影片
更多
2021-10-21
58 浏览
未食過呢類型餐廳, 9月尾同朋友一行6人好耐冇聚會, 咁啱搵到呢間, 點知中伏環境:全場都係卡位, 每台一個爐, 無論你2、4、6 個人去食都係一個爐、放13串, 而且個爐勁慢, 最基本廚師腸你預燒十分鐘先有得食. 加上現場環境冷氣嚴重不足, 食一陣已經出哂汗成件衫濕哂又冇哂胃口。侍應表示當晚壞冷氣, 但後來睇返食評佢幾個月前甚至一年前已經同客講壞冷氣, 根本係中央冷氣唔夠冇得搞。 現場中間有1 部大型冷風機吹兩邊客人, 機上面放左個沙漏, 每5分鐘員工要手動轉方向, 令左右2 邊客人都可以輪流吹, 真係不得了, 過左5分鐘冇轉要同佢理論先有冷風吹😂食物:一般, 全部raw 上冇醃冇調味, 枱面上放左幾種調味粉俾你自己搞。一串肉得4,5粒, 一班人想人人有得食就要自己手動將2串串埋一串, 每次燒完一串都係一兩個人有得食, 一係就一條廚師腸自己cut 6份😂😂；落枱同order 數量極大出入, 追單又話係驚你食唔哂所以出少d, 未食哂又唔俾再落單, 但其實我地未食完d 肉, 有朋友想食菠蘿、棉花糖都唔可以叫，同時侍應問我地d 肉係咪食唔哂, 食唔哂佢可以收走, 咁就可以落新單。(黑人問號
環境:
全場都係卡位, 每台一個爐, 無論你2、4、6 個人去食都係一個爐、放13串, 而且個爐勁慢, 最基本廚師腸你預燒十分鐘先有得食. 加上現場環境冷氣嚴重不足, 食一陣已經出哂汗成件衫濕哂又冇哂胃口。侍應表示當晚壞冷氣, 但後來睇返食評佢幾個月前甚至一年前已經同客講壞冷氣, 根本係中央冷氣唔夠冇得搞。 現場中間有1 部大型冷風機吹兩邊客人, 機上面放左個沙漏, 每5分鐘員工要手動轉方向, 令左右2 邊客人都可以輪流吹, 真係不得了, 過左5分鐘冇轉要同佢理論先有冷風吹😂
食物:
一般, 全部raw 上冇醃冇調味, 枱面上放左幾種調味粉俾你自己搞。一串肉得4,5粒, 一班人想人人有得食就要自己手動將2串串埋一串, 每次燒完一串都係一兩個人有得食, 一係就一條廚師腸自己cut 6份😂😂；落枱同order 數量極大出入, 追單又話係驚你食唔哂所以出少d, 未食哂又唔俾再落單, 但其實我地未食完d 肉, 有朋友想食菠蘿、棉花糖都唔可以叫，同時侍應問我地d 肉係咪食唔哂, 食唔哂佢可以收走, 咁就可以落新單。(黑人問號?) 所以有理由懷疑佢d 食物係會循環再用, 大家自求多福
同場加映:
其實侍應們態度不錯, 見佢地都做到流哂汗。
當晚有個小插曲, 另一枱客投訴現場好熱, 同經理講完一輪後要求打電話俾老闆, 然後過一陣另一個女員工塞左個電話俾經理哥哥聽, 最後經理哥哥話自己俾人炒左 (隔左陣換衫又話係自己走), 佢換完衫有同嗰台客傾多陣, 但唔太聽到佢地講咩, 最後遞電話個女員工要求經理哥哥唔好再留喺度
結論:
好食是良知, 每位連埋加一收$350咁上下, 6 個女仔冇人覺得飽, 熱到冇哂胃口, 唔會再去, 亦唔會再幫襯呢類餐廳, 呢個價真係去居酒屋有人燒埋俾你又冇限時慢慢食仲開心😂 今次當買個教訓, 見到一大堆食評係咁講現場好涼冷氣好夠真係笑出聲
张贴
