串Grill 自助燒烤專門店 (譽發廣場) (已結業)

聽一個好鍾意試新野嘅同事介紹，黎左呢間位於油麻地嘅串燒放題餐廳一試平時嘅燒烤就試得多，不過呢間嘅燒烤係唔使自己落手落腳燒，就咁放上去就會自動烤熟，非常方便我哋呢啲懶人，可以一邊燒住一邊傾偈。餐廳環境都好闊落，而且抽氣設施幾好！呢度下單係用QR code下單嘅，非常方便！而且一串份量啱啱好，同行嘅女仔朋友都可以試到唔同嘅款，特別鍾意多春魚同埋牛仔粒，而且佢亦有食物時間指引，就算唔係煮開嘢食嘅朋友仔都唔怕會煮唔熟啦。另外店舖亦有準備唔同嘅醬汁，包括燒烤汁，柚子醬等等，更加有唔同嘅調味粉：例如孜然粉，辣椒粉⋯⋯就算同一款肉都可以燒到唔同嘅風味，呢樣嘢係幾值得欣賞。而且飲品亦都係任飲，除咗汽水，最鍾意佢有啲下火嘅飲品，例如菊花茶，檸檬蜜糖，食完都冇咁大罪惡感！最後用最愛嘅haagendazs作結

疫情後冇得去燒烤場bbq，搵到間餐廳可以室內燒野食，正價時段$248加一，兩個鐘任飲任食，價格合理，即管試下！食物喺qr code嘅menu入面揀，野飲自己出去拎，酒類另計。一坐低就有店員放低左一盤食物😂話係頭盤，有啲bbq基本野，我見好似menu裡面每類食物都有一串咁，好似啲丸呀，肉呀，腸呀，蔬菜咁。應該係畀你試玩下個燒烤機問店員通常每樣食物燒幾耐，佢就畀左呢張紙我參考未睇都放晒落去燒先再慢慢用qr code繼續落單。一次過放晒上去燒烤機，佢有齒輪帶動每一條串燒嘅。不過有樣野唔好，咁啱我地坐嗰部機，一邊齒輪帶係壞嘅，只可以喺另一邊放啲串燒上去🥲，但開左個爐就費事麻煩人地轉位。咁兩個人唯有坐埋同一邊，好在佢啲座位係好闊落嘅唔會逼。有唔同醬汁及調味粉七八成熟時，店員建議我地揸啲燒汁（？定唔知咩汁？）再燒多一兩分鐘就食得食物味道合理，主要靠燒汁調味。另外仲有柚子醬可以點，原來都幾夾燒烤野食。啲野食幾乎一落單兩三分鐘就到，所以唔需要一次過點太多，last order係大約離座時間半個鐘前。而我地兩個都覺得咁樣燒野食，有差唔多嘅味道之餘，但燒得快好多所以比平時bbq食多左好多野😂特別啲嘅係燒雞

天氣咁凍嘅情況下，最岩就係「圍爐取暖」。而獨愛串燒嘅朋友，可以試下圍爐吹住水，食下懶人自轉串燒~星期一至四晚市時段$248🍢食物款式有好幾十款，飲品亦有好多款任飲😍可惜…⚠️啲串燒大部份都好淡，完全無醃過⚠️個齒輪長期唔識自轉，要keep住幫啲串燒掉位⚠️啲調味醬汁/粉末好唔user friendly，基本上無做到為食物提昇味道嘅作用基本上成餐飯最好食係每位贈送一杯嘅雪糕🥲👎🏿👎🏿👎🏿

冬天唔係打邊爐就係食燒肉，之前上網見到呢間任食自助串燒幾得意，今日終於一試喇有好多唔同嘅醬料可以配搭，想辣嘅仲可以加七味粉同埋孜然粉座位好寬敞，仲可以坐窗口位第一次食自助燒烤，同想像中好唔同，爐嘅兩邊都有齒輪，啲串燒放咗落去就會自轉！我哋以為要燒好耐先有得食，但係佢自己轉下轉下啲嘢好快就熟，仲要燒得好平均！一定燒得好過同埋快過自己平時燒嘢食顛覆我嘅想像！送餐嘅時間亦都好快食物款式超多，有肉有海鮮有丸類有蔬菜就算係牛都有幾款！仲可以嗌生菜包住啲燒嘅嘢食食，冇咁熱氣嘢飲都有好多選擇食咗好多串，大滿足雪糕仲要係Häagen-Dazs走嘅時候都差唔多滿座！順帶一提佢啲抽風系統真係唔錯，食完唔會一陣味

之前去過串Grill 第二間分店覺得好抵食，今次又想食串燒就再黎過😋呢間分店比較大，我哋兩個人都可以坐四人卡位，坐得比另一間舒服😌 一坐低就送咗一盤串燒，我地可以一邊燒再一邊叫，肉類來講都係正常嘅味道，個人最喜歡和牛同豬柳漢堡腸👍好鍾意佢嘅柚子醬，甜甜地好清新，點下啲肉同菜個味道好特別😍甜品來講，燒棉花糖係冇得輸嘅❤️ 但係呢度我最喜歡嘅都係燒雞蛋仔，超熱超脆甜度啱啱好，比出邊買嘅雞蛋仔好食十倍👍👍好有聖誕氣氛，我哋食咗兩個鐘間餐廳一直喺度播緊聖誕既歌😂 棵聖誕樹都幾靚最後每人會送一個Häagen-Dazs雪糕，Always Cookiesand Cream 😋唔好誤會，呢個係佢哋嘅濕紙巾🤣

小編一向鍾意食串燒，今次搵到間性價比好高，可以自己燒但又唔使自己落手轉嘅餐廳，懶人必試👍🏻入到去環境幾闊落乾淨，雖則全部都係食串燒，但完全冇油煙味。坐低冇耐，餐廳會準備好一盤有菜有肉嘅比客人試吓，隨後假如有啱口味或者新款想食，就可以自助掃QR code落單，方便快捷。串燒選擇款式都幾多，有肉、海鮮、蔬菜、甜食，另外附上多款調味自行配搭，最基本當然有孜然粉、椒鹽、辣粉，咁嘅價錢真係抵到爛，仲要飲品任拎～當中最驚喜係每款都好有質素，肉並唔係普通急凍貨色，蔬菜同海鮮類別都非常新鮮👍🏻今次差唔多食勻曬，特別要稱讚幾款：荷蘭豬五花：大塊得來肥瘦相間，肉質軟嫩，烤過後油脂部分焦香脆口，而油膩感都大減，蘸上孜然粉真係好有外間幫你燒個種風味👍🏻豬大腸：好厚肉，洗得好乾淨無怪味，一路轉烤到外皮薄脆內裏依舊充滿肉汁，忍唔住encore咗四次🤪牛舌、雞腎：細細粒但烤完一段時間都唔會好乾，仲要保持爽脆感，好滋味。墨魚嘴、多春魚：真係好新鮮，前者烤完爽口彈牙，後者香脆可口，分別叫咗幾輪🤣另外墨魚丸、蝦卷、豆卜都係必食之選，絕對唔係劣質味道，超級推薦！點餐過程唯一美中不足係棉花糖已經售罄😭但都好彩有雞蛋仔同Haa

一行四人原本想食邊爐不過好多地方都冇位，book 到依間試吓，兩個鐘頭任食，一個爐可以放13串串燒，豬牛雞羊正常肉類都有，蔬菜我覺得比較小，種類小，飲品都唔多款揀，燒串燒都要有一段時間先熟，但依段時間喺冇任何熟野食比你e下肚先，為有等，一，2粒菇就一串串燒、每一串都係得2粒3粒，多人食、2人食又係一個可放13串既爐，如果好似我依D大食就慘😅，食左一個鐘頭15分鐘，侍應同我地講l Last order 咁我地開Turbo食，但都要時間燒，再過多15分鐘叫我地揀雪糕，每人有一杯雪糕係送嘅，之後同我地講有D咩唔食我幫你收返先，佢覺得我都燒唔曬收返好正常，但我覺得佢係收返入廚房比下一個食，但如果我依一串串燒已經由入座放到尾咁就唔衛生🤨侍應再同我地講你地要交枱，我朋友問可唔可以食埋燒左果D，侍應話唔可以，因為有人等緊枱😠最後我地四個人好似冇野食過咁，要再去食其他野😤總括（食物質素普通，冇特別野食，冇熟野食，燒一串時間長，最後2人去，因為多人真係食晤到多，建議肚餓去，一定要打底，價錢比較貴，侍應服務唔太好，要比現金或者轉數快）

人生第一次寫食評每月飯局，定左6點鐘4位，知道方題限時120分鐘，其中2位6:05去到，另外2位剛出地鐵站行緊上黎，本來想等多10分鐘齊人先入坐，但店員話8點full booking，無論你幾點入坐都一定要8點準時交檯，唯有食住等。店員講解：請用一個手機掃QR點餐，不要分開4個手機點，7:30 last order點完隔左5分鐘店員埋黎問：你地剛才邊個點餐？我懷住驚恐心情答：我店員：我剛才已經講左唔好分開點，要一次過落單，即係50樣一次送出，唔好分10樣x5次送出。我：你只係叫用一部手機點。飲品：只有凍飲沒有室温或熱飲食物：冇味，加左調味料都一樣，因為全部都係雪藏(漏出食物追問店員仲話因為要保持新鮮所以唔會一次過出晒驚你燒唔切) ，都係真既，因為燒烤架只可放13串，假設15分燒一轉，60分鐘 13x4=52串，120分鐘104串。7:15 店員提醒我地last order 但當我點完單送出後，店員又埋黎同我地講：建議你地食「7成飽」，因為最後會有雪糕送比你地食。7:45 店員提醒我地：仲剩15分鐘，點雪糕。7:53 店員又黎倒數：仲剩7分鐘，收走未燒嘅食物。7:57 店員再黎倒數：仲剩

野食一般，每串細細串，燒都要時間，時間不夠，4個人得2小時，員工服務態度差，從未試過去一個餐廳建議客人食7乘飽，差不多夠鐘仲收走你未燒的食物，侍應每隔2分鐘來催你走，這間餐廳簡直垃圾

其實BBQ真係好玩又好食，但係有2個問題，坐係爐邊太熱，而且長頭髮嘅朋友會食到頭髮好臭，所以決定試一次依種自動轉轉燒環境，燈光設計到好cyber feel，d牆加左好多hk元素，環境夠大唔焗，一定要讚係個抽氣值200分，食完頭髮只係表面有小小味，番去洗完頭冇埋，平時BBQ完個頭日日洗都要臭2～3日嫁！食物，全部都係原味，大部分串燒個size都岩岩好，可以並排燒，只係有d大粒嘅丸類（一開2都有個直徑闊），同埋油份重嘅肉類（有肉有肥肥，食落去有層次果種，e.g.五花肉）會大舊小小餐廳有提供3種醬，4種味粉去加味，有齊甜酸辣同香料味比大家揀，個甜燒汁係我地今餐最愛，食咩串燒都加得，同埋個掃好好玩xd飲品，全部獨立包裝，茶，汽水，豆漿，涼茶類都有，主要係鴻x堂飲品食完每人有一個雪糕，約7～9隻味道揀一開始覺得2個鐘係唔夠時間燒，會唔飽，但係。。。2個人真係夠曬時間食，我地嘅成績。。。ok啦～e間絕對會encore，乾淨，舒服，肉類品質對得住個價錢，上菜快，重點唔臭同埋自動轉住燒，正！P.S. 佢地個濕紙巾好正，不過怕出唔到街，大家去食飯自己睇xd

天氣冷會想起三五知己出外享受燒烤的樂趣，前陣子看電視有介紹某些餐廳提供串燒自助燒烤，在室內燒免受天氣影響，而且油煙不多，可以任燒任吃任喝，所以跟友人二話不說訂位試試。這晚下班後我們來到油麻地分店，開初到達時不算多人，後續每枱也坐滿，限時兩小時，手機下單點食材，有自助雪櫃拿取飲品。我們覺得兩人來吃最適合，三四人一張枱也可。因燒烤爐位置不多，每次可放約十多小串食物，而且燒烤需要時間，如果太餓的話，兩人每次吃到的食物會較多，吃起來會更自在😂我們開初點了大部分都是肉類和海鮮類，因大家都餓。這個燒烤的好處就是它會自動轉動燒，你不需要擔心一邊會燒焦，串燒會均勻受熱，你可以chill著一邊喝著飲品一邊等熟。牛柳粒、豬肉等不能燒太久，否則會變乾，影響肉質；燒到中途，必須落燒汁及調味粉，如果不落味道會較淡；食物種類不算很多，但燒雞翼和燒雞蛋仔讚，最後還有每人一杯Haagendaz 雪糕贈送，如果想悠閒地一邊燒一邊聊天，這類型的自助燒烤也不錯。

絕對啱晒懶人嘅串燒店！！成日都想食但係又唔想做😂今次可以嗌左自己想食嘅嘢之後放落去爐邊，佢就會自己不停轉，跟住好快就熟😂一入到去店員就攞咗一set野食，一邊教你點樣用部爐，一邊等吓就有得食🥰好貼心！喺等嘅過程入面仲可以行出去拎嘢飲😎都好多選擇㗎！不過串燒一定要配涼茶下火😂🤣🤣所以拎咗菊花蜜同埋檸蜜！希望食完冇咁熱氣叫咗好多肉食，有牛啦羊啦豬啦雞啦！其中牛嘅質素係最深刻嘅！！牛燒一陣就已經好快熟，仲要入面小小紅好嫩！！一路食嘅時候見到啲串燒自動轉緊嘅感覺太好啦🥰可以唔使做就有得食🤩去到最後甜品竟然有棉花糖同燒菠蘿同蛋糕仔添呀！！！好開心！！燒波羅可以消肥嘅感覺，蛋糕就留返食雪糕嘅時候一齊食，係另一種開心嘅食法🤣最後嘅時候店員會問我哋想要咩味嘅Häagen-Dazs，我就揀咗朱古力同咖啡😂今餐真係好圓滿，而且食到好飽添呀！！！好正！！

📍油麻地譽發廣場最近一連試咗兩間自助串燒，串Grill 係其中一間亦都係我比較推介既一間😋佢喺樓上鋪嚟嘅，一出lift 已經見到好大個霓虹燈招牌~門口個貓貓都好得意因為同朋友都放假，我哋六點就去到食晚餐，現場嘅人都唔算好多，但係去到我哋食完嘅時候就成個場都爆滿🙈所以如果想平日夜晚去都最好book定！張枱好大，座位好闊落，坐得好舒服一開始覺得冷氣有少少凍，但係開始燒嘢食之後就開始㷫唔覺得凍了😂叫嘢食係用app落單嘅，種類好多淨係牛肉都好多種，又有海鮮同埋上菜超級快，一禁落單唔夠1分鐘就到左😂😂做到野有個專屬嘅木兜裝串燒，啲肉都好靚呢度嘅串燒唔會有一種雪味，同埋都冇好刻意醃過燒嘅時候都容易睇啲肉熟未另外佢都跟咗好多款醬，同埋有孜然粉同埋椒鹽夾埋啲肉食好好味😋😋😋😋嘢飲都有好多款，我自己就最鍾意樽裝凍檸茶食到最後仲送咗Häagen-Dazs嘅雪糕😝大滿足絕對會再約其他朋友過嚟食呀～

女兒一直都話好想食燒嘢食， 因為疫情好多郊野公園和游泳的地方都封鎖了燒烤爐，之前去camp又遇上落雨， 剛好上 OpenRice 搵，原來有間在室內都可以燒嘢食的地方，就預早一個月訂了位，一家四可以放心在這裏BBQ 又不怕風吹雨打, 又不用自己 帶炭、霸爐、 又要預先預備買東西吃， 搞到雙手污糟邋遢，今次 輕輕鬆鬆，乾手淨腳，就可以BBQ,燒到自己想吃的食物， 的確是一個不錯的選擇。這裏環境不錯，全都是卡位設計的， 不會有陌生人和你一起坐， 在這個疫情裡這個設計是最好的安排， 所燒的食物 有豬牛羊雞海鮮等， 連懷舊的雞蛋仔和燒賣都有， 也有一點瓜菜、 蕃茄、 秋葵 和菇類供素食的人士， 也有一些下火的飲品供應， 我就飲了川貝枇杷汁和黑豆漿， 所以吃後回家，也感到不太熱氣。將近埋單的時候原來還有一人一杯 haagen dazs雪糕供應，連甜品都預備埋， 總算圓滿的一餐 ，燒了足足兩小時， 大家都感到十分滿足 ，攬住個肚就走了。 我們來的時候是六點， 只得我們一家， 以為沒有客人來，到了大約七點半的時候已全場坐滿了， 出面已有很多客人等緊位， 幸好我們 早來，不然我們不知要等到幾點才有得吃

早排見到YouTuber推介香港唔同嘅串燒舖，就同朋友仔book間串燒玩吓. 由於我哋1個住新界西、1個住九龍東，旺角食嘢就最方便大間. 呢間舖頭任飲任食，1開始店員拎住1盆教點燒串燒，教我哋點樣放喺條鏈上面轉，丸類會漲得勁，就要隔多行等. 食物都幾多款，我哋好唔客氣，咩都有叫. 海鮮、丸、菜、牛豬雞羊肉都有齊，我最驚喜嘅喺有燒賣、棉花糖❤️仲有好似鼻涕嘅秋葵. 嘢食用網站落完單，2-3分鐘就送到. 我第1次1路燒嘢食，1路傾計，1路食，等嘅時間傾吓計，幾好. 我自己最中意喺和牛串、多春魚、棉花糖. 另外每個人都有包1杯Häagen-Dazs雪糕，最後埋單$457/2位，食咗47串食物，抵食.