影片
更多
2018-07-20
53 浏览
旺角潮物多，食店還更多，一街之隔，想要中西日韓泰等等等等，通通沒問題。沒錯選擇多，伏物還更多，一堆堆好睇唔好食的潮物，所以為保舌頭健康，我一旦睇完戲/行完街都寧願去朗豪坊，穩陣唔會死（尤其food court,性價比高）。今日同樣是行完街，不一樣的是驚覺朗豪坊開了幾間新餐廳，揀選下就入了日本餐廳試個究竟。那時新開數天，沒太多人，木系的餐具，有味道餐牌還夠多選項，它最招牌推介的是其選用的日本米（精米），所以今次晚餐都選了一個 丼 及 飯漢堡 試試味道，當然還有其他一連串試個夠為止。先來招牌的燒地雞丼，地雞即日本國產的雞，佔全國最多1%的生產量，都咪話唔厲害，當然要試真點。別睇佢樣子平平，以為同吉野家差唔多，兩碼子的事！雞肉滑帶有肉汁，燒烤過後添香味之餘，雞油同醃汁帶落飯粒，惹味非常。飯粒有咬口，粒粒分明，飯香十足，好味！再來的是刺身丼飯，食日本野點可以唔試其海鮮呢，它選材真是不錯，有牡丹蝦、松葉蟹肉、魚籽、帆立貝、海膽、拖羅、赤身、三文魚等共十款刺身，老實款款都好新鮮，牡丹蝦同拖羅根本是完勝，唯一有少許不滿是海膽，唔夠鮮甜帶苦味。白身魚薄切，白身魚味偏淡甜，少腥味，感覺會清爽一點，作為前
今日同樣是行完街，不一樣的是驚覺朗豪坊開了幾間新餐廳，揀選下就入了日本餐廳試個究竟。
那時新開數天，沒太多人，木系的餐具，有味道
餐牌還夠多選項，它最招牌推介的是其選用的日本米（精米），所以今次晚餐都選了一個 丼 及 飯漢堡 試試味道，當然還有其他一連串試個夠為止。
先來招牌的燒地雞丼，地雞即日本國產的雞，佔全國最多1%的生產量，都咪話唔厲害，當然要試真點。別睇佢樣子平平，以為同吉野家差唔多，兩碼子的事！雞肉滑帶有肉汁，燒烤過後添香味之餘，雞油同醃汁帶落飯粒，惹味非常。飯粒有咬口，粒粒分明，飯香十足，好味！
再來的是刺身丼飯，食日本野點可以唔試其海鮮呢，它選材真是不錯，有牡丹蝦、松葉蟹肉、魚籽、帆立貝、海膽、拖羅、赤身、三文魚等共十款刺身，老實款款都好新鮮，牡丹蝦同拖羅根本是完勝，唯一有少許不滿是海膽，唔夠鮮甜帶苦味。
白身魚薄切，白身魚味偏淡甜，少腥味，感覺會清爽一點，作為前菜非常好。刀功不錯，魚片切得美觀而味道及口感都很滿意。
黑松露海膽茶碗蒸，個人認為它應該是香港頭三出色的日式蒸蛋（冇黑松露反而仲好，更突出蛋鮮味），本身已經蒸得好滑，海膽味令蛋味變得Creamy，材料都豐富，有雞肉、菇同埋銀杏，有心思。
接著又來一客軟殼蟹壽司漢堡，雖然是Gimmick野，都好彩都不弱，飯粒香口，軟殼蟹炸得香脆，只是吃得有點狼狽。
海鮮之盒，即是雜錦海鮮串燒，簡單加鹽燒，已經能夠帶出鮮味。鯖魚魚味濃郁，肉質實在。鮮蝦爽口彈牙，鰻魚肥美，油脂充分滿足味蕾，帶子略嫌邊位過熟，太韌。最後的三文魚，皮燒得香脆，肉鮮而有肉汁，好味
一輪瘋狂搶食後，便以一杯抹茶芭菲作結，雪糕很滑，底下的抹茶啫喱及紅豆好夾，如果再濃點，就更好，但現在足以讓我回味數晚。
张贴
