丸十日本食堂 (已結業)

又到月頭，又係銀行簿增值的時候，我每月都習慣 出糧時必定約埋老友食一餐豐富嘅，當係獎勵自己 整月來的辛勤，有獎賞就會繼續拼搏，我哋今日又嚟食日本菜，喺葵芳有一間唔錯嘅日本餐廳，我哋點咗多款精選菜式。超大size香蔥鮪魚蓉海膽丼，清爽嘅香蔥味，配搭鮪魚蓉，美極鮮甜，鋪著滿滿的鮪魚蓉，閃令令的份量唔少鮮海膽，美味蜜甜，軟軟綿綿，還伴著豐盛嘅海洋氣味，一顆顆珍珠模樣的飯粒，圓嘟嘟爽口柔韌，嚴選食材加認真製作，互相配搭相得益彰。溫泉玉子伴燒歐洲和牛肉，餐廳嚴選歐洲和牛一點都不輸蝕，肉質柔軟綿綿，蜜味香甜，濃郁牛香 滿載口腔，大廚炮製溫泉玉子，非常到家dumdum滑捋捋，整個放在口中蛋香四溢。另一款刺身拼盤，同樣出眾，每一件都閃爍生輝，肉質晶瑩通透，優質食材真係冇得輸。還有一個我至愛燒雞泡魚乾，呢個大廚手藝真係數一數二，真係好滋味，係就係鹹咗啲啲，如果再輕手啲真係極品。

喺葵芳行街行到攰，新都會實在太多新餐廳，要喺諗食咩都唔易，今晚就揀咗丸十。其實早就聽過丸十係香港首家「當店精米」嘅日本料理餐廳，今日行過一於去試下。以為成個Menu都同「米」又關，咁又唔係喎！Menu除左米飯類之外，仲有好多天婦羅、串燒、鐵板燒、炸物，選擇都幾多。自家製鰻魚玉子 $68玉子燒加上醬燒鰻魚，味道幾夾，蛋又算滑，即叫即製，嚟到熱辣辣，滋味十足！海洋の盒 $148有5款海鮮，包括鯖魚、廣島蠔、鰻魚、大蝦同原隻帶子。海鮮串燒魚肉肉嫩多汁，尤其燒鰻魚魚皮好脆，整體串燒質素唔錯，值得一試。海の櫻花卷 $88「當店精米」當然要試一試米飯類，海の櫻花卷色彩配搭好吸引，又有好多櫻花蝦，卷物中間仲夾著鮮味帶子，食落甜甜地又香口。丸十海鮮丼 $250丸十海鮮丼都有驚喜，海鮮有成九款，仲夠新鮮，海膽份量都算多，帶子就最鮮甜！米飯粒粒都好飽滿彈牙，同樣值得一試！鐵板燒日本南部地雞 $88賣點係選用日本南部的地雞，比一般嘅雞肉少脂肪，食落唔油膩。煎得皮脆肉嫩，醬汁味道亦唔錯，再用埋鐵板上，令雞肉保持溫度！鐵板旁邊有啲柚子鹽，不妨沾少少試下！整體來講，食物質素唔錯，而且坐得舒服，係一班朋友食飯傾計嘅

服務態度差，食物非常一般，唯一只有刺身比較好。本來見公司附近新開去幫襯試試。下午茶時間去到，見到meun只有下午茶，不感興趣。就想問待應有冇其他meun... 叫左好耐都冇人理。終於有個經理應我，但佢黑晒面。我問佢有冇午餐meun. 佢話下午茶時段冇午餐。唔緊要，咁我問佢有冇單點。佢話都冇單點。我只有食佢既下午茶但係真係一d都唔好食。叫左個豚肉飯。飯太林，豚肉太肥。之後我打去問旺角分店問，下午茶時間可否單點，對方話可以。 以後都唔會再去。

今日同媽媽嚟咗呢間開咗冇耐嘅餐廳，之前見旺角都有不過就好多人，今次專程嚟試吓~汁煮海螺，一客都有大概10粒， 醬汁甜甜地，海螺幾入味，同埋唔會好硬。自家製明太子玉子燒，入邊有好多明太子，即叫即整熱辣辣，好食！銀雪魚西京燒，一上碟嘅時候都有d嚇親，因為份量都幾少，比較細舊，但味道就好好，醬汁好甜香脆炸辣鮪魚卷，幾特別，輕輕炸過下，夠脆！每一件都幾大件，飽肚仲有澳洲和牛烏冬，和牛同烏冬分開上，和牛仲有啲微微粉紅色，好搶眼，食落雖然唔係好鹹，但係肉味幾出，配埋烏冬可以減低油膩感整體來講，食物質素唔錯，但係份量偏小

貴，份量少，雞肉冇味，柴口，好似人地食淨果d肉碎。叫左個雞飯98蚊（得5舊冇味同柴口既雞粒同幾粒蔥花）孤寒到死同張相比2樣野黎，同鐵板雞88蚊；d汁咸到苦 比雞飯多2粒雞 同豬丼98蚊（相睇係五花腩，來到全瘦肉，得幾粒蔥，食落去一d味都冇，又柴，好似係煲完湯既豬肉咁 賣相弧寒（落左單50分鐘先到。 埋單365蚊（30蚊都比多佢）唔會再有下次！完全覺得係食緊野，比幾百蚊出黎，啖啖湯渣既口感。完全係囉錢買難受😣。

今日約咗將為人父嘅表哥食飯，揀咗一間非常有質素嘅日本餐廳，食得好啲 鬆弛一下壓力，我哋點了多款餐廳拿手好戲。火焰三文魚親子卷，層層食材捲得非常豐富，尤其係三文魚，油脂豐滿還有多款嘅味道配搭，手作非常出色。三文魚牛油果壽司漢堡， 鮮明亮麗三文魚，大廚篩選最好牛油果，成熟時候剛剛好口感係最好的，外型像一個漢堡包，食起嚟又像壽司一樣，新穎又滋味。大大碗丸十海鮮丼，真係貨真價實，份量夠大，海鮮夠豐富，每件都肥嘟嘟 油脂澎湃，肉質鮮甜潤澤，顆顆飯粒圓潤飽滿，煙韌彈牙，整體令你食得好滿足。大廚自家製作玉子燒，跟別家的不一樣，濃郁蛋香 清甜軟滑，賣相吸引。還有一個澳洲和牛他他， 餐廳選材都甚為出色，澳洲和牛濃香馥郁，肉質豐盛，柔韌兼備。

平時好少去葵芳，今日剛好要到附近工作，跟朋友約來這間新開的日本餐廳試一試，6:30pm已經漸漸人多開始要排隊。我最喜歡吃自家製玉子燒，口感嫩滑，甜度適中，另外必食招牌米飯漢堡，我選了牛肉壽司漢堡，同樣不太乾也不太硬，米飯有嚼口，味道不錯，但不可以像漢堡包般拿起來吃，容易散開，可以用刀叉食。另外，朋友吃的軟殼蟹壽司漢堡和牛肉烏冬賣相也相當不俗。這裡似乎還有很多好吃的壽司、鐵板燒、甜品等美食，仲有我喜歡的抹茶飲品，希望下次再來品嚐一下。

自懷孕以後，我與老公都很久沒有食日本菜了，適逢呢間來自日本的丸十在葵芳新都會開分店，上網看過餐牌又好吸引，有些熟食都岩我食，即管去放任一晚吧! 很久都沒有外出晚飯，丸十葵芳分店地方很大，可容納很多食客，門外可按票號等位都不錯，待了一會很快便有位子了。 餐牌種類蠻多選擇，有飯類、刺身、串燒、玉子等等... 先來一杯青森蘋果汁，日本青森縣名物便是蘋果了，味道清甜可口，勾起了我在日本旅行的回憶! 溫泉玉子伴燒澳洲和牛肉爆丼，其實這款飯在等候位子的時候，看見每桌幾乎有一碗，就已經被深深吸引了，把玉子與日本珍珠米拌勻來吃，超級滑又開胃，和牛肉質嫩口，和牛份量都很多喔! 其實我遠看開放式廚房那邊有很多師傳正努力地工作，有幾位更是日本人來呢! 另一款點了燒豚肉爆丼，雖然每片豚肉外皮脆脆地口感一流，但略厭豚肉部位偏肥，吃多了感覺膩。 這晚好像參加了食肉獸大會的，看到餐牌上的串燒盛真是不得了，一口氣點了兩款，先來雞之盛宴，有我喜歡的雞翼、雞肉、雞軟骨、雞皮等，每款串燒均燒至外皮香脆，原汁原味沒有任何添加，喜歡的可沾上醬油來吃，尤其雞翼，我吃得出不是本地雞，味道有點像日本來自四國的阿波尾

軟殼蟹漢堡驚艷，味道出眾價錢合理黑松露雜菌又碎又少，唔知以為人地食剩青瓜麵豉醬合格，不過味道未必個個人岩所謂既雞之盛宴串燒垃圾到一個點，連加1收成110，食完$30都比多佢，雞肉我以為趙緊煲完湯既湯渣，4舊都係有色無味得個柴字，連大蔥既一樣，雞翼完全無味，雞軟骨一樣有色無味得個柴字，雞皮得頭兩塊合格，後面兩塊過厚亦燒得唔均勻，原本都好期待，寫邊度邊度來既雞，無諗過出到來垃圾到咁，如果隻雞咁把炮無問題的話，咁我建意換左企爐果個總結：唔會返兜

好耐冇去過試食活動，本來就唔喜歡出席呢種咁樣嘅活動， 事關唔知乜嘢風氣驅使好多人都對試食有所反感，不過見到公關誠意拳拳咁，我就勉為其難去一次啦， 食啲嘢，真心寫篇文簡簡單單。活魚刺身 (池魚)， 日本空運抵港的池魚，係活生生生鮮劏的， 肉質好鮮甜，好好味，切到好多片。汁煮海螺， 味道甜甜地又有少少酒味， 啲螺肉煙煙靭靭又彈牙，好入味。北海丼， 聽講呢一個北海丼嘅食材係唔一定嘅， 時時都會隨季節或者來貨而定， 但就一定會有三文魚同埋帶子， 啲魚肉好有鮮味好好味。澳洲和牛烏冬， 牛肉好嫩滑，烏冬又夠滑，個烏冬啲湯又好飲， 一分錢果然一分貨。松葉蟹海膽天婦羅， 呢個天婦羅真係冇得彈， 真係可以話係super ！免治雞肉串+雪花牛舌串， 串燒好入味，牛舌好林好滑，免治雞肉燒到好香好好味。绯紅卷， 好特別嘅名，好特別嘅味道，相信出面一定食唔到。鐵板燒日本南部地雞， 雞肉好香好滑燒到啲皮有啲燒焦地， 日本雞肉果然係好味一啲。利申: 這是試食活動。

service is good. restaurant is nice. food is not good but still not too bad. but rice is very bad. they don't know how to cook japanese rice. i will never come back.becouse rice is most important in japanese food.i want them go to good restaurant to study what is Japanese.this is not japanese restaurant.

在旺角非常受歡迎的丸十, 來到葵芳了, 人氣依然很強, 而葵芳店不再專注於壽司, 有更多的小食、串燒、鐵板燒等, 更加符合我喜好。店內裝修以日系淺木為主調, 感覺很年輕, 很舒服。煎餃子$38餃子皮薄薄的, 餡料有肉香, 煎到剛好, 不會太燶, 每隻都幾大隻, 算抵食。田園盒子$98喜歡蔬菜的, 不容錯過這拼盤, 它有茄子、冬菇、青椒仔、蕃茄、甜薯仔, 感覺都是輕輕的燒過, 不會很熱氣, 但相對沒那麼香口, 蕃茄用上橙色的, 又甜又爆汁, 青椒仔亦清新味道, 它被木魚絲蓋過了。自家製鰻魚玉子燒$68玉子燒比想像中的出色, 做得很滑溜, 內裡鰻魚沒太鹹, 味道很配, 但鰻魚有少許細骨。松葉蟹肉壽司漢堡$98似乎也是招牌菜之一, 但米飯漢堡給人感覺比較乾身, 我們也不太喜歡, 內裡的松葉蟹, 鮮味也不突出。波士頓龍蝦$238鐵板燒的波士頓龍蝦, 有整整一隻切半, 算是蠻抵食的, 肉已起了出來切成一件件, 吃得方便, 入口質感很爽, 似是新鮮龍蝦來的, 帶點鹽味, 已經足夠, 旁邊附上龍蝦膏, 鹹香惹味, 蘸龍蝦肉一起吃。

終於可以抽時間出黎食返餐飯自己多數係觀塘個邊返工放工 都少係葵芳個邊出入新都會更加好幾年未行過喇不過唔行唔知 原來已經開左幾多間食店今晚朋友叫到 跟左佢去呢度食間日本野入面坐位都幾多 同時都幾闊落 坐落係舒服既餐牌上面都幾多選擇 簡一款岩自己口味既唔難我地前後叫左兩個小食熱熱身 燒雞泡魚乾 上到枱依然熱焢焢 同時又幾好咬口 唔會話好難咬 幾有風味嫁 有d 之前去日本居酒屋時食到既感覺牛油焗雜菌 上枱時用錫紙包實左 一打開 個d 牛油香味就湧哂出黎 刺身淺嘗拼盤睇個名都知 係一個人少少 但係又想食下刺身既情況下叫呢個就岩哂 三文魚可以用肥美黎形容 厚砌 原全冇雪藏味緋紅卷鐘意食明太子既我就岩哂了每件面頭都放一塊牛肉 而卷入面大大條明太子好少機會食到呢個配搭 推介大家可以一試溫泉玉子配燒澳洲和牛肉爆飯今晚既主角 先將溫泉玉子撈好 再到落個飯度要留意 飯既最底其實都有少少醬汁 建議大家撈好先食丫個飯真係睇得又食得 肉質不浴的 份量不多不少 岩岩好丸十芭菲（綠茶）天氣有d 轉涼 朋友都係堅持要食返個甜點先走好彩冇令佢失望 個芭菲有幾個layer最中意mix 埋d 可可脆片同雪糕一齊食

今日我同兩個細路一齊黎食呢間，聽講幾好食，就開門前半個鐘開始黎排隊。黎到時先知原來佢新開張，有頭80名顧客1折既快閃優惠。但係呢間餐廳只係出面排幾條欄杆比人排隊，冇諗過派壽去確定人數，個經理仲夠膽講話唔關佢事！結果就好自然出現1個人排住先，一堆人係後面插入黎話係佢朋友佢屋企人。咁對後面排緊既人好唔公平！如果佢事先有派壽，有一個人數係手，一黎唔洗咁亂，二黎可以話比人知優惠人數過左未。好喇，開始入座，我同我兩個細路排中間位置，開始入座20分鐘都竟然仲未輪到我地安排入座，得一個經理係到帶位又慢，5分鐘先帶得1組客，成班客就企緊係出面淋雨！最後我地選擇轉軚唔食！未入去已經唔想食佢！管理好大問題！！！

琴日落左成日雨 本來諗住 同屋企人係新都會搵間好既聚腳點食飯 共5大人2細路 小朋友喜歡日餐 就搵到丸十呢間 幸好一早電話book位 一早要定張大檯比小朋友 環境 衛生都幾好 服務都還好 起碼小朋友比較吵 佢地店都尚可接受到之後叫餸食野 食物質素非常一般 味道未到好好食 但未算難食 。不過其他地方是但簡都會好食呢度！而且最令我不滿係 份量實在係太過少！！雖然叫日本餐廳 但四五十蚊叫一碟小食薯角 得幾舊？ 比到盡個蛋黃醬叫吱多少少。一個5歲既小朋友都覺得唔夠 要叫多幾份接近過百元既幸福魔天輪兩下就吃光實在有點過份 飯 面份量亦幾下吃光但價錢要百幾元！ 最後7人埋單都接近過千 仍食不飽 要到其他地方再食很失望份量實在少到可憐 價錢與實物不乎 所以唔會有下一次