串Grill 自助燒烤專門店 (廣華街) (已結業)

今次我地黎食懶人串燒點解叫懶人，事關佢連燒都自動，轉呀轉呀，差在未有人餵埋入我口,哈哈！6點鐘已經full house呢間真係要早啲book位，好啦，睇返環境先，鋪仔細細，但係五臟俱全。個點菜紙好環保，仲好細心另外有張紙教你啲肉要燒幾耐，仲有好可愛既condom 造型濕紙巾😚。😁飲品放係出面可以自己攞有小小野要注意返，拎定支香水去，因為食完個身有陣燒烤味。food講返啲食物先，首先肉類都幾新鮮，可以自己調味，佢有椒鹽，孜然粉，辣椒粉，鹽，同埋燒烤醬，想幾重口味都得😁，燒完仲有魚露，沙嗲醬同韓式梨汁，我自己覺得個韓式梨汁醬都幾特別，酸酸甜甜得黎又好清新既味道。👐佢食物種類都幾多多春魚雞脾菇燒賣腸仔你up得出既都有，連棉花糖都有，問你死未😀食到最尾仲有哈根大師雪糕連最新出既哈密瓜味都有，因為我太為食等唔切，雪糕冇影到相😅。食飽飽又要出去行下，呼~好滿足的一餐。