上海榮華川菜館

营业中

休息中

見過openrice有咁多食評都話正,咁咪去試下囉!! 去度差唔多9點都好多人。2個人叫左個2人餐: 王炒鱔糊, 奶油津白, 酸辣湯同紅油炒手炒鱔糊- 都ok既, 冇乜鯹味奶油津白- 好creamy, 但敗筆加左火腿而唔係雲腿, 頓時失色不少酸辣湯- 辣度同酸度都ok, 不過冇乜料, 好似淨飲湯咁紅油炒手- 唔得, 完全冇蒜味個餐仲送左2杯八寶茶, 正想飲之際, 發現其中一杯杯蓋上面有蟻, 好嘔心!!!!

和男朋友試, 叫2人套餐\\\, 酸辣湯好味, 回窩肉都好, 但我嫌多油d,醉雞反而唔係好好, 唔夠滑.總括,呢個價錢,係抵食既,係逼d 囉, 食完要走.不過杯八寶茶好味道

好彩對觀塘d路都熟~無行左路一間舊式上海川菜館~今日同左好姊妹黎食~叫左擔擔麵小籠包炸銀絲卷擔擔麵好香花生味~~d湯汁好濃!好味~d麫亦爽口~夾埋d湯好好食小籠包都好好食~d肉好食之餘湯汁都好好味~真係皮薄涵靓~!炸銀絲卷~呢個真係普通左d~但抵law另外叫左八寶茶~都好唔錯~清心~

吃完肥叉及野雞卷後，幾膩，反正就近觀塘，順道度這裡喝碗清涼的八寶茶。或許本幫菜太濃太膩，吃完一頓飯後，總會喝碗八寶茶清熱解滯。不同地方有著不同配方，這裡最特別的是加了胖大碗，據說有清熱之用，無味之物，貌似海綿，像嚼軟腍的竹笙，配上杞子、菊花．．．清香解滯，喝時亦有技巧，碟連杯揭蓋來喝，不會弄茶盅的話還是乖乖的開蓋喝，不然茶瀉滿檯，狼狽。

25號晚, 同老婆去, 先叫小籠飽, 跟住見人地d 鍋貼同酸辣湯好似幾好味, 跟住叫, 最後加多個醉雞.小籠唔係宜家出面o個隻湯飽, 唔好期望好多湯, 佢地應該係南翔小籠, 肉味好夠.鍋貼d 汁就多d, 好味. 酸辣湯得幾得.最後黎個醉雞, 可能出面食開d 醉雞係冰凍既, 佢地就係暖暖地. 但係d 酒香就好正, 想飲晒tim.之後睇番呢度d comment, 個個都推介回鍋肉, 下次再去試下至得.

其實依間野開0左at least 有12年,我細細個住kt時有去過幾次..不過覺得0個時係旺角的美味齋好食d....依家過0左咁多年..d人係OR寫到佢咁好,等我又試下先.今晚黎0左..兩個人叫0左:1.炒鱔糊客飯,幾好,個味唔太喊,個魚新鮮,汁唔太"傑"2.炸銀絲卷,都OK,唔夠黃大仙的詠黎園好,不過佢係即炸的,個面脆,個包軟,不過唔夠一絲絲.3.咸肉豆腐湯,唔得,因為豆腐冇乜豆味,個咸肉好鞋口,冇喊香.失望.4.酸辣湯雲TUN,個湯係OK的,個料好足,不過D雲TUN唔好味><,食淨好多.5.個客飯有例湯的,是日係黃豆朱骨湯,好清,冇味精.

果然「口碑」勝過賣廣告！一間好吃的上海菜館。我被幾位朋友介紹一齊到這間上海小店吃晚飯，雖然在openrice裡面都好出名。本來以為沒什麼特別，但入完去食過野後，就改變左個想法。出色的家庭式上海菜館！我一定要推介一下他們的「八寶茶」！這晚三個人食左：回窩肉時菜獅子頭醉雞酸辣湯小籠飽奶油津白回窩肉好好味，老闆都講這是他們的招牌菜，味道香而濃，又唔會覺得肥，回味無窮！獅子頭是一些小棠菜加豬肉球，D菜不會炒得過火而肉球有好香的酒香味，清得來又幾好食。到醉雞，他們用花雕酒作調味，加上隻雞都幾新鮮。小籠飽，他們所著重的不是多唔多汁，而是肉的鮮味。這店就做到這點。好啦，食完野準備埋單之際，小夥計向我們送上八寶茶，原來我們食的三人套餐會在餐後送上八寶茶！三個人每人一盅，幾有feel!向大家重點推介這八寶茶！這花茶共有八種材料，裡面有龍井茶、菊花、胖大海、紅棗、杞子、蓮子蕊、龍眼肉和果皮。飲落甜甜地又幾香茶味，男女老少都飲得，好好！到現在重好掛住果種味道！一定要請家人再來食。

終於下定決心來到這裡吃飯了!!!!!!!! =""=++6月4日的lunch跟巨毛+ ks一起吃=v=我們叫了:::::::1. 擔擔麵2. 回窩肉客飯3. 小籠包4. 豆沙窩餅5. 窩貼6. 炸銀絲卷擔擔麵的麵軟軟的,, 蠻好吃＝ｗ＝雖然花生味不及西門町的濃,, 可是很不錯喔~~~~回窩肉客飯有一湯兩白飯~湯是黃豆湯,, 普普通通啦----至於回窩肉是有一點spicy的,,令人覺得很開胃咧配上白飯真的可以吃不少喔~ks跟巨毛都覺得這道菜是最好吃的＞ｖ＜小籠包也是很不錯~皮的厚度剛剛好,,裡面的肉很入味~不過個人覺得湯再多一點就好了咩]]]]]] = =+豆沙窩餅跟我想像中有點不同..它的外皮是炸的,, 然後裡面包有豆沙窩餅這樣]]]這個沒有什麼特別的說__________窩貼也是沒什麼突出的地方=p不過它們大大隻的,, 看了感覺良好最後是炸銀絲卷..即使點上了花生醬,,感覺仍是soso =""""""=下次不會再叫這個的啦= =+服務很好,,staff們都常常加茶,, 而且態度很好and 菜很快就來到了＝ｖ＝環境就一般啦]]]已經比我想像中好的啦~~因為它在街市中,,,

又係睇開飯黎食o既^^ 開頭落到觀塘唔記得左街名, 搵左成半粒鐘先去到, 不過其實只係係街市附近, 好易去o既咋~ 入到去係間好傳統o既舊式鋪頭, 有套餐叫o既,不過我都係選擇淨叫, 叫左個推介回窩肉+ 酸辣湯水餃( 因為又想飲酸辣湯又想食水餃, 但驚各叫一份又食唔哂, 發現呢個兩樣都有,so即叫) + 排骨擔擔面+ 3杯豆漿回窩肉: 嘩, 真係必食, 好好味, 未試過食咁好食o既回窩肉, 坊間個d偷工減料多, 無咩味道, 但呢個就唔同, 又夠味, 又多椰菜( 小女子好鍾意食椰菜, 岩哂口味^^ ), 白腩肉又唔覺肥膩, 正!! 酸辣湯水餃: 勁多料, 咩都有,有豬肚+ 肉絲+ 木耳絲+ 豬皮+ 紅蘿蔔絲, 樣樣都好大件咁, 足料, 而且辣+ 酸岩岩好( 小女子平時食野好鍾意落好多調味, 但呢個係我第1次食酸辣湯而咩都唔駛再落, eg, 胡椒粉+ 醋都唔駛落, 已經好好味^^ ) , d水餃個皮係厚左少少, 但都接受到, 不過佢入面包住o既餡就好好味啦, 仲有d彊汁係流出黎, 好特別!! 排骨擔擔面: 排骨好特別, 好重咖哩味, OK !! 擔擔面好香, 唔膩, 坊間個d多數勁落花生醬

家中的寶寶想食小籠包,於是帶她來這裡,但只有2個人,所以不能叫太多款式.叫了一客小籠包,一客5隻鍋貼和一個素菜炒麵.其實小籠包和鍋貼既餡應該係一樣,就連調味都十分相似,這次略嫌稍咸,若店家看到此食評,希望能減少鹽和肉既份量,多加一些菜就最好不過了.至於素菜炒麵,配菜係有些小唐菜,王芽白,草菇和冬菇,當中冬菇的味很香,炒麵送來時覺得份量好像不多,但2個人食卻又夠飽.寶寶很滿意這餐,她還說下次要叫多些人一齊來晚飯,因為可以食她喜歡既醉雞,擔擔麵同炒年糕嘛.只要寶寶開心,做女既都儘量滿足要求啦!

順便一提，"醉雞"最正，d黃酒好入味...本人最憎食雪雞(冰鮮雞)都難以接受，所以在街外吃飯極少點雞肉，但點解呢度d醉雞咁有肉味既? 唔通佢用新鮮雞??? (如果係，在今時今日活雞咁貴的日子，佢點"維皮" 呢?)也極之喜歡八寶茶...是我光顧的重要因素(千祈唔好俾佢失傳呀!)我家住在港島東，但每隔一兩個禮拜就會不辭勞苦坐地鐵到觀塘站再行到這裏食飯。

由於工作於九龍灣.~經常想搵下觀塘有咩好食，放工可以同臭野先生去野，上網比我搵倒呢間野。結果早兩日就去試左啦!!好彩早去左有car位坐，唔係要同人坐呀。但服務唔多得，雖然好有禮貌，但等左佢地好耐都冇拎過餐牌比我地呀!!要我地自己去拎囉!!但個學生哥真係好有禮貌好少可呀!!2個人，叫左2個餐，其實味道真係唔錯，但獅子頭就麻麻地。可能我唔like個味啦~但咁既價錢真係好值得去試呀!!我下次會繼續去試呀!!正正

忽然好掛住呢到d擔擔面同炸銀絲卷,番完學就1個人過左黎食叫左1碗擔擔面,1條炸銀絲卷同1杯豆漿擔擔面加左辣,依然好味,雖然配料只有蔥粒同花生碎,但已經好有咬口,花生醬同麻醬都足夠,但今次食好似唔多夠辣,但d面就算浸係湯一陣都無淋到,好叫炸銀絲卷,但黎左蒸銀絲卷,亞姐原條再拎番入廚房炸,因為之前條蒸銀絲卷已切開左,所以再拎去炸就炸到入面都脆曬,雖然條銀絲卷依然外脆內軟,入面部份更加入口即溶,但今次真係炸得過左火黎過咁多次都未食過d客飯,下次試下先~

好多年前食過一次,滋味仲好深刻,之後因為不就腳就漸漸忘記左呢間老店鋪;今日睇到食評先記返起多年前的美食回憶,特登同朋友一行三人去試,都幾多人下~等左五木台先到我地,不過無所謂啦~~ 都只係等左幾個字;叫左個三人餐,另加小籠包同豆漿;酸辣湯夠惹味,足料又不會過辣,不過要趁熱飯,如果唔係好快出水,夏天飲又別有一番味!!時菜獅子球味道唔錯,清清地,本來唔鐘意食獅子球ge我都食左好多舊!! 糖醋魚塊就有d失望,竟然係用雪藏炸魚柳??好似求其左d喎...唔係太好食...因為唔夾上海菜....敗筆...我地都食剩好多...有d 浪費....下次寧願叫排骨;小籠包必食!!夠多汁又夠香!!! 都算皮薄肉嫩!!!好想叫多籠!! 豆沙窩餅都幾香同無油!!我最驚d超多油同豆沙多到瀉的...好漏....好彩佢都冇!!!可以一試!! 最衰我地太飽,所以都食唔哂~~side料!!不得不提個杯八寶茶!!!!好正!!!食到油油地飽飽地嘆表咁甜八寶茶實在爽!!!老細唸得好周到喎!!!同埋杯茶真係幾好飲,好想問老細可否加水沖多杯~haha另外,服務好好!!!值得一讚!!埋單都係百五到..抵到爛!!!!相比d得個裝修靚又唔

感謝狀我們【上海榮華川菜館】仝人每時每刻都在雕琢著我們每道菜式的色、香、味，及已成為本店仝人體會敬業樂業的精神與樂趣。而感謝光臨之貴賓，專程貴達本店，品嘗本店粗餚之餘，並將意見經歷於網上留言，留下讚賞的回憶，及與網友分享享受的難忘經歷，令本店仝人感到欣慰及感謝，並會繼續努力。留言中亦有提點到本店之處，本店仝人同樣感謝貴賓之寶貴意見。我們在乎您們的意見，您的提點將將成為本店仝人改進的目標及與時亦進之動力。有您們欣賞、提點、支持，本店仝人一定讓每度菜式做得更加出色，與您共享。此致 （上海）榮華川菜館