襯，於是入去一試。坐到入去，覺得環境幾舒服，而且冷氣好夠。而嘢食整體價錢都唔算貴，而且都偏大分，都幾抵食。特別一讚豬頸肉拉麵，豬頸肉有好多塊，而且年底唔會好晏，幾啱我口味。另外，三文魚刺身都幾新鮮，而且一份有四塊，絕對夠食。

由於工作關係要四圍走，今天來到上水剛好做完手頭工作，肚子便發出了訊號要補充一下，想起同事說上水馬會道有一家丸和食堂值得一試！一行二人就去了！店內環境都幾乾淨舒適，服務員工作也很勤快，剛坐下便端來熱茶和餐牌，讓我們慢慢挑！選擇也真夠多，我們先點了些飲料和小吃！野飲方面 我同朋友嗌左柚子梳打同埋宇治抹茶鮮奶 抹茶味唔算好香濃 不過調出黎嘅味道都算幾balance，唔會太甜 其實我個人最怕超甜的感覺！叫左三款炸物 首先上到枱嘅就係日式炸嫩雞 有小小驚訝 因為炸粉唔厚，而且雞肉嫩滑有肉汁，配埋少少辣嘅醬汁，口感豐富同埋好開胃 我幾鐘意呢個雞 唔厚粉已經好唔錯 之後有橫濱芝士竹輪魚卷 煙韌表面加埋流心芝士芝士拉到絲 小食黎講都ok嘅 之後叫左炙燒芝士大蝦反卷 份量夠多之余仲有大量蟹子伴上，大蝦香脆，黃金大蝦加上芝士 呢個組合冇得輸最後來了一份蒲燒三文魚腩燒汁飯，三文魚燒到岩岩好，我超喜歡吃這個飯！成晚黎講 呢個飯真心出色 魚腩油脂比較多 食落勁香 呢個大推

同朋友嚟食晚餐，個人認為價錢唔算貴，但質素都略為普通。三文魚雖大件，但唔太新鮮，要扣分。而豬頸肉拉麵則唔錯，麵底唔會好硬，湯都無偏咸，而豬頸肉有成七八塊，值得一讚！

🇯🇵1) 蒲燒三文魚腩燒汁飯個飯有4片薄燒三文魚腩，每件肥瘦適中，燒汁比得好少，白飯為主。2) 灸燒芝士大蝦反卷(8件)芝士少所以唔膩。灸燒味道可以再突出d，飯有d鬆散。大蝦🍤頭尾都幾長，算足料。3) 炸物-日式炸嫩雞(6件)-橫濱芝士竹輪魚卷(4件)-紫心香芋丸(4件)大部分炸物都炸得好香，外皮脆脆地，油膩感少，香芋丸外皮厚餡相對少！炸雞嫩但炸粉好厚。竹輪卷細細粒擺落口，感覺好似食緊零食咁，令人不知不覺一啖接一啖食哂！4.飲品-柚子梳打 清涼但偏甜。-宇治抹茶鮮奶 奶味唔算濃郁 可以一試。—丸和食堂📍上水馬會道170號地舖—⭐️味道:7/10✨環境:7/10💫服務:7/10—#丸和食堂 #北區美食 #上水美食

今日晚餐去左呢間食日本野，8點零鐘去到都差唔多坐滿人，好彩入去岩岩好有位！我地點左雜錦海鮮湯拉麵🍜、照燒蜜糖豬仔骨、忌廉芝士蒲燒鰻魚卷、仲有甜蝦壽司同埋帶子壽司🍣🤩最後叫左荔枝椰果梳打😋😋😋店員好快咁落左單，落完單唔洗等好耐就開始有野食送到啦🕺🏿拉面🍜大大碗！湯味夠濃，材料都好多，幾好味！豬仔骨岩好唔會過熟，每一件size唔會太大舊。甜蝦壽司同埋帶子壽司，一件壽司有三隻蝦！帶子就一件有好幾嚿！最後就係忌廉芝士蒲燒鰻魚卷！值得推介💁🏿‍♂️💁🏿‍♂️💁🏿‍♂️，忌廉芝士配合埋呢個燒鰻魚，好好食！雖然最後已經飽飽地，但都忍唔住食晒！我見到其他人好多都有點到便當，等我下次來試下佢既便當🍱先！

丸和都開左一段時間，食物款式都幾多選擇，今次係第二次食，同上次一樣叫同一樣既咖哩吉列豬扒飯試真啲個味，個日式咖哩香係夠香，不過偏甜，食多幾啖其實都幾漏，豬扒炸得幾好，都幾juicy，另外加多個日式炸雞，唔會太乾，因為係用雞腿肉吧，總括黎講可以再黎，不過唔太食得甜既我未必會再叫咖哩了

今晚男朋友黎接收工，之前去開上水經過呢間店門口睇過個menu幾吸引，今晚就決定試一試。食物款式都好多，花多眼亂。薩摩流心芝士魚餅 熱辣辣，咬落去啲芝士流哂出黎，好味😋日式蜜糖烤雞翼隻雞翼好juicy~蒜蓉燒蠔蒜味超濃，新鮮👍🏻鹿兒島便當份量好幾大，有三文魚、帶子同蝦刺身，螺肉，炸雞，豬軟骨配咖喱飯，成個便當整體都算幾高質😋飲品：巨蜂梳打，桂圓紅棗蜜甜品就叫左我男朋友最愛既抹茶千層蛋糕，唔會太甜太膩，大讚👍🏻整體呢間小店既食物好驚喜，但今次同男朋友兩個人叫唔到太多野食，下次值得再黎試埋其他野食🤤

不時要到港、九、新界做嘢，每每收工差不多係晚飯時間，所以都會早少少响附近食埋，今日去到上水都唔例外，行過門口睇吓餐牌，好似唔錯，就入去試試啦。呢度6:00剛剛開門無咩人，店內乾淨企理，仲有樓上，坐位都幾多。揀坐卡位坐得舒服啲，店員勤快送來熱茶。大家都唔肚餓，叫啲小食先。日式炸嫩雞 $38大大件雞肉，表面香脆，嫩滑有肉汁，點埋辣辣哋嘅醬汁，更添風味。紫心香芋丸$28新鮮即炸熱辣辣，外皮香脆，內裡芋蓉香甜，好正！橫濱芝士竹輪魚卷$42，竹輪魚卷表面脆脆哋，裡面係流心芝士，幾過癮。炙燒芝士大蝦反卷$62，好大堆頭有8件咁多，每件有大量蟹籽响面，大蝦鬆脆熱呼呼，抵食之選。傾吓飲吓，又叫多個飯，蒲燒三文魚腩燒汁飯 $68四大件燒三文魚腩，肉質肥美嫩滑，配埋燒汁惹味又好送飯。柚子梳打$18，柚子蜜加梳打水，消暑之選。宇治抹茶鮮奶$28奶味香中透出抹茶香，入口舒服，解渴。

住左係上水區就快6年，呢度真係唔多日式料理店又好味既，早排見到馬會道呢間新開既丸和食堂，今日收工叫阿女等我一齊食日式晚餐。8:15pm左右到差不多坐滿，過多半小時已經坐滿客人，越夜越多人！山型北海道帶子壽司$25真係小山丘咁放左好幾片帶子，帶子勁新鮮，壽司飯夾起唔會散！山型北海有頭甜蝦壽司$25係有三隻大大隻既甜蝦，鮮味爽口！北海道炸薯條$28外脆內蓉，好香薯仔味！阿女話好味過麥記！🤣🤣🤣雜錦海鮮湯拉麵$68豬骨湯底味濃，拉麵煙韌彈牙；另外，有兩隻帶子，兩條蟹柳，三條多春魚，全部都係燒過，比較香口！忌廉芝士蒲燒鰻魚反卷$45勁多蟹子，食落一粒粒勁爽口，好香鰻魚＆鰻魚汁！照燒蜜糖豬仔骨$48甜甜蜜糖味，咬落好淋既豬仔骨！荔枝椰果梳打$18有粒粒椰果食，清香茘枝梳打，解渴。一目香濃忌廉朱古力（熱）$28香濃＆ creamy 既朱古力奶，小朋友至愛！全日免加一！終於係上水搵到間好味日式料理，唔駛下下出九龍食！

上水真係無咩日本野餐廳選擇，小編見依間都幾多人一於試下，餐廳裝修簡約座位亦都闊落，Menu都多野選擇，刺身、燒物、拉麵、壽司、卷物樣樣有三文魚刺身尚算新鮮17吋長三文魚、蒲燒鰻魚壽司17吋長都好滿足👍🏻鰻魚肉身算厚,，汁燒非常濃郁，味道很配卷物就叫左辣味加州飯卷，入面既青瓜中配埋蟹柳味道唔錯之嗌左個芥末八爪魚剌身，會有個飯團跟埋，都特別。小編就覺得食物份量多、價錢都合理，唔算貴，可以止下食日本野癮，小店黎講唔錯

其實我每日返屋企都經過呢間日本餐廳 今日心血來潮就入咗去試下， 入到去裝修都幾日式🇯🇵設計。 見到店員都好勤力去抹枱呀執嘢!我哋叫咗日本真打稻庭烏冬 、香芒娜威三文魚加州卷、 鹽燒三文魚🐟頭 同特選鮮燒物盛。日本真打稻庭烏冬🍲， 烏冬好煙韌彈牙， 喺夏天到食冷食真係一流 同埋佢個烏冬汁溝埋啲蘿蔔碎， 食落好fresh。香芒娜威三文魚加州卷: 香芒非常之甜 又多汁， 三文魚新鮮 食魚生最緊要新鮮，師傅包個加州卷手功有功架。 仲要畀好多魚子我地。鹽燒三文魚頭 🐟: 其實我最鍾意就係食魚頭 三文魚擁有非常高嘅omega-3 又可以補充骨膠原 ，佢燒得嚟又唔係太 overcooked， 三文魚頭都有肉畀我哋食到同肉質鮮嫩。十分好。特選鮮燒物盛： 佢以串燒嘅賣相拎出嚟 十分討好 同埋真係好似喺日本食緊串燒咁。 個鰻魚腩位非常肥美、 豬腩肉🐷和 雞軟骨串🐥 適合餸酒。佢個牛🐮非常大塊， 肉質鮮嫩。整體嚟講丸和居酒食物水準一流， 上水居民真有福!😊

上水終於有好野食喇！！其實平時係上水真係無咩選擇。。周圍人又多最近馬會道(體育館對面)開左間新既日本野—丸和食堂有時行過都見到好多人排隊，好似好吸引今日終於有機會去試下佢喇打開餐牌有驚喜喎，價錢又唔算貴同埋都算幾多選擇不過我地得兩個人都試唔到幾多野今次食住少少試試佢先，下次再試埋其他！＃鹿兒島便當一次過滿足晒食幾種不同的美食，好新鮮既刺身ｓｓ如果份量再多Ｄ就好喇！＃酒鬼揚物盛又點少得食下炸物呢炸得脆口得黎又夠香，岩曬為食既我地呀！

上水區來來去去都係茶餐廳多，食到勁悶！今日，同朋友仔一齊黎上水運動場做下運動，做完就見到好醒目既門面，吸引左我地兩個搵食既人。果時都已經8:30左右，裡面人好多，不過，我地都係等左5分鐘咁就安排入座。坐定定之後，俾左個充滿日式風情既餐牌，上面印有櫻花，暗花，好靚Menu都好多野選擇! 樣樣野都好吸引呢!首先整個基本嘅灸燒三文魚壽司 ，三文魚d油分佈得好好，一睇就知有幾新鮮，灸燒得黎勁香，完全冇腥味，一個字正！仲嗌左個炸雞，炸雞脆得黎又juicy ！d雞肉唔鞋，又滑又好食

丸和食堂走入上水舊區， 當然唔係為左溫水貨客啦。而係上水舊區特別多特別野食呀！ 其中畀我搵到呢一間日本料理， 座位都比較寬闊而且又多， 好適合一大班朋友一齊過黎聚舊。三款脆皮雞翼脆皮雞翼有 芝士味， 芝麻味， 脆皮香蒜味！當中芝麻味非常好食， 雞翼細細粒， 肉質鮮嫩得黎又富有口感， 冇叫錯呀！至於飲品方面， 除左普通可樂同梳打之外， 餐廳加入港式紅豆冰， 至愛紅豆冰既我當然唔錯過啦。 紅豆煮到淋淋地， 軟話口感加上濃烈既紅豆味， 非常正宗呀。 至於另一款既巨峰提子梳打水， 係解渴解熱之選， 不過就唔係太特別啦！

這天從屯門返回上水, 打算先在上水吃個晚飯才回家,search到最近新開了一家日式餐廳, 夏日炎炎, 吃日本料理就最合適了!..餐廳的裝修簡約, 座位亦十分闊落當時我與友人8:30pm到達, 依然坐滿8成客人, 看來沒有選錯!..菜單有很多選擇! 每一項都十分吸引呢!..三色花之戀: 三款花之戀分別是海膽、蟹籽及芒果~鮭魚新鮮肥美, 贊!海膽入口速溶, 十分甘香, 驚喜! 芒果花之戀甚有夏日的口味, 很清新!..日本真打冷稻庭烏冬: 烏冬煙煙韌韌, 而且冷汁不會太濃味, 加上蔥花和蘿蔔蓉一併吃, 口感豐富!..北海道角切雜錦魚生丼: 賣相十分吸引, 魚生新鮮多款, 而且厚粒~每一口都吃到不同材料, 十分足料!~一次過吃到幾款不同的魚生, 滿足!..酒鬼揚物盛: 菜名很有趣, 這個揚物盛分別有唐揚魷魚須、北海道炸薯條和日本唐揚池魚仔~每一款都十分可口, 魷魚須不會太厚粉, 十分夠味. 北海道炸薯條跟平時吃的薯條口感很不同, 特別松化! 池魚仔炸到脆卜卜, 很香口. 果然, 送酒一流!