串Grill 自助燒烤專門店 (廣華街) (已結業)

趁衣家天氣秋高氣爽就好想燒野食，但作為懶人嘅我又唔想去買炭買食材。呢間串燒放題就岩晒唔想prepare任何野嘅我！一入坐，店員就送上個雜錦肉拼盘，仲好warm甘有個表suggest 你每種肉最佳燒烤時間。就甘放串野上去，由佢轉轉轉，轉到甘上下食得，真係5星級嘅服務！講返野食雖然種類唔多，但勝在質素唔差，仲有好多款醬汁同香料比你調味。肉類有齊牛猪雞，最推薦係m6和牛柳食落最juicy同牛味最重。猪的話，猪五花係最邪恶，一路燒d 油係甘滴落黎，食落咸香彈牙。雞皮唔洗講係必食，燒到好脆口啖啖雞油。海鮮方面，我私心最愛多春魚，燒到乾身好香脆！鯖魚食落啖啖肉，魚油豐富。食完肉亦可搭配蔬菜黎解腻，厚切雞比菇同翠肉瓜最多汁。本黎以為用燒菠蘿同燒綿花糖做甜品已經好完满，點知佢仲送埋哈根達斯雪糕做甜品，會唔會太幸福呀！簡直冇得輸！

同朋友行完街經過旺角附近,見到一間自助串燒,出於好奇心覺得價錢好ok就決定一試🤭一入座店員先幫我哋探熱體溫,然後好熱心教我地點燒👍每一款食物都會有時間參考,覺得好貼心❤️最怕自己唔識燒🤣重點係黃店💛💛💛(全民和你燒🍢)飲品有很多選擇,全部都係任飲！食物種類超過40款,2小時任食！第一輪店員先上一盤拼盤俾你燒❤️因為呢幾款都係人氣之選👍如果你覺得好食就可以再叫🙆‍♀️我最推介係M6和牛牛柳😍食落入口即溶,牛味突出!以呢個價錢可以任食真係好抵十分推介!然後牛脷食落爽口彈牙,大約燒9分鐘時間剛好！最特別係有雞皮燒到脆卜卜配啤酒一流!仲有墨魚咀食落口感好特別！調味料有椒鹽粉,辣粉,岩鹽,韓式梨汁燒烤醬,泰式魚露,總有一款啱你味道🙆‍♀️食到最後每人送一杯Häagen-Dazs雪糕😍好可惜我已經食到好飽,費事浪費所以冇食到😭大家記得食得晒先好嗌😆整體黎講真係性價比好高👍食物好食😋價錢不貴,很有人情味會推介俾朋友！

對於一個好鍾意食燒烤的人能夠做懶人 開住冷氣 仲要唔洗看住啲食物會唔會燶 的確係恩物😍今日去左試呢間以燒烤任食為主題的餐廳第一次食 感覺好新奇每一枝鋼簽上都有個齒輪 而爐邊有一鐵鍊一直運行 咁當你將枝簽放上爐上面時 齒輪會一直轉動令食物一直自轉 所以只需要將食物放上爐面 就可以慢慢傾計 等差唔多熟嘅時間搽醬 係時候就上碟啲食種類都好足夠 我最愛嘅牛舌菠蘿同蕃薯仔都有 推介台灣腸 辣肉腸 蝦卷 多春魚都ok 燒烤當然唔少得嘅棉花糖都有！淨係棉花糖我自己都食左十粒 唔洗睇火呢下真係好正😀調味都係自己搞掂 有個調味架係檯面 辣粉孜然粉燒烤汁等等擺哂係度不過個人最愛都係用蜜糖 如果有蜜糖供應 我會再加多啲分！仲有飲品任飲 汽水豆漿檸檬茶都有 唔好以為個爐好細 好似要燒好耐咁 其實開始左之後 一邊食一邊傾 係一路密密食無停手 基本上一個半鐘都好夠 我同老公都已經投降臨走仲會畀返杯哈根大師你 今日係士多啤梨同朱古力 大路味道但作為飯甜品當然唔錯啦

一直都好想嚟試好彩有提前book位嚟到嘅時候我哋係第二枱人不過有walk in嘅朋友嚟到都已經無得入應該係full咗booking所以下次想食嘅朋友都記得book咗先😉食物種類唔算多，但上食物嘅速度都算快每串都少少哋絕對可以試哂成個MenuMenu上有教每款食物大概要燒幾耐只要將鐵籤放岩位，由得佢轉咁上下時間塗上醬汁就可以等食了牛方面如果鐘意食牛舌嘅朋友應該會開心因為呢度啲牛舌係厚切，燒好咗都重好juicy同淋食落好香麻麻地豬嘅我哋叫咗一串豬五花嚟試都唔錯，不過我哋無乜耐性等咁耐，所以淨係叫咗一次🤣燒賣好似係bbp必食嘅嘢🤣個魚肉豆腐都幾好食，見到佢燒到金黃色個感覺好治癒必叫必叫棉花糖相就無影，因為睇火好重要，好易就會熔要眼明手快，避免佢跌落個爐度🤪

食晚餐同時都一樣要支持黃店！今日就揀咗呢間串燒店💛選擇唔算好多，所以基本上每款都食晒！一坐低唔係好耐，店員就送上一盤雜錦拼盤～有牛肉，豬肉，雞翼等等。我地之後可以再係點餐紙寫咗數量之後，店員就會準備串燒比我地自己燒！個爐用類似電熱線爐發熱，所以唔係炭火，會唔會整到成身都係炭燒味啦～ 之後就可以將啲串燒放係坑位，佢哋就會自己識轉㗎啦！超級方便要預返多啲時間俾佢第一轉發熱，之後第二輪開始就會好快有得食！牛肉方面，自己就最鍾意食呢款美國牛肋腩，夠肥美，牛肉味好重，超好食除咗肉類仲有其他嘢食，好似係海鮮，同埋啲丸咁～ 我自己就幾鍾意食魚肉年糕，燒完香口得來又夠煙un!另外仲有蔬菜，自己就鍾意食菠蘿同埋秋葵多春魚都幾好食最鍾意呢間餐廳嘅係佢有醬汁同埋粉狀調味料提供，個人比較怕肥所以唔鍾意用醬汁，但係佢啲粉狀調味料都幾唔錯，有椒鹽，辣椒粉，孜然粉等等，算多選擇最後每人仲送返一個Häagen-Dazs雪糕！結束圓滿嘅一餐

串Grill 自助燒烤專門店 💛旺角黃店💛-係想試好耐嘅自助串燒放題！仲要係黃店，喺門口已經見到文宣，店內更加有連儂牆💛 入到去坐就見到一個自助串燒爐，第一時間已經忍唔住即刻擺定啲肉上去煮定先🤪 唔同出面嘅燒烤，只要你擺咗上去，串燒就會自己轉，只要你睇返個時間拎上嚟就食得！絕對適合懶人，同埋都係一路掛住同朋友吹水等食嘅我地🤣 而且佢仲有張紙睇返每一樣食物需要燒幾耐，所以只要留意番時間就唔驚未熟或者燒燶咗啦🤣 -未食嘢之前就梗係去睇吓有咩嘢飲啦！多數放題都係罐裝飲品，但估唔到呢度竟然包埋咁多支裝飲品仲有鴻福堂百香果蜜，食串燒飲番支，即刻覺得冇咁熱氣！-由於我同朋友都係食肉獸😈 一嚟就叫多勁多牛肉食🤪 特別係和牛牛柳粒，食落有肉味又有肉汁😋 仲有其他好多唔同類型好似雞肉豬肉羊肉等等，而且仲有魚肉年糕，芝士腸、台灣腸等等。-除咗肉食之外覺得必食嘅一定係燒菠蘿同燒棉花糖！兩者作為甜品一流🤩 特別係燒棉花糖BBQ一定要食嘅嘢！燒到外脆內軟，少少金黃色面，拉出嚟見到拉絲嘅感覺🤩 食到熱辣辣？係甜品方面仲有Haagen Dazs雪糕送添！-📍串Grill 自助燒烤專門店 (旺角)旺角廣華街2-20號

系ig story 成日見到好多朋友post一串串自動轉既串燒勁得意勁吸引，經朋友介紹下即刻預約呢間＂串Grill 自助燒烤專門店＂試下。一入到去見到好多工具系枱，店員知我地未食過仲好耐心咁教我地點燒。食物款式超過４０種，有齊晒豬、牛、羊、雞、海鮮、蔬菜…連調味醬料都有７種：辣粉、孜然粉、味椒鹽、海鹽、泰式魚露、韓式梨汁同埋燒烤汁。餐廳仲好貼心提供燒烤建議時間俾食客參考，解決左成日唔知熟未既問題！整體食材都好有質素，當中有幾樣好想重點推介俾大家!!!!紐西蘭西冷牛肉質鮮嫩，咬落去仲有肉汁咇出嚟，而且仲有香濃既牛肉味，完全無騷味。 而牛舌口感爽嫩，都係完全無騷味！雞軟骨既肉同軟骨分佈平均，因為成日系出面食好多燒烤既雞軟骨都偏多肉，無晒咬口！落埋孜然粉仲好味過出去食人地燒果Ｄ～ 另外，雞皮一定唔可以放過，見到Ｄ油脂一邊燒一邊標晒出黎，好治癒～燒到干身咬落去勁香脆！多春魚都好正！爆多魚子仲有一Ｄ腥味都無！最後梗係要食埋水果同甜品啦！燒菠蘿好甜又多汁，最緊要係去皮，好方便懶人。棉花糖就更加係為燒烤畫上完美句號，燒至金黃色，口慼軟綿綿好似食緊雪糕咁～重點係唔好煮太耐，因為開始果陣我地無注意燒耐左

因為疫情關係好耐冇食過bbq啦😭所以今日放假就同朋友約左出街搵下有冇燒烤食🤤行行下街見到一間串燒自助燒😍平日5點半入到去都仲有一、兩張枱，可以食兩個鐘😍入到去店員好細心講解爐既用法，燒烤時間，落單方法等等👍👍之後將d食物擺落去卡住自己轉，可以解放雙手🙌好正啊真系😍😍店家好好，擺放吾同調味料👍仲有燒烤醬提供用黎茶上燒肉到，勁入味啊😆😆燒烤爐設計細心，上層可以擺放生/熟串燒，燒完未食得切吾怕燒過龍👍👍鐘意食肉既我覺得真系超正啊😍勁多肉肉啊必點：西冷牛扒、牛舌、豬五花、羊肉鐘意食蔬菜既朋友點左脆肉瓜、車厘茄、冬菇，燒完之後真系好多汁好正，連我吾鐘意食蔬菜都愛上食到吾停口🤭🤭仲有必點雞軟骨，燒完卜卜脆好多汁，一d都吾乾👍多春魚同雞皮又系必點，真系好正👍丸類必點：台灣腸咬落口咇哂d汁出黎，外脆內軟😍、墨魚丸吾好睇佢黑蚊蚊賣相吾好，好好食架👍食落甜甜地，彈牙，有墨魚粒😍飲品種類好多，岩哂鐘意飲汽水既朋友，仲有菊花蜜簡啊😍真系好小地方會有依d下火又滋潤既飲品😉😉最後甜品緊系點菠蘿同棉花糖啦😍😍菠蘿燒到爆汁超甜😍😍棉花糖好似食緊雲呢拿雪糕甘😍😍依間串燒自助燒超滿足，符合我地平時bbq食既食物😍😍甘方便

見疫情緩和咗d, 就去食我好耐冇食嘅串燒，一般串燒店是但叫幾串已經過百元，所以今次你試吓呢間自助任食串燒調味係自己調嘅，有晒最重要嘅孜然粉、椒鹽粉、辣粉、海鹽、日式燒烤醬、泰式醬汁， 已經好足夠，個人覺得好惹味了款式方面， 雞牛豬羊都有，亦有幾款海鮮同蔬菜，幾款丸類第一輪即刻燒晒d肉類試試！ 話就話係自助，但其實我地只需放枝串燒落去個爐架到，佢就會自己轉動，都唔洗點動手好方便，又唔會咁易烤焦。燒到咁上下就搽燒汁個人覺得牛肉方面，口感都唔韌，亦好有牛味，最出色係牛舌，好爽彈！燒豬肉的話可以點泰式辣汁，個味道即刻好似泰式燒烤，好match! 台灣腸個皮好脆口，肉都夠juicy豬大腸就要燒耐啲，燒到個皮有焦香嘅感覺，食落脆卜卜又唔會太油處理得幾乾淨燒年糕豆腐同埋燒賣好有驚喜！！ 燒完撒d椒鹽粉，好似食緊小食店的炸燒賣咁甜品有每人一杯雪糕同埋任燒棉花糖總括嚟講覺得呢間幾抵食，味道同質素同係串燒店食嘅差不多，上食物嘅時間都好快！

放5:00pm 大特赦🤪必定要搵friend 開心下😍傾下心事😘 5:30呢度，店員好有心機介紹點樣用串燒機！ 入啲座位唔係好多，但係坐得好舒服！飲品種多，當中又有我最鍾意飲嘅荔枝烏龍茶😘 朋友未嚟到我就燒定，等佢嚟到就即刻有得食！喺呢度環保用重複落單牌， 另外佢有張只是牌話俾你知每樣食物需要燒幾耐時間👍🏼very useful 😎朋友話牛柳粒好好食！ 燒菠蘿非常之juicy ! 我哋encore左燒菠蘿🍍好多次！ 我見到呢度有呢度有燒雞蛋仔😋好可惜，我去到嗰陣已經賣晒我想言之有幾受歡迎！ 呢度食物種類都算多！ 而且每一串嘅份量都啱啱好！調味料亦都唔多！而且呢度嘅濕紙巾好有特色🙂大家嚟到唔好心邪😆濕紙巾嚟㗎！我拎咗返屋企嚇親我老公🤣

港式BBQ、日韓烤肉就食得多但今次呢間餐廳主打的串燒放題就第一次食最新奇有趣的是他們特設的串燒爐只需要將串燒放上去就會自動轉完全啱晒唔想落手燒只想食好西的朋友餐廳位於百利達廣場停車場出入口的對面由於店舖唔算大,行過可能唔太覺眼大家最好認住隻黃色「和你燒」豬豬吧店內沒有太多浮誇的裝潢當然支持小店就不計較這些但勝在坐得舒適倒是抹手紙的包裝好有趣懂的人會會心微笑一下由於是放題形式,所以飲料是無限供應大家可以去冰櫃揀選自己喜歡的茶或汽水供應的醬汁亦都幾特別有韓式梨汁燒烤醬、泰式魚露等仲有串Grill辣粉、孜然粉、味椒鹽同埋最好味既海鹽超過40款的食物任叫牛、豬、羊、雞、海鮮、腸、丸、菜及甜食等等均有正當還在三心兩意唔知食咩好時其實店家一早為大家預備好首輪的串燒每款食物各有一些給大家試味好食的就再點再食由於他們選用的肉類是外國進口所以肉類值得一再Encore有燒起來食入口依然嫩滑的澳洲M5和牛肩肉眼軟腍不韌的紐西蘭牛西冷不過我最鍾意反而是彈牙的牛舌而雞軟骨亦都夠爽脆鯖魚肉質結實,多春魚的size也不算細丸類方面魚肉年糕及魚肉豆腐都比較特別台灣腸,墨魚腸都好好味菜類方面推薦甜薯,豆卜同菠蘿講到燒烤

限聚令放寬到四人一枱，重唔搵埋班朋友即刻出黎飲飲食食啦！😏😏💛💛呢間黃店串燒出曬名，今晚終於等到位盡情食番餐！ 呢度可以放題120分鐘，我哋5點9左右入去，都差唔多滿座啦。想食的朋友就早少少啦。 小店枱數唔算多，目測6，7枱啦，但是食物有驚喜啊!😻😻😻一坐低就已經自動黎頭盤🍢啦，正！ 頭盤有成兩盤嘢食咁多，可以試吓有邊一啲好食，然後再encore。👻呢度嘅嘢食分咗唔同種類，而且唔同種類入邊都仲有好多選擇，質素都唔差㗎，睇吓豬五花🥩嗰層肥膏，望到都已經想像到燒完出嚟會幾咁好食！特別之處係除左有普通嘅豬肉同埋牛肉之外，呢度都有羊肉食㗎，食落一啲都唔羶，就算連平時唔食羊肉嘅朋友都夠膽試呀！仲有呢個魚肉豆腐，整到成條魚🐟咁嘅樣好得意呀，小朋友見到一定好開心。🤪🤪最推介牛肉粒，淡淡肉，食到停唔到口啊！叫完又叫！😍自問是墨魚丸控，呢度全部都是墨汁墨魚丸，第一次食到入面有墨魚咖！ 好感動啊！ 重有好多款腸，芝士腸，辣肉腸，台灣腸，連豬大腸都有啊！😝😝街頭燒賣好好味，第一次BBQ燒賣，外皮香脆，口感獨特！ 要試試日本甜薯啊，BB size，一口一甜薯，燒完再燒。🍠個人最愛棉花糖，香香軟軟，唔狂食對唔住

終於有街岀喇，限聚左咁耐，唔少餐廳都告急 一放寬就梗係要支持同路人！💛💛💛之前每次經過都見到呢度好多人排隊，今日專誠嚟到我哋就揀早啲嘅時間，咁就唔使迫啦。果然一嚟到就有位坐啦！☺️☺️☺️☺️一入到嚟店員就好細心咁同我哋解釋點樣用呢個串燒爐同嗌嘢食。👍🏻夠貼心呢度嘢食種類都好多，仲好細心咁分開左幾個範圍俾大家揀：有牛、海鮮、菜、豬同雞等，一般串燒店既食物都有，所以我哋決定第一輪先嗌少少試下先，落完單後大約5分鐘，好快就送到。👍🏻服務好所以我哋就放心將Menu上面嘅所有嘢食都試均哂，結果今日食左好多唔同既燒物。我覺得牛柳係必食item！燒到半熟個陣食落，陣陣肉香，配上佢既秘製燒烤汁，好好食！或者佢仲有其他調味料，好似孜然粉，韓式梨汁燒烤醬，我就簡單加左啲海鹽上去。無得頂吖，啲海鹽融係肉汁度，真係好好味😋😋😋仲有棉花糖都係必嗌吖！輕輕一燒，等佢脹卜卜，燶燶地就放入口，嗚哇，好似真係去燒烤咁。食到覺得口乾個陣，叫番串菠蘿同車厘茄食，再飲番罐烏龍茶，正！難得有高質黃店，點可以唔推介👅👅👅

好想去bbq但又吾想準備咁多嘢，去呢間就吾洗煩~只要放啲串燒落就會自己郁，燒到6-7成熟，再塗上日式燒汁(即係平時食開嘅BBQ汁)，燒多一陣就食得。🍡🍡🍡肉類款式就好多款，牛豬雞羊都齊，特別推介係M6和牛牛柳，荷蘭豬五花🐷雞就必食雞皮同雞軟骨，雞卷肉同烤雞粒都幾特別~羊，佢係一條咁，個人喜歡正方形咁，呢款少啲脂肪，相對有少少鞋🙈🍡🍡🍡 蔬菜類大眾化嘅都有齊，例如:翠玉瓜、雞髀菇、日本甜薯、仲有最受歡迎嘅菠蘿🍍最後一輪點左4-6串都冇無漏，比足曬👍🏻🍡🍡🍡丸類:貢丸超好食，墨魚丸原來係黑色墨汁個隻，街頭燒賣估吾到燒完口感幾正，個皮冇炸咁硬，係少少脆~本身我係好喜歡吃丸，佢都有齊晒，如果有龍蝦丸、包心芝士丸會更好🤩🍡🍡🍡海鮮嘅選擇就相對地少，最不開心係冇蝦🥺佢得 鯖魚、墨魚嘴、多春魚和蜆肉。不過吃肉都夠飽，放心🤓💕🍡🍡🍡概括地說，佢都有多種粉比大家揀，有孜然、海鹽、辣粉、胡椒粉，仲有沙嗲、泰式酸辣醬等，全部吾洗收醬油錢🙈🙈🙈坐係裏面都好夠冷氣，不過加個鐘仔，就可以方便叫侍應(佢地都定時過黎收啲盤）係落單個陣想叫就要行一行出去。比我地放籤嘅桶，如果兩邊都放會較好，因為個爐較熱，要跨隻手放籤，

得意好玩任食轉轉串燒 今日我地去左試依間位於旺角既串燒放題 依間店舖最特色既係佢地每張台都設有自動串燒機。食物到左之後只要將串燒放係好似行李帶咁既串燒機上面，食物就會自動360度均衡咁燒熟。而且店家好細心咁將每樣食物應該要燒既時間詳細例左係餐牌上，對於次次燒野食都燒燶野既朋友都絕對無問題！值得一提係店家用上無火串燒爐，就算食足120分鐘，食完都唔怕會成身煙味，十分體貼。惟此店食物選擇略小，缺乏海鮮，肉類款式亦不算太多。重點推介燒菠蘿及燒牛柳粒，後者配上店家獨制辣粉及孜然粉十分有風味！