中環茶記 (已結業)

早前相約友人係中環食飯, 無意中見到一間懷舊的餐廳, 叫中環茶記, 便入到試下. 店內的牆上掛了一些懷舊的相片, 感覺走進以前的茶記, 令人有點懷念. 我自己鍾意食鐵板扒餐, 所以點了烤豬扒拼鰻魚, 選了燒汁. 友人點了什扒, 選了蒜蓉汁. 來到茶廰, 當然點了熱咖啡, 走糖, 煉奶另上. 烤豬扒拼鰻魚上枱. 鰻魚俾我想像中大條. 肉質尚算不錯. 而豬扒唔會覺得乾和硬身, 算幾稔身. 兩者與燒汁幾夾, 味道啱我口味. 友人的什扒相當大份. 男士的話一定夠食. 熱咖啡, 走糖, 煉奶另上. 自從試過加入煉奶後, 偶然也會這樣飲咖啡. 入口有淡淡的咖啡香味.

新地標中環茶記😋自「來佬」直接植入Red Mr. 的生意後， 中環原址就空空如也； 中環茶記應運而生。在某日報看到中環菜茶記創辦人的專訪後， 大膽的作風吸引我來到來品嘗的誘因。 皇牌雜扒黑椒汁（豬扒、雞扒、牛扒、珍寶腸、煙肉）$118曾於某電影內看過， 叫雜排餐的人是最貪心，什麼都想試； 這裡的雜排餐卻是意想不到的好👍🏻分量大肉質佳。 以熱鐵板上，淋上黑椒汁， 「咋！」，完全是香港風味。 鐵板甜酸蝦球雙麵王$78又是鐵板上的佳品，極喜愛甜酸醬的我， 可以用來撈麵可說是得到天賜的幸福。 酸得來不會啃喉， 甜又不會太死， 剛剛好。 蝦球十分爽嫩， 炒得有水準。 加上有鑊氣， 配上撈麵一流！炭燒鰻魚配烏冬$68中環茶記雖然是港菜代表， 但並不失禮。 鰻魚肉爽嫩， 有炭燒香， 而外皮更是香脆，好好食！一般鰻魚都是配上飯， 我簡左配烏冬， 有創意之外， 還發掘了另一絕配。菠蘿海鮮炒飯$60最後叫了個炒飯，果然都是鑊氣十足，好有大排檔的風味。 此外， 仲要非常足料， 每啖都有菠蘿同海鮮， 正！

聽講中環開左間新嘅冰室，中環除左好貴嘅翠華都冇茶餐廳，所以夜晚就去試一試。冰室裝修懷舊，有卡位，仲有一條長長嘅樓梯上二樓。餐牌上嘅選擇有經典扒餐，亦有新式菜式，我就揀左韓式泡菜牛肉拉麵。等左一陣就黎啦，賣相比我想像中唔同，我以為係辛辣麵哈哈哈，不過係日本個種拉麵，當然更加好！配菜亦好多，味道方面唔錯，有一塊塊泡菜辣辣地，份量好多，牛肉就冇乜味。另外一個係甜酸蝦配飯，酸味重d，有大概3-4隻蝦，都唔錯！熱奶茶好濃郁，係港式奶茶！

朋友約我去中環買嘢，買買下，個天就開始落雨。朋友建議不如吃個飯先。見到對面馬路個餐廳招牌好搶眼，就唔再四圍搵，直接過馬路去睇下佢有咩食。佢個面門放咗好多綠寶橙汁，係我細個時候成日飲嗰隻汽水。原來佢個主打係懷舊茶記食物。入到去，店員招呼親切，問我哋要唔要坐卡位，我哋話唔使啦，坐中間啲檯就OK。既然佢主打係懷舊，就叫咗兩個充滿懷舊風味的鐵板餐，一個美國西冷牛扒和一個豬扒拼鰻魚。飲品就叫咗杯懷舊紅豆冰和朱古力咖啡。紅豆冰開咗花，幾腍幾香甜。值得一讚的是佢唔似快餐廳嗰啲用糖水加花奶，而係用咗椰奶，所以飲落好味好多。朱古力咖啡佢係凍飲嚟㗎，但佢又唔會有好多冰。朱古力加咖啡呢個fusion又幾夾味喎。經典嘅鐵板餐嘅特色就係大碟份量足。我呢個豬扒拼鰻魚絕對合符標準。燒鰻魚大條，又香又軟熟，肥美又甘香。豬扒都好入味。配菜的甘筍、西蘭花好腍易食。炸薯條炸得香脆。朋友的西冷亦都好大塊。黑椒汁淋在鐵板上，香氣四散。牛扒是厚切的，依然腍嫩，而且充滿牛味，非常之好食。見外邊雨已停了，便埋單繼續去買嘢。

有朋友自遠方來 梗係要帶佢周圍吃喝玩樂啦本來諗住帶佢去蘭桂坊飲嘢, 但係行過見到呢間中環茶記佢見到個門口好特別, 話反而想試下呢間咁其實我自己都未去過, 所以即管一試!餐廳入面原來好大㗎, 有成四層咁高入面嘅裝修真係比較懷舊有特色, 我同友人都不斷咁周圍影相打卡Menu選擇好多飲品方面我嗌咗左邊個杯懷舊雪兔 下面係雜果賓治， 上面用蝶豆花做出漸層效果 仲加咗啲棉花糖係面， 睇落幾靚朋友嗰杯薄荷朱古力佢話好好味， 食物未來佢已經飲咗半杯😅我有選擇困難症呢個皇牌雜扒餐咩都有就最啱我啦我揀咗黑椒汁, 侍應端到上嚟時會問我想自己淋定係佢幫我淋我想影相所以都係麻煩佢一下嚕～呢個雜扒餐真係超級大， 睇落仲大份menu上嘅圖片！！ ＄118 皇牌雜扒有齊牛扒， 雞扒， 豬扒， 珍寶腸， 同煙肉。。。 CP值超高食落都唔錯 我覺得雞扒煎得最香最嫩牛扒juicy又唔韌～友人叫咗個蕃茄焗豬扒飯， 睇落都好靚呀 勁重蕃茄味同埋塊豬扒本身已經切開咗 女仔食都可以食得好方便我就略嫌唔夠多芝士做唔到拉絲嘅效果 友人唔識呢個食法就覺得冇乜所謂XD 仲係咁讚塊豬扒好嫩好好食 配埋番茄酸酸地非常開胃今次食得非常滿足唯

喺中環食貴嘢食得多，食餐記係少有嘅。不過哩間新式嘅茶記，有質素之餘，一啲都唔貴。得閒要去食下。入到舖頭，有茶記特色，亦有香港風味。格局grand 得黎又幾有傳統風味，坐得好舒服。哩度嘅定價一啲都唔貴，而且亦都有齊港式茶記要有嘅菜式。西多士炸得夠晒脆，個餡夠晒多花生醬，加埋糖漿同牛油，perfect 佢嗌嘅主食係牛肉拼三文魚扒配黑椒汁，加埋薯條同雜菜，份量夠晒三文魚扒煎得啱啱好，皮脆，入面半熟，好有口感。牛扒好有鮮味，夠晒軟熟黎到茶餐廳一定唔少得嗌焗嘢嘅食物，其實都係港式茶記傳統之一！哩個焗豬扒意粉果然係皇牌，名符其實！個茄汁味道調得恰到好處，唔太甜唔太酸，好有鮮茄味。豬扒一啲都唔韌，好軟熟，加埋意粉，一定要試

去中環飲嘢時間尚早，打算搵間茶記快食打個底，見到呢度設計好懷舊，兩秒都唔使就決定入去試～～餐牌基本上係茶記食品，晚事都係經典扒類，最過癮係有mocktail???皇牌雜扒餐 $118唔好睇少雜扒餐，其實佢性價比超高！裡面有豬扒﹑雞扒﹑牛扒﹑珍寶腸﹑煙肉仲有薯菜，份量而言一個女仔一定食唔曬！加咗燒汁之後，雜扒香氣飄曬出嚟，最欣賞係牛扒牛肉味好濃郁，一Ｄ都唔韌，仲有好強烈黑椒味，係咁多款扒之中最好食！豬扒睇落「鞋鞋地」，實際上係好有口感，好夠咸香又無多餘脂肪，亦好容易切～鐵板甜酸蝦球雙麵王 $78喜歡脆脆麵嘅我忍唔住點咗佢，醬汁甜味多過酸味，徹底包住所有食材，蝦球玲瓏彈牙，唔係雪藏蝦，都幾有鮮味，雖然洋蔥好大舊，但唔會喧賓奪主，三色椒亦好爽口。至於脆脆麵如其名相當香口，裡面仲有少少軟身麵配搭，可以帶返Ｄ飽肚咁出來，不過份量實在太多，我一個人食唔曬，但佢的確抵食。龍鳳檸樂 $24成杯冰將檸檬同青檸分為上下隔，咁樣處理令你飲嘅時候檸檬味都分階段敲擊味蕾，味道變得更多元化，食完咁強烈口味嘅食物飲返呢Ｄ清新組飲品，即時減膩！香濃朱古力咖啡 $32特別叫店員要少甜，出到嚟又真係唔係好甜，朱古力味好突

第一次去食個咖喱魚柳飯。呢碟餸一黎就覺得唔對路啦。個魚柳係先炸好之後淋啲咖喱汁上去嘅, 魚柳無魚味而且凍冰冰嘅。飯又癡癡淋淋唔知係用咩米煮嘅。咖喱汁一劈嘢咁，係我有生最難食嘅茶餐。過咗一個禮拜諗住再俾個機會佢啦。叫咗個豬扒抄一丁麵。點知食食吓個豬扒好似未熟咁，叫個侍應黎睇，佢同我講話”呢啲係雪肉嚟嘅，係咁㗎”。聽完之後即刻火滾，你當我傻㗎！你當我冇煮過飯㗎。以後都唔幫襯呢間茶記，可以拎啲未煮熟嘅豬肉比客食。睇你幾時食屙人。

在中環附近走走，晚飯選了在中環茶記食，見佢走懷舊風，幾多打卡位呀，哈哈。門口幾吸引紙皮石加上懷舊配色，仲勁高樓底，感覺不錯嘛。澳洲羊仔扒（$128）朋友揀了羊扒跟燒汁，份量意外的多，兩大塊扒喎。勁大塊羊扒，有無見過咁大塊先？一般食羊都係得半塊呢度嘅份量啦，哈哈，朋友係愛羊之人，佢話好味，若再酥啲就更正了。美國牛扒併三文魚扒（$168）自己點左雙併的呢款鐵板，主要因為想食三文魚扒，醬汁選了蒜蓉汁。配菜係曲曲薯條，四季豆，紅蘿蔔，椰菜花等。牛扒貨式一般，但唔韌無渣ok收貨了。三文魚扒幾有驚喜，開頭怕鐵板會熟得濟變鞋口，點知切開黎剛剛好，外面香脆，裏面的肉仲好嫩滑，入口有魚油甘香，好味喎！龍鳳檸樂（+$10）街外熱辣辣，整返杯解渴嘅可樂先，橫掂凍飲都要加錢，叫特飲吧～龍鳳檸樂係可樂加檸檬同青檸，酸味更正，凍凍的勁正。香濃朱古力咖啡（+$10）朋友叫的朱古力咖啡都幾好飲，啡味香濃，略微蓋過朱古力了點。餐牌，以茶餐廳來說選擇不算多，但都很足夠了。茶記不用加一～

近年冰室茶記開得越來越多，不止是旺角尖沙咀，中環亦有間「中環茶記」，裝修頗有特色走懷舊老香港風格。我叫了美國西冷扒 ，7成熟 ，蒜蓉汁，只能配薯菜沒有飯或意粉可選擇。 牛扒很大件，勁厚身，肉質淋諗，牛味濃。點啲喼汁味道更出！薯條係我鍾意嘅粗薯條，剛炸好熱辣辣脆卜卜，點茄汁好好食😋！餐飲叫了熱檸茶，味道正常。另外我叫了 煎美國牛扒拼三文魚扒，黑椒汁比仔仔。見到塊三文魚扒勁開心！因為十分大件和厚切👍。三文魚煎得很香，外脆內軟，入面鎖住大量三文魚油，口感豐富，很香很好味！牛扒也醃得不錯很夠味而且大大件。實屬抵食之選。餐飲叫了「懷舊雪兔」，是雜果賓治上面有些棉花糖。仔仔係見到勁開心。賣相好靚，色彩繽紛，味道都OK！「中環茶記」都幾乾淨企理，而且裝修懷舊特別具特色，食物品質亦穩定，如果係中環諗唔到食乜又唔想太貴呢度係一個好選擇！

自己本身在中環返工多年。對於中區食店都熟悉。但今日同honey 行過見到間好復古裝潢的食店中環茶記店內有不少人比想像中多當然要試下味道是否出色因為自己需要進行生酮飲食。所以一定要食大魚大肉。加碟菜所以澱粉質不選。反而honey 沒有任何問題。選擇更多。選左烤豬扒拼鰻魚大條鰻魚及。大件豬扒。下面配薯條。整條鰻魚淋上黑椒汁豬扒沒有被過多鬆肉粉醃製。軟身之餘。沒有"梅"身。抵讚鰻魚多數配燒汁。今次配黑椒汁比較大膽嘗試。但不失味道。honey的煎美國西冷牛扒雖然沒有太大件。但都厚身加上近根位食時更嫩滑。而且味道就真係剛好。不會太咸。吃時有層次分明。但最好先要3成熟。因為鐵板會儲熱。一邊食，一邊讓牛扒在餘溫下慢慢熟些這樣牛肉肉質依然嫩滑honey 最愛吃魚。所以整條鰻魚被佢食晒。除了有鐵板。都想食蔥油餅細細件的蔥油餅配咖哩雜菜可以配飯。但太飽。碗仔形式盛的咖哩雜菜不會有太濃的咖哩味。港式咖哩配上香煎蔥油餅互相配合。比配飯更啱細食的我。女士有多一個選擇。味道剛好之餘雜菜砌出細件及有不同蔬菜。食時亦比較方便。中環餐廳整體比想像中好特別價錢在港島區算平民價。味道同份量都足,以後同Honey 放工可以輕

今次嚟到中環既中環茶記啊🍽呢到既裝修以60年代港式茶記情懷做設計同時老闆還原舊香港的原始味道食品堅持使用天然調味料、不加味精令香港本土特色飲食文化重現我就試食左上面既食品啦由於自己都係食家既關係我點左最簡單既食物去試食因為愈簡單傳統既食物其實係愈難做得好🐮干炒牛河:油份啱啱好唔會過油,河粉比岀面既厚身啲食落去有彈性唔會好粉,牛肉都係用鮮牛肉去炒好有牛味🍞冰火菠蘿油:熱辣辣既菠蘿包夾住一塊厚1cm既牛油,皮脆內軟真係要襯熱食,最勁既係佢同我塊面一樣咁大個架🥞西多士:用左3cm厚既厚多士去整,仲有濃濃既花生醬仲有必飲既🍹懷舊紅豆冰🥤懷舊雪兔

有日放工OT到好夜，同同事係中環食完晚飯先返屋企🍚呢間茶記新開，成日比佢閃下閃下既招牌吸引到目光👀lunch成日都好多人，夜晚個個收哂工，反而唔使等位-🔹皇牌雜扒好耐無食過鐵板餐啦！揀左燒汁，呢度既雜扒真係有齊哂牛扒、豬扒、雞扒🥩(平時出面雜扒通常得一兩款扒)，仲有司華力腸同煙肉🥓下面仲有一堆薯條，係波浪薯條啊😍我地兩個人share先食得哂🙊-🔹咖哩雞球可以揀飯or葱油餅，我地揀左葱油餅🍕咖哩味唔算好香濃，但都辣辣地🌶食咖哩最正係點葱油餅一齊食，塊餅煎過有少少脆脆地👍🏻雞球好滑，但係淡左啲無乜味咁🤔仲有啲薯仔，索哂咖哩味😋-我地叫左兩杯特飲，原來懷舊雪兔即係雜果賓治🍒

中環懷舊茶餐廳，有舊香港既特色，環境乾淨，坐得舒服，期待來等一下來的食物。皇牌鐵板雜扒(豬扒、雞扒、牛扒、珍寶腸、煙肉)這是他們的皇牌菜，我也很久沒有吃過鐵板雜扒，就來嚐嚐看吧。雞牛豬水準都不錯，以一百一十幾的價格來說，尤其牛扒很不錯了，沒有加很重鬆肉粉，有保留牛扒的口感。咖喱牛肉蔥油餅今次試試蔥油餅代替白飯，蔥油餅薄薄的煎得脆脆的很香口，沾上咖喱吃很不錯。韓式牛肉泡菜炒拉麵牛肉份量算多，炒麵本來已經好吃，加上泡菜的一點辣就更惹味。懷舊紅豆冰有很重椰奶味，可惜我吃的紅豆有一點點偏硬，如果能煮久一點會更好。懷舊雪兔有點像雜果賓治，再加上紫色碟豆花，另外還加上彩色棉花糖，賣相不錯。

同個朋友去左中環大館參觀，行下行下見到新開左間新既茶餐廳，叫中環茶記，門面都幾懷舊，就入去試下，晚上中環食市普遍都唔算多人，我揀左坐卡位，好寬敞，餐廳都好光猛。睇相見到個沙嗲牛肉菠蘿油好吸引，相有飲品，原來係唔包的，單點$34。不過好失望，個菠蘿包皮係唔脆唔架！另外叫左鐵板甜酸蝦球雙麵王 $78，個汁甜甜酸酸好開胃，表面的麵好脆，裡面係淋身，兩種口感，另外個蝦球就太多脆醬。仲叫左個烤豬扒拼鰻魚 $138 ，我地問店員咩汁最夾鰻魚，佢話因為鰻魚係冰鮮，所以黑椒汁最好。雖然咁樣介紹係有點倒米，但好好笑，個汁係黎到店員會幫手淋落去鐵板。個田唔到又真係好食喎，鰻魚好滑，個豬扒都唔錯，唔會太硬，有蕃茄醬另上沾薯條。凍奶茶 +$3就有，另加點了龍鳳檸樂 $24，好大杯。