串Grill 自助燒烤專門店 (廣華街) (已結業)

作為串燒愛好者嘅我一直都好想試一間自助串燒，呢間串燒好特別，唔洗自己郁手反嚟反去，放上個爐度就會自己識轉，真係慳水慳🤣🤣，啱哂我呢啲懶人呀真係！一個價錢就任食真係好正，個menu都有好多可以揀！每一種肉都有好多款唔同嘅部位，有羊、牛、雞、豬仲有海鮮同蔬菜🥬確保唔會太膩！仲有張紙寫住每一種串燒燒嘅時間，提住我地唔會太生或者過熟，真係好貼心呀😋肉嘅質素都好好，跟住個時間燒就啱啱好，好多肉汁，加埋啲燒烤汁真係好正，鋪頭仲提供咗幾個醬汁點，增加個層次！👍🏻除左串燒類之外，仲有一個飲品櫃，都有幾多款飲品下，有汽水，樽裝檸檬茶，仲有豆漿添！食到最尾，仲有個Haagen-Dazs 雪糕！真係好正呀🤤

話說已經第二次嚟☺️依舊好食！「串Grill」真係比同類型對手好太多啦(有興趣可以睇返較早前一篇貼文)。首先醬汁，店員會教你燒到6成熟可以用掃搽「日式醬汁」，比較上色同上味👍🏻熟透後有多款調味粉、醬汁揀，隨自己喜歡加🤩「泰式魚露」「孜然粉」「味椒鹽」「串Grill辣粉」，小編最鍾意肉類加「海鹽」等肉味更出😘丸類就會點「韓式梨汁燒烤醬」，甜甜地🥰。食材質素高！肉類有保證，好多都係外國進口肉類，有齊豬牛雞，任食嚟講牛特高質啦☺️「和牛級牛柳」無得彈，牛味又多油脂唔會乾爭爭。「豬五花」就油脂豐富半肥半瘦相當平均，超香。「雞軟骨」係小編至愛之一，爽脆爽脆，落少少椒鹽吊一吊味Perfect。腸類丸類用高檔貨，「厨師腸」「台灣腸」真好食正宗，「芝士腸」燒到爆芝士添啊仲😜。每串食物大小剛好，可以每一行燒烤位都用盡，店家細心要讚👍🏻爐溫夠，轉鏈順暢，而且爐對上有平台架，未食可以放上面，用爐上升嘅餘溫熱住，真心相當好🥳。有氣無氣飲品任飲，食完仲有一人一杯haäagen dazs雪糕🍦總括嚟講真係性價比好高又滿足🤓！

一行7人得一個爐 就算幾多人都係得一個爐個爐每次15串 （仲未計d大件食物會霸你2-3串ge位)個爐係長期會卡住d籤，卡到你會好炆一次要整15-20分鐘先每人食得2串一粒丸分4舊串埋一串， d肉冇味 真係食唔出係和牛，燒左今耐先得小小野落得口你自己諗可以幾飽🤷🏻‍♀️最後2個鐘每人食到唔超過10串 所以就算你叫幾多都冇用 因為你都唔會燒得熟埋單每人接近300 蚊一個人頭所以多人千其唔好諗住食飽 唔係你會好失望

呢間每次行過都有好多人等，黃色經濟圈嘅威力真係唔可以睇小！嗰日咁岩放假，可以早啲食飯，於是就好早咁樣就去咗呢間餐廳度，博下可唔可以食到。由於我哋5:30鐘就去到，當時候冇乜人，好快就可以安排到入座。最抵食就係7:30前離座，每位198+1入到去睇枱面見到嘅就係呢一包濕紙巾有3種醬汁比你揀～野食好整齊，冇漏單，出菜快，完全冇需要催單。食串燒當然以肉為主😂😂😂😂擺落去就自己轉住燒，完全不費吹灰之力！呢度嗰啲汽水係任飲嘅，熱辣辣食住燒烤就係一流。最後要一讚嘅係員工嘅服務態度真係好好，非常之有禮貌！最後仲有一杯哈根大師雪糕做甜品！飽住咁出門口！

前嗰排見到呢一間餐廳有朋友去食，所以就前幾日特登搵朋友一齊食下。間餐廳比我想像中細，但係坐落都唔算好迫。入到去都有唔同嘅飲品可以選擇，而且全部都係任飲。餐牌上嘅選擇種類都OK，而且仲有我最鍾意嘅棉花糖添！啲食物尤其是係牛肉，食落口其實個口感同味道都幾好。而且仲有唔同嘅醬汁俾你去選擇，唔會永遠都係覺得同一個味道，不過如果有蜜糖就更加好啦！個人覺得佢個五花腩幾好食，而且原來燒燒賣都係咁好食㗎喎，有外脆內軟嘅口感。最後竟然仲有兩杯Häagen-Dazs可以食！真係好滿足呀！

成日都想去bbq,但耐何這樣既天氣，，不如燒埋我啦，，經朋友既介紹，有冷氣又可以燒既地方，又在旺區既串燒，，，，就有串grill 呢間小店都幾難book,有興趣既就要預早小小啦，，，一到埗，，雖然空間比較細小，，但油煙感覺不算差，，，通風做得不錯，，冷氣又不會太熱，，岩哂我呢種又怕熱又怕煙既人，，，坐既位置不算太狹窄，，，對於旺區黎講都ok ，，枱面正中間就係我地bbq既地方，，，，有d似放燒豬既地方，，坐好之後，，，店員就介紹枱面既醬汁，，介紹完之後送上一些預設的串燒，，再教你怎樣將串燒放在齒輪上，，食完一輪之後就開始點想食嘅食物食物種類都很多，，豬牛雞還有一些內藏，雞嘅內臟，豬嘅內臟，，仲有一丸類，棉花糖，腸類，羊肉海鮮與蔬菜。而且他還有一張介紹燒嘅食物嘅時間，平均燒嘅時間大約係三至十分鐘不等，，但呢度唯一與你平時bbq不同嘅地方就是平時你最多只能燒兩串，，但這裏就可以十多串一同放下去燒，，，夠串未，，而食物質數都幾好，，，味道就自己調，，，飲品選擇不多，但，我就選擇豆漿，，，冇甘熱氣嘛，，整體感覺幾好，，，下次bbq會再來呀！

星期日Family day成家一齊出咗旺角去支持良心小店，串Grill自助燒烤專門店！見到門口都好多人排緊隊，好彩一早Book jor位😛等咗陣就入得量完體溫搓搓手之後就坐低落單啦～食物款式都唔少架😋有豬牛雞海鮮小食蔬菜都有！每次點完都好快上到菜！食物質素唔錯，完全對得住個價錢🥰小店仲有個List suggest要燒幾耐，跟住燒一定無錯架啦！另外，飲品都係放題任拎～食下食下就夠鐘，真係非常滿足！好味又抵食！

依間黃店一直都好多人推薦去食，但係一直都無機會嚟試下，見係假期前夕可以晏啲食，所以就同男朋友book咗嚟試下。餐廳吾算好大，但強枱都好大，有足夠既地去放個燒烤爐、調味粉、調味醬同埋串燒架。店員好仔細咁解釋咗點用個串燒機同埋係啲串燒熟之前就要落日式蜜糖汁，依個汁真係好惹味，會令串燒更加入味。餐廳有個牌講晒每種食物要燒幾耐，所以我地可以跟住個時間燒就會避免咗overcook既問題。而且，餐廳既食物種類都好多，有肉、丸、蔬菜同埋海鮮。肉方面，我覺得和牛牛柳真係吾錯，但真係要注意個燒牛肉既時間，因為牛好易會過熟，影響個口感。海鮮方面，鯖魚係我地叫咗幾次既，比較少食到鯖魚串燒，但啲肉真係好嫩滑。而丸類方面都好值得試，因為餐廳提供既丸同平時食既好吾同，而係比較多日式既丸。

細妹成日忙拍拖，唔理我依個大哥🥴 今晚難得佢主動約我食飯，簡直好感動😭。 今晚佢帶我黎食依間良心抵食小店！自助串燒放題💛 正❗️-串燒吃得多，但自助串燒還是第一次！很有新鮮感亦好岩我依D懶人😆 將每枝串燒放在轉轉烤盤上, 看著其轉呀轉，很治癒。餐廳亦清楚列明各樣食物所需的烤熟時間。 -串燒類別主要有肉類、海鮮、蔬菜、丸子等，十分豐富，而且醃製入味，有水準，我們每款差不多試了一遍😜-🐮牛肉有M6 和牛牛柳、紐西蘭牛西冷、美國牛肋腩及牛舌。最喜歡美國牛肋腩那肉質軟腍鬆化-🐷豬有美國豬肉眼、荷蘭豬五花、美國豬肩胛及豬大腸。 最鍾意豬五花，其油脂分佈平均；肉質有嚼勁。經烤過後，油份溢出，多一份油香。-🐔雞有雞腎、雞皮、雞軟骨、雞中翼、雞卷肉、烤雞粒。 最鍾意雞翼及雞卷，雞翼烤至皮脆肉嫩，掃上蜜糖汁更惹味；雞卷啖啖肉，吃得過癮。-🍖腸有芝士腸、辣肉腸、台灣腸、廚師腸。 由細到大都很喜歡吃腸！ 首推台灣腸❗️ 其外層口感像臘腸般較煙韌硬身，其味道咸香很惹味。-🍡丸種類最多，有魚片頭、豬肉丸、墨魚丸、魚肉年糕、魚肉豆腐、貢丸、魚蛋、蝦卷、冬陰公魚塊、街頭燒賣。 貢丸、魚蛋，墨魚丸夠彈牙； 冬陰公魚塊

好幾年前, 已聽說過觀塘有間串燒店, 室內有冷氣又可以自己燒的, 但一直都因有點遠而遲遲未去。所以, 那天我剛好走過廣華街, 遠遠地見到大大個牌寫了和你燒, 即走去研究研究!原來是120分鐘任飲飲食, 當日我們每人只需《$228》, 只是比火鍋貴一點點, 可以一試~雖然總類並不是很多, 但應有的都有!肉方面, 牛豬都各有四款可以點~ 而雞則有六款, 當中最正是有雞皮海鮮就比較特別, 除了平常常食到多春魚和鯖魚外, 竟然有墨魚咀和蜆肉呢~甜品方面雖然選擇只有棉花糖, 但燒棉花糖才是燒烤的真諦啊!!!第一次用自助串燒機, 只要動手將想食的串燒放上爐, 就會自動轉轉轉!真的又好玩, 又不用總是要手動轉, 又燒得好食飲品除了一般汽水外, 還有豆漿和鴻福堂的飲品, 感覺上健康一點~但如果有無糖飲品會更佳, 因為我不太愛飲有糖的串燒用一個個木盒放好, 而另外一個架, 將木盒上下放齊, 即使點了大量串燒, 都可以整整齊齊!重點是我這些三心兩意的人, 可以一眼看到自己點了什麼, 再選想食的!!!食物方面, 真心高質肉的大小切的剛好, 不會太大令入面難熟, 又不會太小令我食得不夠爽快~試過大部份的肉類,

最近好多人介紹呢間自助串燒店人氣好高點解因為呢度啱晒啲懶人唔使嘥氣力自己燒😂😂因為呢個燒烤爐上面有個旋轉鏈可以令每一串食物都可以自動旋轉又可以令到每一串食物都可以燒到好平均唔會一邊熟啲一邊唔夠熟完全係放心咁食🥰嘢食方面基本上牛，豬，雞，海鮮，腸，丸，菜每樣都有幾款俾你選擇👍另外都有羊卷肉同好多人鍾意嘅棉花糖都有👏🏻👏🏻全部都好新鮮所以點樣燒都好食😋😋同埋呢度特別要提嘅就係醬料，有三款俾你揀泰式雨露，沙嗲醬，韓式梨汁燒醬，三隻醬料都好唔同所以我會選擇自己喜好嘅食物在選擇醬料🤗飲品呢度有兩個大雪櫃可以自己選擇喜好嘅飲品同埋呢度有最鍾意嘅Hagen Dazes雪糕🥰🥰

串Grill 自助燒烤專門店是放題自轉串燒店，2 小時可任食40款串燒，夠多選擇，包括澳洲M5、西冷、牛舌、豬肉、羊肉、雞翼、腸仔、丸和蔬菜，雪櫃可隨意選擇喜愛的飲品，甜品有Häagen-Dazs雪糕！每張枱都有一部燒烤自轉機，將串燒放到架上，串燒機就會不停轉動食物， 360 度受熱，不用自己動手反轉燒，十分方便。所有串燒以木盤載，每個木盒放一打串燒，鐵架可放四層木盤，場面壯觀！旁邊有調味料，醬料有韓式梨汁燒烤醬、泰式甜酸醬及沙嗲醬。調味粉有孜然粉、辣椒粉、海鹽、胡椒，應有盡有。不斷吃喝，忘了吃過多少串，身上沒討厭的煙燻味！

呢排好想狂食，😑😑可能餓得太耐，終於忍唔住，約左朋友去旺角廣華街食放題串燒，而且試吓新野🤭🤭有得玩吓之餘，又唔會太辛苦🎊🎊因為佢係自轉式🎡其實好治癒🙃本身認為串燒店比較熱，而且會好嘈，但呢間就唔同，可以自己慢慢燒，一次過點自己鍾意食嘅野，之後就按自己喜好燒(唔似出面嗰d, 點完食物，又唔會分款式上，車輪轉咁上，又唔一次過上，所以好困擾)，呢間就私人空間大d,佢地上完食物，仲慢慢教完我地點燒之後，就唔會有特別嘅騷擾,我鍾意咁，可以同朋友真心傾吓計🤗🤗豬🐖，牛🐄，羊🐏，雞🐔，海鮮🐟同蔬菜🍅🥒🍄類別都好多款，每樣食一串都飽😅😅仲配上特別燒汁，代替蜜糖，所以唔會死甜，醬汁另有3款，有泰式魚露，韓式梨汁同芥辣，差不多熟時就有辣粉，鹽之類....所以配搭好多，唔同食材都可配唔同嘅野。全部都是自轉，所以燒得好平均，而且爐在柜裏面，所以唔會太熱，所以比平時串燒店舒服🥰差不多食飽時，店員最後會給雪糕🍨,雪糕簡直係一餐嘅完美🤗🤗$200左右，可以食放題，又唔嘈，又有得玩，其實真係抵

串Grill一直都好旺，原因係抵食又高質，而且仲係💛所以就算Book咗台都好都等咗幾耐先入得😂店舖唔大，座位比較少，同埋座位唔算太闊絡，不過好彩懶人燒烤唔會叫到成張台都係因為會有層架將未燒嘅串燒疊起😛講埋食物款式，都比較正路，雞豬牛都有，都有啲丸類/小食類嘅叫，飲品就任飲～醬料有3款，個人比較推薦沙嗲醬再加孜然粉同辣粉，超惹味肉質好靚，都係高價靚貨，好新鮮，唔會有雪味，強烈推薦牛舌！超爽口又嫩！

第一次食串燒放題，仲要係自己燒嘅串燒。係幾好嘅體驗。舖頭環境企理，枱面同食具都乾淨。 燒烤爐火力都夠大，唔會燒唔熟啲食物。食物1串串，冇咩調味，靠自己調味，呢個我最like。 食串燒通常都好重味好多調味，今次可以自己調味，都幾好！嗰日我叫左好多唔同種類嘅串燒，大部分都幾好，肉類， 蔬菜，海鮮，甜品，各樣都有。肉類我覺得各種豬肉，好似有豬腩肉，豬梅頭肉，都幾好食。牛肉都重肉味，令我幾驚喜。最鐘意係佢啲雞翼，燒完後，皮脆肉嫩😋😋😋 點左少少鹽已經覺得好好味。任食串燒食蔬菜就唔洗就住就住，我燒左勁多串翠玉瓜車厘茄同埋冬菇， 加咗佢嘅秘製醬汁去燒，真係100分。首先佢嘅蔬菜好新鮮 ，車厘茄好甜， 翠玉瓜好爽脆。最後，估唔到食串燒仲可以有甜品。我叫咗佢嘅棉花糖。佢火爐火力幾好，可以燒出bbq棉花糖， 燒完嘅棉花糖脹卜卜，外面脆脆地，面頭微啡，真係好正！