丸十あぶり牧場 (已結業)

早前疫情大肆下, 真係唔敢周圍食野, 特別係生冷野。但最近疫情緩和, 今晚又餓又掛住日本菜嘅時候, 剛好經過丸十, 就試一試。見到有好幾枱都食緊燒肉, 真係好吸引, 但我今日嘅目標係sushi ~本來打算自選10件壽司, 一個set有埋沙律同湯, 但另外$268丸十壽司盛都係10件, 感覺好扺啊!由於餐牌上又神秘無show出黎, 只係知一式兩件, 所以見到實物時格外興奮。由淺至濃: 金目鯛/ 赤海蝦/ 帆立貝/ 中拖羅/ 馬糞海膽金目鯛魚肉好爽口, 味道清甜, 帶少少柚子香吊味赤海蝦好厚肉, 全隻放入口特別感受到有啲難handle, 蝦肉膠感好重好jam口!!係新鮮嘅表現~加配黑魚籽令視覺同味道都提升帆立貝都好鮮甜, 唔算好大隻但肉厚, 零雪腥味中拖羅顏色偏深, 本以為係靚少少嘅赤身, 但入口那種油脂香同埋肉質柔軟度就知道分別油脂香有after taste, 但唔係爆油入口即溶, 恰到好處!馬糞海膽係最有驚喜嘅一款, 因為Menu上印出黎係細海膽, 而我確係鐘意大片馬糞嘅口感, 今次嘅海膽顆粒原整又清晰, 口感creamy有海水味, 可以唔需要再多加豉油都好夠味!好滿足嘅一人前❤️

剛巧到新世紀看電影，之前來一個午餐先！見到這店午餐有很多選擇呀，我們就決定一試，可惜的是店員在我們進店前已經通知我們石燒午市定食已經賣晒，那我們再看看餐牌決定進店一試。我哋選咗兩個午餐燒牛舌丼定食燒豚肉丼定食～而且兩個是定食所以還包括前菜、沙律、湯😉都好豐富，最重要係味道不錯，燒得啱啱好唔會好韌，而店內環境好有日本feel 好似去咗日本咁，而服務態度也不錯，唯獨是最後負責簽賬後收據給顧客的男店員就比較差少少，完全冇講多謝冇出聲就直接遞收據就離開咗😅

呢間喺MOKO入面既日本料理裝修充滿和風 仲有鐵板燒吧枱添😍今次晏就黎到 估唔到lunch set都好多選擇🤤有和食,魚生之外 仲有石燒同燒肉既options😍——————午市定食包左中華沙律, 油醋沙律同味噌湯做前菜 味道清新又開胃☺️——————🍱特上刺身定食 (5款) ($158)款款魚生都好新鮮😍 尤其係油甘魚 味道超香!帶子用檸檬片分隔 微微既檸味令帶子鮮甜既味道多一點層次😋🍱銀鱈魚西京燒定食 ($188)銀鱈魚又係一樣我極愛既日本菜式💕魚肉燒至金黃 滿滿魚油香 口感嫩滑又有彈性而且份量好足😍 超推薦🥰——————整體性價比同質素高👍🏻下次再嚟一定會試埋佢地既燒肉🤤

朋友話丸十既和牛好食，所以就跟隨大家來食下先作為牛迷的的我，就要食和牛肉眼先，280元有150g，就俾我享受一次啦！好緊張💗Oh 真係堅靚呀，肉色超靚，而且雪花脂肪勁平均，未燒都覺得正。少少黑椒，相信可帶岀肉味。燒啦，沙一聲，好香。好正，好正，伴碟有wasabi 同甜燒汁，兩個都同肉地好夾。入口甘香的牛，真係成個口都滿滿牛肉甜甘香，而且無羶味，人間天堂另外呢度既玉子燒都係名物，叫個魚曼魚先。好滑既玉子燒，配上魚曼魚汁，絕配喲呢個68元，抵食。

果日lunch time 老細話要做review，佢話想試吓呢間就叫我Book。聽到佢話請我食日本嘢，都知有好事發生！好彩我地有book位，因為去到嘅時候門口已經企滿左人。黎到呢間餐廳，當然會畀石板燒吸引住。但我地係做review，食到一身燒肉味翻去都唔係咁好。於是，我地叫左一個西京燒、刺身定食。每個餐點都配左一碗飯，珍珠米配煮得軟儒嘅糙米，好飽肚😂😂 我好鐘意個西京燒，鱈魚肉質嫩滑，唔會太重醬酒味😇呢個西京燒真係食到我停唔到口，唔使送飯都好味。至於佢個魚生，我個lead話都算新鮮，佢特別鍾意食油甘魚，話非常鮮甜！下一次黎可以試下佢地嘅魚籽飯，睇佢地Sticker，魚籽多到滿瀉，睇到流口水🤤🤤🤤

新戲散場後又到晚飯時間，隨心找了這商場的一間日本菜，有驚喜！選這款期間限定日出富士丼，半熟蛋慢燒西冷片，這個一上枱就已經很吸睛， 富士山頂端用了半熟玉子仿照日出， 一片又一片的西冷形狀像山形，刺穿頂部的玉子如雪崩。中間丼飯的米飯好好吃，有彈性而且煙韌。一客丸十壽司盛已經有齊油甘魚、牡丹蝦、拖羅、帶子及海膽。當中以拖羅及海膽最正，拖羅肥美，油脂分佈平均。海膽則充滿海水鮮味而且不腥。 壽司飯亦都很好味。加上金箔的油甘魚份外高貴，加上油脂比例恰當。入口有小小溶化的感覺。海洋之盒就是串燒大蝦、生蠔、鯖魚、活鰻及帆立貝。當中以鰻魚及鯖魚最好吃，前者鮮嫩後者很香口。這裡的串燒不會過油或過鹹，而且保持食材應有的濕度值得一讚。丸十草莓芭菲固然有草莓、更有拖肥、馬卡龍、百力滋點綴。層次分明，更混合了鮮草莓雪糕及忌廉。入口確實不會太甜，如友當然喜歡。最後來一杯充滿東瀛風情的富士山梳打完結。

今日平日難得放假，唔想浪費左假期。一個人去搵好野食，我選擇左旺角新世紀依間「丸十あぶり牧場」。 Lunch set 都幾多選擇，性價比高！定食種類有火山石燒、刺身、和食。 餐廳環境十分寬敞，座位很多，但當日接近全場爆滿，有各階層既人光顧，主要是上班族、學生及一家大小，可見其受歡迎程度。 -🌟銀鱈魚西京燒定食一向很愛吃魚，特別是燒銀鱈魚🐟。這道菜是一道經典日式料理。燒好後的銀鱈魚表面略帶金黃，雪白魚肉十分滑身，要夾起它要考點筷子🥢功力😂。 輕輕一撥，魚肉及骨分離，肉質滑嫩；入口有香濃魚油香及淡淡白味噌的甘甜味，配上日本珍珠米一流。午市套餐還配有清新沙律、麵豉湯。 整體質素很高😙

「丸十あぶり牧場」是一間主打M9+澳洲全血和牛的日式燒肉專門店，特別引進MBS 達M9+ 最高級別的100%全血純種，比一般混種和牛更高質，原隻和牛直接由澳洲南部的農場將到港。門前的凍肉櫃，擺設了多個不同部位的和牛肉。但今晚不想吃燒肉，幸好除日式燒肉外，還有其他美食。《極上牛柳三文治 $158》烘底三文治夾著厚厚又肉汁豐富的香燒和牛牛柳，牛魔王至「丸十あぶり牧場」是一間主打M9+澳洲全血和牛的日式燒肉專門店，特別引進MBS 達M9+ 最高級別的100%全血純種，比一般混種和牛更高質，原隻和牛直接由澳洲南部的農場將到港。門前的凍肉櫃，擺設了多個不同部位的和牛肉。《燒牛舌丼 $118》牛舌薄身但不會又乾又韌，雖有嚼感但有肉汁，已調味，所以丼只加了味素和黃瓜絲提味，並沒有加上醬汁。《澳洲羊架(1件) $45》肉嫩有肉汁，味道不羶，除了牛肉，羊肉都不錯。《免治雞肉串 $28》這方面是雞肉串是沒有配上日本蛋的。雞肉混合雞軟骨碎，美味並有咬口。《自家製鰻魚玉子燒 $68》玉子厚身不鬆散，中間包卷著香甜的鰻魚肉，再加上鰻魚汁很不錯。《炸軟殼蟹卷 $118》份量多，炸軟殼蟹大隻有肉，即焗香脆可口，配上

我哋一行四人食午餐，玩社交平台遊戲每位仲送一個小食。首先要讚下侍應嘅服務，佢好細心幫我地換免費小食，仲要詳細講解食物嘅特點，又會主動幫我哋添茶。服務殷勤，值得一讚。我哋今次食咗好多嘢，我重點推介三款食物：1️⃣丸十壽司盛 （$268）每一件魚生都好好味，夠鮮甜，高質，重拾喺日本食壽司嘅感覺。2️⃣田園盒子 （$98）值得一讚嘅係，燒完之後，仍然能夠保持着食物本身嘅水份，唔會太乾，好好味。3️⃣鱈魚片 （免費）食落有驚喜，好好味，脆脆的薄片，帶着獨特的香氣，點些沙律醬，好開胃，有種食好多都唔會飽嘅感覺。極上牛柳三文治 （$158）味道幾好，外層係烘脆了嘅多士，入面嘅A4和牛好嫩，好易咬開，沙律醬嘅味道佔據整個口腔。略嫌一點，沙律醬嘅味蓋過咗和牛嘅味道，品嚐不到整道菜嘅靈魂。三文魚籽爆丼（特價$168）我最鍾意三文魚籽喺口度爆開嘅感覺，所以叫咗呢個澎湃嘅三文魚籽飯。飯同三文魚籽係分開上嘅，三文魚籽嘅份量同飯嘅份量相若，不過略嫌三文魚籽偏鹹，遮蓋左本身嘅味道。整體來講都好抵食，因為魚籽份量真係好多。自家製明太子玉子燒 （$58）大大份幾抵食雞之盛宴 （$98）免費小食整體食物質素很高，絕對會再幫襯！

之前2年係朗豪坊食過丸十,印象好好,記得牛肉係最好食今日去一田買野,就近近地去丸十分店丸十あぶり牧場分別在丸十あぶり牧場有燒肉食,燒肉係門口已經覺得好香好吸引不過因為妹妹想食魚生,所以最後無選擇燒肉,唯有下次先試,小食先黎一份必點既牛柳三文治,牛柳2邊煎熟鎖住肉汁再夾係麵包中間加少少沙律醬,簡直係絶配,牛肉又軟熟又多汁,好味到不行因為無食叫燒肉,唯有點一份和牛烏冬開心一下有2大片牛肉,肉色好細潤,湯底自己加上去,不過影相影太耐,所以牛肉仲好生,可以叫侍應幫手加熱牛肉妹妹的北海道魚生丼,望到都流口水,有海膽,牡丹蝦,拖羅,帶子..好多款,樣樣都新鮮,不過飯就比較少

在家煮飯多天，有點抗疫疲勞，想食下燒肉，緊係要食有質素的和牛，在Moko的丸十，裝修風格帶濃厚的日本氣氛，感覺有如置身日本。店家主推燒肉，除了用來自澳洲的純種和牛，還有宮崎和牛，品質有保證。食物也多元化，有串燒、刺身等日本料理。自家制檸檬汁很特別。極上和牛一頭之盛合($580)牧場精選9個部位: 紐約客、肩胛小排、牛小排、橫隔膜、上頸肉、牛腰脊、牛板腱、牛翼板肉、牛舌，整隻牛各個部份都食得到！不同部位有不同口感，當中的牛翼板肉肉質鮮嫩，striploin油脂豐富，牛腰脊肉是稀有部分，質地稔身軟熟，整個盛合牛味濃厚，牛魔王一定唔可以錯過。燒完肉就燒海鮮，汁燒日本火箭魷魚($88)，好大條魷魚，燒一下就香氣四溢，口感彈牙，非常新鮮。生菜醬料盤($48)，生菜、紅毛菜、蒜頭、泡菜、醬汁，吃燒肉配這個，有點韓式的感覺。

葵芳分店經常去， 旺角這家體驗確有不同，環境氣氛都有思鄕情懷， Bar 枱位很想飲杯𣈱快一下 餓到食左成隻牛就成日講， 真係成就今次試下，是次點了一盤和牛拼盤極試一頭和牛壞拼盤$580 和牛板腱： 有牛味，肉質彈牙和牛橫膈膜：以為好彈牙， 肉質軟棉棉 和牛小排： 是我烤肉最最我位置， 這次都沒失望， 牛味出眾， 油脂豐富， 口感細嫩軟滑下肩胛肉：跟牛小排味差不多， 肉比較有肉感牛翼板肉： 有牛味， 不錯 和牛紐約客： 名字陌生又神祕，期待， 牛味出眾好吃，更可能比牛小排更喜歡和牛腰脊肉： 不錯上頸肉： 不錯 和牛舌： 很好吃，這部位可烤久一點， 有焦香， 外脆內嫰，BAR 枱正好見師父處理一整條牛舌，好想親吻一整條， 下次吧和牛整體ok, 對得住價位牛舌， 吻下來吧+ 了$48 生菜醬料盤 菜解解油膩， 都新鮮， 泡菜Ok , 紅醬不太夾另叫了汁燒日本火箭魷魚$88魷魚新鮮， 細嫩，好好吃，大大條， 自己買都唔只$88 ，正離開時可了解下我如何食左成隻牛邊忽肉仲有手信買

自疫情後很久都無同朋友出去食飯，今晚就約了老友去食出名要排長龍的丸十，可能平日關係，竟然walk in都有位，真係好彩。先點了個燒和牛黑松露溫泉蛋沙律，但份量同主菜無差別，一大碗的沙律表面舖滿了和牛肉，和牛油脂較少反而肉質結實，味道略帶肉香，沙律菜爽脆還有蛋香及黑松靈香。之後就點了個串燒拼盤-雞之盛宴，雞全部都係雞...雞肉丸較腍；燒雞皮超脆；雞全翼燒得外皮香脆肉質嫩滑；雞胸軟骨有咬口，軟骨很易較開；雞腿肉嫩滑。最後要了燒牛舌丼，初時望落去同相都有些出入，唔夠爆丼，但紫菜下面有兩層的牛舌，差不多十塊，牛舌彈牙有咬口，非常好味，幾乎1/3都係牛舌，這碗丼真係好足料。甜品丸十草莓芭菲，雪糕軟滑帶點沙冰感，草莓帶微酸，刺激味蕾。

第二次來幫襯丸十壽司，質素仍然保持著，另外餐牌亦推出了新菜式，例如日出富士丼、海鮮の盒等，都想全部試試。丸十壽司盛🍣 （$268），包括五款當造壽司，有油甘魚、牡丹蝦、拖羅、帶子、海膽壽司，刺身肥美厚身，有入口即溶的口感，鮮甜得讓人回味。海洋の盒🦐（$148），盒中包括大蝦、鯖魚、活鰻、帆立貝、生蠔，用了秘製的醬汁去燒，但不掩蓋海鮮原有的鮮味。日出富士丼🗻（$188），是期間限定的，與以往認識的丼截然不同，形狀如日本盛名的富士山，頂端用了半熟玉子扮作日出，以一片片西冷逐層地砌出山形，刺穿玉子，如瀑布往下流，非常之吸引。西冷肥瘦均勻，口感嫩滑，配合已調味的蛋液份外 Juicy！富士山梳打（$48），清爽可口，不會太甜，配串燒、烤肉好夾。丸十草莓芭菲🍓（$79），賣相十分滿意，草莓、拖肥馬卡龍、百力支，都是充滿少女感，芭菲層次分明，混合了草莓雪糕、新鮮草莓和忌廉，忍不住一口接一口大啖食，最多第日再減肥吧！

這間位於MOKO的日本餐廳，主要以和牛燒肉及串燒為主，其次還有多款的日式小食、炸物及刺身等，還有二人及四人套餐，包括了多款的食物，可以試多幾款。燒和牛黑松露溫泉蛋沙律沙律份量很多，黑松靈香味突出，拌入溫泉蛋令沙律醬汁更有層次，和牛肉約七成熟，肉質較有咬口，整體很清新。明太子玉子燒玉子燒即叫即做，新鮮熱辣，中間咸中帶鮮的明太子，為玉子增添不少色彩。和牛小排以石燒板上枱，和牛切成4大件，色澤鮮明，油脂紋理清晰，以石板燒至兩面變焦香，再剪成小塊，略煎至自己嘉愛的熟度，中間還帶點粉色，入口有牛油脂香，肉味濃郁帶點咬口。丸十草莓芭菲本來想要抹茶，可惜已沽清，草莓雪糕酸酸甜甜十分解膩，還有些冰凍的草莓。