上海榮華川菜館

营业中

休息中

我最鍾意黎呢間食三鮮煨麵同三鮮湯年糕. 好好味.三鮮煨麵有蝦, 雞肉同火腿, 仲有好多菜. 都幾健康的.三鮮湯年糕一碗就夠晒飽, 唔洗食其他野.有次要左個酸辣湯, 名不虛傳, 正! 辣得黎唔會搞到變孖"潤"腸, 料又夠足.獅子頭隔離哥d菜唔會煮到出面咁十成熟, 得八九成熟, 似返條青菜, Good!!!不過試過淨上海雲吞, 個湯稍鹹, 唔係咁好味.亦試過蝦仁炒蛋, 都係鹹得滯.環境: 對一間三十年老字號黎講已經好企理.服務: 員工都好有禮, 個呀姐同個收銀老細都有禮貌. 亦唔會好熱情咁煩住.

是日休假，心想不如也找有空的食友來個午聚，就短時間內約好MM兄及大惡男，來這間上海小店吃餐即興到唔即興的午飯。一時左右來到，惡男已經在等緊，意外地還霸了一張大檯，不知他有否「撻朵」。要試一間上海菜館好不好很容易，單試普通的幾味已可見真章，就只簡單的叫了酸辣湯、紅燒獅子頭、回窩肉、鍋貼及小籠包各一客，及當然還有MM嫂的特別推介~魚香茄子。先來客飯的湯，原以為只是普通的例湯，原來是黃豆排骨湯，黃豆煲得腍，但湯有點點的味精，不過以例湯來說，已不錯；酸辣湯好對辦，材料豐富，有木耳絲、豆腐粒、肉絲、豬皮、筍等等，已叫了小辣，但都吃得出夠酸夠辣，如果叫加辣，一定更過癮。份量亦足夠，一人兩碗也分不完，這個酸辣湯，吃得過；幾個小菜都叫了客飯，菜色份量較少，正合想每樣試試的本人。紅燒獅子頭是真正的紅燒，豬肉團鬆軟又有肉味，味道亦足，可惜茨汁太重，是要在碗內隔了一輪才可以吃。不過如果不介意茨汁的話，這個菜是不錯的；回窩肉味道不錯，豆醬炒得香，如果可以再辣一點點就更香口。肉片多廋少肥，略不足，肥肉的部份不夠爽口，始終客飯的菜色，幾難如自己煮般去做風乾這一步，已及格；魚香茄子果然不錯，茄子拖過油再配上用麵醬炒

25-11-2005 1941一個人不開心時，除了和朋友傾訴，去到有咁耐車程兼有咁遠得咁遠去食野，都係一個好辦法。是日搭了架長途隧巴，去到總站再行上去，幾個月前到過隔離的雲南菜館，地點不難找到，由於只是一條友，只係點了傳統擔擔麵勁辣版及煎鍋貼。擔擔麵裡的麵，浸在湯裡一段時間都沒有明顯淋到食唔落口，花生醬及辣度加多幾錢肉緊會更加好，不過唯一敗筆係湯與辣油及花生醬不能溶為一體。反觀鍋貼本質就不錯，皮薄饀唔算多，但即叫即做，肉汁也不少，是值得一叫的菜式。兩味夾埋只係40蚊，係肚裡的氣乜都燒曬啦，之後還第1次行APM，總括來講: nothing special。

放工同男去左呢間小菜館食飯，間野位置都幾隱敝下架，唔係睇<<開飯喇>>網介紹都唔發現。間野門面雖然幾簡陋，衛生環境又差左少少。但d食物水準同服務態度真係唔錯啊，令人印象深刻。傳聞中既嬸嬸真係成日幫你斟茶加水，凍左仲俾過杯熱既你添，個個都好好禮貌。第一次黎，唔敢冒險敢亂點菜，所以嗌左人人都讚既酸辣湯($30)，哇!!!很足料!!! 根本唔係湯咁簡單，湯料足以食飽你。味道很濃，材料好豐富，豬肚豬皮豆付木耳絲，色澤好靚好吸引，天氣凍凍地黎一窩微辣既酸辣湯，感覺真係暖笠笠。我地又試左擔擔麵($20)，哇! 見到碗麵，第一感覺係，制作認真，好多花生粒葱花伴麵線，平時一般巿面食到既，都係汁稀伴料少。但呢度好唔同，正宗風味。麵線隨隨入口，陣陣花生香氣樸鼻湧上，再細細咀嚼花生粒，呢d先叫擔擔麵。不過，奉勸2人share一碗，始終花生醬伴麵，食多容易膩….都係少食多滋味好! 呢度咁多好菜式，留番quota試其他咪仲好^^事前知道<<開飯喇>>個個都話值得一試既銀絲卷($9)，試過都會同意大家睇法! 記住點都要試下!!! 最鐘意佢地提供既係自

上星期放假,同男友去apm睇戲,順道一試傳說中幾好的上海菜館。去到時間尚早,只是下午6時。菜館內播着五、六十年代的懷舊歌,我覺得幾好聽,比男友笑我老套。點了酸辣湯(加辣)、醉雞、銀芽鱔糊、兩碗白飯及豆沙窩餅。老闆重送左兩碗八寶茶給我們。知道酸辣湯要叫加辣才夠辣,老闆十分識做,真正的又酸辣,幾正宗。上桌十分大窩,對兩個人來說是太多了。材料十足,有木耳、豬皮、豬肚、豆腐、紅蘿白絲等,我們每人喝了三小碗也喝不完,要打包帶走。醉雞份量亦十足,有香醇的花雕味,雞肉滑,唯我覺得咸了少許，男友則認為剛剛好。銀芽鱔糊的汁送飯好正,太肥膩。鱔份量都幾多,幾新鮮爽口。原本見新鮮蒸好的銀絲卷熱辣辣,想叫多一個,不過餸菜太多怕浪費,最後無叫。豆沙窩餅味道一般,似返叮貨色。餅皮太厚又溜,可以不試。八寶茶是用茶盅的,內有菊花、杞子等,十分清潤,味道有點似源記的桑寄生茶,多了點菊花香。喝完還想再喝!食到飽飽,只是$150,十分抵食。內裹環境幾乾淨光猛,又有音樂,可以休休閒閒的吃飯。店主還養了兩隻小貓,不怕人的走來走去,好寫意!

我住在觀塘幾年，都沒食個呢間菜館．今晚就同老媽子黎食，２個人點左，酸辣湯，吾錯，唔係好辣．擔擔麵，上海粗炒，一客窩貼，獅子頭,一定要叫既銀絲卷，係用自己整的花生醬，同外面上海舖唔同，好好味．２個人食到勁飽都係　＄１４０多d,服務：阿嬸嬸不停為你加茶，係地方細d. 家庭式經營　OK 啦，你鍾想點

咁岩今日要去官塘，又咁岩早兩日見食評介紹，就專豋安排同fd黎試下．我地點左：1)酸辣湯--> 酸辣度平衝得吾錯，豆腐仲好滑添2)紅油抄手--> 麻麻地，無紅油香味，只有鹹字3)鍋貼--> 真係即叫即整，因為我地食完以上食物先黎．但底不香脆，亦是普通之作．禮貌嬸嬸無幫我地添茶，仲要叫都無埋．另外仲有一個應該係老闆娘，面色太黑，就不宜於樓面幫手，同大家之前講服務全部吾見哂．但唯一千真萬確既係真係好抵食，點了三道菜都只係七十幾蚊，同埋好多一家大細黎開飯，外賣不絕咁啦．但我相信吾會黎第二次啦．

男友o係牛頭角返工,叫我諗去邊食飯,於是我就上黎睇一睇,咁岩介紹依度,所以就拉左男友一齊試。食左個南京牛肉麵($2x),d牛肉幾好,麵都香,不過有d咸,d菜就唔係洗得好乾淨,有d味。小籠包、鍋貼,好一般。炸銀絲卷($9),好好味。好熱,又軟,加埋d麻醬真係一流。下次一定要再試。

同幾位姊妹由酸辣麵講起, 講到想食上海野, 再到版頭的擔擔麵, 講到自己執起個袋就一支箭去食埋午餐, 果然係一隻火星獅子. 裡頭是一般上海舊式店子的格局, 午飯時間人唔算多. 店內播著令人放鬆的老旋律, 感覺好悠閒, 連獅子都要乖乖地坐定定. 阿姐幾親切, 好快手就拿了一杯熱茶和一碗熱水來. 熱水是給我洗碗的, 估唔到呢度都幾細心. 一個人胃口所限, 叫了一個擔擔麵和一客窩貼. 擔擔麵帶點酸味, 吃第一口時以為搞錯了, 再吃都總是覺得怪怪. 還是比較喜歡上次在詠黎園的. 花生和蔥都唔少, 蔥有香味, 花生都香, 但麵裡頭的花生味再多d就好啦.麵是扁扁幼幼的一種, 質地唔算好夠咬口亦唔算太腍. 但就覺得如果只吃一碗麵, 可以話只得7,8成飽. 應該夠, 但唔滿足. 把麵吃完, 等了一會窩貼才上. 是剛煎起的, 也像是真的生煎. 窩貼底金金黃黃, 看起來煎得乾身, 好吸引. 不過再看看窩貼身就看到唔少油. 見到5隻肥肥大大的窩貼, 真的有點擔心吃不完, 阿姐叫我吃不完包走就不怕浪費. 窩貼肉味唔係好濃, 可能味精都少一些, 不過味道就唔係好特出, 普普通通咁啦.總括呢餐, 食物一般, 招

琴晚要去apm 睇戲之前當然要醫下肚但apm又多人又唔知食乜好於是黎左呢度開餐兩個人食左砂窩雲吞雞,雞絲粉皮同擔擔麵砂窩雲吞雞($60)雞,雲吞,金華火腿同小棠菜,湯底味道好清甜,而d雞肉煮完都仍然幾滑,雲吞雖然唔係大大隻o個種,但饀料菜同肉都好平均,好好味,連朋友仔平時對食無乜要求既人都大讚雞絲粉皮($40)～只有粉皮同雞絲,但份量都好多下,花生醬汁另上,但係十分香濃,好味道,可惜係如果可以有埋青瓜絲會更perfect擔擔麵($20)～好香花生味,但比較下呢個就失色左d,麵質偏淋,但真係好大碗,好抵食本來想試下d客飯但食唔到咁多野唯有下次啦呢度環境麻麻好似舊式D上海舖咁比較簡陋但服務真係唔錯不停為你加茶又有禮貌有求必應不過由於係家庭式經營手腳比較慢要耐心D等佢出菜食緊時都有好多人黎買外賣

聽朋友講．．．哩間野好味．．．咁咪特登由柴灣去搵........最好食係個酸辣湯.....超掂呀......夠酸又夠辣....真係唔係太多地方食到又酸又辣呀...仲有個炸銀絲卷.....佢唔係用煉奶...而係用自己整的花生醬...好特別....真係直得一試呀........仲有三絲炒年糕呀.....一定要食.......下次一定要去再食呀！！！仲之一個字啦......"掂"

見有咁多人都話這菜館唔錯, 就同老婆2人去試試, 叫左個二人餐, 包括回鍋肉, 咕嚕魚塊,豆腐菜湯及加一籠小籠包.回鍋肉- 好多油及味道平平咕嚕魚塊- 我都未見過用"老麥魚柳包"o既魚柳做..我覺得佢o地完全唔掂...味道奇怪...豆腐菜湯- 普通本來一心想試試小籠包.., 點知等到我o地食完都咪o黎..後來先知漏o左單...最後都係取消左...真係食得好唔開心...

我平時一有空就會到處飲飲食食，剛好這星期要在觀塘工作，所以都在觀塘食飯。幾間上海鋪都試過，如這間上海榮華川菜館，我覺得也不是那麼差~~如雞絲粉皮，粉皮十分香及柔軟，不像出間D上海鋪又乾唔好食。到醉雞，酒味十分香及濃，都幾好食價錢便宜，又大碟，你想那裡會有?

就係因為呢到o既食評, 所以o黎試, 但係我o既經驗就極之唔掂!四個人叫左:醉雞...第一舊食落無酒味, 叫佢加酒. 第二舊試真d用 o既係雪雞,'鞋'口無雞味, 40蚊係好大碟, 不過 唔好食! 雞絲粉皮...好似又係40蚊, 不過太少料, 唔抵食, 反 而個麻醬用小碗另上, 食完個麻醬仲有剩!紅油抄手...唔辣改良擔擔麵...都知道家家o既擔擔麵做法都唔同, 呢到 o既有酸味, 改良擔擔麵應該料會多d, 又 唔覺喎, 只可以講我唔鐘意呢家o既做法.呢間應該唔會有下次

阿媽好鍾意li度d酸辣湯…次次黎都一定叫gei…通常都係落黎食dinner…例牌必叫酸辣湯…另外再搭其他…好似上海粗炒,砂鍋雲吞雞,客飯,小籠飽,銀絲卷…等等…我自己就比較鍾意個回鍋肉la…好香好惹味…送飯至o岩…而阿爸就鍾意食魚…所以好多時都叫鱔糊…三個人次次食到勁飽都係100蚊多d…超抵食…