丸十あぶり牧場 (已結業)

上次試過呢度嘅晚市刺身和壽司定食，質素極好，今日難得中午過嚟就再幫襯食個午餐，今次就試吓熟食，見到火山石燒牛都幾吸引，四款黑安格斯不同部位嘅定食，其中「重量級黑安格斯西冷牛扒」（ $268 ）寫住限定數量，但我今日好彩仲有得叫，就即管試吓啦！一上枱果然係重量級，店員話有400 g，相當巨型厚切，火山石嘅熱力繼續將牛扒燒熟，渣渣聲，聽到都令人興奮，香味四溢，煎香一面之後，店員提醒夠鐘反轉另一面，然後再切條燒埋裏面。咬一口有好多肉汁，肉質鮮嫩，好好味呀！隨扒附送燒汁、小黃瓜絲和泡菜，而定食本身亦都有沙律、中華沙律、麵豉湯和白飯附送，所以相當豐富，食完真係勁飽！其實呢度仲有燒肉定食，如果下次再經過要試埋先得！估唔到佢仲有現成牛扒可外賣拎返屋企煎呢！

今晚唔想煮,所以出左黎食飯, 點知原來食飯中間掛左黑雨, 都唔係話唔黑仔, 好彩既係今次宜間餐廳無令我失望其實餐廳就主打日本野同燒肉,因為唔想食太飽就揀左前者. 睇完menu揀左4樣野咁豪華既三文治一睇就覺得好吸引, 一黎到緊係相機食先啦, 食落口多士口感好脆, 而再咬落去牛肉肉汁同油脂就出哂黎, 多士又吸返汁同油, 唔會太油膩而多士吸完味道反而更加正!牛舌飯係第二推介, 牛舌多到你唔信, 而且燒到好香口, 食完飯仲淨左幾舊可以慢慢食, Like!再黎就係海鮮串燒拼盤, 最最最推介你兩款燒魚, 完全唔會overcook, 啖啖肉. 蠔既味道太重就唔係好岩我, 但鐘意食蠔既朋友不坊一試最後就係主角壽司拼拼啦!, 未上相機已經準備等食,相機食完就到我食. 望落去真係超級靚, 睇倒都覺得味道唔會差, 食材真係好新鮮, 唔會好像出面有啲鋪頭係梅既口感, 而已鮮咪十足!重點大推 帶子壽司, 真係甜到不得了!!味道對得住價錢, 唔怪得黑雨都咁多人排隊幫襯, 大家仲唔快啲去試下XD

近日食對燒肉嘅渇求非常強烈, 所以約朋友到丸十小聚一下丸十於全港有三家分店, 但各有特色, 今次來到以牧埸做主題嘅MOKO店, 主打燒和牛!唔食燒肉嘅都唔需要擔心, 餐廳仲有好多日式菜式, 實岩心水。一坐低我已經急不及待即睇燒肉Menu.對第一頁嘅『全隻牛』好有興趣 : 9款極上和牛盛但再向後頁揭, 又被日本和牛盛深深吸引住 最後以貴精不貴多嘅理由後者勝出日本和牛盛之中3款牛, 餐牌中無註明塊數, 店員說大槪3塊分別有: 和牛紐約客, 和牛三角位, 和牛肉眼驟眼睇和牛顏色偏紅, 未至於全件粉紅色, 但脂肪分佈既細緻又均勻, 萬眾期待~開爐!和牛紐約客係3者款之中最薄最長, 好快燒起, 真係要睇火, 唔係會變柴GA!因為油脂分佈得均勻, 所以全片都好似被油包住, 而實際比例係1比1, 有油脂香同時帶小小羶香和牛三角位, 係3者之中嘅邪惡之首, 因為比較厚身所以燒時較好控制。 可以用full of 油脂黎形容, 入口即溶而肉味較輕和牛肉眼, 肉眼嘅肉同脂肪分明, 而今次都唔例外。入口感覺同紐約客有多少分別, 除肉味更出, 更感覺到肉嘅質感睇落好快食真完? 但因為油脂都比較多嘅關係, 小食多

同事去過呢間丸十勁讚佢個刺身又抵又好食，於是今日剛好來旺角就嚟試吓個刺身定食。下午人唔算多，環境好舒服，除咗刺身定食，仲有和食、燒肉、火山石燒定食等，不過既然我一心諗住食刺身就刺身啦！午市嘅刺身定食都有四款，要食就梗係食個最靚嘅特上刺身定食（ $158 /五款），分別係三文魚、鯛魚、油金魚、帶子和吞拿魚，每款兩件，都幾厚切、色澤鮮明，非常新鮮。每份定食仲包括一份沙律、中華沙律和麵豉湯，仲有一碗飯，所以一定夠飽。

日本嘢真係食極都唔厭，今晚約了一位十年無見的舊同事食dinner, 大家都喜歡吃日本嘢，聽朋友介紹過丸十食物質素不錯，所以今晚就揀丸十啦!餐廳面積相當大，裝修簡單而富風格，坐位舒適寬敞，整齊乾淨，服務也很好。Menu選擇甚多，有沙律，刺身，壽司，串燒，和牛燒肉，揚物，天婦羅，丼，拉麵烏冬，單看圖片已覺相當吸引，真係樣樣都想食。極上豐洲刺身盛五點$350~有深海池魚，牡丹蝦，海膽，油甘魚和拖羅。油甘魚~ 口感柔軟細滑 ，肥而不腻，油脂豐腴 ，滿口魚油香氣。深海池魚~口感嫩滑，肉質爽口， 魚味鮮甜濃郁，好好味。牡丹蝦~肉質緊實肥美而富彈性，非常鮮甜美味。中拖羅~肉質肥美柔嫩， 油香四溢而又鮮甜無比， 入口即溶，好美味呀!海膽~ 質感細膩，口感豐腴，帶海水味的甘甜，入口即溶， 齒頰留香。丸十壽司盛(十貫)$268~有凡立貝，油甘魚，牡丹蝦，拖羅和海膽五款，其中四款刺身與“極上豐洲盛”相同。丸十以“精米”製成壽司飯，所以口感特別新鮮柔軟，醋和米飯的比例剛剛好，高質的刺身配上優質米飯，真是雙重享受。凡立貝~肥美嫩滑，鮮甜清新。牡丹蝦~ 爽彈鮮甜的牡丹蝦配上黑魚子更加鮮味中拖羅~入口即溶，魚味甘甜

丸十在新世紀廣場真係名店，中秋迎月的晚上，我哋去左食餐豪華晚餐，作為慶祝中秋節的活動。丸十和牛漢堡 128元餐牌上見到呢個漢堡餐好吸引，一於點一個試下先哇！好可愛的日系漢堡包，迷你圓圓的包，入面有好香的芝士，當然有至正的和牛漢堡啦！漢堡扒真係好滑，入口口感好棉而且有牛味，配上脆卜卜的薯角，和日系沙律，係好完美的餐極上鮪魚丼300元話明係中秋做節餐，一定要有大食大，所以就點了勁豪的刺身丼。來自長崎的呑拿魚刺身丼！四款刺身都勁正，鮮甜美味，真係非一般刺身丼。飯也不是只有白飯，而且加了芝麻的香飯。只係睇刺身的色澤，就明點解要300元一客！係值既

鍾意食牛嘅人有口福啦！呢間位於moko既日式和牛專賣店主打食「牛」，試問鍾意食牛嘅男朋友又點可以錯過呢～本身入嚟想食燒肉，不過價錢個人覺得比較昂貴，所以最後咪叫咗其他食物極上牛柳三文治🥪雖然係食晚餐，不過呢份三文治實在太吸引，忍唔住要叫黎試吓！上枱個賣相真係好吸引，只係外層輕輕煎一煎熟，內裏嘅粉紅色睇得出好嫩身，食落好口感當然好細嫩，而且牛味好香，配上多士呢份牛柳三文治真係超級滿足🤤🤤🤤燒牛舌丼份量都幾足料，成個丼被滿滿嘅牛舌包圍着，中意食牛既男朋友食得勁開心！比起牛柳三文治，個人覺得呢一份牛舌燒得冇咁好，因為牛舌以全熟狀態示人，因為係燒牛舌嘅關係，所以多咗一份焦香味💕 欠缺左份油脂感，如果可以整到啱啱好就更加完美啦丸十壽司盛，本身想叫自選壽司，不過因為有某幾款已經賣晒，最後咪揀咗呢一款丸十壽司盛，雖然唔係自選，不過呢份壽司真係超抵食！淨係食佢哋既海膽，帶子同拖羅已經值回票價啦！壽司真係好新鮮，特別係海膽完全冇腥味，帶子超大隻而且食落好有鮮味，拖羅未至於食落有入口即溶嘅感覺，不過口感都唔錯，其實食到呢一刻已經開始飽飽地啦！自從搬咗出嚟之後就變得少出去食嘢，今日難得出嚟食到一餐咁滿足又好

星期六食晏，見唔使排隊又係日本菜，就入去試下。眼見成間餐廳地方闊落，但二人位就因疫情加板。明明有至少5-6張二人枱，侍應都要帶位去左右兩邊都有客嘅位。問佢哋坐嗰邊得唔得？女侍應明顯不滿態度好差咁話「唔係唔得，你預咗有人坐囉！」。食物普普通通，所謂嘅招牌菜和牛黑松露溫泉蛋沙律，和牛又乾又硬，全冇黑松露味道。侍應放低就走開，食沙律要人用筷子食。我哋一杯水一杯茶，侍應行過只斟茶唔斟水。不求貴賓招待，只望以禮待客，一啲都唔覺呢間係日本餐廳。再幫襯？不了。

如果想係旺角搵間好食既日本餐廳，超級推薦呢間係MOKO既丸十牧場😻呢度既lunch set大概百幾蚊一份，但質素真係好高🤩餐廳裝修得幾有feel，木色配搭，感覺高級得黎又溫馨我揀左燒和牛丼配溫泉玉子定食$148，有齊沙律前菜味噌湯🥣沙律菜好新鮮，好開胃！講番個飯先，和牛雖然未到好多雪花果款，但肉質好軟熟而且牛味濃厚🤤個邊位仲微微燒焦令香味層次更多！加上濕潤既溫泉蛋真係好好食呀😋😋除左呢個，其實石頭燒都好似好正，下次試下先

和友人約了在新世記廣場吃dinner, 大家都想食日本嘢，於是揀左丸十，聽講呢間餐廳食物質素頗高，一試無妨。餐廳以木為主調，設有吧枱位，卡位和散坐，地方寬敞舒適，令人心情放鬆。極上豐洲刺身成五點$350~有油甘魚 ，深海池魚，牡丹蝦， 海膽和中拖羅。油甘魚油脂豐富，牡丹蝦爽脆鮮甜，深海池魚口感嫩滑，海膽甘甜，中拖羅魚味濃郁，入口即溶，好好味啊!丸十壽司盛(10貫)$268~由五款壽司組成：帶子肉質爽彈鮮甜，油甘魚魚油豐富，牡丹蝦彈牙鮮甜，海膽海水味濃郁，鮮甜無比，拖羅非常鲜甜，好正。另外order左3串串燒雪花牛舌(2件)$38~爽滑鲜甜雞翼(2件)$42~外面皮金黄香脆，肉嫩滑，正!和牛肉串$48~外面燒得焦脆，有咬口，牛味濃。和牛烏冬(肉眼)$148~有2件好大片的和牛，肉質鮮嫩，牛味香濃，烏冬彈牙爽口，非常美味。

旺角新世紀有一間日本菜餐廳，日本名，連我自己本人都不會讀「 丸十あぶり牧場」，餐廳很有日式風味，裝修以日本風格木係設計，甚有特色。午市餐牌選擇多多，朋友喜歡吃牛，我就喜歡吃刺身飯，一於選擇兩款不同的食品開心share 。重量級黑安格斯西冷牛扒$268這個肉口感非常軟腍，牛味頗香，而且有適當的調味提升整體口味，旁邊還有一些比較fusion的韓國泡菜作為漬物小吃，配上白飯，已經是一餐非常豐富的lunch。香蔥鮪魚蓉海膽丼定食$138 雖然佢但不是當做季節，還是有一個海膽心癮，吃到海膽已經很好了！裏面的香蔥鮪魚蓉可以說得上是非常鮮味，配搭丼飯非常夾，吃起來也不會覺得dry，比例剛好。餐牌後頁還有天婦羅等等炸物選擇，下次再到訪時可以一試，價錢很高性價比。

服務態度其差。一入門口，帶位嗰個黑口黑面。入到去落單， 有個服務員好有型咁企喺你隔離，唔出聲，唔講嘢。叫佢過黎落單，無回應，只舉手示意叫我講嘢。零交流。 唔知想點。

位於旺角新世紀廣場的「丸十あぶり牧場」，係一間主打日式燒肉及日本菜的餐廳，店內裝潢充滿日本風味中午時段設有午市套餐，和食、燒肉、刺身或火山石燒等等日式定食種類繁多，任君選擇午市套餐均會配有味噌湯、前菜及沙律🥗蔬菜碧綠爽脆，好新鮮又健康銀鱈魚西京燒定食即叫即燒，製作需時25分鐘。有兩塊銀鱈魚，連魚皮一齊燒香，魚油充分滲透進魚肉裡，好鮮甜！銀鱈魚口感亦好鮮嫩多汁呢！配上粒粒分明且有米香的日本珍珠米，簡直係絕配

疫情關係好久沒有去日本了，支持下香港的日本餐廳好耐冇去新世紀廣場行街，原來商場早已改頭換面，而且進駐了不少新餐廳，今日我們選擇了這間"丸十あぶり牧場 '"，從網上資料得知餐廳會在各種和牛的源頭著手，直接與不同地方的牧場將原隻和牛直送到港，提供高品質、多樣性而且價錢親民的和牛燒肉料理給香港食客。除了燒肉料理外，還有牧場直送的日本南部雞、從豊洲水產市場直送的海鮮等。看看餐牌，選擇多樣。自家製鰻魚玉子燒 $68玉子燒鬆軟滑溜富蛋香，配上汁香味濃的鰻魚，十分夾。炸軟殼蟹卷 $118卷物也是餐廳招牌，這個炸軟殼蟹卷不能錯過，好有睇頭，做得精緻，口感味道十分豐富。極上牛柳三文治 $158這個不能不點的特色和牛三文治，和牛柳色澤粉嫩紅潤夾在金黃多士中間，十分吸引，一定要襯熱食，牛味香濃。澳洲羊架(1件) $45沒想到專門食牛的店也有羊架食，好奇之下一試，很有驚喜呢，汁潤肥美帶點羶味，十分喜歡，配上薄荷醬味道更突出。燒牛舌丼 $118看到相中鋪滿丼面的牛舌十分吸引，牛舌大大片簿切，牛味香濃有咬口。丸十草莓芭菲 $78還是忍不住要點個甜品，選了這個草莓芭菲，有粒粒鮮草莓，配上草莓雪糕，甜度適中，今天十分

第2次嚟食丸十 仍然係咁精彩😋◾丸十壽司盛共有5款 各兩件 可以話係每一款都好高質 好鮮甜 好好味 絕對係新鮮嘅刺身◽極上牛柳三文治三文治塗上牛油 效果更香 而牛油本同牛柳係perfect match 一啲違和感都無 而且牛味仲好濃郁突出 肉質亦夠嫩夠稔◾雞之嚮宴(雞翼/雞腿肉/雞胸肉/雞胸軟骨/雞皮) 平時唔太鐘意食串燒嘅我 都覺得好正 燒完一啲都唔乾 保持到雞肉嘅嫩滑 呢個效果絕對要讚◽明太子玉子燒又係要讚 蛋燒得唔老 亦夠香 雖然明太子本身較濃味 但亦無搶到最原始嘅蛋香 好夾