影片
更多
2022-11-02
1065 浏览
放左工，同朋友黎左牛頭角呢間串燒屋度食放題，之前見有谷友介紹幾正咁，今日一於黎試下。七點前離坐$198/位，呢個價錢任飲任食真係好抵。我地搭正五點就嚟到，店內第二枱客，哈哈，霸返張卡位先。枱上有各款調味品，用具各樣也很乾淨🙂店內可用餐紙或qr code落單，不過兩邊食物有少許唔一樣，感覺上qr code 裏多啲野揀。朋友密密落單個陣，等我去雪櫃睇下有咩先，飲品有自家無糖茶、涼茶等，仲有罐裝汽水同啤酒🍺。另外仲有各種冷盤、沙律、甜品同蔬菜，款式幾多喎。先試試芝醬沙律同豆腐🥗，再拎左無糖烏龍茶同檸檬薏米水。串燒好快就到啦，第一次食唔知咁大串，朋友起手就點左好多，一下就黎夠三十串，正呀～有牛柳粒、豬頸肉、雞柳、牛丸、魚蛋、多春魚、蝦等🦐，沒有預先調味，可以按個人喜好加入枱上調味品，我就覺得咁幾好，唔使好似某啲韓燒店咁醃到唔知食緊咩肉，新鮮肉唔醃就得啦。開波燒啦～放哂啲串串落去自己轉下轉下就熟，好方便！而且個爐火力好猛，啲肉好快就熟，自己就返時間燒啲快熟同慢熟嘅，隔住隔住咁食無停過口。除左串燒，仲有其他野可以網燒，例如蠔🦪、青口、茄子等，十分鐘左右啲海鮮已經熟晒，勁👏真係燒唔切都唔怕，仲有熟食
七點前離坐$198/位，呢個價錢任飲任食真係好抵。我地搭正五點就嚟到，店內第二枱客，哈哈，霸返張卡位先。枱上有各款調味品，用具各樣也很乾淨🙂
店內可用餐紙或qr code落單，不過兩邊食物有少許唔一樣，感覺上qr code 裏多啲野揀。
朋友密密落單個陣，等我去雪櫃睇下有咩先，飲品有自家無糖茶、涼茶等，仲有罐裝汽水同啤酒🍺。另外仲有各種冷盤、沙律、甜品同蔬菜，款式幾多喎。
先試試芝醬沙律同豆腐🥗，再拎左無糖烏龍茶同檸檬薏米水。
串燒好快就到啦，第一次食唔知咁大串，朋友起手就點左好多，一下就黎夠三十串，正呀～有牛柳粒、豬頸肉、雞柳、牛丸、魚蛋、多春魚、蝦等🦐，沒有預先調味，可以按個人喜好加入枱上調味品，我就覺得咁幾好，唔使好似某啲韓燒店咁醃到唔知食緊咩肉，新鮮肉唔醃就得啦。
開波燒啦～放哂啲串串落去自己轉下轉下就熟，好方便！而且個爐火力好猛，啲肉好快就熟，自己就返時間燒啲快熟同慢熟嘅，隔住隔住咁食無停過口。除左串燒，仲有其他野可以網燒，例如蠔🦪、青口、茄子等，十分鐘左右啲海鮮已經熟晒，勁👏
真係燒唔切都唔怕，仲有熟食可以點，朋友話個清酒煮蜆鮮甜無砂，我都未試就比人ko左😅另外仲點左碟蠔油生菜，諗住食咁多燒肉食返條菜嘛。
咁放題又點少得炸物呢，朋友各款點左一件，竟然黎左咁大盤，哈哈😝個人覺得炸紫薯餅、香蕉、椰奶波波同鵪鶉蛋都好好食，呢堆炸物下邊仲壓住一大盤炸雞軟骨，分量多過出邊小食店叫一份，新鮮炸起喔喔脆真係幾好味，如果有沙律醬就更佳。
串燒方面首推多春魚同三文魚鰭👍，燒起上嚟又香又脆，而且串燒咁燒啲多春魚，唔會好似韓燒咁黐曬落個底都食唔，到佢咁轉住黎燒真係好正。另外牛柳粒同豬頸肉都好好食，其他丸丸腸腸就一般啦，大眾味道，係個雞肉腸略微鹹咗少少。
食到尾就係時候燒返啲輕手啲嘅，牛油粟米超甜又重牛油味，仲有蒜蓉包、菠蘿同棉花糖😋
棉花糖好易燶，轉兩個圈好收手啦。
再食埋個忌廉泡芙同雪糕，極滿足🥰七點左右全店滿座，睇黎食早場易有位又平啲，抵呀！
张贴
