上海榮華川菜館

营业中

休息中

見到咁多人讚,就去了試食.真係好平,但是味道很一般.酸辣湯,只係得個辣字.小籠包,皮很厚.服務不錯.

尋日食完好掛住, 今日又忍唔住去食擔擔面同銀絲卷依舊好勁好食酸辣湯就唔太好, 辣左少少又唔酸紅油抄手都唔太好食, 怪怪的老細好好人~下次想試客飯~

叫左擔擔面, 小籠飽, 炸銀絲卷, 餃子擔擔面: 好好食, 有d花生碎增加口感, d汁好香的花生醬呆但又唔會太濃小籠飽: 好大籠, d汁都算多, 熱騰騰的一口一個餃子: 雖然即叫即炸但唔覺得特別好食炸銀絲卷: 個面好脆, 內裡的面飽一d都唔鞋口, 好滑好軟熟, 正~埋單30, 抵!!!

和朋友說起，不如找日一起來食，早前大家有空，就約好日子來食了。我們叫了兩窩酸辣湯、時菜獅子頭、糖醋魚塊、雞絲粉皮、醉雞、回窩肉和水餃。兩窩酸辣湯- 一個正常辣，一個大辣；酸酸甜甜，幾好飲，幾開胃；大辣那窩，只試了少少，又真係幾辣。糖醋魚塊- 魚塊是炸過的，雖然幾脆口，但和醬汁完全唔配合，感覺麻麻。雞絲粉皮- 粉皮很滑口，又煙韌，加上麻醬，又真係幾好味。醉雞- 相信唔新鮮，沒有什麼雞味，又比較上韌，只有酒香味，唔多得。回窩肉- 一味很辣的菜，豬肉給辣味完全蓋過了，普通啦！水餃- 皮唔算厚，肉質都算唔錯，一般啦。食物比上次差了點，但價錢又真係幾平，不可要求太高吧。

知道自己今晚要到觀塘辦點公事,心裡己諗定今晚一定要來試試這兒的上海菜,果然冇令我失望.......好味!叫了$95套餐:回鍋肉,蒜泥白肉,酸辣湯,白飯x2,再加小籠包,可樂一支.每樣餸菜都好好味,特別係個酸辣湯,好多料,又唔會"杰踼踼",真係好正.年青及中年伙計知道我們第一次幫趁都好好服務,雖然門口有很多人等位,但佢地都沒有催我地食快d,仲送百寶茶比我地,叫我地慢慢飲,感覺好warm呀!見好多人臨走都買走菜肉飽(沒有堂食),咁我都買左$10(有6個),原來好大個架,返屋企蒸左個黎食,好正,d皮好鬆軟,又冇肥豬肉,一流,大家下次都買黎試下.

同傻鬼就"arm"時間一起食個午餐. 2個人胃口不大叫左個雞絲粉皮及酸辣湯水餃.雞絲粉皮(花生醬另上) - 對於不太喜歡花生醬既朋友來講就唔錯. 粉皮就唔錯啦, 不過成碟野比較油及個花生醬唔係咁好味.酸辣湯水餃- 有5粒水餃. 個湯唔夠酸及辣. 不過傻鬼就話辣...而且仲話d水餃肉好有鮮肉味. 老實我唔係好識欣賞此店既食物, 同埋一碟粉皮要成40元都算幾貴架.

琴晚收工黎食飯叫左酸辣湯水餃($27),雞絲粉皮($40),獅子頭客飯($28)酸辣湯水餃～酸辣湯酸辣好平均,料足,唔太杰又唔太稀,幾好,但可惜我同朋友仔唔多食得辣,最後都食剩少少;一客有五粒既水餃係白菜豬肉,菜肉一半一半,唔多肥肉,幾好!雞絲粉皮～仍然係我既最愛,可惜無青瓜絲平衡下,幸好麻醬味仍然好夠濃,粉皮煙韌又滑,好味道,食完d粉皮忍唔住用d醬黎撈晒成碗飯獅子頭客飯～一客包兩個飯,一碗湯同一碟有一個肉團併菜既"送",湯太油無飲,肉團夠鬆軟又唔多肥肉,汁杰左少少但帶有少少淅醋味,幾開胃,不過如果可以貴多幾蚊唔俾湯有多一個肉團仲正!最後因為太辣要多一杯豆漿外賣同一枝汽水(加埋12蚊)豆漿有豆味又唔太甜ok啦!真係好抵食!不過黎食唔可以期望有咩好環境服務好哥仔有禮貌又會問你食物既意見有求必應又上菜快抵讚!!

20060312 1530久聞這間榮華的上海菜出名,雖然個"朶"唔及另一同名食肆響,但我對佢有興趣多o的!店子有三十年歷史,話係老字號又好似未夠資格,但可以屹立三十年一定有其吸引之處.同老婆兩口子食個late lunch, 叫左三味:酸辣湯($30) - 非常好味而且超大碗,我諗有四人份量!材料包括豬肚,豬皮,木耳,豆腐及蛋等.味道方面調配得宜,酸及辣非常平衡.擔擔麵($20) - 又係幾大碗,幼麵底,面頭灑上蔥粒及花生碎,再淋上花生醬及麻醬,記緊要趁熱食,熱o既時候會香口好多!菜肉雲吞($22) - 一碗八隻,豬肉餡用半肥瘦,食落o的豬肉零舍滑及香!服務方面好有家庭feel,各人都很有禮及很有耐性講解各類食物,包括煮法及材料.整體非常滿意,加一杯豆漿埋單都係$77,抵食!

再去榮華食飯６個人，叫了兩個３人餐有東坡肉，是甜甜的，也不太油膩，挺美味～炒三鮮，是蝦，火腿和肉時菜獅子頭，同茶樓ｄ沒大分別，得兩粒，每粒要三個人分，都幾難攪！當然仲有三粒冬菇，幾條菜蒜泥白肉，唔係熱的，原來係一ｄ肉片，上面有好多蒜蓉，蔥，辣椒醬，要自己用肉片包來食，好辣呀～雞絲粉皮，凍食的，粉皮透透地明，好滑，唔知用咩做的，不過無味的，溝埋ｄ唔知係花生醬還是麻醬來吃，粉皮同ｄ醬都好滑，都好好味～茄子煲，好熱好熱，好濃味，好油，另外叫了小籠包，有８隻，即蒸，好熱，不過唔係一咬就爆湯果種酸辣湯，有木耳、豆腐、肉絲、豬皮、筍、豬肚，材料豐富，不過好似上一次仲多料ｄ，比唯一麵家的稀，辣到流鼻水，每人一碗仲有剩加＄２０將其中一個湯轉雲吞雞，有雲吞５粒，雲吞皮滑，湯也好味最後當然有奇妙的八寶茶，飲極都咁甜，懷疑有人從水中已加料，所以加“水”加幾多次都咁甜！(講笑)雖然食物來得慢，食哂一碟先上第二碟，又唔跟次序，不過服務態度好好，個個都好好禮貌，況且一眼睇哂佢得咁多人手，家庭式經營，你仲想點？由於人客太多，食完都急急離開！

今晚同女朋友第一次去，食左醉雞、酸辣湯及蒜泥白肉。最好食係醉雞，入味又唔會好肥又大份。服務態度非常好，裝修一般及乾淨。又有八寶茶比你飲作一餐\的完結，很好。我女朋友說"以後要多d黎。"

見到食評講呢間上海食店唔錯,於是約埋另外2個朋友試下,終於昨晚就食左喇.店子細細但都算幾乾淨,店員個個都幾好禮貌,其中一個後生仔仲成日講住'唔好意思''請等等'同檯有位女仕因杯茶有些塵係杯面要佢換過另一杯佢都好nice及雙手奉上添,認真好禮貌.講番我地食既野.鍋貼--我地叫細既$20/5隻(大既$29/8隻),正如其他食家所講好味,煎得好香口熱辣辣(我覺得的餡係帶少許辣,若唔辣仲好呀),小籠包--有8隻,餡料其實同鍋貼一樣,都okay好味,上海粗炒--麵是夠口感但沒有麵粉香味,普通.本來想再叫其他食物但我們3人都不太餓,唯有再約下次試其他菜式.總括來講這裡價錢不貴,食味okay,服務好好,值得再來.因為朋友請呢餐所以我唔知總共食了多少錢.p.s.這裡的清茶好好味,我地飲左好多.

星期日約了朋友出來食晚飯，想起KC兄最近寫過這裏的食評幾好，便來一試。我們叫了一個套餐，另加了一些少菜；包括有回窩肉、時菜獅子頭、魚香茄子、香煎窩貼、菜肉雲吞和酸辣湯。酸辣湯- 唔會好辣，酸味令食欲大開，作為餐前湯是一個唔錯的決定回窩肉- 有點辣，味道都幾好，肉質唔會韌，送飯一流。。時菜獅子頭- 獅子頭的肉質都幾好，又幾大舊，但得二粒，就少了；時菜就比較普通。魚香茄子- 茄子煮得好腍，很入味，味道也很好；只可惜太多油，感覺上就唔多好了。香煎窩貼- 煎得剛剛好，唔會太濃又好脆，內裏的肉也很好味，值得一試。菜肉雲吞- 真係皮薄餡靚，每人食得一粒，真係有唔夠喉。這裏的食物真係唔錯，而且也很好味，可惜人少，只食得幾味，希望下次找多一點人來，可以好好食返餐。

晚上八時半左右到達, 雖然店子略舊, 但感覺依然是整潔的.坐下了便跟朋友想想吃甚麼好, 一打開餐牌就看見到這店已經營了三十年, 但從小也住在觀塘的我卻從未來過這裡吃飯...我們點了雞絲粉皮, 蒜泥白肉, 酸辣湯及煎鍋貼~酸辣湯, 很足料, 份量也十分大..對於我們來說是太多了, 但真的很美味, 酸辣味也很足, 而且絕對不會是其他店子般的稀雞絲粉皮, 也十分美味, 花生醬是很滑也很濃, 上檯的時候沒有灑上芝麻, 但侍應哥哥立即就發現了, 亦向我們說不好意思, 實在很有禮貌呢~蒜泥白肉, 不夠薄身, 我比較喜歡旁邊雲南風味那一種~煎鍋貼, 十分可口, 而且份量也很巨...我們真的眼闊肚窄, 盡力地吃也吃剩了一些, 最尾老闆(!?) 為我們送上八寶茶, 我十分喜歡呢, 甜甜的, 有菊花清香, 但我朋友卻說"不是我杯茶", 但我卻是十分欣賞的~服務是十分的好, 吃完還問我們酸辣湯和蒜泥白肉會否太辣, 又問我們的意見, 更為我添了茶呢~店內兩隻貓貓到處的走, 也為這間老字號帶來朝氣=)

一家要試擔擔麵, 好有花生香呀!!!老闆同伙計(我諗係老闆既仔)都好有禮貌~

今日中午到公司餐廳，見排長龍，是日午餐亦不太合心水，故相約同事到上海榮華一試。同事來過一次，本人就未嘗過此店手勢。叫左兩過小菜客飯，紅燒牛腩，回鍋肉。回鍋肉係我的至愛之一，雖然食肥肉不太健康，但肉切得夠簿，入口亦不覺太油。夠惹味，是必試菜之一。紅燒牛腩中規中距，可以入口。可惜在只得兩人，不能試太多菜。