串Grill 自助燒烤專門店 (廣華街) (已結業)

夏天想燒嘢食又唔想身水身汗當然要想盡辦法啦！但原來有間朋友介紹，可以係室內燒嘢食，有冷氣之於仲要有人準備好晒啲嘢食，2小時無限任燒！而最特別同令我驚奇嘅就係佢嘅自動轉轉，利用齒輪轉動嘅概念，只要將店舖準備好嘅串串擺係佢呢個咁特別嘅燒架上，佢就會自動不停轉動串串，等串串可以受熱均勻👍🏻真係好讚！而店家仲要好貼心咁準備咁張時間表，有齊咁多款嘢食大概熟透需要嘅時間👍🏻仲有多款調味料供使用，調出啱自己嘅口味！有一支韓式燒烤醬我每款燒物都要搽一搽佢😆而大家覺得唔夠味都仲有鹽同孜然粉可以加，即刻香味出晒嚟！🤤嘢食款式都算多，平時燒嘢食有嘅佢都有，棉花糖不可少✌🏻開頭食左好多肉，切好一粒粒嘅牛肉，建議燒7分鐘就會有七成熟，但我哋鍾意5成熟😂所以燒得快，又食得快，其中M5和牛肩肉眼最吸引，又嫩又 Juice ，叫左好多轉！最後食左幾串燒菠蘿消下濟先😆最後仲有 Häagen-Dazs 雪糕食👍🏻不過要留意嘅係佢舖頭細細，記得要 book 左位先，唔係有排等🤘🏻

聽朋友介紹廣華街有一間串燒店都幾出名，所以我訂枱去試吓。都要預早少少訂，因為真係好full!!果到去到就知道真係幾受歡迎，全場爆滿。今次嚟食串燒，本身好怕食到成身油煙味，但係呢度嘅通風效果都做得唔錯，雖然個埸細但係都唔算勁油煙。野飲有好多款，清熱既菊花蜜／健康ｄ既豆漿都有～ｄ肉類全部都無咩調味，店員會教你燒一陣再加調味，隔黎仲有好多款醬汁，不過其實佢本身果支汁已經好夠味好好味，唔洗再加其他醬～食串燒以為淨係得肉，佢除左豬牛羊，仲有蔬菜類，燒冬菇同脆玉瓜都好好食架！想講呢到既牛利真係好好食，好爽口，燒完ｄ油份出晒黎，一粒粒１ｄ都唔韌！超正！另外雞軟骨／豬五花／牛肉都好好食！　大家可以每款叫１ｄ黎試下然後再加單！最後仲有燒波羅同棉花糖做甜品，可以涼住冷氣ｂｂｑ真係好爽！

呢排成日都好想食串燒，之前又小出街無去食。今日終於忍唔住同朋友出去食串燒食串燒又唔熱，又係室內，又唔會有一陣燒烤味，啱晒懶人和你燒真係好正，唔洗自己郁手，放上個爐就得。不停轉呀轉，好快就有得食。。食物方面都有好多種類，除咗肉之外，仲有菜啦，海鮮類㗎。。。另外，仲有一張燒烤建議時間表添入座後，店員會解釋一次點放串燒上去爐，又會介紹一下醬汁。。餐廳仲好貼心，枱面有濕紙巾，又有口罩袋。因為食物無預先醃制，所以枱面上會供應好多唔同嘅醬汁。見唔見到，所有食物都已經串好一粒粒，size份量都岩岩好，一啖一舊！乾淨衛生，又方便食。。牛肉類，強烈推薦食M6和牛，因為入口有肉汁，而且牛肉味強，好好食！仲有牛舌，牛腩，西冷，一樣好食，唔會燒到太乾，唔同嘅口感。豬肉類，個人覺得五花腩好正！肥瘦適中，一層一層，咬入口真係覺得好邪惡！豬頸肉燒嘅時候啲油滴哂落下面，感覺無咁油海鮮類，墨魚咀大讚，粒粒爽口有汁，不過唔好燒太耐，會縮水同un。。。雞肉類，緊係一定要有雞軟骨雞腎，好好食😋竟然仲有雞皮！燒到脆卜卜，正！蔬果類，雞腺菇，翠肉瓜，厚切，咬入口勁juicy！可以減低小小食好嘢嘅罪惡感😂仲有個菠蘿，燒完又甜又多汁

難得今日早放工,有個同事即興約我有無興趣去食下放題串燒,日式放題或者火鍋放題就聽過,但串燒放題都有？見咁得意就一於去試下！去到餐廳門口大約5點半呢個時間已經坐滿一半,睇黎呢到一d都唔簡單！$198足2個鐘既串燒店雖然選擇唔算好多但勝在有齊豬,牛,雞同海鮮都有.。餐廳好貼心咁送上圍裙防油彈.串燒以一串串放係木盤上上枱,串燒串得夠札實,就算放係燒爐上亦唔會燒燒下甩左出黎.單係每款肉類都有幾款選擇,作為牛魔王即我堂然係點晒牛肉先.先試M6和牛牛柳,牛西冷,牛肋腩同牛舌,牛類肉質都幾軟腍,唔會有筋,燒出黎亦唔會好乾而且內裏仲帶有肉汁.牛舌咬落爽脆充滿油脂香.烤雞粒好特別,感覺係似燒緊雞肉丸,外層輕輕炸過,入口內裏既雞肉幾滑而且好香雞味.雞卷肉用左雞皮包住雞肉,正正方方咁,燒好後雞皮變得好脆咬落外脆內軟.燒好既雞皮食落一d都唔油膩反而令份雞卷肉味道更香更惹味.魚肉年糕燒熱後變得脹卜卜,內裏既年糕會跟隨住魚肉彭脹令兩邊既年糕凸出黎,入口先食到魚蛋既爽彈,之後到Q軟既年糕入口煙煙韌韌.食到咁上下當然要食返甜品,雖然只有棉花糖,個對於燒烤黎講單係棉花糖就已經好足夠.棉花糖比較易溶所以要一邊燒一邊睇實,

book左台7點半，去到門口又無員工，又關左度門，咁正常反應緊係打開門想同侍應講我地到左。一打開門個老男侍應即刻勁惡喝我地 「喂 你地做乜架」，我心諗除左係入黎食野，仲可以點，唔通入黎搗亂？駛唔駛咁惡？咁我地都保持禮貌就話約左7點半，佢就繼續好惡咁叫我地「你地行返出去先」。佢就話成條街停左電，要補返時間俾客人，叫我地8點1,2先好再黎過。先唔講天氣幾熱，果頭夜晚7點半就已經無野行。如果佢識得早d打黎通知，咁我地就可以留返係有冷氣既商場之類等，唔駛咁急黎到，又要係出面熱住等。我地行左陣，收到訊息佢果下先改openrice個預約時間做8點，咁樣有意思咩？到8點搭1,搭2, 我地去到門口，又係要係出面等幾個字。咁我book台黎做乜？咁入去之前涼體溫，我地其中一個就37.幾度，佢就唔俾入，咁都正常既。但問題係果個男侍應要體溫高果個企係出面飲野，勁耐都唔肯再量多次體溫。佢仲串串貢話「關天氣熱咩事，關個體溫計咩事，又唔見其他人體溫高，偏偏係你高？」等左陣想開門叫佢量，佢就好惡咁話其他客人會覺得熱，就一野嘭埋度門。完全無交代幾時再量。佢講野口吻係非常之惡同難聽，絕對無必要咁樣。正常做生意，唔需要係咁

醬汁唔吸引，串燒除了食物新鮮， 醬汁就是靈魂，泰式汁唔似泰式汁，韓式汁，唔識形容， 沙爹醬都唔似多沙爹醬，干食串燒，無靈魂，食完等於無食，有點可惜，餐廳坐位舒服，食物種類也多選擇，飲品選擇不多，但服務態度很好

今日約朋友去一家位於位於旺角廣華街的「串GRILL自助燒烤專門店」120分鐘任飲任食 我地食5:30-7:30時段 一個人都係二百蚊左右 餐廳非常乾淨衛生 疫情時期進店店前須量體溫 提供消毒潔手液清潔雙手及口罩套 非常貼心 仲有搞笑版濕紙巾清潔雙手進店坐下後 職員先送上一盤不同款式的食材並細心講解燒烤爐操作 自動轉轉轉 完全吾驚要自己轉 轉到手攰 燒烤時間及串燒燒至6-7分熟時就可塗上餐廳自制蜜糖燒汁 仲重要既係 成日自己燒野食都吾知幾時先熟既朋友黎講 餐廳本身有一張牌提供每樣食物既建議燒烤時間，絕對不會燒得太耐調味醬汁有三種：韓國梨汁燒烤醬 沙爹醬及泰式魚露 另外仲有辣椒粉 味椒盬 海盬和燒烤必備的孜然粉 我自己燒烤就一定要落大量既孜然粉和辣椒粉 但三隻醬汁加落去吾同串燒都非常夾 例如：韓式醬加豬五花肉 又或者冬陰公魚塊就加泰式魚露 絕配阿食物種類都有好多選擇 分別有牛、豬、羊、雞、海鮮、腸、丸、菜及甜品。肉類必食推介：肉類M5和牛肩肉眼、牛舌、美國豬肉眼、荷蘭豬五花。肉質新鮮不會韌，豬五花肥瘦均勻，牛舌夠厚又彈牙，正！🥳🥳飲品方面都係任飲 食得太油膩 都有吾少茶類飲品中和返🤩其實1

好耐之前朋友介紹過呢間串GRILL, 可以任食串燒, 仲唔洗自己燒架喎!  岩晒我呢D又想食又唔想郁既懶人~不過餐廳真係唔大, BOOK位BOOK左好耐啦, 今日終於食到! 大家記得記得要BOOK位, 如果唔係WALK IN就要等10點啦MENU好簡單, 就係1版既串燒款式, 同埋任飲SOFT DRINKS/茶/豆漿/檸蜜等既枝裝飲品~簡單介紹下串燒, 佢有牛肉, 豬肉, 少少海鮮, 好似魚/蜆之類, 雞肉/羊肉, 丸, 其實種類好齊全! 就係BBQ既款式!!首先店員會教你點用個自動燒烤機, 基本上就係放落去佢就自己轉XD第一轉會比一盤肉你先, 之後就可以自己落單~個人最鐘意就係牛腩, 台灣腸, 同埋蕃薯仔!!!!!牛腩好有牛味, 同埋比較肥, 燒完都唔會韌呀嘛~台灣腸燒到脹卜卜, 皮脆入面又多汁, 好好食~蕃薯仔不嬲係我至愛, 燒完又甜~2小時既任食對我地黎講岩岩好~ 同埋有冷氣燒得好舒服~推介!!

第一次食完嬲到要寫食評母親節諗住慶祝下媽咪話朋友介紹所以揀左依間點知完全浪費金錢+胃quota個燒烤爐勁細每次只可以燒到十三串仲未計有啲大串啲嘅可能要霸兩格如果唔係係會轉唔郁一至兩個人都還好五個人真係燒到天光都唔飽仲要一串先得個幾粒肉仔粒肉仔係講緊大概一個銀仔嘅size..所以多人嘅話唔好預會飽講下啲食物嘅質素我第一次食牛食到耍手擰頭M5和牛..真心懷疑佢地知唔知咩係和牛食過晒餐廳提供嘅幾款牛唔係臭左就冇牛味其他肉基本上都係冰鮮貨但就完全無醃過雞翼個啲勁大陣雪味最好食係啲加工食品好似台灣腸一路食心理都好唔平衡好心得個鬼細咁細粒就俾啲靚少少嘅肉人食啦⋯⋯最後埋單要成300蚊一位100蚊我都覺得俾多左真心唔明點解會咁多好評最值錢應該係杯雪糕P.S. 食唔晒啲肉見至店員係會收返入去所以講真啲肉都唔知已經出出入入左幾多次我地5個人食有3個都肚痾

記得要打電話訂位，店內都不是有很多枱，因此不覺得坐的擠逼的串燒放題，二人來到就是最好吧，枱會更大更舒適。兩小時的放題都幾抵食，滿足的離去。一進來都有職員講解一下怎樣燒的，不用自己手動真不錯。不過要提提大家的就想吃非常重口味的串燒可能會不太合適吧，所有的串燒都沒有事先醃定調好味，燒完都依靠枱上各樣調味品，自行選擇味道，我個人想吃食得淡味，都沒有加太多粉由於是有一個幾層架放未燒的串燒，枱上一點都不覺得擠逼，平常最怕吃放題都沒位置放食物吧。店內都想得非常之周到，有埋食物燒幾耐這個濕紙巾的設計都好特別喔枱上放滿了不同的調味料，有辣有甜有酸，大概都總有一個口味岩你吧，個人最喜歡那個泰魚露，酸酸的非常開胃。

真係好鍾意食串燒！不過自己燒又真係第一次😂😂😂呢間餐廳好高質素，食物非常新鮮，店員亦都非常好態度，會教你點樣去燒❤️❤️👍🏼👍🏼大讚！❤️❤️👍🏼👍🏼👍🏼👍🏼價錢又唔貴，足足有兩個鐘頭可以任飲任食❤️👍🏼👍🏼款式亦都好多，肉類海鮮丸類都會有👍🏼😂😂😂而且佢啲丸真係好好食！推薦雞肉丸、墨魚丸同魚肉年糕❤️❤️❤️❤️可以自己加調味料❤️👍🏼雞卷呀😍😍😍真係好過癮，部機會自動自己轉👍🏼👍🏼👍🏼👍🏼壓軸登場，棉花糖！😍😍😍😍😍最後會有一人一杯雪糕❤️❤️👍🏼👍🏼👍🏼👍🏼

Bookmark咗好一排，今日係附近做嘢，忙完即刻行過黎試試😛6點前就到咗所以冇人等位，一到就入得喇好好彩～走嗰時間店都開始full，大家可以試下早啲到或者訂位平日是黎食連埋加一大約200蚊一位燒足120分鐘都好抵，時間充足好夠飽包濕紙巾好抵死🤣 朋友直情冇開黎用拎走餐牌好貼心，有俾張寫埋建議燒烤時間，地獄廚神黎都唔怕燒唔熟或者太老🤣🤣一開頭會俾一碟乜肉類都有啲既俾你食，呢個安排很不錯呀！咁就可以一路落單睇食乜一路燒住先個人覺得係韓式梨醬幾好，點少少食減低油膩感，食落會清新甜甜地咁特別推介食翠肉瓜，菇，台灣腸，魚肉年糕，豬五花，綿花糖，M5和牛，雞翼食材都幾新鮮，唔會有雪味，落孜然粉好香好好食。總括然而值得一試，自動串燒好玩又好食👍🏻👍🏻最重要當然係👇🏻

真心唔夠時間燒，我地6個人得2個鐘到，個架 限左燒既位置，燒得吾快 大家頭1個鐘都是空虛感～同埋雖然話自動燒，但個爐啲架 成日卡住d籤 都要去調整，加上燒得慢，所以一有位就要放上去燒 不能停～事後發現 落左幾次單既都冇出現，蝦.....感覺食黎食去都係個幾款～大家食完都要去食返個糖水同埋每張枱得一個食完放既籤桶，始終多人關係好吾方便 成日要傳籤比近筒既人放，好忙...店家轉返普通燒烤爐會重好，雖然好少見自動燒烤呢種，但燒左頭30分鐘大家已感覺不對路...真心 吾會再去食，又吾係特別平～建議店主 如果有熟食叫 同甜品叫 我諗會好點，而家主要係吾飽...當減肥餐吧

以串燒放題黎講，呢間鋪頭屈機嘅地方係個爐﹗
爐頭嘅電發熱線可以調控溫度、並且會自動轉動串燒，懶人坐係度就啱哂。所以優勢係可以燒到啲肉啱啱好，唔會太熟、太Un，好易就可以燒到外香脆、內軟熟嘅肉地。

放題選擇多，重點Highlights係⋯⋯ 

一定要食：澳洲和牛、雞軟骨，多春魚，墨魚咀。

牛舌：夠厚夠彈牙，加埋理想嘅爐溫，可以燒到Beautiful Tender Pink﹗

荷蘭燒五花腩：雖然串燒就細份啲，但脂肪和肉的比例分佈理想，入口有油香又有肉食。

燒甜薯：今次嘅燒甜薯挽救左我對燒甜薯嘅味道。之前去一間高級中式餐廳食嘅燒甜薯好「Un」、好似食無醬無味嘅韓式年糕，得個「濟」字。不過今次燒就推180度不同，燒完即卡食，甜到似綿花糖。雞軟骨，多春魚，墨魚咀：呢三樣嘢加埋佢提供嘅辣粉，或者係孜然粉，其實真係可以自己整到大排檔宵夜嘅質素😍墨魚咀：特色所在係，唔同大排檔炸嘅質地，係新鮮彈牙，你會覺得係食緊墨魚🦑唔係薯片😂飲品選擇都夠多，健康嘅有凍檸蜜，菊花蜜等；要爽嘅汽水都有。甜品仲有Häagen-Dazs雪糕🍦😂冇得輸⋯⋯

旺角特色串燒相信好多人都鐘意食串燒 但係就咁去串燒店食嘅話又貴又好難食得飽 要自己燒嘅話就覺得麻煩 咁就可以試吓呢間舖頭啦呢度主打任食串燒 舖頭仲好貼心 整咗個自助燒烤嘅爐 坐喺度unun腳就可以食啦食物嘅種類都幾多㗎牛肉豬肉雞肉羊肉應有盡有 嘢食同飲品又任拎嘅 仲有唔同調味料 可以跟自己口味炮製串燒又有得食又有得玩 我哋今日星期日嚟到早割時段就每人大概$228 呢個價錢其實每人食返10幾串都已經回到本啦 呢度最緊要仲有Häagen-Dazs嘅雪糕做甜品🍨 都幾超值 最推介大家食佢新嘅牛肋腩 加埋好多嘅燒汁同埋自家製嘅沙嗲醬同埋孜然粉好入味總括嚟講呢間旺角嘅放題串燒新奇得來嘢食種類都幾多 黎幾次都爆 證明質素都有保證 如果大家嚟嘅話就最好早少少啦唔使排隊呀嘛