中環茶記 (已結業)

​皇牌焗豬扒飯($68)🐷.比連鎖快餐店嘅一哥焗豬扒飯好食少少。豬扒算厚切，上碟係用陶瓷碟而唔係鐵兜或者錫紙。🧐.茶記setting 但唔跟嘢飲，依個價錢嚟講，貴咗少少。🙊.唯一可讚嘅係三層樓設計，lunchtime繁忙時段都唔使等位。不過行樓梯行到第三層，都咪話唔攰。👣.是日random quote：Life is what happens while you are busy making other plans (John Lennon).🎯FF獨家評分：7/10 (No complaint)

新年期間中環區好多公司都未開工，但唔好以為就會好冷清，我哋呢啲識飲識食就係逆向思維，特登嚟中環shopping添食嘢，今年嘅新年，特別有氣氛，滿街都是外國旅客😬呢間中環茶記，坐落喺中環的威靈頓街，門口有五光十色的霓虹燈館， 十分搶眼，左龍右鳳，好有六、七十年代的懷舊風👍🏻特別係櫥窗𠴱幾支綠寶橙汁，正正是六、七十年代經典的出品😀部份牆身和地板，都用上懷舊的紙皮石，這裏一共有三層，地方闊落，客人用餐的空間感十足，新年期間亦很旺場，證明頗受歡迎👏🏻由於樓下已經滿座，店員安排我哋上二樓雅座卡位，欣賞着周圍懷舊的照片，有點進入時光隧道的感覺，這裡平日下午茶時段，還有特別的優惠，真是旅遊的另一個選擇👍🏻叫了一個「鐵板甜酸蝦球雙麵王」，真的不敢相信，在這中環黃金地段，也只售$78元，大大隻蝦球，脆卜卜的麵底炸得香脆可口，配上甜酸醬和菠蘿🍍，開胃好味，正😋楊州炒飯，相信大家都食得多，但係要有水準的，就唔係間間都做得到，我夠膽講一句，呢度嘅楊州炒飯，包你滿意，乾身不膩，配料足，廚房有料到👍🏻👍🏻👍🏻再嘆埋香港人至愛「懷舊龍鳳可樂」、「懷舊紅豆冰」，真係大大滿足，呢度啲侍應工作甚有效率，出餐快而準，食物質

知道這間「中環茶記」開業不久，適逢今天係年三十晚，很多打工仔已經開始放假，當然襯今天大好時機去試試，可以無須大排長龍等位。整間茶餐室以懷舊feel佈置，有上下兩層，我們倆人大約12:30pm左右去到，也要被安排上樓上坐。我們同樣是要了其中一款常餐 - 蕃茄薯仔肉碎湯通粉配炒蛋厚多士（$60）厚多士一點也不厚，烘得不夠脆和熱。炒蛋夠滑但可惜同樣是不太熱。整個餐只有蕃茄薯仔肉碎湯通粉味道不錯，我朋友是茶餐室奶茶粉絲，對此餐室的奶茶感到非常失望，奶茶不單只不夠熱，口感又不滑，沒有茶味，好像加了水被溝稀了一樣，朋友飲了幾口已不能再飲下去。

這家餐廳有濃厚的懷舊感無論在陳設或裝修上都令人覺得身處於七十年代樓高三層枱與枱之間闊落點了牛扒拼三文魚和鰻魚拼燒豬扒飲品有紅豆冰及朱古力咖啡牛扒和三文魚比想像大件魚很嫰滑而牛扒很重牛味肉質稍硬但仍可接受伴碟有薯蓉及雜菜醬汁選了經典的黑椒汁味道微辣質感濃厚很美味鰻魚拼豬扒有大驚喜鰻魚很大肉質很肥美豬扒軟腍而且很入味難怪在坊間屢獲好評紅豆冰奶味夠香紅豆軟硬適中朱古力咖啡賣相極吸晴在咖啡上放有鮮忌廉再灑上甜甜的朱古力粉賣相吸引味道也非常好這頓晚餐真的很滿足下次相約再試皇牌焗豬扒飯

豬年首日開工，因工作附近的食肆大多初七才啟市，唯有移司到中環新開不久的中環茶記食早餐。星期六的關係，加上是初四，餐廳很清靜，我一人可以獨佔四人卡位，坐得十分舒適。早餐有八款選擇，筆者點了HK$38.00的B餐有 : 沙嗲牛肉麵、多士配炒旦及熱奶茶。食材其實是一般大路貨式，只要多用點心從顧客角度出發，要吸引食客其實並不困難，但中環茶記也是犯了一般茶餐廳的通病，不論是食客多或少、餐廳即使不算旺場，出品但求一個"快"字，永遠忽略食物的質素。想說的是當天顧客不多，但食物每一樣都不合格 - 沙嗲牛肉麵，牛肉上有"少許"沙嗲醬，但全無味道。多士又是凍的，總不明白又不是太旺的時間，即烘一件多士有那麼困難嗎？奶茶又是淡淡的，冇乜味道。這種質素的茶餐廳，價錢不算便宜，出品馬馬虎虎，相信要吸引食客回頭是有點困難。奶茶不合格

年三十晚約左成班朋友起蘭貴坊飲野去之前緊係搵野食打打個底先，行左好一陣都吾知食咩好。因為中環既餐廳價錢都吾會平得去邊。加上朋友吾太喜愛食西餐就咁岩比我地見到有間茶餐廳，而且價錢都叫做中等。咁就諗住入去醫醫肚先。裝潢得好有70-80年代既感覺。雖然佢起蘭貴坊附近入到去被安排坐左一張4人枱，底樓好高，好有特色，我見有幾個外國人都被裝潢吸引係咁影相。待應介紹佢地主打鐵板餐我地選左個牛扒配三文魚扒 $168上枱份量都幾驚人，我地一個女仔一定食吾曬啦，牛扒吾係薄薄個隻，肉味幾重，口感幾淋幾嫩滑，唯美中不足係有少少過熟。而我朋友就點左個羊仔扒 $128同樣是同鐵板上，大約有2大件，份量同樣驚人，強烈建議女士可以share可惜依個鐵板燒得吾夠熱。當醬汁淋上去羊仔扒嘗試已經沒有吱吱聲。羊仔扒完全沒有蘇味，但我反而其實比較鍾意讓有蘇味。薯條同樣是鮮炸，依樣好抵讚-但飲品就有點奇怪，我朋友點左杯懷舊雪兔，雪兔原來是指棉花糖，但將棉花糖及飲料拌在一起之後，顏色就有點奇怪，飲下去有點像雜果賓治的味道

開左新野，懷舊風茶記。有舊菜式亦有日韓風。我地叫左皇牌雜扒（牛，雞，豬，煙肉，珍寶腸），可揀黑椒汁/蒜蓉汁/燒汁。只可配薯條，包一杯餐飲，係中環算抵食，豬扒大過塊面!雖然lunchtime排長龍，但因為有3層，所以等左大概10分鐘就有位。佢地皇牌推介仲有鐵板甜酸蝦球雙麵王，下次要試埋

一班朋友去咗中環食飯應該話要去飲嘢所以之前要去食飯見到間餐廳個樣咁Modern入去試吓先再講啦舊式香港風一睇個樣都覺得勁適合嚟打卡囉去茶餐廳梗係要試吓港式奶茶啦奶味香濃正叫咗杯懷舊雪兔其實即係雜果賓治再加啲棉花糖個菠蘿油勁大個囉上面嗰層皮超級香脆仲有咖喱豬扒飯同埋鐵板牛扒牛扒超大份牛味香濃又易切咖喱吉列豬扒都好正喎個咖喱味勁香唔辣豬扒大塊啊又夠軟熟再嚟多個紅豆冰再配辛辣麵加雞扒辛辣麵包粉係比你自己落㗎另外奶油多都唔錯

下午在中環覓食，這家茶餐廳的門面裝潢吸引了我的眼球，招牌以霓虹燈裝飾，還點綴了兩隻金光閃閃的龍鳳，令我想起舊時代的老香港。裡面的裝潢也十分懷舊，天花吊著風扇，花俏懷舊的地磚襯托木製桌椅。假日的下午，竟然沒有任何包點，難免令我有點失望，但發現這裡的皇牌竟然是吃扒，於是點了兩份試一試。⭐️奶茶奶茶味道很香，喝起來香醇。奶和茶味配搭得不錯，只是稍微甜了一點。⭐️香煎美國牛扒拼三文魚扒$168牛排不算很大，但三文魚很厚很大一塊，而且外面煎得香脆無比，裡面肉質柔軟，一點也不乾柴，吃起來有啖啖魚肉的香氣。牛排入口柔嫩，吃起來很輕鬆，配上燒汁更有風味呢！⭐️皇牌雜扒$118 有煙肉、腸、雞扒、牛排和豬扒。雞扒肉質最嫩滑，牛排肉味最突出，豬扒最大塊，吃起來各有千秋，還有粗壯的肉腸，實在吃得很滿足呢！

這天因工作上需要來到中環區, 手頭上的工作已在中午時份完成, 開始要找地方開餐, 心目中都是想找茶記。要盡快找個地方坐下來, 吃些東西, 見到有間茶記, 便不用多想, 即時決定在此開餐。飲品方面, 來個凍即磨咖啡，夠香濃和夠滑, 一點都不苦澀。主菜點了煎美國西冷牛扒, 以鐵板盛上, 一大塊牛扒, 份量十足, 肉質嫩滑, 肉汁豐富,配上燒汁, 更加滋味, 再加上其他配菜, 吃得滿意。 中環茶記定價非常大眾化, 就這晚所見食客們應是在附近工作的上班一族。

與兩位老友去老蘭 Happy Hour 前到一間充滿60年代舊香港特式的茶記。有樓上雅座先來一客咖哩羊肉蔥油餅餐前小吃。咖哩汁香味濃郁，入口味道起初偏甜，而辣味則隨著口腔慢慢地滲出，越吃越上癮。而且口感不算薄不算厚，椰漿及香料味亦濃郁。羊腩不算太騷而且很濃很嫩滑。 而蔥油餅都不油膩，沾着配合咖哩汁吃，正!皇牌焗豬扒飯豬扒很厚肉炒飯底，豬扒肉質很腍多肉汁，而茄汁夠晒濃郁。至於乾炒牛河每條河粉上色亦平均，牛肉切得薄薄而大塊，咬下去很腍。 滑蛋蝦仁飯亦都不錯，蝦仁爽口。如果改炒底應該更正。懷舊紅豆冰，花奶混合椰奶很香，冰亦不算多所以都不會淡。紅豆亦很腍。L 一向喝奶茶不下糖，茶味都算濃，奶及茶比例恰當。

今日拍拖行香港動植物公園🌲🦚🦜🌳🌵真係好耐冇行過好舊念細個屋企人帶我去睇雀睇熱帶植物行完去返中環搵野食見到呢間門面好有昔日香港情懷嘅茶記俾佢吸引咗入去順便配襯下懷舊嘅心情😂入到去見到好多昔日嘅街景相裝飾亦好有懷舊嘅味道邊食邊欣賞隨住時代嘅變化近期好多懷舊茶餐廳興起呢間亦都唔例外店內有兩層樓梯裝修更加有味道我地叫咗個瑞士汁牛河開頭以為係炒河原來係撈河但味道好好牛肉好多鰻魚烏冬份量好大味道唔錯仲有港式鐵板牛扒用嘅係安格斯牛扒配埋燒汁薯條炸得好脆牛扒好淋呢杯係懷舊雪兔以前完全唔知係咩嚟原來係雜果賓治加棉花糖上面個層係藍蝶花賣相好新穎仲有我好鍾意嘅龍鳳檸樂店員服務好好環境好鍾意野食都好味食材品質好

香港懷舊茶室愈來愈少，行過經過中環茶記，就覺得一定要幫襯一下，支持香港文化。講到舊時茶室，菠蘿油是其中一個代表，可惜我們太晚到，已經沒有菠蘿油！可惜！下次一定要早點去食。不過賽翁失馬，一定有口福，朋友點的「番茄薯仔牛肉碎通粉，配炒滑蛋多士」必食。通粉酸酸甜甜十分開胃，跟朋友一人一半食光了。「煎澳洲羊仔扒」是我的主菜，羊架食得多，羊仔扒就是第一次食，配上黑椒汁，比羊架嫩滑又多汁！「香煎美國西冷牛扒」是我朋友點的，雖然落單時沒有指明要幾成熟，朋友還有點擔心牛扒太生吃不了，幸好是剛剛好的七成熟，肉表面是深粉紅色，但血汁已收乾，不過我覺得五成熟會更好食更嫩滑。

上星期五同個friend去完大館參觀諗住行下中上環睇下有啲乜嘢下午茶可以食原先行到去條街見到一間連鎖式嘅茶餐廳想入去食但係個friend 話見到對面街有一間茶餐廳喺門口見到個menu啲嘢食好似唔錯就決定入去試一試Waiter好好人安排咗卡位畀我哋去坐我哋叫咗一杯紅豆冰同埋一杯薄荷朱古力仲有 一個沙嗲牛肉菠蘿包 同埋一個鮮牛油菠蘿包另外叫咗一份香煎西冷牛扒share食我係飲紅豆冰杯紅豆冰好有椰香味喺茶餐廳比較少有我覺得好好飲至於我個friend飲嘅薄荷朱古力佢都讚好好至於兩個菠蘿包我同我個friend share嚟食首先我冇諗過沙爹牛肉原來可以同菠蘿包咁夾兩樣嘢都熱辣辣而且菠蘿包非常之大個啲菠蘿包嘅皮都仲好脆好暖鮮牛油菠蘿包都非常之好味雖然非常之邪惡但係我最終都同我個friend食曬去到份西冷牛扒啦廚師煎得塊扒好香口簡直係肉質鮮嫩配合埋啲曲曲薯條真係冇得輸可以喺中上環試到呢一間茶記嘅食物同埋飲品真係覺得好正下次有機會再經過呢區我諗我都會再入嚟試下佢其他嘅食物

行經鏞記，立刻被附近的閃閃的霓虹招牌吸引，原來是茶記。這間茶記的裝修帶一點老香港冰室的味道，而且光猛企理。餐點選擇有常餐、鐵板扒餐、咖哩飯、焗飯和中式炒粉麵等等，而價格和翠華相約。今天試下常餐和咖喱飯。常餐/蕃茄薯仔肉碎湯通粉配炒蛋厚多士$60這炒旦炒得可算香滑，旦味濃厚，可惜溫度只是微暖。而厚多士帶一點厚度，同樣地只是暖暖的，唔夠脆熱。蕃茄薯仔肉碎湯通粉味道不錯。湯底有著天然的蕃茄鮮味，又帶一點點薯仔的甜味，感覺天然。加上爽口的通粉和肉碎，既健康又可口。咖喱雞球飯$62這咖喱雞球飯差不多每幾枱便有一枱點了這個飯。雞球的肉質是嫩滑的，可惜完全沒有味道，只有沾上咖喱汁才夠味拌飯。咖哩汁的濃度是足夠的，帶一點辣，味道可以但未見突出，目測四週的人也吃剩不少咖喱飯。招牌奶茶（餐飲）這奶茶入口溫度剛好，口感幾滑，茶味較奶味稍為濃郁，即使不加糖，奶茶也不澀口。柚子蜜$18這柚子蜜都幾夠味，味道清甜，感覺滋潤。年初二營業中的餐廳唔多，而這一家在新春期間也沒有額外收費，簡簡單單的吃個午餐，倒是可以的。