串Grill 自助燒烤專門店 (譽發廣場) (已結業)

話說呢排夏天，朋友表示想BBQ但係天氣實左太熱又成日落雨，我就上網搵左間既得意又好玩既自動燒既餐廳，餐廳係旺角有二間分店，而今次我就去左近油麻地嘅譽發廣場☺️我地提前一日book都book到👍🏻果日大概五點半到餐廳，餐廳都有幾檯客人食緊☺️鋪頭大概都有14張枱，好多卡位所以坐得好舒服，而且冇乜油煙味👍🏻呢點值得一贊，而且一個價錢任飲任食😛抵呀 當我地坐低後，職員就會講解一下個自動燒烤爐點用職員都講解得好詳細同好nice，同埋分別介紹6種唔同既調味料，而且每次落單都係用電話👍🏻既方便又環保，每次落單都係大概2分鐘食物就已經到👍🏻勁有效率，如果大家燒到熱餐廳都仲有私人風扇提供😂服務真係一而食物方面，食物種類都好多，M6和牛牛柳/牛舌/雞軟骨/雞皮/多春魚/節瓜/甜蕃薯/棉花糖/雞蛋仔都好好食，等佢6成熟再加上醬汁和調味料調味真係超級好味，如果覺得口渴既話餐廳中間有個雪櫃，客人可以隨意拎飲品，飲品款式都多，包你有一樣岩飲😋食左大概4-5轉，肚開始飽😂最後仲有雪糕可以食👍🏻👍🏻👍🏻真係超抵食👍🏻👍🏻👍🏻👍🏻

我同男朋友都好鍾意食串燒，經常會出去食串燒，今次都係第一次用呢個自助形式去任食串燒。佢勝在有冷氣，地點方便！已入到黎坐低，用QR code 落單，佢好快就會上菜，等緊嘅時候亦都可以去拎嘢飲。一串串串燒卡落去部燒烤機度就會識得自己燒。枱面仲有好多唔同嘅調味料，有孜然粉、椒鹽、鹽、照燒醬、柚子醬。我最鍾意食佢嘅雞軟骨、和牛、豆卜、冬菇、五花腩、台灣腸。全部都燒到卜卜脆。五花腩落少少照燒醬，再燒到佢脆卜卜，真係好好食。豆卜就將佢燒到脹卜卜之後，再落椒鹽，都好好食！我覺得自己真係一個出色嘅廚師🤣🤣🤣最尾仲有Häagen-Dazs雪糕送！好滿足。

好Q差嘅dinner exp 1. Last order嘅野食係唔會比曬基本上睇廚師心情 佢覺得你食得曬先比 見你last order得多覺得你食唔曬就唔Q比2. 2人一枱同4人一枱個爐都係咁大個 仲要都係淨係比你食2個鐘 最緊要係佢個爐就烤得好Q慢3. 繼第二點就係因為佢個爐烤得好慢 我食完2個鐘都唔L飽我比人均300蚊結果係食唔飽4. Last order嘅野食佢唔比曬就算 淨係問佢要棉花糖仲講埋要幾多串 隔幾個字再問佢幾時到 結果佢同我講冇 原因係廚師覺得我哋食唔曬 係燥Q咗同佢講完先肯比你 唔L比就咪Q講話幾串一陣比啦5.最後杯雪糕 嗌4杯4杯都融Q咗嘅 問佢佢係話唔比換嘅**結論咪去食 嘢食已經唔係特別好食仲要受你氣係乜嘢玩法 第一次食嘢食到咁Q谷氣 以後有人請都唔Q去呢間

想試左呢間餐廳，但次次都好多人排隊，今日特登約早啲終於食到啦！呢到環境好好，全部都係卡位，仲可以望到出面嘅風景好細心咁每一個客人都會有一張濕紙巾職員係我哋坐低之後都係好細心咁樣介紹要點樣燒，有唔同嘅醬汁等等，呢度落單都係自助落單，好方便！仲有四款唔同嘅粉，任君選擇當然飲品都係任飲啦，仲要好多支裝飲品，有唔同嘅涼茶，啱晒燒嘢食熱氣飲呢度嘅M六和牛同埋肉眼都好出色，仲有期間限定嘅生菜，可以包住啲肉嚟食，令到味道更清新，牛嘅肉質鮮嫩，咬落去仲有啲肉汁，就算燒耐左都唔會好鞋呢度食物嘅種類都多，而且每一串嘅份量都唔會好多，可以試好多唔同嘅款式每次燒到八成熟嘅時候，就可以查啲燒汁上去啦，令到味道更豐富，呢度仲有柚子醬同埋魚露柚子醬好開胃食完咁多肉之後梗係要食甜品啦，燒棉花糖幾秒就搞掂，外脆內軟呢度特別嘅係有小雞蛋仔，2粒一串，可以燒或者唔燒都得，呢度每個客人食完之後都會送一個Häagen-Dazs雪糕，口味仲有好多唔同選擇。店員特別推介我哋可以將雞蛋仔溝雪糕食，冰火交融嘅感覺，令到雞蛋仔冇咁甜，又有另一番滋味今日好滿足，坐得舒服又食得開心，下次會再嚟！

朋友話最近試過呢間串Grill自助燒烤專門店覺得好正，事隔一星期佢已經想再去，所以今日就約埋我去一齊食返餐。入面環境非常寬敞，而且佢嘅抽風做得好好，所以食起上嚟感覺好舒適。呢度食足兩小時，唔同時段有唔同收費，其實整體埋單都唔算好貴。枱上已經放咗燒烤用嘅調味料，我就最鍾意椒鹽同孜然粉，另外仲有燒烤醬，燒到大概八成熟嘅時候就可以掃少少。飲品櫃係屬於自助形式，我最欣賞佢呢度嘅飲品唔單止有汽水，仲有好多鴻福堂系列嘅飲品，有菊花茶、豆漿等等，燒烤飲吓呢啲飲品始終感覺健康啲又冇咁熱氣。首先店員會奉上兩盤基本嘅燒烤串，每一款食物都已經串好並整齊排列，然後食客就可以透過QR code再自己落單。店員仲好細心咁講解落單同燒烤流程，建議將所有燒烤串放咗上燒烤爐上就可以再落單，並建議每次落大概20串左右，因為避免食物太長時間暴露於空氣之內，咁先可以確保食物新鮮，提示夠晒貼心。店員亦有細心講解點樣將每一串串燒放上燒烤爐，每一串串燒都用上專用燒烤串，透過齒輪嘅帶動令串燒會自轉，所以火力一定平均。最後仲每位會有一杯Häagen-Dazs雪糕，仲有唔同嘅口味我供選擇，食埋呢杯雪糕呢一餐真係好滿足！呢一餐我同朋友嘅戰

今晚想食串燒😋😋同朋友去左油麻地食串grill🍢自助燒烤專門店：任飲任食兩個鐘😍嘢飲有鴻福堂支裝飲品，感覺健康啲👍🏻店入面好新淨，環境好闊落～一坐底，店員好有耐心，好好禮貌咁介紹醬汁種類俾我地聽～好快就送左第一盤食物俾我地。全自動燒烤，唔使自己揸住，好方便～嘢食種類都好多，有肉類，海鮮類，蔬果類。連甜品都有😋我自己最鍾意燒墨魚咀，好Juicy，唔會好乾。燒菠蘿都係好正，又甜又多汁。但係我最推介嘅係燒棉花糖！超級開心見到呢度有得燒棉花糖～～好正！比起出邊傳統嘅BBQ更容易控制，棉花糖好快就外脆內流心🤤🤤超好味我自己一個人食咗好多串😆依家天氣咁熱，有得舒舒服服喺冷氣地方食串燒真係好正👏🏻任食任飲性價比高👍🏻

夏天都會想食BBQ，但實在鼓唔起勇氣去室外曬住咁燒，朋友推介呢間串燒店，可以舒舒服服涼住冷氣坐梳化咁燒嘢食。首先，等𨋢時間唔長，而且啲𨋢亦都唔算太多人，上落非常方便。入到去店，亦不同其他燒烤店，地下冇黐立立，而且沒有油煙味，燒完全身都唔覺有味，環境一流。侍應生非常友善，非常良好服務態度，會每項解釋，有時可能串燒放唔啱個齒輪位，侍應生都會主動去幫忙，服務100分。食物方面，非常精緻，而且有好多選擇，包括和牛，非常推介魚肉年糕，燒完有流心效果。最重要係有燒嘢食必備嘅棉花糖！！而且係任點！！最後，仲會送上甜品雪糕，Häagen-Dazs新款雪糕都有，將今晚畫上完美的句號。推介指數🌟🌟🌟🌟🌟/5

夏日炎炎當然係室內嘆住冷氣食串燒就最好不過啦！朋友提議去串Grill 自助燒烤專門店，店舖裝修簡約舒服，地方闊落，全部都是卡位，坐得好舒服😌店員會為我們講解點餐及烤爐使用方法👍掃QR code入單方便快捷，完全沒有漏單情況出現，食物會用鐵支串住整整齊齊擺放在木盤上👍食物款式超過50款，有牛，豬，雞，羊肉類，海鮮，腸及丸類等…食物樣樣都很新鮮，食不停口，特別推介燒牛肉粒，牛味香濃，肉質鮮嫩，很Juice ！枱旁邊亦放住四款調味粉及三款漲了，可以按照個人喜好調味！最後當然留返個肚食返杯Häagen-Dazs雪糕🍦呢餐超滿足下次會再嚟過🥰

熱辣辣但係又好想燒嘢食，所以呢就嚟咗呢一間朋友介紹嘅串grill舖頭啦，最鍾意呢就係串燒㗎喇🥳有得自己燒下燒下感覺好良好，同埋佢食物嘅種類都好多，朋友呢就話最鍾意食佢嘅台灣腸，仲有我自己就見有其他嘅食物例如秋葵，冬菇，同埋呢燒賣呢燒到就好似嗰啲出邊食嘅炸燒賣咁，好好味。同埋佢有一個燒烤醬，食落去就好似真係去咗燒嘢食咁啦。另外佢亦都有兩大個飲品櫃，我呢就飲咗一啲豆漿同埋朋友就飲咗黑豆漿，同埋見到其他人都會飲啲例如汽水呀同埋一啲烏龍茶嗰啲飲品最鍾意食就係雞蛋仔，同埋佢最後會送一個哈根大師雪糕，真係好正，加埋棉花糖燒溶咗上去食簡直係一絕啦，係出去燒嘢食嘅感覺😊😊

有咩開心得過夏天去打邊爐？就係涼住冷氣食串燒啦~今日同朋友去旺角行街，喺openrice搵嘢食嘅時候留意到旺角呢間串燒店有兩間分店，於是過嚟一試！不得不讚呢度嘅環境非常舒適，基本上全店都係卡座，座位好寬敞。自選放題時間2小時係$248加一，如果想平啲可以早啲食7:30PM前離座，可以減$40。每張枱都有一個爐，大約可以放13串串燒，而且只要你將齒輪對準，就會自動旋轉咁燒，非常方便易用！枱上亦有唔同嘅調味料同調味粉。食物嘅種類非常多（豬、牛、雞、海鮮、限定、腸、丸、菜、甜品）！推介排行榜：NO.1 限定台灣冬瓜荼（甜度剛剛好，不過我覺得冰太多，如果有配料就更加好。）NO.2 雞軟骨(我可以食十串)NO.3 雞蛋仔(好驚喜，味道有啲似蛋糕仔)NO.4 棉花糖(燒烤必食！)NO.5 台灣腸其他無上榜嘅食物都唔錯，唔特別多講啦～最後同朋友兩個人食咗80幾串，而且每人仲有一杯Häagen-Dazs，有幾種口味可以揀！

今日放工難得中未天黑，竟然比我揾到間係油麻地同旺角鬧市中既任食串燒店串Grill，超近油麻地站A2出口譽發商場7樓全層，企理乾淨，景觀一流👍2小時任點任食，款式算好多，岩晒我中意樣樣試下，電子點餐，没有漏單情況，又快上菜。2個人點了超過40串串燒，過足癮，平時點串燒要就住就住，呢度真係盡興。點了M6和牛牛柳、牛舌、豬腩肉、雞翼、雞軟骨、不同類型丸等，😋和牛冇得輸，豬腩肉正，丸類都好好食，而個人覺得最有驚喜係串燒燒賣、豬大腸同埋雞蛋仔，燒出來既燒賣好好食，豬大腸既油脂及調味好搭，雞蛋仔個皮脆👍另外提供任飲各款汽水等飲品，還有手調特飲，點了冬瓜茶，不太甜，几岩燒野食飲半小時前截單，食埋個哈根大師非常滿足另外覺得餐廳好貼心，有2把風扇比顧客用，始終係個爐前面，雖然有冷氣但少免有少少熱，風扇係冷氣室內就發揮作用👍

😬😬尋晚同朋友上去食坐低覺得焗原來成間餐廳冷氣壞咗但入去之前職員完全冇講聲😓係冇冷氣嘅環境底下仲要食串燒真心好辛苦食完成身都係汗希望下次職員要講聲入座之前問吓人哋介唔介意雖然佢有比風扇仔但係每枱都唔係一定有我哋嗰台就係完全冇無佢哋話唔夠風扇希望老闆睇到可以改善下🤷🏻‍♀️🤷🏻‍♀️🤷🏻‍♀️或者食完俾返個折都好牙真係要搵返專業人士搞搞啲電力

（真實有幫襯）朋友生日，我挑起條筋話不如呢間，點知伏到一個點。1 訂位問題要由訂位講起…訂位果日8月28日，我話想訂9月4日7:00，佢話遲半個鐘7:30得唔得，都ok。今日下午接近兩點打嚟話「個爐壞咗，可唔可以改八點？」「下？上次已經訂七點，要我七點半喎！」「其實我地係6-8一輪，8-10一輪。」「點解上次無講？仲俾我訂七點半？」佢再話要咩零件乜乜物…星期六下午叫我點緊急book其他？ok,最後改咗。去到，鬼有分時段！個爐有無壞我都存疑。2 無冷氣，無冷氣係無冷氣！枱面有孖風扇仔，但痴住，完全幫唔到，有冷風機但得一部，間舖L字型，吹得果邊吹唔到呢邊，全程焗桑拿！部𨋢同條街仲涼（用餐日係30度），而根據部𨋢冷風，冷氣問題應間舖問題。3 食物差到一個點叫嘢食啦，完全無醃過！即係一買番嚟吉住俾你。佢有醬，但扮燒嘢食咁用掃，係咪應衛生d?仲有鴻福x飲品？？？4 服務差劣除打俾我改時間個人，呢間有幾個伙計堅唔掂！我明熱，咁你地叫老闆維修冷氣啦！幾個伙計成日對住冷風機。個枱有隻汁，剩番好少，朋友開蓋，叫伙計，指一指個樽（明眼都知要加汁），個伙計望完，夠膽話…「夠啦嘛？」我同朋友碌大眼望住佢，佢先

呢間串燒都聽fd介紹過，今次約埋朋友去試下。間舖好易搵，油麻地站出來行兩分鐘就到。店內都係卡位，位置闊落，兩個人坐得好舒服，仲可以睇街景，讚。店員超級友善又熱情，埋位後即刻有盤串燒上來，一路示範點樣燒，一路介紹調味。串燒我地食唔少，不過今次自助燒就真係第一次，放上個爐就自己識轉，唔使自己反面。通風系統又做得好好，食完唔會成身燒烤味。等食嘅時候就可以傾下偈，不過都要留意冇燒燶。嘢食就唔算太多，不過味道ok。我地最鍾意食雞腎，大大塊咬入口，又爽又juicy。牛舌、雞軟骨都幾好食。我鍾意用生菜包住來食，又健康又美味。2個鐘時間都好快過，最後食埋個哈根達斯雪糕，埋單出去已經好多人等緊位，人氣好旺，鍾意玩新奇嘢嘅朋友仔都可以來試下。

今日去咗呢間串燒店食dinner, 揀呢間餐廳嘅原因係串燒爐係自動旋轉，自助串燒最怕就係唔記得睇火，喺呢間餐廳食嘢 完全可以同朋友放心傾偈🥰呢度食物嘅選擇都好多豬肉，牛肉，雞肉，海鮮，蔬菜可以scan QR code 自助落單密密叫都唔怕尷尬🙈仲有好多唔同嘅調味料鍾意食辣嘅可以試吓佢個辣粉 而且仲有燒汁 最特別係柚子醬通常食得多肉就會覺得好油膩但加咗柚子醬 清新好多 食多幾串都唔怕👏🏻最特別係有得叫雞蛋仔 店員介紹可以加埋雪糕一齊食 好正👏🏻