437
13
30
等级4
105
0
🤎串Grill 自助燒烤專門店🤎喺Ig見過好多次,今次終於有機會行過呢頭食🤩 部串燒機會自動轉啲串燒,放咗啲串燒落部機上面就可以完全唔理,真係啱哂同朋友一路食住嘢一路傾計。枱面上有海鹽、孜然粉、辣粉同椒鹽,可以按照個人喜好調味,而醬料方面有魚露、燒汁同柚子醬。我自己就鐘意食肉嘅時候點柚子醬,感覺fresh啲冇咁肥膩,或者用生菜包肉食都感覺健康啲。嘢食方面選擇冇韓燒咁多,但勝在夠方便唔洗驚啲嘢食會燒燶。肉方面最推薦嘅係豬五花,燒到逼哂啲油出嚟,再塗上燒汁燒多一陣,用生菜包住食好有韓燒嘅感覺。牛肋腩都好唔錯,最啱喺上面瘋狂灑孜然粉同辣粉,燒完都唔會韌。仲有雞翼、墨魚咀、多春魚都超適合用來做串燒。肉以外嘅選擇都好多,蔬菜方面幾乎所有嘢燒出嚟都好食,我最鍾意翠玉瓜、菠蘿、日本甜薯同車厘茄,尤其係車厘茄同菠蘿,燒完之後仲係超多汁,仲可以解下油膩添!飲品方面嘅選擇都幾多,有各式各樣嘅汽水、烏龍茶、涼茶,最欣賞嘅係有支裝嘅黑豆漿,食完之後仲有Häagen-Dazs雪糕一杯!為呢一餐畫上完美嘅句號。店員嘅服務極好,講解非常詳盡,一開始怕我地喺點餐之前會肚餓,所以預先送一盤嘢食俾我哋食住先。一開始會覺得
更多
🤎串Grill 自助燒烤專門店🤎

喺Ig見過好多次,今次終於有機會行過呢頭食🤩 部串燒機會自動轉啲串燒,放咗啲串燒落部機上面就可以完全唔理,真係啱哂同朋友一路食住嘢一路傾計。

枱面上有海鹽、孜然粉、辣粉同椒鹽,可以按照個人喜好調味,而醬料方面有魚露、燒汁同柚子醬。我自己就鐘意食肉嘅時候點柚子醬,感覺fresh啲冇咁肥膩,或者用生菜包肉食都感覺健康啲。
2 浏览
0 赞好
0 留言

9 浏览
0 赞好
0 留言

嘢食方面選擇冇韓燒咁多,但勝在夠方便唔洗驚啲嘢食會燒燶。肉方面最推薦嘅係豬五花,燒到逼哂啲油出嚟,再塗上燒汁燒多一陣,用生菜包住食好有韓燒嘅感覺。牛肋腩都好唔錯,最啱喺上面瘋狂灑孜然粉同辣粉,燒完都唔會韌。仲有雞翼、墨魚咀、多春魚都超適合用來做串燒。
2 浏览
0 赞好
0 留言

肉以外嘅選擇都好多,蔬菜方面幾乎所有嘢燒出嚟都好食,我最鍾意翠玉瓜、菠蘿、日本甜薯同車厘茄,尤其係車厘茄同菠蘿,燒完之後仲係超多汁,仲可以解下油膩添!
2 浏览
0 赞好
0 留言
2 浏览
0 赞好
0 留言

飲品方面嘅選擇都幾多,有各式各樣嘅汽水、烏龍茶、涼茶,最欣賞嘅係有支裝嘅黑豆漿,食完之後仲有Häagen-Dazs雪糕一杯!為呢一餐畫上完美嘅句號。
2 浏览
0 赞好
0 留言

店員嘅服務極好,講解非常詳盡,一開始怕我地喺點餐之前會肚餓,所以預先送一盤嘢食俾我哋食住先。一開始會覺得燒得太慢(可能係因為我太肚餓🤣),但其實只係部機未warm up好,燒咗大約10分鐘部機warm up完之後,其實個溫度都幾高,燒啲嘢都好快熟。

📍 串Grill 自助燒烤專門店 (譽發廣場) (旺角)
旺角彌敦道558-560號譽發廣場7樓
3 浏览
0 赞好
0 留言
0 浏览
0 赞好
0 留言
2 浏览
0 赞好
0 留言
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐途径
堂食