串Grill 自助燒烤專門店 (譽發廣場) (已結業)

黎到譽發廣場7樓既串Grill 自助燒烤專門店食串燒餐廳係正地鐵附近，好方便。不過除左飲品之外，其實都唔係好自助既。所有串燒都係只需要用QR code 落單，就有店員拎俾你而每枱就有傳說中既自動轉自動燒既烤爐。重有成幾樽調味料同醬汁，「有味」濕紙巾同埋紙巾提供。見過其他食客既食評，所以詢問左店員拎左佢地既燒烤時間表參考。不過冇計時器提供，記得要自己睇實個電話啦！Menu 方面，除左啤酒要再加錢之外，其他所有野都包晒。雞肉，豬肉，牛肉就一定唔少得，海鮮有多春魚，鯖魚，蜆肉等；蔬菜有菇，番茄，毛茄； 甜點就係菠蘿，棉花糖同雞蛋仔。可以叫生菜，好似食韓燒咁，包住肉黎食就冇咁滯！餐廳通風系統ok，食完唔覺得自己好大陣味。同埋自動燒烤爐真係好正，輕鬆好多，好快就食左好多野，感覺回左本lu。推薦食物有：和牛串，雞肉卷串，菠蘿串，冬菇串。飲品有豆漿，凍檸茶，汽水等。冇諗到最新口味既可樂都有。P.S. 最後每人會有一杯haagen dazs 雪糕

今日同朋友想BBQ但又唔想熱，所以搵到呢間串Grill自助專門店，上到去餐廳乾淨企理，有獨立抽氣扇，仲貼好地有風扇仔tim，岩哂唔想出汗又想BBQ嘅我地。一埋位已經好細心店員有一盤基本嘅串燒串定，乜都有啲，例如牛肉，墨魚丸，腸，翠玉瓜等等，唔洗浪費左一開始嘅時間點餐，點餐係用QR code，方便快捷，基本上點餐後5分鐘就有。之後點嘅串燒全部都串定，唔洗自己再串，唔洗怕整污糟隻手。燒烤啲串燒上面，每一串都有個齒輪，放落去佢有齒輪嘅燒烤爐上面，烤一陣就食得~桌上有幾款醬俾我地自己加，而且有4款調味粉俾我地係燒緊嘅時候加料~例如孜然粉，海鹽，辣粉等等，想整咩味道自己選擇~最後仲有Haagen Dazs雪糕做甜品，今次BBQ真係好滿足。

未食過呢類型餐廳, 9月尾同朋友一行6人好耐冇聚會, 咁啱搵到呢間, 點知中伏環境:全場都係卡位, 每台一個爐, 無論你2、4、6 個人去食都係一個爐、放13串, 而且個爐勁慢, 最基本廚師腸你預燒十分鐘先有得食. 加上現場環境冷氣嚴重不足, 食一陣已經出哂汗成件衫濕哂又冇哂胃口。侍應表示當晚壞冷氣, 但後來睇返食評佢幾個月前甚至一年前已經同客講壞冷氣, 根本係中央冷氣唔夠冇得搞。 現場中間有1 部大型冷風機吹兩邊客人, 機上面放左個沙漏, 每5分鐘員工要手動轉方向, 令左右2 邊客人都可以輪流吹, 真係不得了, 過左5分鐘冇轉要同佢理論先有冷風吹😂食物:一般, 全部raw 上冇醃冇調味, 枱面上放左幾種調味粉俾你自己搞。一串肉得4,5粒, 一班人想人人有得食就要自己手動將2串串埋一串, 每次燒完一串都係一兩個人有得食, 一係就一條廚師腸自己cut 6份😂😂；落枱同order 數量極大出入, 追單又話係驚你食唔哂所以出少d, 未食哂又唔俾再落單, 但其實我地未食完d 肉, 有朋友想食菠蘿、棉花糖都唔可以叫，同時侍應問我地d 肉係咪食唔哂, 食唔哂佢可以收走, 咁就可以落新單。(黑人問號

之前淨係食過舊分店，朋友話呢間新分店大啲、啲位舒服啲所以放咗工就過嚟食串燒放題！呢度係用電話掃QR code 之後自行落單，咁樣就會減少唔記得咗入單嘅機會啦！食物選擇都幾多！滿足到海鮮愛好者、肉類愛好者、同埋素食人士嘅需要！一大班人嚟絕對可以滿足唔同朋友胃口！✨燒多春魚平時韓燒嘅話多春魚成日都癡晒底、多春魚拎出嚟嘅時候甩頭甩骨！或者出面真正嘅bbq又要自己吉啲多春魚，多數都失敗搞到成條魚甩皮甩骨！呢間串燒店嘅好處就可以令到多春魚均勻地受熱！而且呢度串燒係擺咗落去之後就會自轉，操作起嚟簡單又方便！✨牛舌牛味超級濃郁！不過記住要定時定候塗上餐廳自家製嘅醬汁，會令到牛舌更加入味！仲有時間要控制得好如果唔係就會令到口感變得太煙韌！✨燒菠蘿燒到啲天然嘅果糖出晒嚟！超正！✨紐西蘭西冷同埋美國牛肋腩都用料高質素！冇咩筋之餘仲好重牛肉味！嘢飲方面都好多選擇！Coke Zero 、豆漿，其他大路嘢都有！平時啲串燒店舖條續串咁叫計住計住幾多錢唔過癮😂😂最抵讚就係呢間餐廳肉類選擇都算多😋😋埋單嘅時候職員仲送咗兩杯Häagen-Dazs雪糕做甜品！口味選擇都好多分別有曲奇、咖啡、raspberry 等等！同埋

侍應態度勁差，惡劣，負評。 呢樣無果樣無。食到尾段會好多都無曬貨，一次要逼人點夠十串先好落單，但選擇勁少，咩都無點點夠十串。肉一般，嘢食一般，環境一般，唔會再有下次。

很少光顧串燒店，因為要吃得飽，通常都要點很多碟，花費比較高，低CP值。但串Grill自助燒烤店是任食之餘，更有自動燒烤串燒機，燒得均勻，又省時，所以決定來試試。店舖地點好方便，近油麻地地鐵站。譽發大廈就在SUKIYAすき家隔離，7樓全層。食物質素：整體食物質素好，特別是肉類，沒有筋位。👩‍💼服務：很有禮，為令食物不會擺放過久，員工每之最多放兩盤串燒。若點多了，他們會按你的進食進度逐一上枱。💰價錢：2小時絕對有足夠時間吃飽！以成人約2百多元的自助餐，絕對值得。燒烤店L字型，兩邊是落地玻璃很有空間感。每台都是卡座，所以很舒適。當日是平日6時，吃了兩小時，離場8時，所以成人每位$248另收加一。未用餐前，店員細心介紹如何運作自動串燒機，還提醒糕及丸類食物遇熱會發腫，所以要隔開一點，否則會阻礙轉動。吃自助餐最怕“蝕抵”但他們很細心，未點餐前已放好一盤串燒，讓你不會浪費時間，點餐時已開始燒串燒了。生的串燒放在這木盤上，應該是我們2人進食，所以每次最多只有兩盤。若店員見兩盤的串燒都吃得差不多，他們會整合成一盤，再上已點好的燒串。👍自動串燒燒烤機除了方便外，更可以均勻煮熟食物。食物也切得細份，不會容

邊個話落大雨就唔可以燒烤🤣天氣係阻止唔到吃貨嘅為食決心架🤣嚟呢間💛店食個#allyoucaneat 串串放題(平日晚市成人$248＋10％)！歎住冷氣室內慢慢燒！落雨又有乜好怕喎😜😜. 用QrCode落單方便又唔怕尷尬要向店員order咁多(每次可叫滿三層層架嘅串燒😂) 基本上一叫食物就好快送到上枱！唔會餓親！而且只需要將串燒放上烤架！就會自動轉轉轉燒烤好串串！名符其實嘅『蹺埋雙手等食』啱哂懶人如Be🤫🤫. 食物方面都幾多選擇🍖🦑🍍🍡有成40＋款式可以揀！齊集肉類, 海鮮, 蔬菜, 甜食…由於食材無預先醃製…所以可用枱上嘅燒烤醬＆調味料自行整色整水😛😛當中Be最鍾意嘅有✨M6和牛牛柳✨肉質軟腍有肉味、✨雞軟骨✨香脆有咬口、✨日本甜薯✨甜美重薯味、✨雞皮✨夠哂邪惡、✨台灣腸✨係正宗滋味、✨多春魚✨肥美唔腥、✨雞腎✨爽脆有嚼勁、✨菠蘿✨鮮甜解油膩、✨棉花糖✨拉絲過足癮……另外當然唔少得自助飲品櫃任飲🥤🧃最後食飽飽仲可以每人點一杯哈根大師作結添！(記得烤定熱辣雞蛋仔配埋一齊食更好味😋)

之前喺煙廠街嗰度食過一次，已經食過返尋味，近排佢開咗分店，一定要去支持！呢間新鋪咗落喺旺角彌敦道，油麻地地鐵站行過去都只係需要3分鐘都唔使，非常之近！上到去已經感覺到好涼快，唔驚食食吓會覺得好熱，同埋因為好闊落，就算三個人坐埋同一邊都唔覺得窄。一坐低都未點嘢食，已經拎定一半雜錦串燒過嚟，非常好服務，可以一路食一路再叫第二轉，嘢飲係自助，款式多。要食款式好似多過煙廠街嗰邊，牛最值得食嘅係美國牛肋腩，佢比較肥同香，如果唔鍾意食肥，可以選擇食M6和牛牛柳，豬方面我推介豬柳漢堡腸，雖然鹹鹹地，但燒完食落好香，同埋一定要食貢丸！！佢嘅貢丸係有香菇，燒完係好香，外面好脆推介多一樣就係燒賣，燒完嘅燒賣再落少少椒鹽，食落極似炸燒賣！！點可以唔試推介食Happy Hour係最抵嘅,一個都係208加一，我會推介呢一間多個煙廠街。

見到fb有廣告推介特登過黎食 睇埋youtube好似好正咁 但上到去係另一回事！首先環境令人好失望 非常非常非常之熱！食串燒有乜可能冇冷氣 檯上面放風扇仔 一路燒一路吹哂d熱氣過黎 仲有風機係到吹熱上加熱 我見6月有個食評都係話好熱 即係個問題已經3個月冇處理過 到底有冇考慮過顧客感受！ 第二食物好普通肉食好大陣雪藏味 最普通既菠蘿係生到都照俾我哋燒 又硬又酸 連埋加一差唔多300元一位真的唔值得 第三 服務態度好差食食下d調味粉用得七七八八 叫個侍應幫忙添加 個侍應添加粉之外仲添加不耐煩既眼神 掛住圍住吹水舉手叫人又扮睇唔到 好失望！

餐廳嘅卡位坐落寬闊舒適，一入座員工就即刻為我哋講解點樣燒同埋介紹各式各樣嘅調味，第一輪嘅串燒餐廳已經為我哋準備好，大部份係丸類，開始試燒啦可以🤤成個過程完全係全自動，將串燒放上轉動嘅齒輪上，慢慢等待佢燒好就okay啦，啱晒我呢啲懶人🐷燒到七八成熟嘅時候可以搽上燒汁，燒多陣之後就可以加自己鍾意嘅調味粉，有串grill辣粉、孜然粉、鹽同埋味椒鹽揀，亦都可以喺燒完之後蘸上泰式魚露或者柚子醬，有好多選擇😚比較容易乾嘅蔬菜類我就鍾意加燒汁，肉類方面加串grill辣粉同鹽就已經好好食，點柚子醬都幾解膩，魚嘅話就點泰式魚露好夾😋原本以為丸類會好普通，點知食落有幾款都好食，豬肉丸、墨魚丸、魚肉年糕都有再encore👍牛嘅話有得揀M6和牛牛柳😍仲有牛舌都要試下，但係要小心燒到過熟🤣特別鐘意雞串燒，就算火喉掌握得吾太好都依然好好食❤️雞腎好大舊好厚，新鮮，質感爽口單骨雞翼好快熟，外皮燒到微脆，好味大大粒嘅雞軟骨，惹味又有咬口雞卷肉燒完仲保留到肉汁，吾錯🤤海鮮類鍾意鯖魚同秋刀魚，輕輕用鹽燒，然後點上泰式魚露，好味又開胃菜類我哋叫咗好多串菠蘿同車厘茄，菠蘿香甜多汁，車厘茄清新又解膩，另外細細粒嘅日本甜薯都好好食

見朋友食過，自轉燒烤，幾好玩，即book，今日約埋幾位老友去食午餐，13:30 到，環境唔錯，，舒服，小插曲， 被安排座13號枱個冷氣吹到正，要求換一張唔好吹得咁應，利申，仲有大把枱，經爭取後，最終座後一張枱，但侍應唔太願意，我亦都唔理會點嘢食，平心而論，食品質素，飲品，調味料，餐具，環境都係正常，大路嘢都點晒，味道自由發揮（因係要自己加調味料），叫咗一次雞翼一隻試吓（係一次），再叫竟然話賣晒，我都呆一呆，雞翼咁大路都賣晒，唔信，再問侍應，有無雞翼，點知她答我竟然係師傅串唔切，吓！吓！吓！串燒店無雞翼串？仲要話串唔切，有無搞錯，再睇吓想再叫菠蘿，又係賣晒？ 講真，得嗰幾枱客，都做得咁hea ! 超失望

紅日幾日又係時候諗下節目 夜晚去睇戲，所以又要諗下lunch食乜好。。。上網睇左好多，又想食d特別小小既所以最後去klook訂左位去食訂好13:30, 12點幾打比我confirm order. 去到可能仲早無乜人，兩個人坐 卡位 舒服，冷氣又夠不過間鋪得兩個後生仔女侍應，雖然係咁上菜服務都好快所有嘢都係scan QR code落單都幾方便快捷，第一次食呢啲串燒喺度碌吓碌下都幾得意 1:30食到3:00時間上都OK嘅，唔好睇一串咁細但食下食下原來都幾飽。。肉嗰啲都OK嘅，但啲甜甜品類就比較得意。樣樣都ok公眾假期人頭收費19x +1

餐廳環境衛生舒適，座位係沙發卡位，餐廳用咗新式嘅串燒方式，每枱都有一個「自轉」燒爐，唔洗睇火，只要按照餐廳指示嘅時間，燒一陣就食得，每枱仲放有兩個風扇仔，等客人涼住等食，十分貼心👍落單方式簡單方便，只要用手機掃上QR code就可以即時落單，串燒上枱速度好快，值得一贊👍食物種類多達40多款，幾新鮮，而且食物無預先調味，客人可按個人喜好落不同嘅調味粉（味椒鹽、辣粉、孜然粉），當食物約7-8成熟時，餐廳建議客人可以搽上自家制照燒汁，十分惹味😋飲品任拎，每人臨尾仲送一杯Häagen-Dazs雪糕，炎炎夏日都可以嘆住冷氣食串燒，倍感歡樂。下面係幾款想特別提及嘅食物🤪肉類可能無預先調味關係，不太入味，不過蔬菜類十分新鮮，有秋葵、車厘茄、日本甜薯、翠玉瓜等，當中嘅豆卜燒完香脆可口燒鯖魚新鮮而不腥，油脂分布均勻🤤.蜆肉細細粒，略帶鮮味.台灣腸外皮香脆，口感Q彈，具台灣風味雞中翼燒嘅時間岩岩好，食落金黃香脆，肉質嫩滑😍.燒菠蘿酸酸甜甜，燒完份外juicy，一解油膩感😋雞蛋仔無諗過細細粒雞蛋仔都有得燒，食落口感鬆軟，蛋香濃烈黑色墨魚丸爽滑彈牙，口感豐富.冬陰公魚塊食唔出有冬陰公味，味道似普通魚腐棉花糖不

🤎串Grill 自助燒烤專門店🤎喺Ig見過好多次，今次終於有機會行過呢頭食🤩 部串燒機會自動轉啲串燒，放咗啲串燒落部機上面就可以完全唔理，真係啱哂同朋友一路食住嘢一路傾計。枱面上有海鹽、孜然粉、辣粉同椒鹽，可以按照個人喜好調味，而醬料方面有魚露、燒汁同柚子醬。我自己就鐘意食肉嘅時候點柚子醬，感覺fresh啲冇咁肥膩，或者用生菜包肉食都感覺健康啲。嘢食方面選擇冇韓燒咁多，但勝在夠方便唔洗驚啲嘢食會燒燶。肉方面最推薦嘅係豬五花，燒到逼哂啲油出嚟，再塗上燒汁燒多一陣，用生菜包住食好有韓燒嘅感覺。牛肋腩都好唔錯，最啱喺上面瘋狂灑孜然粉同辣粉，燒完都唔會韌。仲有雞翼、墨魚咀、多春魚都超適合用來做串燒。肉以外嘅選擇都好多，蔬菜方面幾乎所有嘢燒出嚟都好食，我最鍾意翠玉瓜、菠蘿、日本甜薯同車厘茄，尤其係車厘茄同菠蘿，燒完之後仲係超多汁，仲可以解下油膩添！飲品方面嘅選擇都幾多，有各式各樣嘅汽水、烏龍茶、涼茶，最欣賞嘅係有支裝嘅黑豆漿，食完之後仲有Häagen-Dazs雪糕一杯！為呢一餐畫上完美嘅句號。店員嘅服務極好，講解非常詳盡，一開始怕我地喺點餐之前會肚餓，所以預先送一盤嘢食俾我哋食住先。一開始會覺得

之前去過幾次廣華街想walk-in食，但都係話無訂位就full booking食唔到，今日咁岩有客甩底所以walk-in都食到，原本滿心歡喜以為好好食所以先經常full booking 點知係惡夢既開始。 鋪頭近乎無冷氣,邊燒邊食真心熱到出汗,估計有40℃或以上,可能係佢個爐太高溫令到開左冷氣等如無開一樣,所以佢每張枱都有把風扇仔,但吹既都係熱風仲熱過係條街囉😅😅 收$300/位但俾既質素只值$200/位,d牛肉無醃過一d味都無要不停加孜然粉個調味粉,d西冷又瘦烘兩下就已經變煲湯瘦肉,牛肋條有d肥係會好d。豬雞肉都係瘦肉黎🙊🙊🙊，海鮮得急凍蜆仔肉 墨魚咀 多春魚 鯖魚 最多選擇就係丸類。如果你食過牛角任食就真係返唔到轉頭。 收幾百蚊都算喇,我叫菠蘿都唔俾我食😡😡😡一開始我哋唔知佢係計人頭數,我地2個人食就只係俾2串我地,我地點10 8串都係黎得2串，所以係機顯示我地點左42串但黎得只有10串到，佢就黎last order咁我哋就叫佢俾多4串啦，佢居然答我廚房話怕你哋食唔晒所以俾得2串我地，加埋隱約聽到d員工話 (嘩,佢地食左42串菠蘿)呢下真係嬲,我地成