串Grill 自助燒烤專門店 (廣華街) (已結業)

成日都見到有人介紹呢間串燒店🤤🤤🤤 有得冇限食串燒，好似好抵咁，平時一串串燒起碼都15-20蚊一串。。星期六晚市都係268一位（我食happy hour 7點半前离座），其實都好易回本嘅，所以的起心肝同媽媽去試下。都幾多人，星期六日去食嫁話真係要book定位。。坐底左後，港女心大爆發，前面有個架比你擺啲串燒係度燒。上網睇過其他人嘅攻略，要用最大火啲食物先至快熟啲。甘就可以食多啲！講返當日我食過而且我覺得好食嘅野🤤🤤牛我覺得性價比幾高，其實我都唔係好知邊樣打邊樣。我叫左澳洲和牛肩肉眼，牛西冷，同牛舌。 肉眼同西冷，一隻重牛味，一隻油脂重啲。兩樣都好食。牛舌係日本餐廳嗰種牛舌，唔係港式茶餐廳嗰種，爽嫩嘅，好味！！

串燒店香港本身都唔算多，仲要通常都好貴，一串可能都要二三十蚊都唔定一個大男人分分鐘食五舊水先落到樓但呢間竟然有和牛仲要係任食咁正，梗係要帶埋Ｄ麻甩朋友一定去先得啦本身以為會好貴啦，始終本身串燒都唔平點知最平都只係198，兩舊水都唔洗，真係抵到爛餐牌選擇唔算多，但係淨係牛都已經有四款，仲要其中係有Ｍ６和牛牛柳最貼心係店家提供埋每樣食物既建議燒烤時間咁就唔怕唔識燒啦而上面有個咁特別既包裝既其實係濕紙巾黎，令呢一餐加添一點玩味飲品選擇多之餘，種類都唔ＨＥＡ，竟然連果粒橙都有，真係不得了呢到係用呢種全自動串燒爐放上去就會自動慢慢轉岩晒我呢種懶人仲可以唔洗因為排住燒野食而佔用左同三五知己吹水既時間燒既過程仲可以掃下呢個蜜糖醬微甜既蜜糖更能帶出食物的味道除左蜜糖仲有多種調味料我就最鍾意孜然粉，因為食落更惹味但係如果係食和牛既，落少少海鹽就最可以食完佢既原味同增添風味沙嗲醬係有少少似東南亞式串燒既醬，而唔係沙嗲牛肉麵果Ｄ，夠晒惹味上菜速度非常快，服務態度亦好好見到一串串既野食放晒係呢個四五層高既食物架上面，已經流晒口水食物整體質素都好高當中有幾樣我最鍾意食既首先就當然係Ｍ６和牛牛柳啦真不愧係Ｍ６和牛

今次我地黎食懶人串燒點解叫懶人，事關佢連燒都自動，轉呀轉呀，差在未有人餵埋入我口,哈哈！6點鐘已經full house呢間真係要早啲book位，好啦，睇返環境先，鋪仔細細，但係五臟俱全。個點菜紙好環保，仲好細心另外有張紙教你啲肉要燒幾耐，仲有好可愛既condom 造型濕紙巾😚。😁飲品放係出面可以自己攞有小小野要注意返，拎定支香水去，因為食完個身有陣燒烤味。food講返啲食物先，首先肉類都幾新鮮，可以自己調味，佢有椒鹽，孜然粉，辣椒粉，鹽，同埋燒烤醬，想幾重口味都得😁，燒完仲有魚露，沙嗲醬同韓式梨汁，我自己覺得個韓式梨汁醬都幾特別，酸酸甜甜得黎又好清新既味道。👐佢食物種類都幾多多春魚雞脾菇燒賣腸仔你up得出既都有，連棉花糖都有，問你死未😀食到最尾仲有哈根大師雪糕連最新出既哈密瓜味都有，因為我太為食等唔切，雪糕冇影到相😅。食飽飽又要出去行下，呼~好滿足的一餐。

大多數串燒店都係逐串計，食下食下就OUT BUDGET，一埋單就睇到眼都突。今次朋友話呢到做緊2小時任飲任食，用有預算嘅BUDGET可以無限狂食，一於黎幫襯下。佢有分唔同時段入座唔同價錢，今次我地就5:30PM入座，以平日HAPPY HOUR(7:30PM前離座) 優惠價$198就可以2小時任飲任食因為第一次食，職員有詳細講解食用方法。每一張枱都有一部自動串燒機，將串燒齒輪位置放喺個卡位位置，咁就會自動轉唔駛人手翻黎翻去，幾方便食物種類有齊基本野：牛、豬、雞、羊、海鮮、腸、丸、菜，仲有BBQ好多人中意嘅燒棉花糖。每一枱都有張紙，列出各類食物燒烤建議時間，都幾細心飲品就自己行去出面汽水櫃自助拎，罐裝汽水，樽裝飲品都齊備烤到差唔多嘅時候，就塗上秘製燒烤醬，另外仲有唔同調味粉：串GRILL辣粉、孜然粉、海鹽、胡椒粉可以加落去食嘅時候仲可以點唔同醬料黎食，有泰式魚露、沙嗲醬、韓式梨汁燒烤醬。即使係燒同一種食物，但透過落唔同調味粉，再點唔同醬黎食，個組合多到千變萬化，各有各風味由於枱面空間有限，所以食物盤都可以疊上喺呢個層架到慳返D位。D野食上菜時都睇得出質素唔錯，幾靚今次120分鐘總共食左好幾

串燒就食得多，但自助串燒呢就真係第一次食，今日同女朋友黎到旺角呢間店一坐低既時候服務員好貼心問之前有冇食過，冇就會介紹一下點燒先會達到好既效果鐵竹籤有齒輪令到竹籤會轉動，同時都提供左燒各樣食物既最佳時間表！燒到差唔多ok既時侯記得查中間呢個燒烤醬汁再燒多一陣！食物既種類都不小，自行選擇。豆卜燒完之後非常香脆，似係食緊唔油既油炸鬼甘，好特別翠玉瓜比較厚身，所以要燒耐小小9分鐘左右，可達到最佳口感👍🏻呢個燒雞翼唔係好大隻非常不錯，如果太大隻會花好長時間燒，呢隻十幾分鐘搞掂👍🏻，另外有好多醬料,鹽或者孜然粉，喜歡濃d味既朋友可以自行調配豬五花肉好好食，有小量油花，唔會好肥，下次必點。牛類方面 推薦M6和牛牛柳同埋牛舌，都好有牛味，而且都好腍身，唔韌，不錯

價錢唔算太貴，$208加一任飲任食兩小時， 一路傾偈慢慢燒都幾正 而且個燒爐係自己轉，啱曬我哋呢啲懶人一坐低職員便會教導你如何使用燒爐 ，之後就會有個拼盤畀你， 俾你初嘗食物， 之後剔所愛之食物便可食物方面佢哋主打澳洲M6和牛牛柳就麻麻地喇，只有淡淡嘅肉味反而荷蘭豬五花好Juice,雞類部份款款都好味，尤其是雞卷肉及雞中翼，肉質都好嫩滑 食到中途再嗌燒菠蘿， 幫助消化再接再厲 整個menu唯一敗筆就係豬大腸， 非常之韌，真係要有咁上下“韌力” 才可吞落肚食飽飽仲有雪糕食，食咗咁多串燒下再食雪糕簡直係透心涼

今日想食串燒，但覺得單叫個d好貴，就食任食串燒。加上佢係黃店，緊係要幫襯下。你一坐佢就會比左幾款串燒你燒住先，我覺得右二既魚肉年糕串同埋台灣腸都幾好食，所以就encore左！食物都幾多款，仲會教埋你點燒！飲品櫃都幾多選擇，我揀左豆漿，唔算甜幾好飲。多春魚好食。特別推薦某幾款串燒：呢個美國牛肋腩有d肥肉加上腩部位好淋，食到好幸福！！我反而覺得呢個燒到全熟最好食，唔洗好似牛排燒7成熟。平時好少食墨魚醉，呢個墨魚嘴好彈牙，佢有少少海水味但又唔係腥（我好怕腥但我都接受到），所以encore左幾串。呢個日本甜薯無改錯名，果然好甜。平時食蕃薯都唔覺咁甜，直情覺得佢可以當甜品。食左咁多肉緊係食下蔬菜，佢既秋葵同翠玉瓜我都好鍾意！最後有兩杯雪糕送，仲要係高級雪糕！

同男朋友想食呢間串grill好耐架啦，溫馨提示，呢間餐廳晚飯嘅時間好大好大機會都需要book枱，walk in基本上應該冇位好啦入正題，本身諗住同男朋友紀念日嘅時候去食。但點知book一個星期內都無位。咁就直接book兩個禮拜後啦。基本上電話book枱都要一個星期後先有時間選擇。由於男朋友知道我好鍾意食串燒，所以我們期待已久食呢一間串grill。我哋book咗7:30，基本上一去到都有位。一入到去侍應就好有禮貌幫我哋探熱同埋比酒精搓手液我哋搽。衛生意識十分之好由於我哋第一次食，見到個爐其實都諗咗一陣點樣燒好。然後員工就見到我哋有啲疑問，就主動行過黎問我哋係咪第一次食，我地答第一次食，員工就主動同我哋講解一次燒串燒的流程呢一個細心行為十分之抵讚一坐低就拎咗餐牌睇，就見到有好多好多選擇👍🏻😂🥳然後仲有個燒烤建議時間，不過本人的建議就係因應自己的口味而燒烤。不用太過倚賴這個建議仲有好多調味料比客人選擇，不過我同男朋友就比較鍾意落粉多啲，醬汁好似唔係太多機會用得着。可能中意食無汁的串燒更是完味主義者的食法食物尚叫多選擇，基本上都食得飽。不過男朋友知我鍾意食秋葵，竟然係啲本地農場都買咗啲本地秋葵

食唔飽 本身份量少 個爐又細又唔係真係個個識自己轉 卡哂係到食得好忙 嘢食又唔好食 全部冇醃過舖頭細 坐得唔舒服 食物選擇少態度差 店員態度串到不得了Book咗枱又要等又貴 成300蚊又催人哋走 連雪糕我哋都要主動問黃店又如何？不了

見係黄店就一試無妨，但有d失望一來提供既肉無味，款式較少。醬汁方面連基本辣醬都冇。個爐都好熱，熱到冇曬食慾。好就係飲品幾好飲，服務都好，叫既食物好快送到。但咁既價錢唔抵。最嚴重係單據用簡體字打，懷疑是否黃店

今次同屋企人試新野，自助串燒放題！溫馨提示：之前試過walk in 冇位所以今次老婆晨早book定位 達后店員安排入座並會為詳細為我們介紹爐具]，燒烤時間，烤煮方法::， 枱上還附上設計特別的濕紙巾]， 字眼仲幾::。之後端來一個食物架， 可放5盤每盤串， ]order時不能超出60串的::。 ]]點了一隊五花八門的食物，] 便開始玩 燒烤大餐， 第一輪每款肉類都燒一啲試下， 食過好食再柯打， 飲品可在飲品櫃內自取， 雖然有雪糕但不能自取 需要店員安排。] 燒完第一轉食物大概要十分鐘左右， 開頭覺得要等好耐， 但慢慢燒下燒下個爐燒熱咗平均都係6-7 分鐘都算快. 整體嚟講放題兩小時，我哋三個人一個爐都夠時間食， 個人超喜愛燒牛脷， 厚切口感非::， ]其餘個人喜歡肩肉眼 牛肋腩 肉味比較重 ，台灣腸， 五花腩 ，豬頸肉和雞中翼， 全部食物沒有加工任何調味， 全部因個人喜好自我::，]旁邊放了鹽，椒鹽，孜然粉，香辣粉，自家燒汁。 ]還有三款醬汁選擇， 個人喜愛自家沙::， ]最後埋單食埋雪糕::

炎炎夏日戶外燒烤一定熱死，睇食評呢間 兩小時任燒串燒仲要室內有冷氣爽呀， 好彩一早book枱，如果walk in去一定冇位， 全晚full三時段,我哋一路燒不停好多電話響訂枱.起初覺得兩小時bbq應該唔飽或唔夠時間，因為燒又要等時間， 一個爐三個朋友share， 原來個爐夠熱好快一串接一串最尾都食到好飽。第一次玩轉轉bbq服務員好仔細介紹每一種枱上嘅用具，個人覺得除咗食物質素之餘服務態度都緊要服務員好nice首先飲品任飲， 醬汁韓式梨醬夠開胃。一個㗎每次最多放五盤60串，而爐嘅特色幾特別下面喺會自動轉嘅燒烤爐台，上層可以放以燒好嘅串燒可慢慢食。食物種類其實都算多選擇 個人喜愛吃牛舌 爽及油脂豐富， 冬陰功魚蛋食得辣嘅先好試好有泰國口味， 魚肉年糕燒熟會爆年糕外爽內煙韌好特別， 台式腸， 雞髀菇又juicy，連平時唔鍾意食嘅秋葵完來攞嚟燒口感同味道會好唔同好好味。 大部分牛類都有牛味。全部嘅食物都冇經調味 係靠自己搽啲燒烤醬等燒冇咁乾，另外自己落醬。其實食材都新鮮燒好後我都冇點汁，就咁 灑海鹽，食原味已經夠 最後仲送杯 haagen dazs雪糕

朋友介紹呢個懶人包串燒自己不停轉好似好正咁，終於同男朋友黎試下，每枱都有自家一個爐，只要放啲串燒上去佢就會不停轉住燒，確保可以燒得非常均勻，絕對唔洗驚平時bbq燒燶或者一面生一面熟既問題！調味有孜然，椒鹽，海鹽同沙嗲醬等幾種口味，梗有一款啱你！首先最中意食係荷蘭豬五花，五花腩肉肥瘦夾雜，因此咬落去唔會太煙韌反而仲有少少豬油既油膩感好惹味，雞軟骨好大粒好好咬又爽口，芝士腸超級多芝士，最中意燒到佢爆曬出黎熱辣辣咁食，墨魚咀好彈牙細細粒，一啲都唔難嚼，我最中意既係燒賣！燒到外皮香脆，灑上椒鹽粉自制椒鹽燒賣勁好味，燒雞翼都超正，中意佢開埋兩邊骨比客人，一定燒得熟又易食好多！

最近都比較少出去食飯，一直想食串燒好耐都無去食。朋友應該係頂唔順我成日呻😂，帶咗我黎呢間小店食串燒放題，岩晒我呢啲咁大食既人😻兩個鐘任食黎講，性價比頗高🤤一坐低店員會講解成個流程，唔洗驚唔知點燒~ 同埋平時燒烤有時都唔知燒幾耐先岩，呢度就有張燒烤時間可以參考，唔洗擔心啲野食會燒到過熟或者唔熟，非常貼心。飲品都係任飲，選擇亦不少。因為啲串燒全部冇另外調味，所以呢度有三種醬汁比我地揀，迎合唔同人嘅喜好。個人最中意韓式梨汁燒烤醬，甜甜地咁幾好味。除咗醬汁之外，仲有唔同既調味料可以揀，有味椒鹽，孜然粉，辣粉同海鹽。同埋呢度用日式燒汁取代蜜糖，喺啲野食就快熟再搽埋呢個燒汁燒多陣就ok!最令我驚喜既係，呢度選擇頗多，我地一開始樣樣都叫咗啲🤣只要將啲串燒放上去，就會自己係度轉住咁燒，完全唔洗郁手，等食就得了🌝 雖然係任食，但肉類一啲都唔馬虎，我最中意呢個M6和牛牛柳，牛味好重仲好juicy，忍唔住encore咗幾round🤤如果驚太油膩既話，可以嗌返啲菜類，翠玉瓜同雞脾菇燒完勁juicy，我忍唔住食咗幾串😂最後仲有雪糕食，食到好飽好滿足既一餐😻

次次經過都好多人，想walk-in都冇位😢今次提早打電話預約，終於食到呢間位於廣華街既黃店🤩一坐低店員就教我哋點用個爐，餐廳亦好貼心預備咗 “燒烤時間建議” ，燒既時候可以參考下每樣食物所需時間（雖然最後我哋太心急 只係憑感覺判斷生熟程度😛）食物到咗會放喺個架上，嗌嗌下都覺得自己嗌得太多添。食物全部都細細件，方便轉住燒，不過燒既時候都要睇下啲串燒轉成點，太貪心同時燒好多串既話會卡住😂😂食物選擇都幾多，牛雞豬羊海鮮都有，極力推薦要叫甜薯同冬菇！當然唔少得燒烤必備既棉花糖😋口渴既話都可以任攞飲品，連解渴一流既豆漿都有！埋單前餐廳仲會提供雪糕杯，好滿足既一餐😋😋一開始燒串串簡直係挑戰緊自己既耐性，不過燒燒下慣咗，一度攞起一度放低，最後仲差啲食唔晒！我哋燒燒下仲要成條街都停電🥶難忘之餘又不失一點浪漫💡