串酒里 (已結業)

🍽串酒里幾年前當仲未有黃藍店之分嘅時候，已經嚟過呢度食串燒，當時見到佢哋嘅粗口手工啤，覺得好有本土特色，點知原來幾年之後，當我又想試返呢一間餐廳嘅手工啤，順便睇吓佢嘅串燒水準keep唔keep到嘅時候，發覺原來佢哋嘅手工啤仲有一個新嘅包裝！估唔到佢哋除咗有本土特色之外，仲緊貼到社會現況～雖然我哋只係得兩個人嚟食，不過既然支持本土特色嘅小店，當然大擦一餐！呢度嘅串燒有好多選擇，豬牛雞、海鮮、蔬菜、丸、卷物、特色小食都有～貪心嘅我哋就每樣都叫咗啲黎試😜🤍札幌芝麻香燒雞翼兩隻（$32）🤍自家製醬汁燒黑豚肉（$49）🤍惹味汁燒豬仔髀兩隻（$59）🤍麻吉燒（$22）🤍燒芝士丸（$22）🤍燒玉子（$32）🤍火辣牛丸（$22）🤍醬燒金菇肥牛卷（$48）🤍蒜蓉燒原條茄子（$49）🤍七味薯仔片（$22）🤍黑松露沙律醬薯條（$49）🤍汁燒煙鴨胸（$34）個人比較推介七味薯仔片，佢將啲薯仔切到好薄，已薯仔本身比較容易吸味，所以令到成塊薯仔嘅味道都好豐富。而雞翼本身就炸到好香脆，就算係加咗啲汁係上面都完全冇影響！💰人均消費：約$250📍尖沙咀山林道6號B舖

放工同朋友想揾間串燒店chill下，佢介紹咗呢間串酒里，聽個名都知有酒有串燒啦😆餐廳係一個小巷入面，真係非常隱蔽！果然係隱世串燒店~入面座位唔係好多，只有幾張檯，整間餐廳裝修走型格工業風~雖然餐廳小小，串燒選擇都唔小，而啤酒方面，更有粗口手工啤！平時講開嘅都有😆✨麻辣系列講真食過咁多家串燒店，呢間嘅麻辣串燒非常推薦！麻辣爽彈雞腎串，雖然雞腎係細細粒，但好入味，麻中帶辣好爽！一啖啤酒一啖雞腎！川式麻辣香燒雞翼，呢款我就覺得冇咁辣，可能雞翼嘅肉汁中和咗😆雞翼非常香嫩，而多汁，配合麻辣嘅香味，令人食唔停✨秘製香燒豬頸肉味道香口又惹味嘅豬頸肉有別於平時食開一片片，方粒型嘅豬頸肉，口感更強，更有嚼勁✨ 惹味汁燒豬仔髀都比較大隻，燒得外層大微焦香帶乾身，味道香口帶微甜，口感有嚼勁而爽口✨麻吉燒見佢旁邊有個like，就叫嚟試下！ 魚肉包住麻薯外層口感軟而彈，咬開麻薯就湧出嚟，食落煙煙靭靭！✨ 自家製惹味炸雞旁邊配沙律醬，就算唔沾沙律醬都好夠味，外脆內嫩，外層鎖住雞嘅肉汁，食落非常juicy!✨ 金菇肥牛卷肥牛較大所以捲咗兩三個圈，較難咬開，牛味香濃，而金茹較大撮，如果細細撮可能口感會較好✨豚肉腐皮卷

講起依間店一定會諗起粗口手工啤 超有性格的🤭 不過我好乖地唔飲酒😛 再者就係每款都有特別醬料：麻辣醬 川式 芥末 黃金蒜蓉等 淨係揀醬都已經選擇困難🤫.▫️推介top1🥇惹味汁燒豬仔脾 $59 食落外酥內嫩 啲汁滲佐落豬仔脾度更惹味 食落都唔會好柴 啖啖肉 同平時食豬手差唔多😍.▫️推介top2🥈芥末餃子雞翼 $49燒到微焦咁 一咬就食到芥末味 類似明太子咁 又唔會話太辣 調味剛好 而且雞既肉汁都幾多 整體口感幾豐富🤤 (開頭仲以為芥末係wasabi😂😂) 另有川式麻辣同芝麻香～.肉類仲叫佐鹽燒厚切牛舌 每件都好厚實同有牛味 且有嚼勁～～ 煙肉荔枝卷 荔枝好甜同juicy 我幾鐘意鹹甜既搭配 但煙肉可以燒得更香口😛.到最期待既海鮮類😚 望落超吸引的～ 燒扇貝簡佐冬蔭功汁 辣辣地咁 酸味唔算好出 而日本廣島蠔就簡佐日本雞蛋 因為好奇係咩黎😛 原來係生蛋再加佐茄汁 滑溜溜既組合🤭 蛋液最突出食落都幾特別 中和佐蠔既腥味～.到蔬菜類 粟米簡佐醬燒牛油🧈諗住特別啲 食落比平時更甜 有啲似蔗糖～ 仲叫咗鹽燒日本秋葵 鼻涕情況唔嚴重🤫 反且幾好咬 同埋調味整得幾香口😚.總結，真係有勁多款特別醬料可以

店鋪雖然係一條仔巷仔到但都唔有唔少棒場客店內有幾款本地品牌手工啤酒🍻🍽惹味汁燒豬仔髀(兩隻)$59燒的剛剛好，不會乾夠哂juicy🍽鹽燒厚切牛舌$68燒得岩岩好 好淋身,又保留到爽口好想食多幾舊🍽車打芝士燒日本廣島蠔🦪$98可見落左幾多芝士。仲有少少拉絲廣島蠔個size都算大隻隻隻都鮮甜多汁🍽黑松露蒜蓉燒扇貝 $98如果鐘意食蒜蓉咁就一定要叫扇貝滿滿都是蒜蓉🍽香辣燒原味茄子🍆 $49辣味剁椒醒腦開胃上幾條刀痕就可以好容易1絲絲夾起方便同朋友一齊share🍽黃金薯條🍟 $59重重ge咸蛋黃味非常邪惡食食下就開始覺得有dd膩🍽椒鹽魷魚圈 $59🍽川式脆燒雞軟骨 $28呢2樣就不過不失💬細細間串燒店款式應有盡有上菜速度都算快keep住有得食 無話要等好耐好岩幾個人黎食野飲下酒傾下計~推介😛

睇佢個名就已經覺得有少少串😂😂這是一間港式嘅串燒店， 一入門口已經睇到有個大嘅牌放左係度推銷港產粗口手工啤， 我同朋友就分別叫咗一支（X）和（柒）嘅自創手工啤酒🍻 優先介紹黑松露蒜蓉燒廣島蠔， 黑松露和蒜蓉都是濃味嘅東西， 但放埋一齊居然唔會互相搶咗大家嘅味道， 真係好神奇地好食。 其次要介紹嘅就係黃金醬燒八吋虎蝦， 大大隻蝦啖啖肉， 雖然佢係少出嚟但係依然都會keep住到啲水份， 唔會變咗乾柴柴， 配搭上鹹蛋黃醬真係好好食！ 另外仲叫咗串雞軟骨和芝麻香燒餃子雞翼，餃子雞翼聽個名都覺得搞笑， 到底佢係餃子定係雞翼、 上到枱就知佢係明太子雞翼個friend， 入邊包含住餃子餡，好大隻好肥美。 煙肉荔枝傳都係一大特色甜味加鹹味嘅混合， 有種錯綜複雜嘅感覺😂😂不過味道係唔錯嘅另外仲叫咗個安格斯牛柳粒和惹味汁燒豬仔髀， 兩樣嘅味道都恰到好處，澳門嘅肉質配上鹽燒， 簡單得來又滿足。

一個食串燒喝啤酒的好地方，在小巷子內的一個小店，風味十足，食物亦有水準，週末更設有室外的地方！點餐紙上有一些推介食物， 例如牛舌、生蠔、扇貝等等。生蠔及扇貝他們提供很多味道的選擇，例如黑松露、冬陰功 、黃金醬、車打芝士、泰式辣汁應有盡有。 我們試少了冬陰功汁燒發現冬陰功味十足，也挺辣的，如果不能夠吃很辣的人，可以注意一下。鹽燒牛舌、芝士竹輪、腐皮豚肉、强烈推介大家必試。 牛舌是選用牛舌心中間最嫩滑的部分，沒有過多的筋。 芝士竹輪看似非常簡單，但是原來他們是極之相配的，流心芝士和竹輪，就是外脆內軟。腐皮豚用，上菜的時候是腐皮卷着豚肉， 腐皮是甜甜的， 竟然沒有油膩感覺，和豚用夾在一起吃，反而充滿水份。

去之前未知呢間野係💛店，見openrice咁多正評咪試試佢，去到門口見到啲💛店貼紙，開心咗一陣，心諗冇揀錯！一坐低就係惡夢嘅開始！首先，一坐落個位就聞到好大陣廁所消毒味，我地冇要求換位，因為間野地方唔大，換咗都唔會有太大分別，我地個位又唔係真係咁近廁所，咁就算，個鼻習慣左陣怪味就okay。野食黎到，侍應會續碟介紹，等我地知道黎咗啲咩，呢樣係抵讚。但講到食物質素，真係不敢恭維，完全唔明點解會有咁多正評。大部份串燒都落咗好多孜然粉，勁咸，樣樣都一樣味咁濟，一路食一路要飲野… 仲要串串都燒到過哂火，連最基本嘅牛脷都整到又韌又乾，食咗半串就放棄左…最嬲係食到大概9點，得返我地一枱，佢走過黎同我地講：你地個半鐘既用餐時間到喇。雖然落單嗰陣佢同我地講咗次，但估唔到佢真係會嗺我地走！未到閂門時間，又冇人等，我地又差唔多食完，真係有需要咁做？😡每人食咗450蚊，最令人深刻就係粗口啤酒，體現到我地廣東話出神入化嘅粗口文化，但講到衛生，服務同食物質素真係唔值呢個價錢。見佢係同路人，心入面都想繼續支持佢，希望佢改善下啦！

先唔講食物質素，講員工比人印象。星期四晚無咁旺，所以我到場時係第一個客，但講緊都7點3，果位員工出嚟應門唔戴口罩我有啲愕然，但到我坐低、朋友嚟到、到我哋想點菜，都一直唔戴係咩玩法？🙄  都7點半呢啲時間，又唔係落場時間，呢埋喺櫥房唔出嚟，原來煲煙，咁都得。已經有唔好嘅感覺，不過本住呢度多人話好食又黃店即管試下，但試過後，大概好多水份，甚至我估有買like 情況🤷‍♀️其實薯條好難整得唔好食，近年真係未食過唔好食既薯條，係即炸、係熱辣辣架，但無味架囉！🙄 黃金喎，啲咸蛋味呢？都唔好話咸蛋咁advance，咸味都無，問個店員攞鹽，佢可以答無，廚房可以無鹽架？魷魚圈外面有少少味椒鹽，推翻樓面話無鹽，都算，入面都係無味既😅牛舌就叫好啲，有返啲味，但都偏淡，乜串燒唔係好惹味架咩？😩 豚肉腐皮卷係ok 既，幾得意，有少少甜味，不過就唔多食到豚肉既味（可能因為太薄）呢個原條燒茄子，係大家既大熱門，都算ok，可能因為前面既失望，都只覺得呢款合格only，畢竟只要唔燒燶，比足夠既蒜都好難唔好食既至於呢個玉子燒...整得太耐，好實下，唔好食海鮮嚟講，因為我哋有咗經驗，叫啲辣既醬嚟食，就有味啦，中規中矩呢個虎

經過山林道搵到呢間串燒舖頭叫做「串酒里」，覺得幾得意就同朋友去試吓。今日食咗好多種唔同嘅串燒，大部份都幾好食，喺水準之上。特別推介幾款我最鍾意食㗎啦。首先個蒜蓉燒原條茄子（$49）個茄子上面鋪滿滿滿嘅蒜蓉，啲蒜香入晒落啲茄子肉度，正！ 麻辣雞腎（$34）個雞腎好爽口食落去口感很好。但係呢個雞腎有中辣以上，唔食得辣嘅朋友應該要留意吓，睇吓可唔可以叫師傅減啲辣。呢度嘅牛肉類選擇雖然唔多，但係每款都好好食。呢個鹽燒厚切牛舌（$68），牛香味很重，而且燒到啱啱好，食落去啲油香咇晒出嚟！另外加鹽燒安格斯牛柳粒（$68）一樣冇欺場，穀牛冇加到好多其他嘅調味料去醃過牛，反而就咁用鹽燒已經好好食，咁樣牛嘅質素好緊要嗱。至於呢度嘅燒海鮮亦都做得十分出色，呢個泰式辣汁燒扇貝三隻都係（$88），扇貝咬落去鮮甜而且加上惹味嘅泰式辣汁做點綴，成件事好match🤣扇貝個size都大，都要分幾口先可以食得晒落肚另外必食推介嘅仲有日本雞皮串（$36），我好鍾意食雞皮去到串燒店一定會嗌，但就唔係間間都整得好食。但係呢間整到我好滿意，因為啲雞皮唔會燒到乾晒係脆嗰隻，而係燒到有啲油香而且保持到一定係咬口個隻總括來講，呢一間

小妹今次同友人到山林道一家串燒店聚一聚適合可以慢慢邊食邊吹水🎶/▶️自家製醬汁黑豚肉 (2串)$49 (7.4/10)🐷比較失望既一款 黑豚肉比較韌有D難咬 但味道係唔錯 可能切細舊D口感會較好亦容易去掌握火喉/▶️惹味汁燒雞泡魚乾$49 (8/10)🐡自從上次試過後 一試難忘今次黎串燒店就再叫 味道一樣香口 脆卜卜再加少少沙律醬 特別惹味 好似食脆身魷魚乾禁/▶️札幌芝麻香燒餃子雞翼(2隻) $49 (8.2/10)🐣雞翼已拆骨 雞肉加明太子再釀入去超JUICY! 汁都鎖晒係入面啖啖肉好爽 唯一係明太子味好似濃味左少少/▶️惹味汁燒豬仔脾(2隻) $59 (8.4/10)🐷令我地兩個讚嘆不絕既一道火喉掌握得剛好 肉質不錯加上醬汁食 啖啖肉 而且好易就咬到/▶️燒玉子(3舊)$32 (8/10)🍳味道偏甜 比一般食到既玉子不同更加水嫩 好味!/▶️豚肉腐皮(2串)$32 (7.6/10)🐷腐皮味道偏甜 吸收晒醬汁但就蓋過左豚肉味道口感幾特別 比較少地方食到/▶️蒜蓉燒原條茄子$49 (7.5/10)🍆茄子有點燒耐左 太腍身蒜蓉味道OK 但就無咩咬口/▶️黃金蒜蓉燒日本廣島蠔(3隻) $88 (8/10

同朋友喺山林道附近shopping ，行過聞到陣串燒味，就俾佢吸引咗埋嚟，餐廳唔大不過環境都幾有日本屋台既感覺。叫左十幾樣野食，主要講幾個最特別出色的 -蒜蓉燒原條茄子 燒茄子配上木魚乾令賣相增色，外皮微微燒焦更加香。 茄子本身很多肉，鋪滿蒜蓉十分惹味，味道拿捏得很好。 燒牛舌餐廳的選料很出色，牛舌上油脂平均分佈，每咬一口都感覺到油脂溶化在口中，配合牛舌表面簿簿一浸蜜糖和海鹽，味道絕配，呢個係必食！鹽燒豆腐外脆內軟，表面簿簿一浸蜜糖，性價比超高，不用夠說，燒得好出色。脆燒日本原條鰻魚肉身燒到微微焦香，魚油脂感充足啖啖肉，十分滋味。餐廳更有供應特色手工啤，炎熱天氣之下極想啤一啤，再加上美味嘅串燒令人食慾大增，心情都特別靚。

同媽媽一齊發掘到一間好食串燒店😝漢國中心對面巷仔入面 店舖環境唔大記得要book位 嗰晚我閒日夜晚打去已經full晒😭鍾意佢哋嘅串燒全部都燒得啱啱好勁juicy 唔會燒到乾爭爭！而且調味啱啱好🤩呢個真係好讚睇落好似好多粉係面頭 但又唔會過咸同埋平時食完串燒一定好口渴 呢度食完唔會xd特別推薦安格斯牛、芥末雞翼、脆豆腐脆豆腐呢個入邊係日本嗰種嫩豆腐😍外皮好香脆去食串燒一定會嗌嘅燒茄子🍆btw其實款款都好食😋價錢都係$22-$48左右錫紙燒娃娃菜$58 CP值較低 但味道唔差🤓最近愛上左食雞軟骨 串燒嘅無咁油膩😍另外麻吉燒都好讚！入邊嘅麻薯好煙韌軟糯😝

走到小巷盡頭，見到呢個小角落，就好想見字飲啤。「吊」「撚」，78元一支。麥味重，我自己鍾意「吊」，易入口啲。（openrice唔俾出正字，是為啤酒名）要介紹係雞pat pat（右），38元，係真係幾脆口，不過就好肥下。豚肉腐皮卷（左），48元，好有口感，原來可以咁燒。牛舌，68元，唔乾又唔硬，好好食。所有肉類都好值得食，厚薄適中，又夠juicy，豬頸肉，68元。雞肝串，36元，其實我麻麻地內臟，但呢個整到剛剛好，唔會太過勁嘅味！羊架，98元，加小小檸檬味更出，唔算好羶，肉亦剛好，唔會過老。特別要推介佢嘅燒玉子，32元，好似梳乎厘咁，軟軟鬆鬆，我第一次食到，有驚喜！大啡菇，39元，又係好juicy，煙肉芝士絕對調起啲味。蒜扇貝，98元，廣東蠔，88元，如果你鍾意食蒜，你一定要叫呢兩款，肉剛剛好，唔會燒過頭。小店係要支持下，當晚用膳，有枱客人係全男班，佢哋係度話當年，幾有趣，出嚟食飯就應該係咁。

山林道一間超隱藏嘅串燒店😋係條街來來回回行左幾次先搵到🤣無諗過係條巷咁入面😶座位唔多，有5張枱左右。我地係OpenRice訂左位，所以一去到就可以坐低叫野食🥳➊ 芥末雞翼$32原本很期待，可惜食唔到有芥末味呢🙈撇除呢點，雞翼都係好食嘅➋ 札幌芝麻香燒雞翼$32面頭嘅汁好惹味，加上佢嘅雞翼都好飽滿，食落滿足😚➌ 惹味汁燒雞泡魚乾$49原本驚好硬，但食落其實都容易咬嘅😬喜歡食小魚乾嘅人應該都會鍾意💕➍ 鹽燒安格斯牛柳粒$68只係有少少根位，唔會韌非常好👍🏼➎ 麻吉燒$22就是普通燒過嘅麻吉燒🤣趁熱食年糕更煙韌➏ 惹味汁燒豬仔髀$59原本一份應該兩隻，但可能見我地三個人，準備左三隻細少少嘅髀比我地🥰燒得好香，肉亦都燒到離骨但仍算軟腍➐ 香脆蜜糖燒粟米$29蜜糖味突出，好香甜😋➑ 蒜蓉燒原條茄子$49比較特別嘅係佢除左蒜蓉仲加左木魚，美中不足係個茄子皮燒到全燶，帶苦味呢➒ 錫紙娃娃菜$58有牛油同蒜蓉，重口味蔬菜，略嫌食到底有點過鹹➊⓪ 豚腩金菇串$48好欣賞佢卷住一大扎金菇，唔係放幾條交差🤣肉香配金菇，滿足的味道➊➊ 日式燒魷魚串$79呢個都係汁燒，所以唔會食落好dry好韌➊➋ 黃金蒜蓉燒日

天氣熱冇咩胃口就想食D重味既野開下胃今日就黎到呢間串燒店搵食啦脆燒日本原條鰻魚講到串燒當然要食串燒既經典--鰻魚啦鰻魚肉身爽滑，亦冇腥味食落有啖啖鰻魚既鮮香，仲有濃稠又惹味既燒汁，好味川式麻辣香燒雞翼燒雞翼～我鍾意食～呢到既燒雞翼一定會令你鍾意食因為佢燒到外皮又香又脆既同時，入面既雞肉又嫩又滑加埋外層辣勁十足又唔會過辣既調味粉一定食過返尋味麻吉燒見到個名咁特別，梗係要食啦佢係以鮮甜爽脆既魚漿包住軟糯既麻糬，口感同味道都幾特別汁燒煙肉蠔卷外面既煙肉燒到少少脆脆地，燒過既油脂令佢更香更濃入面既蠔新鮮唔腥有蠔味燒玉子外層焦香，內裡口感軟綿綿有蛋香黑松露沙律醬薯條新鮮即炸，炸到金黃香脆，一路食一路吹水岩晒上面既黑松露沙律醬既黑松露味勁香份量亦超多，抵食自家製惹味炸雞亦係新鮮炸起，咬落去勁熱，仲噴緊煙炸到外脆內嫩而且味道亦醃得出色，咸度剛好