串Grill 自助燒烤專門店 (廣華街) (已結業)

今晚約左朋友去一間可以和你燒的任飲任食120分鍾放題燒烤專門店食個痛快👍🏻，朋友之後已經試過話自己燒好得意，所以帶我再黎和你燒🥳。話明任飲，先去拎了蜜桃茶同荔枝茶先，之後要再點些肉類（M6和牛柳，牛肋腩，豬五花等等食住先）食之前最緊要睇下個燒烤盧點運作，而店員都好細心解釋比我地聽，最緊要係有說明每一種食物都有燒幾多分鐘的指引，咁就個個人都可以變大廚啦😂😂。好啦，食物到，排得好齊整送來👏🏻👏🏻，可以開動。其中一種食物我地order左好多次，因為燒烤方法可以令佢燒得出色入味有口感，就係豬五花，雖然有點肥，但呢個一定要試👍🏻👍🏻。還有燒芝士年糕，燒得好好食，又易燒😋，印象好深刻。食完仲有Häagen-Dazs雪糕添，大滿足，值得推介。

社交平台見到有人推介, 未試過自動轉嘅串燒店, 又知佢係黃店, 所以黎撐下! 其實4人食呢D真係食唔飽, 爐又細, 燒又需時, 根本120分鐘係唔夠時間, 食完都好似無食過嘢咁丸類一粒開4塊, 價錢260連加一, 真係好好賺!另外串燒轉時, 間中會受阻 kick 住, 所以其實即使佢會自轉, 但都令到你好忙要望實同埋攪下令到佢可以轉到, 而且燒好一串, 份量又好少餐廳選擇亦不多, 呢個價錢實在 OVERPRICE, 唔會去下次, 亦唔推介比手足!

一定冇下次。 食物，服務， 態度，冇樣野合格。 最起碼既「食飽」 都做唔倒。 120分鐘， 我真係好好好努力咁燒， 連120串都完成唔倒。 最好笑， 當我孤陋寡聞見識少， 一開四既貢丸 叫做一串。 我未試過一粒貢丸要4個人share. 相信呢樣就係傳說中既happy share. 牛， 又話M5和牛？ 個grade真係有M5?, 又硬又冇牛味又多根。 個爐得13個位， 最左最右冇火， 即係得11個位， 4個人， 每人每10分鐘最多食得3串野， 每串得一粒魚蛋份量。 120分鐘，最多係食倒36粒魚蛋既量。點解要咁呢？ 因為燒既速度慢到趕客， 份量細到趕客， 態度差到趕客。 完。希望 去食之前三思， 或者打定底， 再唔係附近搵糖水食飽佢。

呢條街呢幾個星期不停黎食...好快成條街所有餐廳俾我食曬!!!!!哇哈哈哈!不過呢條街的餐廳都真係幾好食...今次就食左呢間自己燒串燒餐廳~一坐底都見到有好多唔同的醬汁同材料可以加! 正!!有齊曬所有我的最愛!!孜然~ 椒鹽~ 沙嗲~仲有泰式魚露!!!!試曬咁多隻之後，個人覺得 椒鹽+泰式魚露 係最夾!!第二就係孜然+椒鹽!肉黎講，必食係牛舌!! 因為真係好好食，厚肉，唔膻，彈牙!!真係超級超級好食!!!呢個ITEM必推!!!除左牛舌之外，豬肉都係一定要食!因為佢夠肥，燒完小左的油脂，唔會太肥膩，加埋醬汁真係一流!!除左肉之外，佢都仲有好多唔同野食，基本上呢的野全部都可以!!因為坦白講...呢一類型燒烤只要材料可以，加埋醬汁其實一定好食!蕃茄燒完係一定好食~ 翠肉瓜都係! 因為佢地燒完表面會收縮左，一咬開入面就會好多水爆出黎!!真係好好食!!雞腎就爽脆，唔會太細粒,攪到完全冇口感!!飲品都有唔小種類可以揀，仲有好多下火野~ 岩曬邊燒邊飲!!最後最後~ 仲有一杯哈根大師的雪糕添丫~ 完美落幕~成餐飯都食得盡興，因為燒唔駛好耐就可以食! 唔會等到好肚餓都冇野食!!

成日都會周圍去試新嘢，今日經過旺角嘅廣華街，就見到呢間「和你燒」，價錢合理，唔駛諗即刻入去試啦！ 因為我未玩過自動串燒機，心情好興奮！一入到去就見到呢個鬼馬包裝嘅濕紙巾，笑咗。首先會先嚟一盒指定串燒，等你樣樣試少少，啱食就可以encore~飲品可以喺出邊隨便任攞。韓式梨汁燒烤醬、泰式魚露、沙嗲醬，沙嗲醬味道濃郁，我最鍾意係韓式梨汁燒烤醬，甜甜地又惹味。仲有當然要用埋燒烤必備嘅孜然粉。串燒燒到六七成熟就可以加日式燒汁。睇吓有好食先。串燒機會自己一路轉一路燒，燒得好均勻，輕鬆方便。 望住佢燒到金黃色就可以食，手殘都可以燒出美味串燒啦。燒雞皮已經燒走大部份雞沙，變成脆卜卜，正！M6和牛牛柳係回本之選，牛肉味幾濃香，又帶點油脂。燒菠蘿高纖維又香甜，仲要可以去除油膩感，食左好多。甜品有燒雞蛋仔、棉花糖，梗係要試啦。最後一人仲有一杯雪糕添。食食吓兩人加埋食左成六十串，每人先二百幾蚊，比喺出面啲串燒舖真係平好多，好抵食呀！

作為地道香港人一定會食過串燒(雖然串燒唔係啲咩港式食物但係一班人一齊串燒又真係幾開心) 平時好多串燒鋪都唔知點解落完單之後要等好耐先有得食，成日都等到好唔耐煩，但呢一間係自己燒，自己控制幾時食，容易預計好多，同埋唔咁悶～呢個燒爐係用發熱線，唔會有真火所以都唔會有咩煙。佢仲有齒輪識得自己轉轉轉，一次過可能燒好多條，又唔易燒燶，唔洗好麻煩就可以燒倒好多串。出面嘅串燒好多時都係用同一種調味，但呢度嘅調味真係有好多種，自己配搭出好多種唔同嘅味都得。首先有鹽、椒鹽、辣椒粉同埋孜然粉。我最鍾意就係椒鹽配辣粉～除左粉，仲有三種醬。左至右分別係魚露、沙嗲同埋燒汁，燒汁係點乜肉都正。架上面可以放燒好嘅肉，方便大家share呢個大筒係用黎放食完嘅籤肉質方面，呢度嘅肉都係幾新鮮嘅，冇腥冇臭，有幾種肉仲係特別有肉味。例如係牛腩肉同埋肉眼。燒菠蘿係必食，冇得輸，好甜好juicy!呢三款係令我喜出望外嘅野食。棉花糖係燒到外脆內軟。中間係雞蛋仔，燒得夠耐嘅話會食倒脆邊！右邊係燒賣，點滿椒鹽黎食嘅話會好似出面啲炸燒賣，但係健康好多！

呢間黃店又令我忍唔住寫食評，呢個平民價錢食到高汁澳洲和牛，真係好驚喜。一坐低就有職員細心教燒烤技巧，而且每樣食物都有建議燒烤時間，跟住燒就ok。由於每樣食物燒出黎都好好食，亦有多款調味料任君選擇，所以一路食停唔到，只係記得開場影左一張相😂本人最愛雞蛋仔😬無影相sorry，係肚到喇！

廣華街好多食店，要食串燒當然去這間。星期日happy hour時段$228加一，2個鐘任飲任食，超值👍。而且真的是和你燒🤗。將串燒上的鋸齒對應放在串燒架的運行齒輪，串燒就會自動轉圈，等燒熟就吃得，正呀😍。第一次吃的話店員會細心講解，所以好容易就懂✌️。還有提示卡教你每種食材大約燒幾分鐘。店員還教食材6，7成熟就可塗上日式燒汁，吃時可隨喜歡加醬汁：泰式魚露、沙嗲醬、韓式梨汁燒烤醬或調味料：海鹽、孜然粉等。各有滋味，絕對不能錯過😋。一開始會事先呈上一盤食材，原來為了讓我們點餐時已經可以燒著吃，好细心🥰。食物種類多樣，在點餐紙填上所要的數量就可。另外上菜的速度很快，超讚👍。飲品就自己出去雪櫃自取，都很方便。肉類很新鮮，沒醃製過的，可以品嘗最真實味道和質感。之後再選擇用什麼醬料或調味料去提升味道層次。肉類開頭燒得比較乾😅，喜歡用梨汁去增加水潤感和甜度。後來掌握了時間控制，就試海鹽，都很讚。牛豬每個項目都不能不試，包會食得開心試得開心😋😆。腸仔、丸類用沙嗲醬都好味，有沙嗲風味但不辣。鯖魚本身已經好鮮美，但加了泰式魚露就多了酸辣口感，鮮味加惹味，食過番尋味😍。另外菜類和冬陰公魚塊、魚肉年糕深得我們喜

而家隔幾日先出得街食飯，所以今次同朋友出嚟食晚飯都要食得好啲😤呢間串燒合晒我哋呢班食肉獸嘅心意🤣有好多肉類選擇😍一入鋪頭店員就用消毒噴霧為大家雙手消毒，又提供抹手紙俾大家收埋個口罩，好鬼貼心❤️店員首先問大家係咪第一次嚟食，如果係嘅話佢就會好有耐性咁樣為食客講解👍🏻有各款食物嘅燒烤時間就唔驚啲食物唔熟或過熟啦有三款醬汁俾大家，包括沙嗲，泰式魚露同韓式燒烤醬。我個人比較鍾意食沙嗲因為花生味好濃！另外佢都有啲味粉俾大家，例如孜然粉同幼鹽平時燒烤我哋會用蜜糖，但係呢度有秘製嘅燒烤醬代替，同樣係甜甜地😋有兩個冰櫃嘅飲品任飲第一轉係全肉宴！豬五花肥瘦均勻，好香油脂味之餘又唔會食到成口油我最愛嘅牛舌好爽口！肉眼好嫩，而且牛味濃之後終於有啲蔬菜😂台灣腸燒到好有肉汁🥰菠蘿係新鮮嗰款，清甜多汁，解油膩日本甜薯係我另一至愛，encore左好多round😈

1.<120 分鐘任食好味串燒>🔥喺旺角呢間串 grill任飲任食 有分730pm前 晚市 同930pm後時段 有大慨40 種串燒任食 出面可樂 檸茶 菊花茶豆漿任飲我食既係730pm前時段 每位198 蚊 價錢經濟 食物質素高 我幾鍾意佢個爐 一串串鐵枝串住食物放喺爐度就會自己轉 燒完唔想即食住 佢上面仲有鐵架放住 👍🏻 有唔同醬汁點食物 好似泰式魚露 夠哂惹味🌶️沙嗲 甜得黎夠香濃 仲有韓式梨汁燒烤醬 幾酸甜開胃 👍🏻如果唔夠味仲可加孜然粉 椒鹽粉 七味分粉等等 多種選擇2. 食物有好多選擇 牛豬雞羊海鮮甜菜腸 9 樣野 牛有 味道香濃既m6 和牛牛柳 juicy彈牙既牛肋腩 仲有煙靭味香既紐西蘭牛西冷🐮 而佢既牛舌夠爽彈 丸口感 好味🐂 3. 鯖魚既魚皮好香脆 墨魚嘴 夠爽同 juicy同鮮甜🦑 而多春魚既春口感好好👍🏻4. 棉花糖大大粒 燒一陣外面有 d脆 入面熱辣辣軟林林 好味🍡5. 豬方面 美國豬肉眼 豬肉味適中 比較彈牙🐷豬頸肉就比較肉味濃 同多油花🐽最肥味就係五花肉 肥膏入口即溶邪惡😈6. 雞腎 都幾煙靭 雞皮夠肥美軟林🐥 雞軟骨夠爽彈 雞中翼 十分香脆

今日嚟到呢間位於旺角嘅串Grill🔥放題專門店，位置都算方便，油麻地站行大概7分鐘就到！就喺廣華醫院附近。價錢方面我哋就揀咗happyhour 時段，都係$198加一。我哋依個時間去食其實都幾好，一來早啲食冇咁多人，二來價錢相對平啲。店舖唔算話好大，但係提供比客人嘅座位都好寬躺，適合四至五人聚會都OK！坐低冇耐店員就過嚟介紹咗燒烤爐點運作，佢個燒烤爐可以自動旋轉，令到啲食物可以燒得好平均，同埋時間都幾快。比起傳統BBQ就舒服好多喇！之後店員好快就俾咗頭盤食物俾我哋，大部份都係佢哋招牌嘅嘢食。牛肉方面我比較欣賞佢哋嘅牛舌同埋牛肋肉。好多放題提供嘅牛舌都係比較薄，依間燒烤放題嘅牛舌就非常厚身，食落好有口感同埋肉汁。 牛肋肉就好爽口，而且牛肉味十分之濃郁，推介大家主力食依兩樣！海鮮方面佢哋仲提供墨魚咀，坊間燒烤放題好少提供，所以幾有鮮感。質素都唔錯，好爽口！另外我仲好推介大家食雞皮同埋菠蘿。雞皮雖然比較油膩，但但係燒脆之後非常好食！而菠蘿就好少渣，而且質素好一致，每舊都好甜。 嘢飲方面都係自助嘅，正常種類汽水可樂芬達雪碧都有。最後仲有一點值得一讚就係佢醬料幾多選擇，有孜然粉、辣粉、椒鹽、韓國

今晚同朋友黎到串Grill食自助串燒放題，任飲任食120分鐘！餐廳最有特色的莫過於係自助串燒機，放串燒上去就會自動轉動，除左放串燒上機的動作外，完全唔洗郁，係懶人之選呀！桌面有唔同調味品可以俾食客調味，有燒烤醬、韓式梨汁燒烤醬、沙嗲蓉、泰式魚露、辣粉、咖哩粉、鹽、孜然粉，都算多選擇，可以跟隨個人喜好調味。食物選擇唔算多，但該有的都有，餐廳仲細心咁整左張食材最佳燒烤的時間表，大家可以睇住時間燒，不過食得懶人串燒，都應該懶得計時，我同朋友就計都唔計，睇到熟左的樣就食🤣，味道同樣唔錯！另外，落單後上菜的時間好快，唔洗等好耐就上到枱，唔會拖單！特別推薦甜薯同台灣腸呀，燒到勁好食🤤🤤！除左燒烤串外，仲有飲品任飲，飲品選擇算多，仲有雪糕食呀，而且仲係有名的哈根大師雪糕呀😋😋

同朋友一直都好想黎試下呢間串燒放題，由一月開始約，一直都約唔到。。。直到三月頭既呢一日終於約得成～～～由於而家非常時期，都好驚放題呢一類會同一時間太多人一齊食野，而且鋪頭都比較細，所以我地book左好早，5點就食，食兩小時。食材選話多唔多，話少唔少，有基本既豬，牛，雞，仲有丸類，蔬菜，腸等等。一開波我地就叫左全部肉黎燒～～～個爐既發熱線係兩邊，並唔係直接係食物下面既～而且有齒輪自己轉動，唔需要自己郁手燒啲串燒，十分方便！醬汁有三種，沙爹醬，韓國梨汁燒烤醬同泰式魚露。私心推泰式魚露～配菇類同雞翼都幾正～另外仲有辣椒粉，孜然粉，鹽等等，我基本上都淨係鐘意點鹽食肉～牛肉普通，有一款比較硬，但係另外又有一款比較好食，因為無分開叫，所以唔知邊款打邊款哈哈！牛舌好食，唔韌，幾彈牙。豬五花好好食！！！肉味香，而且咁樣燒迫左佢本身既油份出黎，相對黎講無咁油之餘，豬皮同豬油個層都好香口，瘦肉部份都完全唔會韌。雞翼正常發揮，但雞軟骨同雞皮我就覺得咁樣燒好似無咁正，因為始終唔係炭火直接係下面燒，會唔夠香脆。羊卷肉都幾好食，我覺得幾有羊味，肉質都唔會好乾硬。菜類方面，菇類最突出，咁樣燒又好食！豆卜都幾得意，燒

今日同朋友行街，去decathlon買野，行到咁上下開始有啲肚餓，就上openrice搵野食，見到有呢間「串grill」好似幾出名，就黎左食，果然無失望！門口大大隻字寫住串grill，好易搵。價錢都唔係好貴，任飲任食，幾抵。原來呢間野都好多人排隊，好彩今日我地早到，聽到有對情侶後到都已經要由5點半排到7點幾，好好彩。一坐低已經比佢強勢既陣容嚇親，第一次見咁樣燒烤法。不過呢到好user friendly，店員好細心咁同我地講解晒點用個爐同有咩調味料、邊到拎野飲。menu好多野食，仲介紹埋每樣野要燒幾耐，好好呀！落左單，唔洗3分鐘就拎到黎，好有效率，抵讚！呢個串燒爐真係不得不介紹，只要放串燒上去，佢就會自轉！放上去之後等食就得，岩晒我呢啲懶人！第一次見到呢啲天才發明，好興奮呀！！其次要讚就係佢爐上面都有個架比我地放啲燒熟左既食物，防止燒燶之餘仲可以keep住個溫度，good！我覺得呢到最正係啲牛，好新鮮、好軟身，仲keep到啲牛味；第二正係豬頸肉，食左好多串！野飲方面都好多選擇，有兩個大雪櫃，應有盡有，唔會淨係得汽水汽水汽水，抵讚！食到最後仲會送杯haagen dazs雪糕，完美結束！大家

上網見到有人SHARE呢間餐廳,見到D爐好得意,可以自己燒就黎左食啦!開始之前店員會先講解下個運作,然後就可以自己點野食拎野飲,由D食物自己係度自轉啦!肉既種類好多,仲有A6和牛添!雞牛我都有食到,好味!腸既種類都多,有台式腸,墨魚腸等,但我都係中意芝士腸,食左好多。好滿足!得意既食物仲有棉花糖同雞蛋仔,平時BBQ都好中意燒棉花糖,係度食就唔洗煩。蔬菜我就叫左翠玉瓜同茄仔,平時唔中意食翠玉瓜既我都好中意食燒既瓜。魚蛋我覺得好好味,好彈牙!飲品既種類呢度有好多,有健康既亦有邪惡既。食完野仲可以有一杯名貴既哈根大斯雪糕添!任飲任食黎講呢間都算抵食,可以一試!店員都好親切好願意睇你有咩需要。都近油麻地!