丸十日本食堂 (已結業)

今晚同老公去左葵芳新都會行街，發現開左嘅新店同晚飯，主打日本野食，包羅萬有，無論沙律，刺身，卷物，串燒，和牛丼，茶碗蒸和天婦羅等等，地方大連廚房亦做分類，menu亦別緻！原來係香港首創米專門店，即管排隊等候，約十零分鐘到就有位，門口都企滿人，下次可做點訂定位。簡單實用餐具黑松露海膽茶碗蒸 $58真係有大大件海膽同一些黑松露，松露本身香味超濃郁同蛋就好配搭，加埋香滑鮮味海膽無得輸，味道好突出好滋味。內裡還有銀杏冬菇同蟹肉絲添，賣相靚，食材用料上盛！海洋之盒 $148燒大蝦，燒鰻魚，燒青魚，燒蠔同燒帶子。五款也是我同老公嘅至愛，所以無理由唔叫黎試下，鹽燒鰻魚無腥味還燒得皮脆肉滑，蠔亦得好口，青魚鹹香帶魚油脂，帶子亦好多汁配上甜味燒汁也不錯！三點自選刺身 $138油甘魚，帆立貝同原隻赤貝，新鮮不過份量少唔夠滿足咁，赤貝爽口彈牙。壽司冬甩 $88冬甩食得多，今次食壽司冬甩，有點似係澳洲食過咁樣的，味道不錯，好多唔同款刺身，每人一件都夠晒，鐘意新奇的特別的你必叫！溫泉玉子拌燒澳洲和牛肉爆丼 $148沿路入餐廳更係四圍留意 d食客叫什麼作參考，當然呢款和牛丼不能放過啦，份量一人前，牛肉味濃郁，食前

好開心，總算係第一次收到 傳聞中嘅 "試食" 即係 food tasting 嘅邀請， 等我可以 親身參與傳聞中嘅 food tasting，真係要多謝公關。好多人或者甚至乎係公關都會以為，參加咗 food tasting 就一定會寫好文會讚好 但係我唔係打手，所以我係唔會咁做嘅， 我始終係會如實咁樣講出嚟， 咁樣先至可以對得住自己，對得住讀者。燒生蠔兩串燒嘅係日本廣島蠔，我覺得燒得到比較過火，味道都係一般般，好多居酒的做到呢種效果，唔係話唔好食但味道真係好普通松葉蟹海膽天婦羅個 presentation 好靚，味道非常有驚喜，我唔係好識得去形容，總之味道就係一個字 "正"!!鰻魚玉子燒鰻魚餡好細，所以唔係好食到鰻魚味，覺得啲玉子都燒得過咗火，食起上嚟有啲失望。三文魚牛油果米漢堡用當店精米嚟做嘅米漢堡，個 rice burger 竟然燒得過咗火，搞到好硬，仲有問題就係三文魚同牛油果同個 rice burger 啲味道完全唔夾，好失望。香蔥鮪魚茸海膽丼呢碗飯就煮得好好食，鮪魚茸好正，海膽又好鮮味， 呢個丼 very good.由於我呢一餐係試食嘅關係，所以我畀得手緊一啲， 因為我覺得試食

新都會最近好多新餐廳，今晚就揀咗丸十食飯。丸十裝修走日本風，餐廳嘅裝修以木色為主，座位之間空間感十足，感覺唔錯！呢度主打係食靚米，侍應仲介紹咗比我哋知呢度啲米有邊幾款精米煮成，一啲都唔馬虎啊！餐牌選擇好多，侍應推介我哋食壽司漢堡同埋和牛丼。我哋要咗松葉蟹肉漢堡，幾特別喎！漢堡嘅飯幾香幾有咬囗，中間嘅蟹籽蟹肉好足料！和牛丼係必點嘅食物！碗飯已經好吸睛，再配埋隻溫泉蛋真係一流！和牛嘅顏色雖然睇落好生，但食落其實剛剛好，肉質軟淋，肉味濃郁，撈埋蛋汁食冇得頂主食仲點左火炙魚生丼，魚生嘅份量一啲都唔吝嗇，幾款魚生層層曡鋪滿飯面飯粒真係粒粒分明，而且口感比平時嘅壽司飯豐富跟住仲點左一個鐵板走地雞飛碟用嘅係日本雞肉，煎得皮脆肉嫩，幾好味，不過如果啲汁多番少少就更加理想！可能食得太多飯嘅關係，今晚飽到食唔落甜品其實甜品選擇都唔少，下次要留肚先得！

今日一行10人去咗丸十，等位時見到個Menu已經舔舔脷。個三文魚牛油果壽司漢堡同鐵板牛肉壽司漢堡嘅ideas好特別，似係美式同日式crossover嘅菜式。🇯🇵🇺🇸由唔同魚生組成嘅壽司冬甩就有三文魚、帶子、三文魚籽等。除左魚生，我哋都試咗幾種牛肉嘅菜式，佢哋分別係米國牛肉烏冬、澳洲和牛烏冬、溫泉玉子伴澳洲和牛肉爆丼同澳洲和牛厚燒。 結論係: 全部都冇得頂。卷物方面就有炸軟殼蟹卷，而燒物就有明太子雞肉串、活鰻同雞之盛宴。如果諗唔到食邊幾隻串燒，雞之盛宴係個不錯嘅選擇，有雞翼、雞胸軟骨、雞肉等。我第一次食燒雞泡魚乾，感覺有啲似食魷魚。食日本野又點少得食天婦羅，除咗叫個雜錦天扶良，仲叫埋松葉蟹海膽天扶良。驚喜係冇諗過蟹同海膽係會咁夾，好可惜，呢道菜唔記得相機食先。佢哋嘅Macha latte會提供綠茶冰同牛奶，你可以根據自己嘅口味調配。我哋最後仲叫咗個丸十芭菲。

呢日行完葵廣肚餓，但對個到啲小食店都無乜興趣了，所以就去左新都會行街同覓食見到開左一間話係首間以精米做主題既日本嘢，所以就試下入面啲卡位可以睇到出面啲裝飾~呢啲米名都好似係電視見過介紹咁Menu除左米飯類都有好多其他嘢食，天婦羅串燒鐵板燒炸物，應有盡有首先試呢個個名好特別既sushi donut其實就係將啲壽司飯堆到冬甩既形狀，再加啲料係上面，左邊係蟹肉同三文魚子，非常好食!!!配左啲芝麻醬同好似明太子醬，好夾右邊係帶子同三文魚刺身~推薦大家試下跟住係一個炸軟殻蟹漢堡，手機食先!個漢堡係米漢堡黎，好特別跟住係兩個唔同既卷物(彩虹卷同吉列蠔卷)入面啲飯同其他壽司店既質感好唔同，果然係精米專門店，兩個都唔錯另外，都試左其他既料理，雞既串燒拼盤，都好有水準，尤其係雞皮同軟骨連肉！最後仲有一個又係可以手機食先既係咪唔知咩黎呢，上面個塊係濕紙巾黎一揭開就有一堆煙湧出黎，瞬間煙燻入面既三文魚海膽同牛油果~頭幾淡可能會覺得煙燻味好重，但係食落慣左都幾好食，同埋個海膽好鮮甜以後去完葵廣都可以黎呢到醫肚

一直認為好吃的店家不用為其臉上貼金，普通的店亦可以不寫，但食物及服務言過其實的就一定要寫出來，所以個人寫得的食評一定係以彈的居多，今次趁朋友生日，去了這間丸十食堂，未去之前做資料搜集，見全民皆讚，誰知比伏更伏十倍，首先點了甚麼日本南部鶏使用的地鶏鉄板焼き，空有賣相味道完全唔合格，雞肉乾巴巴的完全無肉汁，對比此南部鶏，日本塚田農場的地鶏炭火焼比此物好吃不知多少倍！蟹肉寿司漢堡，材料係豐富的，以為外脆內軟的米漢堡吃落乾硬似飯焦，Mos Burger 的米漢堡都比此寿司漢堡好吃，串燒叫了免治雞肉軟骨串、豚腩肉都不過不失，但燒雞皮完全唔合格，火候唔到位，濕濕的燒雞皮係最難吃的，全無味道可言！再點了甲羅焼，最奇特係蟹殼底有燒過的痕跡，但材料係凍的，亦無磯焼爐提供，但味道係可以的，吃甲羅焼還是等去日本吃蟹道楽或磯丸水産吧，整餐最好吃的是玉子焼及鮪魚寿司飯，但鮪魚寿司飯取價 $300 有點貴！明白香港舖租貴，吃同等質素的外國菜式比當地貴完全可以接受，但価格收足了，但食品質素完全交唔足貨就有點那個了！此丸十食堂比食物更差的是店員服務態度，大部份店員都非常有性格，對食客愛理不理，禮貌欠奉！上菜非常大力放

新都會廣場這個舖位，好像比較利開日式食肆，好久之前就是和民，之後有一排沒有來，這兒現在又開了另一間日式食店🇯🇵。店子在桌上面已經放了一瓶綠茶粉，客人就按照自己的喜好，調教綠茶的濃度，然後加點水，味道也挺香濃。店子的卡位十分之有私隱，然之後出邊的煮食位置，以霓虹光館在上邊亦都寫上了不同的環節。海鮮刺身沙律，看似少少一碟，但沙律菜葉也不少，而且上面有各式魚生，酸酸的開胃也不錯。燒雞泡魚乾，細細碟切到像一個小山丘，少許沙律醬加七味粉增添味道，魚味濃郁，不會太乾。雜錦魚生壽司漢堡，賣相好像以往大快活大家樂吃過的米飯漢堡😏，而且，這兒的米飯，比較脆身，黏在一起，而且有點兒香脆，上邊有幾條京蔥，帶有少許辣味。中間又有幾款魚生，配合一起也挺特別，而且賣相夠特別，不用好像平日去其他日式店，只會吃魚生丼那麼悶蛋。雞胸軟骨，比較少吃，因為如果至少雞胸肉的話一定很乾，加點脆骨，吃起上來好像雞軟骨一般。雞皮，一小串，每條雞皮都細細粒，但是燒完之後非常之脆，脆卜卜，不算太肥膩，但又充滿油香的質感味道😏。免治雞肉，內裏亦好像有肉有軟骨，燒到脆皮，加點甜燒汁醬，😀輕微甜味，肉味更濃郁。雪花牛舌就當然出色，雖細塊的，

今晚同好友慶祝生日，就一於食佢最中意既日本菜～佢揀左丸十，反正都未試過，就一於試下 =]先叫個蒸蛋，又熱又滑，正！之後叫左個２個飯，聽講呢間餐廳對米特別講究，仲首設左一部「精米機」喺舖頭，實行「當店精米」既理念！我地２碗飯，有爆丼同刺身丼。爆丼唔好以為佢細細碗咁飯量少，其實D料舖滿晒喺面，食晒係超飽~~揀左個燒日本地雞爆丼，超中意，D 雞皮燒得薄脆。另一個蔥粒吞拿魚蓉海膽丼, D 吞拿魚蓉好香又唔算膩WOR!!之後仲叫左黑松露焗雜菌，好爽好滑，黑松露又幽香撲鼻，唔錯！另外個露筍都好熱辣辣，健康之選！最後我地仲叫左個三文魚炸蝦卷，真材實料，入面D 蝦真係啖啖肉!呢度坐得好舒服，環境又好，傾計一流，下次會再黎～

新都會新開食肆🤤星期六放假就去試新嘢！😃入去到裝修好靚，望落分左幾個區域，鐵板燒區、壽司刺身區我地坐卡位，都幾寬敞😉仲有本menu好靚😳除左靚之外真係超超超多選擇！有刺身丼，燒肉丼，天婦羅，唐揚炸物，鐵板燒，串燒，壽司，飯堡，甜品⋯⋯真係多到不得了，所以建議約埋朋友嚟，就可以叫多幾款share!呢度嘅賣點係日本米！根據唔同產地分左幾種類！連米都咁講究感覺好有heart🥰一嚟碗和牛飯望落好細碗😳但食完原來會飽🤣 和牛唔會太熟，好淋好好味🤤 同埋日本米好有口感，好好食😄我叫左丸十海鮮丼😍😍😍 總共有9款食材！正呀！😍 好好味！樣樣刺身都好有光澤好新鮮🤤 飯又粒粒分明，脹卜卜🍚因為叫埋明太子玉子燒，所以最後飽到甜品都食唔落😭😭😭下次一定會約埋朋友仔嚟，試多啲嘢食🤤🤤🤤

晌葵芳新都會開咗間香港首家「當店精米」嘅居食屋「丸十日本食堂」，同老表講不如去試吓，佢話「蒸」米，咪即喺盅頭飯，我話唔喺呀，「精」米喺另一樣嘢嚟，解釋完佢先恍然大悟。更誠意到做「當店精米」，又睇睇佢哋啲出品可唔可以做到「丸」近馳名！餐廳就位處4樓花園側，唔知喺新開，定因為喺精米關係，都只喺閒日晚啫，都已經好多人晌門口等位。不過，由於餐廳原來都好大吓，所以，排得唔算耐就好快有位。裡面分幾個區域，而且，有唔少卡位，卡位嘅間板亦專登做高少少，唔會受前後側邊嘅客人騷擾，有少量卡位對正平台花園，更喺心水靚位，不過，今次就無我份。此外，分開幾個專區：串燒、鐵板燒、壽司吧，特設一列吧位，可以直接睇到師傅做菜，亦喺小弟覺得次選嘅心水位。而整家餐廳，一派木系和風裝修，亦掛有唔少相關裝飾，不過，呢晚人太多，所以，就無周圍影。上文提過「當店精米」，相信都唔喺流，因為晌等位期間，就喺門口接待位旁嘅玻璃房，就放置咗一部循環型精米機。咁！其實咩叫「精米」呢？打開餐牌就揭開謎底：「精米」就喺將米糠從粗硬嘅玄米表面輾走，再打磨成口感軟熟白米嘅工序，日本人相信剛完成「精米」過程嘅白米喺最好食。又研究發現，去除米糠之後，

又要換季了，是時候去葵廣走一轉至於晚餐就選擇在新都會的丸十日本食堂，餐具都幾有趣。日式茶碗蒸 $38: 蛋表面不滑，內裡比較滑，有冬菇、銀杏等配料。汁煮海螺 $58: 凍食彈牙海螺，都幾入味。鰻魚玉子燒 $68即製玉子燒，熱騰騰，蛋算滑，加入醬燒鰻魚，味道一淡一濃都幾夾。牛油果炸蝦卷 $110牛油果壽司飯包著香脆炸蝦，質感一軟一硬，好味之餘都幾夾，有層次感。帆立貝 $45: 燒得剛好，質感彈牙，而燒汁味道濃郁。泡菜豚肉串 $35: 泡菜味濃，可中和到單吃豚肉的膩感。燒鰻魚魚皮好脆，而魚肉又好滑，好正。串燒質素不錯，值得一試。

家庭聚餐日，沒特別訂枱要吃什麼，在新都會狂完街，見到呢間新店門前擠滿人，睇睇menu，係香港首創當飯精米餐，d食物相都好吸引，就決定攞壽等位食佢~三文魚牛油果壽司漢堡 $68店員推介呢度既鐵板燒同有米飯既菜式，呢隻壽司漢堡就兩樣有齊，店員話係即叫即燒，所以要耐心等候~我地揀左一個試試，外表幾吸引~兩片用壽司飯製成既"漢堡包"煎香，中間夾住厚切三文魚刺身同牛油果，口感好豐富~澳洲和牛丼 $148一個飯碗既迷李丼，精緻可愛，和牛半熟，食落有牛味，米飯軟熟，可加埋付送的溫泉蛋混合一齊食~澳洲和牛厚燒 $198煎得香口，有牛味有油脂香~一啖和牛一啖胡麻醬沙律菜咁食，都幾清新~海洋之盒 $148大蝦，生蠔，鯖魚，活鰻，帆立貝串燒拼盤有齊以上5款海鮮，肥美爽口既活鰻係我最愛~自家製鰻魚玉子燒 $68玉子香滑軟熟，中間包裹著燒汁鰻魚，兩者味道同口感同好夾~另外，有d幾特別既飲品睇落都值得一試，不過今次有點飽就沒有試到~

黎葵芳行街買衫, 太耐無黎, 原來開左咁多間新餐廳見有間日本餐廳好似幾吸引, 係朗豪坊開先, 葵芳呢間係分店趁新開, 就入去試一次餐廳入面好闊落好大野食都幾多, 刺物, 燒物, 串燒, 丼飯等都有齊, 仲有特別d 既壽司漢堡北海丼, 食材鋪滿遮蓋白飯, 有鯖魚, 三文魚, 油甘魚, 蟹肉, 蔥吞拿魚蓉等, 每款一件款款食材新鮮度十足, 刺身油脂甘香, 另一特色係米飯, 粒粒分明, 口感軟熟, 就算凍左都帶些少甜味睇返餐牌介紹, 原來餐廳好重視用既白米, 全部都係來自日本, 係餐廳內進行「精米」的工序, 係香港第一間「當店精米」既餐廳, 每季會用最當造最優質既白米俾客人, 香港人個胃真係幸福海膽天婦羅將海綿般既海膽炸成唔會散既天婦羅, 師傅炸功好, 炸粉脆而薄放入口後海膽即溶, 味道鮮甜, 同就咁食海膽截然不同, 可以蘸天婦良汁或搽茶鹽除左有海膽天婦羅, 我亦好欣賞旁邊扇形既脆片, 應該係用麵條炸成鰻魚玉子燒我平時好鍾意食玉子燒, 今次要試下鰻魚版, 將蒲燒鰻魚包係蛋捲內, 蛋香鰻魚香交錯, 幾好味海洋之盒, 海洋即全部係海鮮, 包括鯖魚, 廣島蠔, 鰻魚, 大蝦, 原隻帶子鯖魚肉質唔錯

上網見到哩間餐廳好注重用靚米做每一道菜，覺得好特別，而且又係新開，所以黎開葵芳就黎左試一試。我地夜晚6點黎到，好快有位，我地7點幾走果時見到有幾多人等緊位。入到黎見到裝修都幾靚，用左淺色木做主色，舒服。本menu印得好靚，似雜誌咁，中意睇佢介紹米。三文魚牛油果壽司漢堡 $68好特別，用米去取代麵包，咬落有dd食緊飯焦果種感覺，好香，中間夾住三文魚同牛油果，好味。溫泉玉子伴燒澳洲和牛爆丼 $148哩個要推介呀！睇下蛋汁流落碗飯幾治癒，和牛好軟林，亮點依然係飯呀，珍珠米加左蛋漿好滑又夠咬口。牛油果炸蝦卷 $110一啖一件好滿足，點埋沙律醬超正，好足料，中意食牛油果，炸蝦好爽口。鰻魚玉子燒 $68好滑又多蛋汁！中間鰻魚唔太突出，但整道菜甜甜的好味。海洋之盒 $148中意食海鮮同串燒必點，有成5款海鮮，款款我都中意食，係新鮮既食到，肉質爽口，正！

名副其實的米飯🍚專家，新鮮優質的米，黏度高！澳洲和牛厚燒，即叫即燒上碟已經聞到那牛肉香氣，味道還也讓人欲罷不能！燒雞壽司漢堡，最大既特色係好似漢堡又似壽司🍣咁二合為一，高質漢堡食落米飯軟糯香，另一主角-雞扒煎得外脆內軟，分量十足且雞肉汁緊緊鎖於鮮嫩既雞肉內，一點也不會覺得鞋口，雞扒表面卜卜脆十分可口，新鮮熱騰騰的壽司漢堡就是丸十特色招牌菜色🥰丸十海鮮丼，不同的時令魚生十分鮮美，尤其是三文魚子顆顆飽滿又精瑩，咬落卜卜脆會爆漿，吃過最好吃😋最鮮的丼飯凍飲：抺茶檸檬梳打🍋，這組合是第一次看到，馬上試試，十分清新口味且不會太甜，只是飲品價錢略貴薄荷朱古力都👍🏻，用新鮮薄荷葉製成