串酒里 (已結業)

鹽燒厚切牛舌外表焦香脆口，椒鹽又香又惹味，厚身食起嚟好有口感，裡面嫩滑juicy。豚肉腐皮卷腐皮味道香甜，豬肉軟腍，肥瘦均勻，鹹甜碰撞，係幾得意嘅串燒。麻辣爽彈雞腎串食落外皮有啲乾但裡面係多汁嘅，孜然味好重，而且都幾辣下，送酒一流。惹味汁燒豬仔髀外表望落有啲乾硬，但裡面出奇地嫩滑爽口又juicy，味道又啱啱好，非常之有驚喜。麻吉燒豆腐香甜，中間嘅麻薯煙韌有嚼口。黃金薯條上枱已經聞到蛋黃香味，食落香脆好味。不過一定要趁熱食，凍咗口感就冇咁好。川式燒韭菜韭菜顔色鮮綠，上面撒滿孜然粉，香味撲鼻。食落爽脆，微辣。脆燒日本原條鰻魚鰻魚皮煙韌，肉質嫩滑油潤，味道不錯。椒鹽杏鮑菇外皮酥脆夠味，裡面嘅杏鮑菇爽口多汁。札幌芝麻香燒餃子雞翼外皮香脆，雞肉嫩滑juicy，包住泡菜同蟹籽餡，口感同味道都豐富不少。

好耐無食串燒，試吓呢間充滿特色嘅串和里🍢喺巷仔入邊，自成一角～出名有唔同嘅特色啤酒🍻餐牌如上💁🏻‍♀️選擇都幾多，多咗一啲比較日本式既食物，好似日本直送系列，玉子燒等等～輕易就叫到成枱都係野食🤩川式麻辣香燒雞翼🐣$32有果種麻香，因為我比較食吾到辣，朋友話吾算辣，不過夠惹味😋另外都試咗，札幌芝麻香燒雞翼，皮身都好香脆，但係相對而言都會推介麻辣多啲🧐黑松露蒜蓉廣島燒日本廣島蠔$88 黑松露醬都加上重蒜蓉香，川式燒韮菜 $28 地道燒韭菜嘅味道🤣秘製醬汁香燒豬頸肉$68 吾會好難咬，乾身dd，都好香口🐷香脆蜜糖燒新鮮粟米🌽$29 本身粟米已經好夠香甜，再加上少少蜜糖香，輕易就食完啦😋日式芝士焗玉子$39 玉子好滑好彈牙，加上芝士 同沙律醬，甜甜酸酸咁樣，必叫！麻吉燒$22第一次食麻吉燒。口感好特別🤩有少少似魚蛋嘅感覺，但係裏面係煙煙韌韌既mochi，雙重口感之餘，真係超級好味！記得要趁熱食～食串燒又點少得啤酒呢😎，呢度有佢自己特色嘅啤酒🍻上面會有香港獨有文化嘅字眼🤪好似呢個啤酒，裏面係當歸味，有少少飲中藥酒嘅感覺但係又有啤酒嘅體驗🤨據說仲有補血和血既功效，啱晒女仔😛

放工約朋友食飯，總係會想食串燒同飲啤酒❤️今次就約左朋友去呢間位於尖沙咀嘅串酒里🤣個名非常得意。餐廳係小巷入面，要細心啲先會發現到，位置唔想大，望落只有4、5枱左右。✨支裝手工啤（$78）餐廳有幾款手工啤可以揀，名字都包含左香港嘅粗口，相當乎合餐廳嘅名「串酒里」🤣今次我地揀左「柒」味啤酒，飲落小麥味唔重，較為清淡，帶少許嘅柑橘香，非常適合女仔飲❤️✨惹味汁燒雞泡魚肝（$49）雞泡魚肝係送酒必備🤣呢度嘅雞泡魚肝就燒得較為焦，食落有啲硬，味道中規中矩。✨鹽燒厚切牛舌（$68）非常鍾意呢度嘅燒牛舌😋咬落口感嫩滑juicy, 上面加滿咗孜然粉作調味，值得一試。✨椒鹽杏鮑菇（$48）岩岩炸起嘅杏鮑菇食落非常香口，可惜嘅係杏鮑菇炸得稍為有啲熟過頭，食落比較硬。✨川式脆燒雞軟骨（$28）雞軟骨味道正正常常，帶點四川風嘅麻辣味，幾有新鮮感。✨日本雞皮串（$36）同平時食開嘅燒雞皮串唔同，呢度嘅雞皮串偏腍；上面加左日式燒汁，食落帶點甜味。

個餐廳名好有吸引力喎連啲手工啤酒都好有港式風味真係非飲不可！今晚我叫左呢支手工啤🍺麥芽味比較濃，苦澀味道留係口腔內較持久！相信比較適合重口味既人飲！「黃金薯條」鹹蛋黃好香，佐酒一流炸到外脆內軟，就算放涼左都仍然好脆「川式麻辣雞翼」麻辣味好夠，食第一啖已經feel到川味十足除左有麻辣味外，仲有啲秘製既甜味，食落有多種層次，味道好正「日本雞胸骨串」平時唔太多餐廳有雞胸骨食，最鍾意果種爽脆既口感「自家製醬汁黑豚肉」黎到既時候真係有啲驚訝，塊肉好大件呀仲要只係$49性價比超高！味道當然超正，肉質軟腍得黎亦富有肉本身既彈性，而且燒到仲有好多肉汁呢個黑豚肉真係必食推介鹽燒厚切牛舌真係好厚切呀唔記得影低個橫切面而且口感好爽彈，一啲都唔韌蒜蓉燒原條茄子豐富既蒜蓉，令茄子味道好入味真係滿滿既蒜蓉香！川式麻辣火雞腎火雞腎相對地比較細粒，麻辣味亦較輕微，應該係因為細粒嘅關係，味道未能完全覆蓋！不過火雞腎既肉質好爽彈，好容易咬椒鹽魷魚圈呢個有啲失望，炸到有啲乾，魷魚圈亦較韌！雖然炸衣好夠脆，但就同魷魚有啲分離～～今晚呢餐既串燒晚宴好好食呀！而且又非常抵食

呢間後巷串燒雖然隱閉，但都不小食客哦～空間小小，四正企理，裝修行工業風，型格～特色手工啤，但朋友一行四人都唔飲酒，留待大家自己試嘞～黃金薯條 $59🍟黃金色澤，新鮮即炸，入口很香咸蛋黃味～日式汁燒雜菜 （2串）$22茄子🍆、尖椒、菠蘿🍍、草菇，除菠蘿外，其他同醬汁很配～汁燒煙肉蠔卷 $48煙肉荔枝串 $48我個人較喜歡煙肉配荔枝，荔枝甜美爆汁，中和煙肉油膩，加上燒烤焦香味，好食😋川式脆燒雞軟骨（2串）$28👍🏻我鍾意呢個雞軟骨，外層輕微焦香不過火，口感脆，調味適中！好食過炸！鹽燒厚切牛舌 $68🤩超好食！用鹽簡單調味已經足夠，厚切，咬落爽一聲！追加！芥末雞翼 （2隻）$32一拎起就聞到芥末味～真係心都離一離，但入口又唔係好攻鼻喎，微辣~😋日式芝士焗玉子 $39香甜玉子上加木魚絲、蛋黃醬及芝士，焗到金黃的芝士，香濃脆口；味道層次豐富～👍🏻黃金醬燒扇貝（3隻）$88黃金醬燒日本廣島蠔（3隻）$88眼見每枱必點燒扇貝/蠔🦪，扇貝有8種調味可選；蠔有9種調味可選。帶子厚肉，日本蠔肥大味濃，yummy yummy😋黃金醬燒味道係似蛋黃醬，微微酸甜～無招牌，見到粗口手工啤二拉架，直入到尾就係嘞！

串酒里係條巷仔入面，要望清楚先搵到。呢度有好幾款香港本土品牌麥子既手工啤酒，每隻粗口都唔同味，我地飲既一隻加左東革亞里，男女飲都有養生功效好似好勁咁，味道帶點麥芽香。另一支有柑橘果香，淡味啲。啤酒配串酒最夾，呢度既麻辣醬都幾出，川式麻辣雞翼燒得外脆入面仲有肉汁。同味既雞腎略干，但香口既。鹽燒厚切牛舌必點，入口油香四溢，夠晒厚口感豐富。惹味汁燒豬仔脾可以用手拎住黎食幾過癮。要讚一讚蔬菜好鮮甜，粟米多汁，茄子嫩滑。最後可以叫個燒玉子做甜品清一清味蕾，燒完熱辣辣既蛋卷淋左啲糖漿係面。test_tsttest_yellow______________________________🏠 串酒里 💛📍尖沙咀山林道6號B舖 (漢國中心對面)💵 $250 per head ‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾........#hkfood #hkfoodblogger #hkfoodreview #hkig #hkfoodie #foodstagram #eatstagram #tea #foodblog #getinmybelly #heresmyfood #foodporn

想試好耐嘅串燒店，好多人都介紹過，今次終於試到啦🤩位置喺外街轉入去，靜靜哋，店內座位唔多幾好坐好啱吹水。串燒種類選擇好多，好啱一大班人嚟食。食串燒必叫豬頸肉🤩最保守，點燒都好食😋秘製醬汁香燒豬頸肉，比預期中仲好食，豬頸肉燒到啱啱好，咬落去有汁同埋油脂咇出嚟。醬汁加埋啲粉配搭一流。必試👍🏻黑松露蒜蓉燒日本廣島蠔蒜蓉落到好重手😁，加埋黑松露咁燒法好出色。暫時食過最好食嘅玉子燒，燒得好有誠意。側邊燒到燶燶哋，加埋蜜糖咁食法好新鮮☺️甜甜地好開胃。最愛牛脷串燒之前其他串燒店食過嘅牛脷已經好好食，冇諗過呢間仲好食。成串都係牛脷芯，燒到啱啱好好Juice暫時喺香港食過最好食嘅燒牛脷。食串燒一定要叫碟菜，今次呢個蒜蓉焗西蘭花，勁香蒜味，好出色。👍🏻鹽燒牛柳粒，燒到七成熟，啱啱好。賣相同埋味道都好得😄你間串燒店絕對會Encore。😃😃店員好有禮貌，好居酒屋FEEL.

今晚今晚食串燒經開山林道，search到附近有串燒，係細細間有露天可飲酒吹吹水既地方。二話不說這就是我想黎既地方。店員十分nice, 有種回家既感覺。餐單有趣，我地點了以下既食物：粟米$29外層有甜甜脆脆既辣牛丸 $22好辣好正韮菜 $28 再n call ，很美味雞軟骨$25 一份有兩串金菇肥牛串 48麻吉燒22 好特別，可以試下。係魚蛋包住年糕汁燒豆腐$25 好脆口，比想象中細，但比想象中好食。蒜蓉茄子$49 豬仔脾 $59 啖啖肉炸物店內環境令人relax，係放工後食野好去處。食左美味，放下煩惱，下次再黎充充電。

尖沙咀山林道， 小店林立，各式食物都有盡有， 日式西式素食cafe酒吧西班牙菜粵式講得出的都有。 十數元一串的串燒非常誘人， 無論是下午茶或是做宵夜， 都非常適合。串燒款式眾多即叫即烤，豬肉雞肉牛肉 各叫了一串， 當然少不了還有各類蔬菜類的串燒，金菇，菠蘿冬菇韭菜等等都有。 雞翼外皮烤得香脆， 帶燶邊而惹味， 鮮嫩多汁 ， 金菇豚肉串烤得金黃而不過過咸。牛舌口感軟滑,厚薄適中，肉味濃。燒蒜蓉茄子滿滿都是蒜蓉的香味，肉嫰非常又香口不過我覺得成晚最讓人期待的還是串油里燒蠔拼盤，成盤9隻熱辣辣，隻隻都鮮甜多汁，黃金蒜蓉當然是滿滿都是蒜蓉的香味吧，泰式辣椒同辣味剁椒醒腦帶辣勁，黑松露蒜蓉錦上添花，靠冬陰功同青芥末有點泰式風情，一盤9隻，超澎湃的說。最後仲叫左黑松露沙律醬薯條，條條炸得金黃，唔會覺得肥淋淋，吹水飲酒唔少得！

在一條行直入就見到呢間「串酒里」，其實喺路口已經聞到香香的燒烤味孜然燒大蒜$19我冇諗過咁好味，鍾意食蒜頭一定喜歡麻吉燒$22熱辣辣，中間年糕流出嚟，煙煙銀銀日式芝士焗玉子$39黃金薯條$59上枱熱辣辣，有鹹蛋黃包着熱辣辣的薯條川式脆燒雞軟骨$56鹽燒厚切牛舌$68汁燒煙肉𧐢卷$48煙肉荔枝串$48呢四款都好好食，尤其厚切牛舌，之後仲再叫多一次因為佢厚切，口感好好，但又唔會韌。汁燒煙肉蠔卷好特別，蠔肉亦唔細粒煙肉荔枝串，有煙肉口味又帶點甜甜的荔枝甜，好特別麻辣醬燒黑豚肉$49豚腩金菇串$48用麻辣醬燒黑豚肉，好惹味另外平時食開牛肉金菇，今次用豚腩又唔錯喎黃金醬燒扇貝、日本廣島蠔分別都是$88日式燒魷魚串$79呢隻魷魚燒得好靚右面是日式汁燒雜菜$22有茄子、尖椒、草菇、菠蘿芥末雞翼$32兩隻我喜歡芥末，喜歡那種少少攻鼻而又惹味的感覺我覺得呢間小店非常用心製作，點解呢，因為我睇得出每一樣野都唔係Hea住做，每次那位小姐放上枱的時候都會介紹這碟是什麼，每次收碟，亦會同我哋講聲，真係好好口，好殷勤的服務態度我非常欣賞！食物好重要，但服務更加重要，今晚好滿足下次一定會再嚟幫襯

朋友介紹有間小店TGIF😍話有的特式啤酒好搞笑仲話串燒水準好好甘當然要去試下啦首先黎既係札幌芝麻香燒餃子雞翼啖啖肉完全冇骨食得方便又juicy又好味之後黎既係鹽燒厚切牛舌牛舌非常厚身的調味都落得岩岩好有咬口又juicy再之後係鹽燒安格斯牛柳粒黎到比想像中大粒而且肉質鬆軟有牛味juicy食飯要有的菜先健康呢個秋葵燒得剛剛好加埋的調味好好味朋友十分滿意呢個黃金蒜容燒日本廣島蠔真係燒到有少少黃金色不得不讚呢間小店控制燒物既火喉真係好到位所以每樣食物都燒得剛剛好好juicy仲有勁多朋友鍾意食既蒜再黎呢個芝士煙肉焗大啡菇幾樣食材加埋真係無得頂超夾仲有中間一切個菇勁多汁正最後就係呢支西既啤酒一睇到止痛又有當歸補補即叫Waaaa...飲落去真係有當歸味架但又夾得到wor正入黎呢度同朋友吹下水chill 下真係好正

已經食過呢間串燒小店幾次每一次都冇令我失望：價錢合理 食物質素唔錯 整體服務良好燒玉子 香甜雞軟骨雞pat pat 送酒一流！第一次食雞pat pat唔算好油膩～上面係燒雞髀菇 燒得好好 外面香口入邊多汁下面係燒豬頸肉 正正常常都幾彈呀～芝士煙肉燒大啡菇 呢個好正 芝士同煙肉夠多大啡菇亦都好juicy 一口咬落去好滿足！黑松露蒜蓉燒扇貝 蒜蓉真係多得好誇張 但略嫌多到蓋過咗黑松露嘅味道 至於扇貝食得出係新鮮嘅川式麻辣燒雞翼雞翼入邊釀咗川辣味明太子 好惹味厚切牛舌 成餐呢串牛舌最正 非常非常非常彈牙燒嘅成熟程度啱啱好 入邊仲係粉嫩保持肉汁食過咁多次今次燒得最好燒豬仔脾 餐牌明明寫住兩件唔知點解佢俾咗三件我哋 🤣 呢個豬仔脾都好好食 鬆化離骨 啖啖肉

山林道食肆林立，今次試下喺小巷入去既串燒店。小店唔算大，但串燒款式都好齊全，除左雞牛豬有分類之外，燒蠔、扇貝、虎蝦都因為太多調味方式而獨立細分。 食串燒點可以唔啤一啤呢？呢度主打既本地手工啤系列，唔好睇佢用粗口做酒名，原來好有內涵～ 釀製既成份有d仲有藥材成份。就好似我點既<Hai>，輕輕聞一聞樽口已經有當歸味，入口既藥膳感好濃厚，啖啖回甘，餘韻悠長又無蓋過麥芽既酒香。🍺川式麻辣香燒雞翼，辣得出色。一串兩隻，赤色既麻辣醬汁籠罩整隻雞翼，移近咀邊經已聞到麻香味道，小口初嚐未感覺得到瘋辣的程度，以為只係小兒科再大啖D，點不知開始feel到真正凌厲既辣在蘊釀爆發，強悍既後勁喺舌尖上持久不散，好彩老公係嗜辣之徒，就留返俾佢慢慢回味！黃金蒜蓉燒扇貝一份3隻蒜蓉燒扇貝真係超級多蒜蓉，雖然都怕食完會有散不了既蒜蓉味，但仍忍唔住連大大粒既扇貝一齊食，好香！清理得夠乾淨。🍢汁燒煙肉蠔卷一串有兩粒，煙肉既香味從來都係吸引，用黎包住蠔兩種誘人既味道同時爆發咬落脹卜卜既蠔身軟滑飽滿，蠔鮮甘香味濃~ 🍢盬燒厚切牛舌幾香幾惹味~牛舌係食串燒必點，呢度厚切得黎更係大大件。口感好好，煙煙韌韌，外面乾身

放假去完街，想早d食個dinner！老公偏好吃串燒，時間尙早walk in 去左之前食過係山林道既串燒小店，附近有錶位泊車夠方便！630未坐滿既，不過一過7pm食飯時間應該難小小要等位了！小店出名手工啤，揸車今次唔飲得酒，唯有忍一下！黑松露沙律醬薯條薯條幾酥脆熱騰騰，端出來巳聞到松露香味了！鹽燒鰻魚原條鰻魚面層燒得脆口，裡面肉則鬆軟，加埋落左芝蔴幾香，唔會很亁身，鰻魚加左小小醬油甜甜地，不錯！日式芝士焗玉子面層加左木耳，個人最喜歡這個口感，芝士份量多夾起黎有拉絲效果，芝士蛋好食！麻吉燒蛋既外皮入面是煙韌既mochi ，口感特別甜甜地又咸咸地咁！日本雞patpat串Pat pat 有d肥美，肉質幾嫩滑，五香味道幾吸引，半肥瘦既口感唔會覺得油膩！老公情有獨鍾呢個pat pat 串，特地今次一定要order黎食！芥末雞翼剛剛好熟度，外層燒得脆脆，芥末味道強夠灑野味！肉質也幾嫩唔鞋口，小小刺鼻感好食😋蒜蓉燒茄子原條面層有勁多既蒜蓉加孜然味道，味道香濃夠灑野味，口感軟綿，要歎凍小小食。串燒食物保持到水準，熱騰騰端出來好有風味，會繼續幫襯💛小店😋

好耐都冇同朋友出街食飯，終於可以約出嚟就揀咗去食串燒，喺OpenRice見到呢間串酒里幾多好評，所以就黎試試。見到佢哋有特色手工啤，五款唔同粗口嘅名配合唔同口味，好有特色，打卡一流。試左呢支，有少少花香味，幾易入口。芝士玉子燒，呢個一定要試，真係好好味。芝士配甜甜地嘅玉子加埋木魚 好夾！雞軟骨同雞皮串，唔錯 食落唔會好油膩呢碟麻辣雞腎超級惹味！辣度非常之夠鍾意食辣嘅朋友一定要試我哋仲有嗌呢串火辣牛丸，辣嘅牛丸配上甜甜地嘅醬。而且辣度都係十分之足夠，推薦！芝士燒蠔，我好鍾意食芝士所以覺得呢個配搭好好。d蠔都好大隻，食完都有啲飽。呢兩串牛舌好大塊好厚！而且味道仲好香！咬落去真係勁滿足，但最好趁熱食。牛舌一定要試！黑松露薯條炸得剛剛好，外層脆口。配上黑松露醬，忍唔住食晒成碟！蒜蓉燒茄子有勁多木魚碎係上面，每一淡都食到蒜蓉同木魚，勁香。松葉蟹蓋甲羅燒拼薯角真係令我最驚喜嘅一碟。蟹膏溝埋蛋黃做醬汁點薯角食。你會食到淡淡蟹膏味再加上熱熱地薯角，味道真係超級夾，好好味！四條薯角真係唔夠食，下次一定要去再嗌過。