丸十寿司日本食堂 (已結業)

位於旺角的丸十寿司日本食堂，是一間主打精選靚米的餐廳。是日來到吃晩餐，人龍頗長，需等侯一段時間入座。玉子燒$48最喜歡吃日本玉子燒，這裡的玉子燒，雖表面平平無奇，內層卻煎得有層次感，濕潤多汁，味道香甜，味道不錯。蒲燒饅魚$88每到日本餐廳，勻會想點一份饅魚，饅魚醬汁濃稠，魚肉不算厚，肉質黏糯，但有魚骨，要小心哦。三文魚牛油果壽司漢堡$58由於餐廳最推介吃米，我選擇二個漢堡和一個丼飯嚐嚐。三文魚漢堡較其他賣相為佳，疊得較為整齊，米皮混入醬油芝麻，可惜味不夠濃，較為淡味。三文魚魚肉腍嫩，但不算非常新鮮，米飯質感未有令人驚艷的感覺，抹上芥末增加刺激感會較好吃。

同事一向鍾情日本菜，難得能一起吃飯，得知朗豪坊12/F 新開了一間日本料理 ，而且口啤也不錯，那麼就和同事一同前往吃一頓開心午餐。平日的12：30來到，可以立刻入座。不過到了一時許，人流開始多吧！餐廳的裝修很有和式的風味，讓人有置身在日本的居酒屋的感覺。午市有set lunch供應，價錢由七十多元起，款式也頗多，在這地段和環境，價錢十分合理，而食物大人和小朋友們都合適！一來到，待應就為我們預備了玄米茶，看著清徹的茶，實在心情能得以平靜下來！人氣推介 北海井$158食物送上來的時候是用兩層日箱盛著，當打開後，實在讓人驚喜！食物很精緻，放得井井有條，未吃也先加分吧！先嚐了麵豉湯，味道不會太咸，清清的，不錯吧！沙律菜新鮮，加入了沙律醋，酸酸的，十分開胃。我很喜歡那個牛脷前菜,又淋又入味，吃到停不了口！北海井的刺身相當新鮮，海膽入口即溶，厚厚的帶子也鮮甜美味！三文魚籽光澤鮮艷，入口即破，味道又鹹又甜，帶有海味！人氣推介 香蔥鮪魚蓉海膽井$138鮪魚完全打碎，十分鮮甜，而海膽也是同樣鮮甜無比，入口即溶！總括來說，丸十的食物質素高，味道美味，下次會再來！

老婆生日，左搵又搵搵到朗豪坊的丸十壽司。呢間野係標榜係用精米，有興趣可以試下。當日係星期四，晚上都開始多人，睇佢鋪仔細細原來內有乾坤，入去轉左仲有排「室外」座位，配合朗豪坊的天幕，氣氛相當唔錯，適合情侶同鍾意無咁壓迫的朋友。叫左四樣野：雜錦壽司盛合、親子卷盛合、溫泉玉子伴燒牛肉飯、炸軟殻蟹壽司漢堡。壽司 同 卷物 水準高，都新鮮。燒牛肉飯極惹味，牛肉燒徥好香，d飯真係比平時食開的珍珠米更有口感，強烈推介。炸軟殻蟹壽司漢堡其實唔知點食，最後都係分開咁一層一層食。軟殻蟹唔太咸，味道香甜。總結，都值得推介鍾意食日本野的朋友。

做左勁多年Monster sushi終於結業，下手都係一間壽司店。裝修以淺木色為主，樓底超高(我覺得可以高到分組2層)，所以感覺都幾寬敞， 舒舒服服！ 不過價錢就比裝修嘅檔次高！！！感覺上比以前monster貴大概2～3成食物款式都算多， 壽司，刺身，卷物，串燒通通都有，仲好少見既米漢堡(好似十幾年前麥當勞有出過XD) 不過食物質素同賣相唔算突出，我覺得以前monster sushi既性價比高d!!! 不過不失啦…

通常食壽司都係講究啲魚生新唔新鮮呢間餐廳就連啲米飯都著重，誠意十足 🍚用飯取代麵包嘅漢堡唔算新鮮嘢不過既然餐廳標榜每日新鮮打磨精米，都想試真啲佢啲米～炸軟殼蟹壽司漢堡合乎番 menu 張相隻蟹真係伸哂出嚟，炸得仲好脆𠻹一樣有生菜同芝士呢啲 burger 配料所以老公都話 size 幾大 🍔至於啲飯真係幾有咬口面有啲飯焦，脆卜卜咁雜錦壽司盛合有八件，份量合理啲壽司幾新鮮，款式都好多元化，唔係只得魚 😋煙燻 toro 好夢幻！toro 卷成花咁都好靚靚得嚟仲要好好味！toro 好油潤，配個酸酸哋嘅醬汁，兩樣嘢好夾老公點嘅海鮮茶碗湯，睇落正宗個湯加咗好多海鮮，飲落鮮甜兩個人 share 都有好多杯老公杯朱古力好可愛～我杯抹茶鮮奶非常好飲！啲冰係抹茶整成，飲到尾都係滿滿抹茶味

好幾年冇去過朗豪坊，因為人迫，又冇乜嘢睇，點知今次比個surprise我，好多舖頭都裝修得好靚，好有特色， 又靚食肆林立， 間間都好有裝潢! 我哋就揀咗呢間日本料理! 冇揀錯，食物質素高，價錢合理 佢有outdoor既部份，但其實又係商場既indoor! 用精米做嘅漢堡包，我揀咗其中一款係松葉蟹肉做餡，有芝士配襯，味道一流，飯亦好軟好煙韌。 呢個燒日本地雞飯真的比平時既雞肉有原味。另外，日式得黎佢冇落好多甜醬油，這一點令我更喜愛! 下面呢杯飲品不得了，超推~因為佢高貴、大方、優雅、清新同好香抹茶味 佢用咗綠茶做成冰粒，然後給你預備一瓶熱奶，讓你加入去呢杯綠茶冰到，咁就變成一杯香滑既抹茶latte!日真係要試呀！呢個甜品又係另一大驚喜同大滿足，我個女食到好開心。原因係呢個朱古力刨冰大大杯，朱古力香醇， 而且裏面有好多果仁同碎朱古力，大家一定要撈底食。記住，佢既份量夠三、四人食，否則你食唔到佢其他好嘢!精米簡介👇

Tonight we went to this newly open Japanese restaurant in Langham. The place was nicely decorated and the staff were friendly. The sashimi platter came first, the fish looked fresh and delicious. The salmon and yellow tail were in thick cut, they were meaty and sweet. Their texture was soft and smooth. The shrimp was sweet as well, it was slimy and soft. The udon smelled so good when it arrived. There were quite a lot of ingredients inside. The udon was stretchy and yummy. The soup was delicious

呢間餐廳一黎到已經好有日本風味 不論係環境定擺設 佢都整得好靚開揚既感覺好舒服佢既野好有心思 好精緻野食都好多種類 我就決定叫二人餐唔洗煩原條築地直送鮮魚刺身 今日既主角係池魚 佢同張相係一樣樣 好大條好正 好新鮮 切到又簿又靚 魚好滑 呢個又低食 先180蚊 同埋佢中間有d海草沙律 唔會好掛 壽司盛盒 丸十壽司 有鮪魚腩 海膽 牡丹蝦 帆立貝 佢既魚超有魚油香 同埋都好大件 海膽又勁鮮 好有海水味 飯又好好食 我見佢話佢地用既日本米都有唔同 食落口勁開胃

黎到朗豪坊 見到呢間好似新開既餐廳 好靚 好日本feel 入面都好舒服好靚佢既野食種類好多 都好有特色 呢個漢堡就最吸引我佢本身呢餐具好靚 佢既茶碗又特別 茶又好好飲 好清甜雜錦魚生壽司漢堡呢個真係好特別 個飯好香 硬硬地 好有口感 同埋佢好有味 入面魚生仲有沙律醬 好正有機凍蕃茄沙律 呢個沙律好好味 個蕃茄勁好食 加上芝麻汁再撈沙律 不得了香蔥鮪魚蓉海膽丼呢個飯好大碗 如果係兩個女仔都可能夠食 加上之前仲有食其他野 成個撈飯好香 好滑 同埋佢既飯好好食 好唔同

今日同老公係朗豪坊睇完戲，好想食壽司， 於是就揀咗呢間丸十壽司。 呢間舖門樓好高， 燈光主要以柔和嘅橙燈和白燈為主。 半空中也吊掛著好多燈籠形狀既日式吊燈， 高空也寫了有很多日文字。 內裏也有餐檯和bar檯以供選擇。 如果坐近玻璃嘅餐枱，氣氛更加浪漫，景觀一流。餐具很精美，杯子比一般既杯還要闊和大，碟子也很可愛，設計幾特別。頭盤當然要叫個刺身併盤啦，分別有甜蝦刺身，三文魚刺身和油甘魚刺身。 刺身非常冰凍新鮮，據說從築地空運到港。另外叫了一set12件壽司係廚師發辦的， 每樣都有啲，十分豐富和鮮甜呀。當中最令人回味嘅係吞拿魚腩， 表面加咗少量金箔， 顏色鮮豔，看起來非常肥美， 入口即溶，好像有啲魚油在口裏徘徊中，一啲都唔流。丸十彩虹卷只需$78， 總共有六件，呢碟真係好抵食。看來鮮豔奪目，仲好有層次感。 表面有一小片乾花瓣和少量黑魚籽和金箔， 然後放了二片唔同既魚配搭一起， 壽司裏面也有少量青瓜絲， 蟹柳和牛油果，非常美味。咁樣既配搭我都係第一次食，幾特別同好有噱頭，一啲腥味都冇賣相真係好靚

近期都好少去朗豪坊食晚飯，不過我知道有一間新嘅壽司店叫丸十，位於朗豪坊12樓， 都不妨去試一試。入面非常光猛，亦都很乾淨，同埋樓底非常之高，令到你坐得好舒服。餐牌上非常之清晰， 亦都可以睇住個圖片嚟點餐。//玉子伴燒牛肉飯：牛肉燒得非常之香，唔會太過熟，加上流心嘅溫泉蛋，再配埋日本飯，非常之軟熟。丸十彩虹卷：分別有三款唔同嘅卷，當中有牛油果配三文魚或者吞拿魚配青瓜。各有各配搭嘅食法，我個人比較喜歡牛油果三文魚，新鮮嘅牛油果，配厚切三文魚，食落去非常之清新。刺身淺客併盤(三款)：當中有三文魚，油甘魚，牡丹蝦，全部都非常新鮮。廚師發辦盛會：全晚重頭戲，當中有12件壽司當然係我最愛嘅吞拿魚腩， 夠肥，無根，飯唔大舊，入口即溶。其次竟然係個玉子，熱辣辣,甜度非常適中,軟綿綿的口感， 好濃厚蛋味，從未食過咁好味。l當中好多酒精畀你選擇,但因為今日揸咗車所以不能飲，但係下次嚟一定會試下。

知道朗豪坊開左間新既日本餐廳，所以同朋友一齊黎試下🤗入到去覺得好有居酒屋feel,餐廳樓面人手足夠，想搵職員幫忙都好快有人黎，而且職員都好有笑容好nice，服務質素 讚👍🏻哩個係雜錦魚生壽司漢堡我覺得幾特別，個飯好香芝麻味，入面有唔同款既魚生粒配千島醬，創意新穎哩個由廚師因應當時令新鮮既魚生整出黎既拼盤，除左拖羅，其他魚生壽司都每樣一款，可以品嚐到平時出面食唔到既魚類，因為有d魚類我唔肯定佢叫咩，我就唔逐一打啦😂😂不過魚生好新鮮，司壽司飯握得好實唔會夾夾下舊飯跌左落黎玉子燒牛肉飯牛肉質地香而韌，食落有牛既香味，撈埋個玉子食更滑😍

琴晚同男朋友去食日本料理，8點去到見到都有人係度等位，好彩我既習慣係通常預早知道要食邊間餐廳都會提早打去book定，咁樣唔使浪費時間係等上面，今次都唔例外🤭職員好nice咁帶我地去「留座」既位置，座位寬敞，坐得舒適，而且佢地裝潢好日本風，以簡單設計為主又不失高尚情調風格以木為主，簡單既設計，俾人感覺柔和雜錦魚生壽司漢堡以飯餅代替包皮，中間夾全一舊舊一口size既魚生飯餅本身有少少咸味，配合魚生一齊食，可以唔使點任何醬汁，可是更加食到魚生既鮮味哩個係廚師發辦既壽司盛合當中有拖羅，油甘魚，海膽，三文魚子等等魚味鮮甜，壽司飯大細適中，可以一啖食落口，咁樣更加可以體驗魚鮮甜既味道香蔥鮪魚腩蓉卷細舊既鮪魚腩蓉卷，但係鮪魚既鮮味好明顯玉子伴燒牛肉飯將玉子同飯撈勻再食，令到個飯粒粒都漿到蛋漿，十分香滑，燒牛肉既熟度拿捏得十分好，肉質軟而不韌燒珍寶海鮮扇貝盒大大個扇貝裝住唔同既海鮮燒熟，配搭蛋黃沙律，很好食炙燒壽司時既味道

賣相唔錯既日本料理，雖然都新鮮，但價錢有點不合理，份量好細.....係呢個地段來講，呢個價錢，加上呢個貨色，有點貴....彩虹卷推介大家點，除咗賣相好靚，食落層次都分明...但至於個炸牛蒡...真係唔好點， 又熱氣，熱集得來你只會食到炸粉，完全食唔到有牛蒡啲味道🤔

意想不到的伏，價錢和食物質數完係成反比。叫左個卷物，點知得個樣😑。然後叫左個400元的壽司拼盤，啲壽司全部都係重複，又比埋果D不值錢的種類，問侍應又黑口黑面，食材幾新鮮都死🙈