串燒屋

营业中

休息中

有驚喜 懶人自助串燒吃到飽對於觀塘這間大熱的串燒屋小店，期待咗好耐啦，終於有機會一試，地方要花少少時間搵，但係都好值得，因為價錢唔貴之餘，可以一次過試晒自轉串燒，炸物、網燒，飲品方面啤酒汽水都有齊，亦有自助區都有唔少前菜揀但係最緊要留返個肚食串燒自轉串燒爐真係會燒得好均勻，平時成日食燒肉燒到燶，難得可以唔駛睇火真係懶人專利，每樣都嗌少少，每人食咗最少20串以上😋 而且食物肉質都唔錯，最鐘意以下精選食物最愛安格斯牛肩肉，但需要用網燒，很快熟味道不錯，如果心急想食，就可以嗌多啲網燒，一口牛及燒牛舌夠稔都幾好食，我就鍾意加上孜然粉，更加香濃燒生蠔 肉質較細粒 加上蒜味也不錯芝士獅子狗及臺灣一口腸 是沒有可能出錯的選擇，爆汁勁好食串燒海蝦雖然size 不大 燒香灑上BBQ粉，非常惹味，火力夠大唔會等好耐就燒好天婦羅烤蝦 烤蠔 炸雞軟骨 都係即叫即炸，炸物之中我最喜歡的是香芋地瓜丸，內餡微甜綿綿，外層香脆可口17:00-19:00時段*早鳥優惠19:00-21:30時段$24821:30-23:00時段星期一至星期四 ＄198/位公眾假期及前夕+$20—————————————————串燒屋

先前係open rice 度見到呢間放題有好高評價，所以抱住試吓嘅心情嚟食，結果呢間放題真係冇得彈！首先,店內嘅裝修低調，燈光啱啱好，全程都坐得幾舒服。不過座位唔算多，想試吓嘅可以食7點前或者提前book枱，如果唔係到繁忙時間就要排隊。然後係食物方面，大部分食材都處理得唔錯，特別係牛肩肉燒完之後散上小量胡椒鹽，咬落去嘅時候就可以食到鮮甜嘅肉汁。如果一個人食嘅話係order薯條前請三思，因為成份薯條都幾大份。而燒烤爐方面，個爐就採用上串燒下網燒的設計，放串燒嘅位置有條一直運作嘅鏈，令啲串燒可以自己翻面，簡直係懶人嘅福音。飲品方面就有小量種類嘅罐裝飲品同埋烏龍茶、菊花蜜等自家制飲品，味道十分唔錯。整體而言，呢間店嘅CP高，食物品質亦不錯，十分值得品嘗。

一直都好想食串燒屋，今日考完試放早，我地去左位於官塘通明街54號的串燒屋食放題，由地鐵站步行十分鐘左右，如果渣車可以泊裕民坊2，都好方便。餐廳環境座位寬敞，冷氣夠大，唔會食到成身都係油煙味。串燒爐設計好好，有個網架可以網燒，又可以放串燒落去自動轉，一次過放十幾串落去燒都冇問題，最緊要個爐夠熱，好快就食得。餐廳用QR落單，亦有自助櫃可以拎甜品、前菜、牛油金菇、蒜蓉雜菇、棉花糖、蒜蓉包、蔬菜類、菠蘿等等，而飲品櫃有汽水啤酒和自己製烏龍茶、菊花蜜、薏米水，我鐘意餐廳自家製飲品，唔會太甜，味道又夠濃郁，又可以清熱。串燒網燒都有多款平時燒烤類的食物，但都有特別的熊本一口牛、安格斯牛肩肉片、羊架、原條日本秋刀魚、蜜汁叉燒豬柳、蒜蓉烤蠔、蒜蓉烤青口等等，多達四十多款選擇，食物質素都唔錯，又醃得夠入味，肉質軟腍。除左網燒、串燒，都有炸物選擇，多達十八款，炸物即叫即炸，粉漿唔會太厚，食落唔會成口油，份量有驚喜，我地只係叫左幾款一件份量，都好大份。最後留埋肚食埋甜品，真係好飽。

舖頭喺牛頭角同埋觀塘中間，雖然唔係太大間，但人流都唔錯，每枱都朝抽氣，唔會好多油煙之前都食過呢隻轉轉串燒，真係好方便，呢次有埋網燒同埋炸物，變相多嘢食咗好多自取櫃飲品有自家製嘅茶、汽水啤酒，都算唔少選擇雪櫃有甜品啫喱、提子（推薦 好甜）、前菜沙律、棉花糖、菠蘿、牛油粟米、蒜蓉雜菌（推薦）用Qr code落單主要三大類 串燒 網燒 炸物串燒都有十幾款，平時諗到既大部份都有推薦豬肉粒 豬頸肉 - 奄好晒好似叉燒咁樣，唔會韌美國穀飼牛西冷 - 大大粒，啖啖肉，調好晒味，有肉味，唔會太肥蝦、厚切牛舌（幾厚身，大大粒，但要自己加調味粉）、多春魚、台灣一口腸、雞肉腸、丸類，呢啲都係正常發揮啦炸物喺等串燒嘅時候，就可以食下炸野先同去食放題嘅款式差唔多，但係佢全部都好夠熱，除咗薯條之外，每樣我都試過，無伏Eg吉列生蠔、吉列魷魚圈、吉列蝦、炸雞軟骨、吉列墨魚角、榴槤波波、炸雙皮奶、紫薯餅、香芋波波推薦吉列魷魚圈 - 炸粉唔會太厚，魷魚新鮮炸雙皮奶 - 好似少見啲，炸鮮奶咁，甜甜地幾好食榴槤波波 -鍾意食榴槤嘅唔好放過食咗陣串燒就轉下網燒網燒推薦蒜蓉烤茄子🍆- 切開咗細細，好快熟，上面已經有蒜蓉，唔錯蒜

天氣涼涼地，除左打邊爐同燒肉之外，其實都可以去食串燒，今日同屋企人去左位於官塘的自動轉轉轉串燒屋食放題。放題2.5小時，星期一至四，7點前結帳只係$198加一，我地食5點，可以食足2小時，非常夠時間。食物好多選擇，有串燒、網燒、炸物，除左用點餐紙落單，亦可以用QR落單，方便快捷。另外亦有自助櫃，有前菜、牛油粟米、蒜蓉包、一口蕃薯等等，連棉花糖都有得燒，飲品櫃除左有汽水啤酒，亦有自家製的菊花蜜、薏米水等等，食幾多都唔怕熱氣啦。串燒已經一串串串好，放落自動轉轉轉串燒架，就可以等食啦，岩晒我地D懶人每樣我地都叫左少少，肉類醃得夠入味，質素都唔錯，而海鮮類都夠新鮮，蒜蓉烤蠔和青口沒有腥味，又夠大隻。炸物新鮮熱辣辣炸起，我地點左少少，估唔到薯條夠多，其他炸物大大件，好邪惡。食埋個甜品，飽到連雪糕都食唔落。

剛完成了演出想放肆一下便來吃放題慶功自助串燒機放好卡位便會自轉不用睇火輕易燒出金黃香脆肉串好玩又好食蜜汁叉燒豬柳燒得外皮微焦好入味芝士獅子狗卷芝士多得爆出來好邪惡一個爐同時可以網燒挪威鯖魚新鮮入面有肉汁蒜蓉燒茄子慢慢燒入面充滿蒜香好軟熟還有很多炸物可以點臺灣香芋地瓜丸外脆內煙韌唔會太甜吉列炸蝦同紫薯餅都好推介海鮮肉類都醃得好入味同埋唔會款款一樣味道唔錯出面仲有雪糕小食同飲品可以自己拎薏米檸檬水飲落好清新解渴朋友佢地有得任飲啤酒好開心的一餐

秋風起啦，又係時候食串燒，但係又唔想山長水遠去郊野公園咁麻煩。😂估唔到比朋友發現觀塘原來有一間自動串燒店，咁一於就試吓啦🔥☺️舖頭唔算話好大，設有飲品櫃，入邊放咗唔同嘅冷盤，有啲沙律同埋唔同嘅小食。跟住店員會比QR code你落單，幾方便ga，我哋仲發現原來餐廳係有炸物食嘅。😋😋即刻叫咗佢一啲嚟識吓，有炸蝦春卷魷魚圈，全部都係即叫即炸，美中不足嘅係，只係得蕃茄汁冇沙律醬點🤧講返串燒，基本上肉類應有盡有，豬牛雞各個部位都有少少，甚至係魚都有3分種類，又秋刀魚鯖魚等等。唔使等太耐，好知道傳銷機就可以燒好嘢食，方便大家一路食一路傾偈。最好笑嘅係餐廳一路播住周杰倫嘅七里香，秋刀魚的滋味，貓跟你都想了解，然後真係有隻貓仔，應該係老闆養嘅，真係零舍開心🥳

想食烤肉但不想就住就住，任飲任食就最盡興。朋友介紹觀塘通明街【串燒屋】，一個價錢可以食勻串燒、網燒及炸物，喜歡吃香口食物的我當然不會錯過。小店位於通明街斜路上，在觀塘及牛頭角港鐵站中間，地點有些隱世因此收費也格外相宜。價位由$198起，可吃足2.5小時，五位以上惠顧還免費升級至3.5小時，可以慢慢食，細細談。放題有超過40款海鮮、肉類、丸類及香腸，還有近20項炸物小食可選。自助區雪櫃放滿前菜沙律、燒烤用菇菌蔬菜、青紅提子、啫喱泡芙，非常豐富。飲品有汽水啤酒，最值得試自家製下火特飲，包括薏米檸檬水、洛神花山楂茶、菊花蜜、涼茶及無糖烏龍茶、全部冰凍低甜，多喝幾杯就不怕熱氣了。"安格斯牛肩肉片"質地柔軟，油花分佈均勻，"美國特級牛仔骨"醃得惹味，又不會蓋過肉香。"蒜蓉烤蠔"和"蒜蓉燒茄子"鋪滿蒜蓉，鮮嫩多汁，Encore了很多次。炸物即叫即製熱辣辣，"吉列炸生蠔"外層酥脆，內裡Juicy，"大阪王將餃子"皮薄煙韌，肉餡飽滿。"榴槤波波"一咬爆漿，散發誘人果香，喜歡榴槤的人不可錯過。吃得飽飽也少不了甜品，雀巢雪糕杯有呍呢嗱、朱古力、香芋、芒果4款口味，放於獨立雪櫃任取，加上燒得半溶的棉花糖，完

放左工，同朋友黎左牛頭角呢間串燒屋度食放題，之前見有谷友介紹幾正咁，今日一於黎試下。七點前離坐$198/位，呢個價錢任飲任食真係好抵。我地搭正五點就嚟到，店內第二枱客，哈哈，霸返張卡位先。枱上有各款調味品，用具各樣也很乾淨🙂店內可用餐紙或qr code落單，不過兩邊食物有少許唔一樣，感覺上qr code 裏多啲野揀。朋友密密落單個陣，等我去雪櫃睇下有咩先，飲品有自家無糖茶、涼茶等，仲有罐裝汽水同啤酒🍺。另外仲有各種冷盤、沙律、甜品同蔬菜，款式幾多喎。先試試芝醬沙律同豆腐🥗，再拎左無糖烏龍茶同檸檬薏米水。串燒好快就到啦，第一次食唔知咁大串，朋友起手就點左好多，一下就黎夠三十串，正呀～有牛柳粒、豬頸肉、雞柳、牛丸、魚蛋、多春魚、蝦等🦐，沒有預先調味，可以按個人喜好加入枱上調味品，我就覺得咁幾好，唔使好似某啲韓燒店咁醃到唔知食緊咩肉，新鮮肉唔醃就得啦。開波燒啦～放哂啲串串落去自己轉下轉下就熟，好方便！而且個爐火力好猛，啲肉好快就熟，自己就返時間燒啲快熟同慢熟嘅，隔住隔住咁食無停過口。除左串燒，仲有其他野可以網燒，例如蠔🦪、青口、茄子等，十分鐘左右啲海鮮已經熟晒，勁👏真係燒唔切都唔怕，仲有熟食

🐳又想食串燒但係又唔想自己去燒，咁就要嚟呢間自助式嘅串燒屋啦！因為呢度係自己叫嘢食自己燒，不過好處就唔使自己去轉啲食物，因為部機已經幫你一路轉一路燒，非常方便，只需要耐心慢慢等候，熟咗就食得啦！🐳呢間串燒屋分咗三大類食物，第一串燒，第二網燒，第三炸物。另外仲設有自助專區，在冰箱入面已經有唔同嘅蔬菜或者沙律可以即時享用，飲品都有涼茶，可樂，啤酒等等！食完所有嘢之後，仲可以食埋牛奶公司嘅杯裝雪糕，牛奶公司係經典牌子嘅雪糕，好香牛奶味，最受歡迎嘅係香芋味。🐳餐廳雖然唔係好大，但係都有幾多人黎食架！一到放工嘅時間，就陸陸續續有人嚟食串燒，所以如果要來呢度食嘅話，可以預先Booking！

原來觀塘有間機動自轉串燒任飲任食放題！可同時一邊串燒，一邊網燒！食物選擇十分多，包括有一般串燒放題少見的蒜蓉茄子和原隻蒜蓉烤蠔！仲有幾款自家製飲品任飲，夠誠意！🤩🍡 任食 (自助櫃) 🍡自助櫃有羅拔臣啫喱、冷盤前菜小食、爽甜無核青提子、錫紙盒牛油粟米、錫紙盒蒜蓉雜菌、蒜蓉包串，翠玉瓜、生菜、菠蘿、雞髀菇、棉花糖等等。另有，雀巢雪糕杯自取任食🧋 任飲 (自助櫃) 🧋除了有啤酒、汽水外，最令人欣賞是有供應味道不馬虎、清熱滋潤消濟的自家製飲品 (薏米檸檬水、洛神花山楂茶、涼茶、菊花蜜、無糖烏龍茶) 🍢任食 (QR Code下單)🍢食物分有3類別，串燒、炸物、網燒串燒有：蝦、厚切牛舌、多春魚、豬頸肉、台灣一口腸、雞肉腸、美國穀飼牛肋條、美國穀飼牛西冷、丸類等等。炸物有：薯條、吉列生蠔、吉列魷魚圈、吉列蝦、炸雞軟骨、吉列墨魚角、榴槤波波、炸雙皮奶、紫薯餅等等。燒物有：香草羊架、奧爾良雞翼、麻辣雞中翼、蒜蓉烤茄子、蒜蓉烤蠔、蒜蓉青口、日本漢堡扒、美國牛仔骨、玉子、原條日本秋刀魚、西班牙黑毛豬五花肉等等。_______________❣️ 5位以上，可以任飲任食3.5小時❣️ 17:00-19:00時段

網上見到介紹，好似幾吸引又嚟試吓我打電話book枱，對方話五人以上要先落訂$500！可以用payme或者轉數快！好彩唔使親身去俾錢但好搞笑！我WhatsApp佢收payme 佢話過咗期收唔到，叫我再俾過！結果收咗我兩次錢但對方都好友善嘅！所以收咗一千都冇咩所謂！反正都係會去食！我地六人，我同另一朋友早到，哥哥唔單只俾我地坐住先！仲叫我地去攞嘢飲！可以人齊先計時好好呀！佢係分網燒同自轉串燒兩款燒法未燒到嘢食可以食住炸物先！幫辣辣好熱氣啲炸物好脆口！最推介炸蠔覺得網燒會快啲熟所以頭輪網燒先啲蠔好細粒燒完縮唒水！但啲蒜好惹味！我地食咗好多隻蠔我覺得牛舌最正一口牛都好食！甲羅燒六人只有三個，扇貝就每人一隻甲羅燒味道一般，冇咩特別扇貝肉質幾好！幾新鮮扇貝燒完都冇縮唒水！算幾大粒飲品選擇唔多，有自家製檸檬薏米水、洛神花茶、菊花茶、烏龍茶同埋罐裝汽水雪糕只有雀巢！仲要得呍呢拿味六人$1636！二百幾蚊一個人都算ok啦⋯⋯未食過可以試吓嘅

同朋友之前試左自助串燒後，覺得太方便，邊傾計邊食熱辣辣串燒，所以今日同屋企人報活動後，就帶佢去另一間係附近嘅自助串燒餐廳。我哋先叫咗一啲炸物 之後就等個串燒爐預熱。 呢度嘅炸物非常之有驚喜 簡直係拍得住小食店同埋其他泰式餐廳咁。我哋每樣炸物都點啲嚟試下，炸魷魚圈，炸蝦餅，炸魚餅，炸紫薯波波，炸蝦等等，真係好好食，個炸皮香酥脆，大力推介！跟住就開始點串燒，各種各類嘅串燒都有，蠔，肉類（雞，牛，豬，羊，台灣腸），蔬菜（車厘茄，秋葵，菇），瓜，丸，菠蘿，棉花糖等等。個人都幾鐘意烤蒜蓉包，夠晒香口，一口牛夠嫩，多汁，羊架燒出嚟香騷味十足，我地又係出面櫃拎生菜同泡菜包豬腩肉一齊食，真係大滿足！ 最尾又烤啲蒜蓉菇類同蔬菜，烤蔬菜又有另一種風味，正。出面嘅冬櫃仲有啲冷凍前菜，其中嘅涼拌青瓜都好推介，好食，少少辣。特別介紹呢正有好多平時少有嘅飲品，洛神花茶，檸檬薏米水，五花茶等等，下下火都好唔錯，又唔會好似飲汽水咁甜。真係覺得自助串燒餐廳好方便，唔使自己轉嚟轉去又唔會燒燶，讚！

分別有串燒、網燒、炸物我兩個人食咗串燒: 鷄肉腸泰式豬頸肉 農場鷄腿肉 美國穀飼牛肋條 美國毅飼牛西冷 鷄肉腸💓燒得啱啱好就肉質較軟好好食(串燒留意啊！燒得耐就燒過龍，冇曬肉汁)網燒 蒜蓉烤蠔（可以食多幾隻) 安格斯牛肩肉片(切薄薄一片，燒一陣就食得)另叫:放題新品 清酒煮蜆(蜆冇沙) 芝麻波波(煎堆仔) 蔬菜長春卷炸物:泰式魚餅 越南豬肉春卷重有罐裝飲品、健康自家製飲料，生果、蔬菜、雪糕、啫喱仔。全部燒烤肉嘅味道都唔差，炸物都係脆。

觀塘除左大型商場連鎖店之外，其實仲有好多小店可以發掘下架！呢間串燒屋位置雖然唔算好近地鐵站，但行過去都唔遠～佢分左幾個時段，我就揀左9點後入座時間，計埋加一都係$200頭就有得任飲任食🫢 平日黎呢種自助串燒既地方，多數都只可以串燒，但呢間係有埋網燒！大家都知燒烤最麻煩係一開始起爐燒果下，淨係等冇得食住，但係有埋網燒，個人覺得燒得快左又更方便！食物種類都唔少，詳情可以睇menu，但我個人最中意係佢有羊架、清酒煮蜆、蒜蓉青口、蠔呢d平時居酒屋先有既野食，仲要冇限點幾多份😍😍 牛肩肉片、牛仔骨、一口牛都唔錯，每次上既份量都唔會太細份，而且油脂豐富，每一啖都好滿足！唔中意食太肥既都仲有好多其他選擇，包括有原條秋刀魚、牛舌、西冷之類！另外佢仲有好多炸物可以任嗌，薯條同魷魚圈我地都叫左2轉😂 脆皮香蕉好出色，平時好少有機會食到，完全係一份甜品，仲有仲有，唔知大家有冇好掛住bbq既燒棉花糖，呢度竟然有埋棉花糖串，自助串燒又唔怕燒燶哂🫢🫢